邁爵斯 (福華街)

营业中

休息中

環境及衛生 劣,注重衛生嘅人勿入環境方面一啲都唔近地鐵站喺,深水埗同太子中間, 地鐵站行過去可能都要10分鐘，就算行到過去都可能見到門口有好多人排緊隊，你都未必想食。餐具,杯,水,全部都係以自助形式,不過店舖衛生真係麻麻,餐具洗得唔乾淨,水杯好似有層油如果你好講求衛生嘅真係可以唔洗黎｡食物 糧尾價,大份抵食唔好期望有星級嘅水準,但係以價錢同份量黎講真係喺香港睇怕都搵唔到有第二家有哩個質素｡叫完一個意粉之後喺可以打包做兩日先食得哂｡我最中意食佢個個趣味薯角,炸得外脆內嫩再加上表面淋上啲蜜糖,真係諗起都要吞口水｡服務以食物嘅價錢黎講又真係好難講求服務質素噶,雖然大部份嘅嘢都係要自助,但係店員嘅服務態度真係差,特別係收銀果兩個女仔,除左黑口黑面之外佢地嘅語氣真係好似我欠佢錢咁。

聽到人話幾好食所以去試下，點知入到去d枱都無乜點抹，仲好多野飛尼飛去。但本身店員唔多所以無所謂，叫完野食尼左之後，一摸個盤超級黏全部都係油，再望真個盤好似無洗過敢，完全入面裏面全部都係油污垢，好嘔心。唔會再幫襯而佢另外d薯角的確係好多，但係好油好hea，整熱左就比你食，蛋沙律都係最後係面加沙律醬。成個餐都好hea但係當時入面唔係好多人好多客。不過值得一提既係個飲品都算係敢大大杯同都有味唔假。不過都要加十幾蚊先有。總而言之怕食完肚痛

呢間店我由佢剛開業就一直支持到依家，睇住佢慢慢愈來愈多人幫襯，仲出現人龍潮。雖然係甘，但佢都仍然無加價，為食客提供抵食又大碟既意粉!個人黎講，我最推介係蒜香炒蜆肉意粉，佢落左好好蒜同欖油去炒，夠晒香，岩晒鍾意食蒜既朋友。鍾意番茄既朋友，可以試下番茄煙肉意粉，同樣都好juicy,好夠茄味二款意粉雖然係意粉入面最平，35蚊一碟，但我本人就覺得呢2個最好味。除左意粉之外，粗直薯條都係必點，即叫即炸，又新鮮，份量又多! 飲唔方面，推介青瓜檸檬梳打，味道夠晒特別又易入口!

11:00開舖，當日大概12點半左右去到舖頭，入面已經客人滿滿。- 有少少半自助形式，睇完menu要先比錢，自取餐具，再埋位等上菜。當日叫咗：$38卡邦尼意粉🍝$23脆炸魚手指🐟（5條）$19脆炸薯條🍟 （*價格或有變動，呢個係4月嘅價）-🔸卡邦尼意粉真係好大兜，一碟就夠曬兩個人嘅份量🤤（隔黎枱5個人叫咗3款最後都搞唔掂😂😂）呢個意粉嘅味道亦都足夠，食過呢間，先知白汁可以咁濃郁🙈。🔹另外仲要推介即炸粗薯條🍟🤤，每條都外脆內軟，有口感，而且份量仲要係大大兜🤩粗薯愛好者必試😳-去開深水埗又唔知食咩可以試下呢間，除返開，性價比高，食物份量又飽肚😬-不過環境方面可能差少少，內裏枱櫈用盡每一個空間，略感擠迫。

因為實在幾抵食又大碟，都去過食幾次，每次都好多人等位，建議大家一係避開繁忙時段，一係買外賣。#香辣海鮮意粉 $47份量超對夠兩人食有突，微辣，意粉軟硬適中，炒急凍雜海鮮，但咁既價錢算係咁，仲要咁大碟意粉，調味料都炒得好均勻，抵讚#吞拿魚蛋沙律牛角酥 $56超多餡料，牛角包上台時仲係酥脆的，特別中意炸薯角食落特別有薯味。#脆炸手指魚 $23不過不失#藍莓乳酪特飲 (右) #熱情果柚子梳打(左)  $26食香脆又辣既野，自然好想飲凍野，價錢合理，都係sell 大份。

我都唔知點樣形容呢間嘢因為佢真係太抵食啦再加埋呢個食物質素我根本畀唔到任何負面嘅評價好，重點去講返間餐廳先呢日同兩個朋友就去咗食 我哋總共三個人食純粹就嗌咗芝士沙律牛角包 ，同埋香辣海鮮意粉 其實好老實講，我地三個人都食唔曬㗎 點解咁講呢因為佢嘅份量真係非常之大大家睇下張相就知啦 大膽啲講句作為個成年男子 我都冇信心可以一個人ko一碟呢度嘅意粉講返味道先 你唔好以為佢呢度淨係得大件夾抵食 其實佢嘅味道都係絕對唔差 我覺得係拍得住市面賣百幾蚊一碟意粉嘅餐廳唔講咁多，好期待下次又同朋友去食!

店舖位置有啲偏僻 但勝在夠平又大碟🤘🏻兩個人去可以一碟意粉再加一份小食已經好足夠！埋單都係每人$30左右 糧尾想食好西我會推介呢間😛.👉🏻香蒜白酒蜆肉炒意粉($35)意粉份量多到三個人先食得晒🤭意粉如果加多少少水去炒會更好～.蒜味好濃 蜆肉都有好多 但稍嫌白酒味道不足🤧.👉🏻趣味炸薯角($22)薯角炸到熱辣辣 好香好脆 外面搽左一層蜜糖 甜甜地幾好味🤤————————————————邁爵斯M.Y Majesty深水埗福華街15號地舖

朋友介紹話深水埗有間西餐好味又抵食今次就去證實下係咪真係咁好啦～去到餐廳有好多人係門口等緊位 我地差唔多等左大半個鐘 餓死之際 終於叫到我個號碼 感謝 🙏🏻蜆肉意粉黎到有d嚇親👀👁真係好好大碟 兩個人都食唔曬呀 分量大到足夠3個人食🤣🥢味道方面適中 意粉蒜味濃郁 蜆肉都有好多粒意粉比較乾身 濕返小小比較好我最想食就係碎蛋牛角酥配薯角 哩個份量係出面食個價錢應該都$60-70係哩到都係30幾蚊咋 ～牛角包都鬆化 淡淡牛油香 夾埋碎蛋真係一流呀 😍

同兩個朋友一齊嚟食lunch，揾嘅時候用咗啲時間，但都幾易見到。3個人叫咗1客意粉1客螺絲粉同1份魷魚圈，多到食唔晒🤦🏻‍♀️份量真係好多好抵食，仲有得任加芝士粉😂最好食係蕃茄意粉，有原塊蕃茄 唔係淨係得罐頭茄汁炒，而且茄汁有啲偏甜，夾埋煙肉同意粉好好食，汁量充足又唔會話太乾，每條意粉都有茄汁包住！白汁螺絲粉比想像中差咁啲，如果多啲白汁就更好。另外魷魚圈炸粉多咗啲，好吸油，同埋調味鹽灑得唔太均勻，有個別一兩舊真係好咸。

月尾未出糧要慳啲洗，一定去呢間食，因為真係好大份好抵食btw我之前已經食過好多次每次去都例牌叫一個小食2碟粉，今次叫咗個炸魚手指，味道不過不失，意粉叫咗香蒜白酒蜆肉炒意粉同香辣海鮮意粉，佢呢間特色係多蒜大份，味道冇得輸，我每次都食海鮮呢個，雖然份量大但好多汁唔會話冇味最後張圖要外賣走食唔曬

這間接近太子，地段有點偏僻，但大件夾抵食，吸引不少人光顧。雖然不少人排隊，不過都唔使等好耐，為減少人手，大部分都是自助的，包括，到櫃檯落單、取餐具、水和醬料等。卡邦尼亞意粉 - 超大份，是平常西餐廳的2-3倍，煙肉滿滿的，但汁就比平常的稀，不夠稠。芝士薯波 - 普通薯波內有不流心的車打芝士，有點失望。趣味薯角 - 有驚喜！薯角包上一層糖䊢，甜甜的，超好食，份量又多。意粉份量足夠share，但若然人數不多，建議選牛角包餐或墨西哥餅餐。

已經係第二次嚟食呢間餐廳食咗兩次都覺得呢間餐廳好！鬼！抵！食！未食過一間西餐廳嘅意粉$4-6x 但份量係咁多 平時可能一人叫一個pasta都唔夠飽要再叫多個小食先填得滿個胃但係呢間餐廳嘅意粉係講緊2-3個人先至食得曬 仲要價錢唔貴 叫多個小食可能都會食剩 要打包番去 一餐當兩餐用 所以簡直係窮人恩物上次試咗個香辣海鮮意粉 試咗幾款後覺得呢個係最好味既 夠香小辣海鮮都足料 非常抵食今次4個人嚟食 就叫咗2個意粉 分別係白酒蒜香蜆意粉$35 同雞肉沙嗲意粉$40 個人覺得雞肉沙嗲個味有啲似平時食開個種冷麵而白酒蒜香蜆個個就冇咩酒味得蒜味 比較清淡少少既我地仲有叫咗幾款小食 係趣味薯角$22 同 酥炸魷魚圈$30 薯角份量又係好多 上面有一層蜜糖 醬料就係自助 可以沾茄醬等等 而魷魚圈就有啲沙律醬係面 炸到個皮好厚 最後我地仲有加單叫咗個炸蝦 不過冇影到haha飲品都係不過不失 有啲甜 唔推薦朱古力類既飲料🥤 揀番梳打會好啲提番聲 呢間餐廳係自助既 無論飲水定拎碟都要自己搞掂 餐廳既座位都比較迫 出入好唔方便 同埋落單要比咗錢先 但以呢個價錢食到咁既質素同份量 都唔可以奢求太多野啦

朋友話想食意粉，於是同佢黎試下哩間傳聞中又平又正既邁爵斯。環境不錯的，座位唔少。水呀芝士粉呀都係self served，整體環境幾好。朋友話哩間店d意粉好大份，於是我地決定嗌一個卡邦尼亞意粉+一個炸魚手指，要唔係真係驚兩個女仔食唔曬(/ω＼)卡邦尼亞意粉（$38）一見到個意粉真係好suprise，原本以為$38叫做細細碟，性價比高極都唔會夠普通size。想不到竟然咁大份！突然明白點解朋友話唔可以叫兩個意粉了，性價比真係高到好驚喜。佢d醬係足夠既，又唔會話以為平就好稀或者好少。而且煙肉果d都好足夠！佢真係幾好食，而且又平！炸魚手指就冇影到相，但佢相比之下性價比冇咁高。不過都叫做唔錯既。總括而言，哩間邁爵斯d意粉又大碟又抵食，Cp值超高！有機會一定會返去試下其他意粉！

平時由太子行去深水埗都會經過一間唔起眼嘅意粉店 鋪頭細細 但成日外面排住好多人 見到餐牌有唔同嘅意粉同沙律 價錢都極大眾化 排咗15分鐘就入左去 鋪頭唔大只有大約30個位 最後入去坐低叫咗一個香辣海鮮意粉同芝士煙肉牛角包拼沙律菜呢個沙律菜配芝士煙肉牛角包 雖然牛角包唔係特別出色但勝在即叫即焗上碟時仲熱騰騰 沙律都係用一般沙律菜 但以咁嘅價錢絕對冇得投訴呢個香辣海鮮意粉 雖然外貌唔多討好 但分量好大足夠兩個細食嘅女仔食 就算一個男人食都好足夠 味道其實都好豐富 少少酸小小甜又有啲辣 層次絕對唔單薄 然後海鮮嘅份量都唔少 冇雪藏味 $47性價比極高 總括嚟講呢間餐廳性價比好高 絕對可以下次再食

同朋友出開深水埗，佢話有間出名超大份野食既舖頭，就同佢黎試下。去到既時候已經坐滿人，見到人哋d食物都超大份。我哋叫左卡邦尼意粉、碎蛋沙律牛角酥、洛神花茶、Mocha。碎蛋沙律牛角酥︰超級大份，超足料。個薯角超級正！面頭有蜜糖，香甜脆口，食唔停卡邦尼意粉︰好大份呀！完全夠兩個人食，超級誇張，煙肉都有好多，唔會話淨係意粉多而唔夠餸。野飲都係超級大杯，食完飯拎埋出去一邊行街一邊飲都飲左勁耐。呢間舖真係超級超級抵食，全部野都好大份，如果係細食既朋友，建議兩個人share一份已經好夠，見到好多人都食唔哂，包括小弟同朋友都係，搞到浪費食物有d慚愧。野食都幾好食，略嫌位與位之間有d逼。黎既朋友有個心理準備，因為佢超級抵食，所以會好多人黎，可能要等位。