邁爵斯 (福華街)

营业中

休息中

之前聽過唔少人話深水埗majesty意粉大大份 又便 所以就慕名而去七點到去到 要預咗有好多人排隊 二人枱都大概要等半個鐘以上我地兩個人唔知頭唔知路每人叫咗一碟意粉 係會勁飽架 所以建議真係唔好每人一碟意粉！卡邦尼煙肉意粉 呢到意粉就正正常常 價錢便當然唔會expect係好正嘅卡邦尼醬啦 不過食落唔差 會漏啲蜆肉意粉 朋友覺得卡邦尼會好食過呢個 蜆肉份量都算多 最後建議大家預返食量 利申最後我地係食哂啲意粉無浪費架

經過開深水埗，見到呢間小店好多人等位，於是上網睇下啲評價啦！發現原來佢出名係大份夾抵食，即刻拎飛等位先~等左半個鐘，終於可以入座啦～有少許逼啦…不過尚可接受。見隔離枱既意粉份量真係可以3個女仔食，所以就同朋友叫左一個主菜就算。1，卡邦尼意粉等左15mins就上菜啦！果然真係好大份，兩個人食岩岩好。而且味道同出面既卡邦尼一樣質素👍汁又夠多。正呀！2，薯條其實係普通既粗炸薯條，但係出面食一定冇咁大份，而且係即炸架~夠熱！夠脆！3，熱情果茶(熱)由於唔太想飲凍飲既關係，就叫左杯熱情果茶。味道酸酸甜甜，令人食欲增加。唔知呢間店係咪用新鮮水果整啦～但係飲落去就冇果啲調味劑既味既！

好多人都話呢間好食又抵食，今日睇戲之前就黎試一試佢😁平日6點半後就已經好多人等，今日5點幾6點黎到就還可以😁不過餐廳嘅環境真係迫左啲😕-🥢香蒜白酒蜆肉意粉意粉真係好似唔洗錢咁，勁大碟🤣味道一般啦而且覺得有少少乾蜆肉亦都非常之多！但無乜味😅🥢水牛芝士牛角包配沙律菜芝士牛角包唔錯，芝士焗到溶溶地咁幾好食沙律菜亦都好大堆頭😅只係普通加左啲沙律醬，無乜特別🥢酥炸魷魚圈幾香口，魷魚都有啲咬口不過如果有多啲醬就會好食啲總括黎講，野食除左大大份同比較平之外，都無乜特別😅

久聞呢間餐廳嘅大名，一直未有機會試，今日專程試下香辣海鮮意粉 $47 - 醬汁有蕃茄味，偏甜，不過食唔出辣味。海鮮以蜆肉同魷魚為主，雖然收得呢個價錢預咗係急凍貨，但食落冇雪味又有少少咬勁，值得讚賞。意粉偏淋，但整體味道不錯卡邦尼亞意粉 $39 - 意粉嘅份量堆到成座山咁，而且係al dente。可惜個醬唔夠奶油香，只算一般白汁，食食下凍咗加上有啲膩，食唔曬趣味炸薯角 $22 - 薯角新鮮炸好，上面淋咗糖膠。食落有撲鼻嘅薯仔香，隨後係糖膠嘅甜，同薯角裡面滿滿嘅薯蓉混和，好惹味餐牌上有好幾個系列嘅飲品，望落幾吸引，所以我哋各自嗌咗一杯凍焦糖咖啡 $29 - 焦糖味近乎零，有淡淡咖啡香，但飲到尾好淡，味道算係三杯裡面比較正常藍莓乳酪 $26 - 藍莓味比較正常，其餘部分同芒果乳酪差唔多芒果乳酪 $26 - 乳酪酸味欠奉，芒果味有啲人工，飲到尾中段啲冰開始融就變咗一杯被水溝到好稀嘅奶食物方面味道不錯，而且確實係大份抵食，以上嘅野三個女仔都食唔曬，但飲品就有啲令人失望

沙爹雞肉意粉($40)餐廳以自助形式為主，餐具醬料都需要自己拎。平日出街食個意粉閒閒地$70–80，呢到竟然反通漲，$40已經有碟兩人份量意粉，成座山咁高，沙爹味好足。性價比極高，又抵食又飽肚，絕對係糧尾恩物😻！

聽聞E間位於深水埗嘅餐廳大件夾抵食, 岩哂小妹e d成日食唔飽嘅“餓底”, 所以就決定去試下😊😊 收工過到去差唔多6點左右, 但已經有6成嘅枱有人坐左係到食緊野, 望一望個餐牌, 價錢的確唔貴而且係十!分!平!民!價! 餐具🍴醬料🧂同紅茶都係自助嘅, 比完錢就可以拎埋餐具番埋位等食野😆😆 大約等左10分鐘到就有得食😋😋 我同男朋友叫左一個小食同兩個主食, 每樣都大大碟, 非常抵食👍🏻👍🏻趣味薯角🍟, 都幾大份🙈 完全無諗過一碟薯角可以整到咁好味, 首先要讚嘅係佢真係超級熱辣辣, 新鮮炸出嚟, 一上到枱已經聞到好香, 薯角加左蜜糖🍯, 甜甜地幾好味, 本身拎左枝茄汁都無用到, 薯角好脆冇焦, 推介!😋👍🏻吞拿魚牛角酥配炸公魚仔🥐, 牛角包好大個, 暖暖地好鬆軟, 吞拿魚都足料唔腥, 好食😋 炸公魚仔味道ok, 幾香口☺️肉醬意粉🍝 e碟肉醬意粉係我出街食飯以嚟最大碟最抵食嘅一碟, 細食嘅朋友可以同人share🙊。肉醬同蕃茄🍅嘅份量都幾多, 味道方面, 個人認為偏甜少少, 但整體味道唔錯😋😋玫瑰荔枝梳打🍹 有d玫瑰花🌹係入面嘅, 味道ok😊😊總括而言, 餐廳嘅cp值極高, 兩個人食都ok飽,

糧尾餐室👍🏻 平野其實都有好嘢㗎😋呢間位於深水埗嘅餐廳大碟又抵食🤨個意粉30幾蚊，兩個人食都食唔晒😂但係調味一流好creamy 40幾蚊有一個牛角包set,個牛角包再加一份小食！牛角包係超鬆化， 好香牛油味😋真係好抵亦高質

路過太子，記得呢間coffee shop，有雜誌或網絡媒體之類介紹過，話佢嘅意粉好大碟，咁就即管叫個外賣睇睇。一入去到門口，先送一隻貓咪睡姿，我唔鍾意貓都覺得好正，忍唔住都要影低佢。見到其他客食，真係碟碟意粉都高山咁嫁喎，但叫外賣就唔知了。叫左個蒜蓉煙肉蕃茄意粉，一打開，係好full嘅，但無左坐山嘅高度。同埋一食....不得了，我一向大食，但我食都飽 所以可以肯定....係大碟嘅。因為有蒜蓉，食完有口喝感，唔確定有無味精，但尚算可接受嘅。如下次再去，2個人食 叫多個牛角包餐加意粉，都夠食了。

我見到好多人都有推薦食依間，等入座嘅時間實在太耐，大概等左45分鐘或者更多，入到去空間有啲迫夾，好似要黐埋坐咁樣，有啲唔舒服！其實嘢食係幾平$38大大碟，不過等上菜嘅時間又有太耐了，其實都滿心期待，但係估唔到質素真係好普通，意粉嘅味道唔夠，好似好淡咁樣，只係用大量嘅芝士粉調味，分量我係好滿意嘅不過味道方面就同心入邊諗嘅有啲落差。。。食落去嘅味道意粉就好似啱啱煮完但係冇調味嘅感覺，面嘅質地都唔係好好，不過真係好夠飽既！

食物份量極其多， 一個女仔絕對唔可能食得曬 ，嘢食唔係話太好味， 普普通通。 價錢以呢個份量嚟講適中。 叫咗個芝士火腿牛角酥加薯角， 牛角酥好脆， 但係芝士火腿嘅味就唔重， 但係分量都係好多。 但係我覺得呢間店員D服務態度唔係咁好。

一開始知道呢間餐廳都係因為見到有網友推介，話好平又好大碟，味道仲好唔錯，所以之前已經食過一次。當時食完真係比佢嘅食物份量同美味程度驚艷到，絕對可以再encore，所以當晚係附近早收工後就約人又食多次。呢間餐廳長期都好多人，就算係平日非繁忙用餐時段都有機會要等一陣先有位，超受歡迎。店內位置比較逼，希望呢樣野可以改善下。點單係自助形式，大家記住唔好傻更更地舉手落單啦。-羅勒鮮蕃茄煙肉意粉大大碟意粉山，每次見到都覺得好震撼。味道都毫不遜色，醬汁帶有蕃茄酸甜，開胃入味。煙肉唔會切得太大塊，大小適中，意粉配上煙肉同羅勒更提香。-水牛芝士煙肉牛角酥配薯角牛角酥超級香，咬落真係好酥脆，香口到不得了。餡料有水牛芝士同煙肉，芝士、肉香同麵包鬆軟度配合得好好，每一啖都好滿足。跟餐揀咗薯角，特別之處係薯角淋上蜂蜜。食落都幾特別，鹹中透甜，食落無咁易膩。-脆炸有皮粗薯條粗薯條面頭撒上香料，食落無咁淡寡，有淡淡香氣。有皮嘅粗薯條食落更有薯仔風味，平時食太多快餐店薯條，偶然食返呢種都頗讚。由於份量實在太多，最後要打包意粉同粗薯條。打包嘅份量完全滿足到我午餐嘅飯量，重點係翻熱後味道仍然不錯，香氣四溢。-凍抹茶鮮奶鮮

出名大碟又抵食既Majesty...食完覺得意粉真心麻麻🥴但牛角酥係唔錯既😋·🍝沙嗲雞意粉（$40）大碟到大食仔都被擊倒⋯覺得好浪費😟呢個價錢，已經唔諗質素～但食到件雞肉 係凍架😵😵唔係攤凍左 而係冰凍🤯即時停手停埋口😦·🥐吞拿魚蛋沙律牛角酥配魚餅（$43）唔要薯角，霸氣盡失🤣見隔離點左配薯角份量好多～牛角酥好食，配料同沙律醬都好多！外微脆內軟，口感豐富～魚餅就一般般·🥤熱紅豆薏米茶（$20）無糖👍🏻底部好多豆蓉，好香好養生😂·🥤凍玫瑰花茶（$22）偷飲左一啖，味道唔藥水～甜度適中👍🏻·📍M.Y.Majesty深水埗福華街15號地鋪

整間店的食品其實Cp值都十分高！餐具醬料以自助形式供應，環境尚算整潔，出餐速度算快，服務態度良好。令人驚喜。牛角包香脆可口，蜜糖洽到好處，但蛋沙律略為遜色，單點牛角包應該會更好。

上網見到有其他人介紹好似好抵食咁所以就特登嚟深水埗搵呢間餐廳，地址其實都唔係好方便，都搵咗一陣間先搵到。店內座位唔算特別多，係快餐形式咁樣運作，買咗飛自己搵位坐低等就可以。上網睇知道呢度啲意粉好大碟，但係我自己一個，驚食唔晒，所以嗌咗呢一個芝士牛角包配薯角。牛角包烘到好脆，芝士係水牛芝士，可以拉絲，亦都好香。薯角真係冇同你慳，份量十分十分多，唔單只係圖片裏面見到嘅咁多，係個牛角包下便都仲有，我都食左好耐先食完。店員一d都唔好客，都係個d食就食，唔食就算個類。但呢個價錢，唔需要要求d咩服務質素，所以我好ok，有機會真係帶多兩三個朋友黎share下意粉先。

上網見到呢間餐廳出名大份夾抵食🤭🤭🤭 所以就趁糧尾去食餐平平地既，點知出乎意料咁好食😭😭😭😭😭😭星期日兩點幾去到要等十五分鐘左右，店員預時間都預得好準，好快就入得去！店入面唔會話坐得好舒服，但係深水埗太子黎講都算係一個令人放鬆既綠洲😌 好中意牆上面既擺設同埋彩色既枱！見到枱枱都係食卡邦尼或者蕃茄意粉，但男朋友就一反傳統話想試下沙嗲雞肉意粉，呢個配搭係有啲奇怪🤔🤔🤔🤔但黎到之後，第一個驚艷就係佢既份量- 同網上講既一樣咁大！兩個人夠食有突！第二個驚艷係佢除左有沙嗲味，仲有蒜味，對於中意蒜既朋友，係會好想成碟食哂🤤🤤🤤 下次可以再encore呢碟每條都索哂味既意粉！所有牛角酥如果要跟餐(即係要包薯角同紅茶)就要加$16。比起意粉呢個唔係太抵，但薯角即叫即炸，仲有一層蜜糖，又脆又甜！牛角酥就一定要即叫即食，因為仲係會脆口架！同埋紅茶係自助去斟既，當然唔好抱太大期望啦，都係茶包👻 不過我見果度都有其他特飲，賣相都幾吸引，下次可以再試！唯一可以再改善既地方係，果度啲餐具係濕既，因為自取，所以要係用之前抹乾淨呀！但食物質素一流，下次唔使等糧尾，得閒經過都好想買碟食！👻👻👻👻