邁爵斯 (福華街)

营业中

休息中

朋友介紹話深水埗有間西餐好味又抵食今次就去證實下係咪真係咁好啦～去到餐廳有好多人係門口等緊位 我地差唔多等左大半個鐘 餓死之際 終於叫到我個號碼 感謝 🙏🏻蜆肉意粉黎到有d嚇親👀👁真係好好大碟 兩個人都食唔曬呀 分量大到足夠3個人食🤣🥢味道方面適中 意粉蒜味濃郁 蜆肉都有好多粒意粉比較乾身 濕返小小比較好我最想食就係碎蛋牛角酥配薯角 哩個份量係出面食個價錢應該都$60-70係哩到都係30幾蚊咋 ～牛角包都鬆化 淡淡牛油香 夾埋碎蛋真係一流呀 😍

同兩個朋友一齊嚟食lunch，揾嘅時候用咗啲時間，但都幾易見到。3個人叫咗1客意粉1客螺絲粉同1份魷魚圈，多到食唔晒🤦🏻‍♀️份量真係好多好抵食，仲有得任加芝士粉😂最好食係蕃茄意粉，有原塊蕃茄 唔係淨係得罐頭茄汁炒，而且茄汁有啲偏甜，夾埋煙肉同意粉好好食，汁量充足又唔會話太乾，每條意粉都有茄汁包住！白汁螺絲粉比想像中差咁啲，如果多啲白汁就更好。另外魷魚圈炸粉多咗啲，好吸油，同埋調味鹽灑得唔太均勻，有個別一兩舊真係好咸。

月尾未出糧要慳啲洗，一定去呢間食，因為真係好大份好抵食btw我之前已經食過好多次每次去都例牌叫一個小食2碟粉，今次叫咗個炸魚手指，味道不過不失，意粉叫咗香蒜白酒蜆肉炒意粉同香辣海鮮意粉，佢呢間特色係多蒜大份，味道冇得輸，我每次都食海鮮呢個，雖然份量大但好多汁唔會話冇味最後張圖要外賣走食唔曬

這間接近太子，地段有點偏僻，但大件夾抵食，吸引不少人光顧。雖然不少人排隊，不過都唔使等好耐，為減少人手，大部分都是自助的，包括，到櫃檯落單、取餐具、水和醬料等。卡邦尼亞意粉 - 超大份，是平常西餐廳的2-3倍，煙肉滿滿的，但汁就比平常的稀，不夠稠。芝士薯波 - 普通薯波內有不流心的車打芝士，有點失望。趣味薯角 - 有驚喜！薯角包上一層糖䊢，甜甜的，超好食，份量又多。意粉份量足夠share，但若然人數不多，建議選牛角包餐或墨西哥餅餐。

已經係第二次嚟食呢間餐廳食咗兩次都覺得呢間餐廳好！鬼！抵！食！未食過一間西餐廳嘅意粉$4-6x 但份量係咁多 平時可能一人叫一個pasta都唔夠飽要再叫多個小食先填得滿個胃但係呢間餐廳嘅意粉係講緊2-3個人先至食得曬 仲要價錢唔貴 叫多個小食可能都會食剩 要打包番去 一餐當兩餐用 所以簡直係窮人恩物上次試咗個香辣海鮮意粉 試咗幾款後覺得呢個係最好味既 夠香小辣海鮮都足料 非常抵食今次4個人嚟食 就叫咗2個意粉 分別係白酒蒜香蜆意粉$35 同雞肉沙嗲意粉$40 個人覺得雞肉沙嗲個味有啲似平時食開個種冷麵而白酒蒜香蜆個個就冇咩酒味得蒜味 比較清淡少少既我地仲有叫咗幾款小食 係趣味薯角$22 同 酥炸魷魚圈$30 薯角份量又係好多 上面有一層蜜糖 醬料就係自助 可以沾茄醬等等 而魷魚圈就有啲沙律醬係面 炸到個皮好厚 最後我地仲有加單叫咗個炸蝦 不過冇影到haha飲品都係不過不失 有啲甜 唔推薦朱古力類既飲料🥤 揀番梳打會好啲提番聲 呢間餐廳係自助既 無論飲水定拎碟都要自己搞掂 餐廳既座位都比較迫 出入好唔方便 同埋落單要比咗錢先 但以呢個價錢食到咁既質素同份量 都唔可以奢求太多野啦

朋友話想食意粉，於是同佢黎試下哩間傳聞中又平又正既邁爵斯。環境不錯的，座位唔少。水呀芝士粉呀都係self served，整體環境幾好。朋友話哩間店d意粉好大份，於是我地決定嗌一個卡邦尼亞意粉+一個炸魚手指，要唔係真係驚兩個女仔食唔曬(/ω＼)卡邦尼亞意粉（$38）一見到個意粉真係好suprise，原本以為$38叫做細細碟，性價比高極都唔會夠普通size。想不到竟然咁大份！突然明白點解朋友話唔可以叫兩個意粉了，性價比真係高到好驚喜。佢d醬係足夠既，又唔會話以為平就好稀或者好少。而且煙肉果d都好足夠！佢真係幾好食，而且又平！炸魚手指就冇影到相，但佢相比之下性價比冇咁高。不過都叫做唔錯既。總括而言，哩間邁爵斯d意粉又大碟又抵食，Cp值超高！有機會一定會返去試下其他意粉！

平時由太子行去深水埗都會經過一間唔起眼嘅意粉店 鋪頭細細 但成日外面排住好多人 見到餐牌有唔同嘅意粉同沙律 價錢都極大眾化 排咗15分鐘就入左去 鋪頭唔大只有大約30個位 最後入去坐低叫咗一個香辣海鮮意粉同芝士煙肉牛角包拼沙律菜呢個沙律菜配芝士煙肉牛角包 雖然牛角包唔係特別出色但勝在即叫即焗上碟時仲熱騰騰 沙律都係用一般沙律菜 但以咁嘅價錢絕對冇得投訴呢個香辣海鮮意粉 雖然外貌唔多討好 但分量好大足夠兩個細食嘅女仔食 就算一個男人食都好足夠 味道其實都好豐富 少少酸小小甜又有啲辣 層次絕對唔單薄 然後海鮮嘅份量都唔少 冇雪藏味 $47性價比極高 總括嚟講呢間餐廳性價比好高 絕對可以下次再食

同朋友出開深水埗，佢話有間出名超大份野食既舖頭，就同佢黎試下。去到既時候已經坐滿人，見到人哋d食物都超大份。我哋叫左卡邦尼意粉、碎蛋沙律牛角酥、洛神花茶、Mocha。碎蛋沙律牛角酥︰超級大份，超足料。個薯角超級正！面頭有蜜糖，香甜脆口，食唔停卡邦尼意粉︰好大份呀！完全夠兩個人食，超級誇張，煙肉都有好多，唔會話淨係意粉多而唔夠餸。野飲都係超級大杯，食完飯拎埋出去一邊行街一邊飲都飲左勁耐。呢間舖真係超級超級抵食，全部野都好大份，如果係細食既朋友，建議兩個人share一份已經好夠，見到好多人都食唔哂，包括小弟同朋友都係，搞到浪費食物有d慚愧。野食都幾好食，略嫌位與位之間有d逼。黎既朋友有個心理準備，因為佢超級抵食，所以會好多人黎，可能要等位。

其實這次是第二次幫襯了，味道好而且大碟兼抵食的意粉，令人一試難忘，所以今天決定回頭來再食。因為咩都想試下食，所以今次點的食物同上次完全唔一樣。份量依舊係大大碟成座山咁。呢碟一睇就知係蕃茄意粉啦但真係估佢唔到好大陣蒜蓉味。我個人接受到咁多蒜就覺得香口好食，而且意粉個醬好足夠，唔會乾身。我地仲叫左個炸魚小食（茄汁是自己加的）佢係脆同熱既但個魚既質感好一般似係雪左好耐既魚肉，有少少粉粉地咁，唔講都唔知係食緊炸魚飲品是水密桃茶，佢有埋茶包係入面，杯底仲有果肉，飲落去夠fresh , 夏天解渴消暑佳品👍🏼最後比大家參考下個價錢，我地兩個人食到好飽都係$84

友人需要加班工作，為免餓親佢！當然要買好味同夠份量既野去佢公司陪佢食啦！其實之前已經同佢黎過呢到食，環境雖小，但食物既份量大到你會覺得佢咁樣有無錢賺嫁.....意粉類大概都係4x蚊左右一款！咁友人同事都加班緊，預埋佢既話我就叫左2個小食，2個意粉同1個沙律同一杯野飲！真係款款都大到你會覺得自己叫左party到會咁！叫多幾個朋友黎食都未必食得曬！咁我重點講一講2個意粉啦！呢個香蒜白酒中蜆肉意粉，蒜味濃，蜆肉都唔少，同pizza hut果個香蒜意粉比，呢個更加好食，更加惹味！而另一款係香辣海鮮意粉，味道偏甜少辣，比較岩友人同佢同事食，佢睇相都見到有幾足料..有幾抵食唔洗多講啦..友人同同事都覺得呢個較蒜香意好食！但我個人就覺得蒜香好食點！總括黎講..呢間係一間良心小店（超超超超超超良心好店先岩）..真係真係好值得支持（其實當日我叫外賣時排隊既人已經勁多勁多）..款款食物既份量都勁到夠幾個人食，美味道又唔錯，價錢大眾化到你會驚佢有無錢搵既食店係邊到搵呀？

有聽聞M.Y Majesty出名大件夾抵食，今日黎到深水埗就去試下食lunch.睇完menu, 叫左兩個意粉。香蒜白酒蜆肉炒意粉，成座山甘高，兩個人share 絕對綽綽有餘，蜆肉份量亦都唔少，好濃味。$35黎講真係平到笑。香辣海鮮意粉，原來都係勁多蜆肉，加少少魷魚，蝦，有d重覆左，早知叫其他野。結果好努力甘食晒兩碟意粉。

呢個我叫係窮人飯堂🙈🙈因為真係大件夾抵食😆😆首先，多人排隊就預左，先攞飛再係門口等叫號碼🛎💁🏻‍♀️香蒜香酒蜆肉炒意粉OMG 😲😲😲呢碟應該叫意粉山，大兜到呢，價錢仲要係只需三十幾個大洋咋😱😱‼️呢間簡直係貼地平民良心小店窮人恩物之選😋😋

最近大熱嘅深水埗大大碟意粉果然係名不虛傳！羅勒鮮茄煙肉意粉，一黎到就見到碟意粉高到成坐山咁！係真係意粉山！意粉好多，亦都非常足料！意粉炒過，口感亦唔係好似有時茶餐廳好淋嘅果種，依然有啲彈性而個蒜蓉味同個茄汁味亦都夾到，唔會太甜或者太酸，四十蚊真係好抵呀！！！！海苔芥末蝦沙律牛角酥，好足料嘅牛角酥！雖然牛角酥因為啲沙律同蝦而淋左，但係都仲好鬆軟~芥末蝦沙律個汁唔會太溜，都有好多隻蝦，係意粉之外另一個唔錯嘅選擇！唯獨係個海苔就真係好似唔多覺眼咁……… 

卡邦尼意粉 $38有意粉山之稱既意粉真係勁大碟 啲醬汁多到差啲滿瀉哂出黎 唔好以為咁大碟得意粉 其實都有唔少蘑菇同煙肉 仲加左蒜喺卡邦尼醬到一齊煮 所以食落好重蒜香 意粉亦好掛汁 面頭仲灑左啲芝士粉 絕對足料👍🏻🤤.碎蛋沙律牛角酥 配薯角 $36牛角酥見到都好大件 焗得夠脆 仲好重牛油香 碎蛋沙律既份量都唔少 而底下既薯角唔係一般既炸薯角 而係外層沾滿蜜糖 甜甜鹹鹹咁😋.熱情果柚子梳打 $26熱情果同柚子都係酸酸甜甜 味道唔會假 而且咁大杯 冰量相對黎講唔算多 加上果汁夠足 即使飲到後尾啲冰融左都唔會淡哂🍹.石榴荔枝梳打 $26飲第一啖有少少藥水味 但之後再飲就逐漸冇咁明顯 荔枝既味被石榴蓋過左 主要飲到石榴味 仲會食到啲石榴粒 小編覺得呢杯愈飲愈好飲😆

之前都食過呢一間餐廰，記憶中係超級抵，而且環境都幾精緻。我好記得一個幾十蚊嘅意粉就已經夠兩個人食！今次又返嚟食early dinner， 所以叫咗一個餐加杯嘢飲兩個人食。海苔芥末蝦沙律牛角酥 配 薯角及熱紅茶 ($53)見到個包第一感覺係，好大，好足料，拎開個包，下面係滿滿嘅薯角！個包拎上手都唔知點食好😂 蝦沙律用料十足， 但係芥末味道就偏重，搶曬啲蝦沙律味。 牛角酥焗得香脆，配上蝦沙律，口感一流！薯角炸得香脆可口，鋪上一層薄薄嘅蜜糖， 甜甜嘅薯角，好正！！藍莓青檸梳打特飲 ($27)杯特飲好重黑加侖子味，而且佢入面係幾片青瓜，而唔係青檸。 不過味道都好飲，又夠大杯！再次嚟呢度光顧，又係一個機會加深我對佢嘅好印象！一定會再嚟！