遖

营业中

休息中

冇得去日本旅行, 就唯有食返餐日本野就當去左日本旅行啦. 揀左呢間OMAKASE黎食, 因為見佢新開同埋環境裝修都好靚, 值得去試一試。今晚食食omakase,師傅主理都睇得出係充滿經驗，今餐食左兩個幾小時, 可以慢慢品嚐廚師發板，真係絕對大滿足，口感同廚師既功架都帶到唔同既享受。海膽係非常之新鮮，食落有海水味, 口感豐富而且份量都多。成口都係海膽真係好爽. 另外仲有個劍魚腩刺身，好高質素嘅劍魚腩，呢到用既魚生刺身都係用上高級食材, 所以都覺得好抵食, 下次會再黎試下。

今日同朋友見到間新店, 係食OMAKASE, 好想試下就即刻入左去, 呢到裝修都好有日本feel , 個日式師父仲好好人, 講解每一道菜, 我地就叫左個lunch set , 有前菜,刺身5品,壽司8件,麵豉湯,茶碗蒸,水果同埋甜品都係$650一位. 非常豐富. 刺身都非常鮮，壽司都好好食, 都係上等刺身，仲有拖羅tim, 所以呢個價錢黎講都係物超所值, 下次可以黎埋試埋個晚餐, 我同我個朋友都食到好飽好滿足呀. 呢到地方都算好易搵到. 唔會太難, 坐位寬敞都唔會太迫, 幾舒服, 下次一定會再黎過