達人包車 (已結業)

此店新开張时，由於未有酒牌，可自帶酒，由於友人很喜欢喝韓国燒酒，所以到此店便可省一筆，几次聚会都相約於此，直到酒牌出了，煱類，炸鶏味道一般，不及專門店，直至友人收到消息此店酒類减價，於是便再臨此店，出发时已打电话確忍优惠，怎料入座后才被告知优惠期已过，都算，奌了韓国大眾送酒小食，冰黃桃，发现与歺牌的相片大有出入，明白是罐头水果味道不能要求，但最起碼放多一丁奌別的水果襯托令視党效果加分，九十元的收費，有奌令人有被騙的感觉！

因為有限時，又未齊人，所以一直等到見到得返一張檯就馬上入去攞位。大部份侍應都心不在焉，但態度係OK既。 主要想試招牌串燒，但其實最差就係佢，又無味又唔抵，幾無聊。 反而係個八爪魚沙律幾好味，野飲分量夠大。 

It was a meaty meal. All the meat was quite fresh and juicy, the egg around the pot was a amazing surprise, mixing the egg with the beef is my favorite! 一份二人餐已夠三個人食(女仔)！另加一碗雞湯，又熱又鮮味，配合燒肉真的很正，而且份量很足夠！最重要的肉類每一碟也很鮮甜，能保持到原汁原味，不會有太過量的調味料！推薦！

早前同屋企人去TST行街,我又想吃韓燒，上了openrice找下有咩介紹，見到達人包車有人話好吃，決定試下這間韓燒，地點不是太難找 ，上次去過同一條街吃過，我同屋企人找到達人包車之後，店員安排 我們坐角落位置，我們就點了二人套餐(468元) 3個人已經夠食，這裡用普通打邊鑪，其實給我的感覺不是太正宗韓燒，亦有一定危險牲,大人就話注意安全，有小朋友不建議來這裡，講下食物先,五花腩味道都OK,芝士粒味道又幾好吃，牛肋骨味道就一般，食物掛係度有些小不衛生，我不太識欣賞，牛肉味道都OK,整體來講只是一般,服務就不錯，地方夠大,座位亦坐得舒適

夜媽媽12點，心癮起想去喜來整個大醬湯嘆下，點知出到尖沙咀發現原來佢星期日係收12點係李家死硬粉絲嘅我哋本身諗住，算啦，咁去死李家啦！點知同朋友睇到達人包車個餐牌，個炸雞又好似幾吸引喎！唔好食都係一之啫，算下都無壞啦！就係咁就食咗好好味嘅炸雞喇！入去前已經決定要食佢個蜜糖炸雞，睇相就好吸引，但最怕就係食到啲個皮得個硬字唔係脆嘅炸雞！好在一上枱，見到都已經無失望！外皮香脆，掛滿充滿檸檬香味的蜜糖汁，甜而不膩；雞肉多汁嫩滑，滿滿的肉汁令人滿足$180一個炸雞當然不能滿足我哋啦！除炸雞外，我哋仲點咗一個雞蛋卷同一個部隊鍋！先講雞蛋卷，都試過好幾間韓國餐廳，呢度算一般啦，下次唔會叫喇！同大部份韓國餐廳嘅雞蛋卷一樣，表面都係茄汁，但呢度嘅蛋卷本身無咩調味，好單調...$160最後嘅部隊鍋，其實都幾貴，因為鍋內真係無任何貴少少嘅嘢～入面有腸仔，泡菜，金菇，焗豆？！，年糕，餐肉，「半」份公仔面，肉碎....... 我去韓國食嘅鍋係豐富好多！而且價錢太overprice，所以下次都未必會叫喇！$240總結就係我一定會返嚟再食～～～～～佢嘅炸雞啊！！！

素聞特色烤肉，和朋友訂座一試。用餐時間限制極嚴。我們一行8人，建議等齊朋友先好入座，因為一入座便開始計時。餐牌其實選擇很多，烤肉、熟食都有，飲品有特色。有選擇困難的就有難了～飲品先上。西瓜酒。成個西瓜上，相機先食。賣相很吸引。味道偏向酒方面，配以淡淡的西瓜味。叫得多烤肉或炸物的話，感覺挺能消膩的。忘了這個煱叫甚麼，反正好像必點的。芝士＋豬肋骨，好入味～ 點著剛溶的芝士食，味覺嗅覺視覺三重享受！到屋頂的燒肉串。基本上每一枱都似是為了這個而來，但食落其實真係一D 特別都無。仲要當你以為咁大串野會有人幫你燒一下，SORRY，除了第一塊，其他全部自己來。連剪細塊肉都係。唔好燒得太心急，好快燶的。味道就真係諗唔到有咩好寫，因為太普通。韓式炸雞。唔好見餐牌好似好多選擇，其實只係同一款炸雞再加D唔同嘅料上去，而且好大份，我地8個人食1份都覺得好多。炸粉好厚，算鬆脆，味道都入味，點的蜜糖醬汁好好味。跟住叫咗一鍋好似關東煮的東西，well... 都係奉勸各位要食日式野都係返返日式食肆吧。

見到室內室外都坐滿人，氣氛好似幾好，即管入去試試！前菜基本上冇乜特別，冇乜誠意。泡菜 粟米沙律 酸瓜，對比其他韓國餐館還是遜色咗少少。香蕉米酒 $130 好甜，飲到後期要額外加冰，加上有點結步隊鍋 $240，豆芽 大蔥 雞脾菇 豆腐 午餐肉 腸仔 餃子 年糕 公仔面 芝士，最基本嘅材料，可惜唔夠新鮮，令人無奈的竟然公仔面得一半。湯底味道就係泡菜味，朋友用黎送飯食。原味炸雞 $170，最期待變成有點失望，望落去好乾身，咬落去都好脆，但係炸粉好厚好多。眼看以為隻雞好大隻，原來係bb雞，一拆開就係黃色脂肪加炸粉加油。雖然如此，但係雞肉係幾嫩滑，如果改良一下應該會更好食。三樣食物 加一碗白米飯$15 埋單連加一 $611個人不會推介部隊鍋和炸雞，相信有其他餐廳會做得更出色。觀察四周 大部份客人都係點最熱門招牌菜 掛在頂上吊落黎嘅串燒，有機會可以一試。

韓風繼續吹，一向喜歡吃芝士排骨，所以跟朋友們去試下近期大熱的達人包車，地點算是偏僻，不過也很熱鬧，幸好7點半前到達不用等，遲一步就有排等。店員都是韓國人，能操流利的英文。檯而上有個按鐘，點菜或有需要時就可按吧。這個前菜份量較少，不似平日韓燒有好幾碟放在檯上，而味道較一般。點了檸檬飲品 $55 綠色很搶眼，至於味道微酸，但不算太突出，這價錢有點貴。香辣芝士排骨  $308: 排骨及芝士份量比想像中少。排骨似質非常腍身，可說是鬆化，如果肉質實少少會更有嚼勁，而器皿設計較鞋撩起芝士，加上份量很少，未夠「芝」味。炸雞 $198: 大部雞件的肉質既粗糙又無肉汁，加上油炸後比較熱氣，所以乾上加乾，我幸運地吃到一件比較嫩滑。蛋卷 $176: 賣相看上去蛋卷很厚身，大量茄汁在上面，質感不算好滑，醬汁也不夠吸引，好普通。我們沒有點出名1m bbq 串燒，因為覺得價錢太貴，只是綽頭吧，至於整體味道普通，以這價錢物無所值，只是名氣過大。

到達位於尖沙咀的達人包車，看到幾乎每一張餐桌上都掛着一條色彩繽紛的燒烤串，似乎大家都是為了88CM長的燒烤串而來，當然也包括我。前菜有三款，分別是粟米，泡菜及青瓜。天花上的一個吊環，店員會幫你掛上燒烤串。當燒烤串來到我們便瘋狂拍照，外觀上絕對是非常吸引。別少看這個燒烤串，食物還真的不少，有燈籠椒、大蝦、香腸、南瓜、雞扒、杏鮑菇、大蔥、豬頸肉、菠蘿、脊排、洋蒽、五花肉跟小蕃茄，一共13款食物。醬汁有三款，蜜糖芥末醬、黑椒海鹽和泰式酸辣醬。先由最底層開始，由於食物已經半熟，所以烤的時間不用太長。我們都是懶鬼，就請店員待勞。先烤五花肉，充滿油脂的五花肉，一烤就為鐵爐鋪了層油。五花肉入口爽脆，但略嫌欠缺點肉汁。脊排連著骨頭，所以烤的時間需要多一點，但肉味濃郁，肉質帶點嚼感，脂肪較少，我更加喜歡。豬頸肉厚得有點像豬扒、雞肉正常，沒有特別、蝦肉不算爽口彈牙，還可以接受。反而香腸外表香脆，帶點微辣，比較惹味。蔬菜類方面，我不吃燈籠椒的，所以不作評論。而蔬菜類方面最喜歡一定是菠蘿，鮮甜多汁，能中和肉類的油膩感，真想多要幾件。另外，粉糯的南瓜甜甜的也不錯。但店內沒有抽風系統，燒烤時油煙在我們面前飛舞，甚

上年一套星星大熱, 連帶炸雞熱潮到宜家都未退過, 如果去過韓國就知炸雞一定為必食美食之一, 估唔到香港都有咁出色炸雞, 以後去唔到韓國食炸雞, 都可以黎pocha頂住檔先啦~味道絕對唔比韓國差.  見其他食評必食係88cm高超大串燒, 現場好多人叫, 但我冇食到, 因為得2個人食唔晒.. 人多可以一試, 睇個樣好似好好味. 今次叫左個蜜糖炸雞(HKD180) 勁JUICY, 雖然外面淋左少少蜜糖汁, 但黎到仍然外脆入面一D都唔干,勁多肉汁, 之後仲叫左個海哲豬手(HKD280), 完全中晒伏, 本以為韓國豬手咁, 黎到同相差咁遠, 問題係個汁點解會咁甜, 之後仲有2杯野飲, 不過不失啦~只係貴左D同細杯.. 下次會再試其他野食

88cm串燒何其壯觀@達人包車尖沙咀金巴利道79-81號88cm串燒何其壯觀@達人包車半天吊的88CM 空中串燒 $ , 如馬戲團表演吊在半空中,大半來的人都點上這招牌菜。臺上的氣勢甚是壯觀, 我心怕肉汁會滴下來弄污衣物頭髮。豬頸肉, 大蝦,香腸, 雞扒, 五花腩肉，車里茄,杏鮑菇,南瓜,燈籠椒,大蔥,洋蔥,菠蘿。腸好強黑椒味偏辣，雞扒也是用黑椒醃製調味，五花腩油脂重又厚身，但煎好很難咬，味略淡可以蘸醬汁吃。南瓜本身煮熟好粉甜，菠蘿夠水份可以中和肉類油膩。肉菜相間串燒是聰明做法, 燒後的肉汁油脂正好滋潤著蔬菜,拿下再在鐵板上加熱。類似記憶中學生哥時的巴西燒烤, 懷念起青春的時光。動人時光回頭看，食物不止令你口部運動, 還不時要站起身取下吊起的食物,關節舒展。OVERALL來說食物潮流富GIMMICK之餘,也有傅統的韓國口味, 只是定價有點小貴,獨有的空中串燒大伙兒要來體驗那趣味。 鐵板泡菜炒飯。$90 芝士慷慨得驚人，再放上泡菜炒飯及火陽蛋，把材料拌好芝士黏著飯粒，呈溶化拉絲狀態每口都是濃濃的芝士芳香。炒飯裡不止有泡菜，更有洋蔥同午餐肉粒。

達人包車🚗🚕🚙💨88cm空中無敵大串燒💁🏻韓燒食得多 吊住係天花就第一次逐件由天花板夾到落枱上嘅爐到，真係得達人包車先有有肉有蔬果仲有海鮮肉類:豬頸肉，雞扒，牛排，香腸肉質軟嫩，燒完後香口惹味，點埋海鹽更有肉味蔬果:南瓜，杏鮑菇，燈籠椒，大蒽，菠蘿，洋蒽，小蕃茄菠蘿和甜美味，開胃酸舌杏鮑菇爽口，有肉汁海鮮:大蝦大隻又新鮮，又多膏，濃郁鮮味達人包車芝士排骨鍋除咗條88 cm嘅串燒之外仲有其他好正嘅韓國菜芝士排骨鍋個排骨真係要讚一讚，好入味而且軟林林再加上芝士配襯又邪惡又惹味側邊嘅芝士味道啱啱好一啲都唔會鹼仲香濃嘅芝士味食韓燒又點少得冰凍嘅飲芒果味特飲有汽嘅芒果味飲品，有香濃嘅芒果味而且碳酸飲品更加開胃添

和友人到了朋友介紹的達人包車, 果然是popular, 我們等了一個小時才入座..場內約有數名韓藉侍應, 不過好像沒有"靚仔OPPA"喔... 這晚serve我們的是本地人, 雖然未能扮作在韓國用餐, 但服務不錯啊!前菜有史以來最酸的泡菜!應該是客如輪轉的餐廳, 怎麼連泡菜都能放那麼久, 還拿出來招呼各人呢!粟米有怪味, 應該是快變壞了!前菜十分之失望! 柚子燒酒   $150再失望! 酒在哪裡?只有甜, 還有甜, 就什麼都沒有!卷蛋   $130賣相非常好! 眼闊肚窄的二人看到目瞪口呆.. !熱乎乎的趕緊來一口...味道是好.. 有芝士有洋荵等.. 但為什麼蛋煮那麼硬!蛋煮太老了... 又失望.. 醬醃炸雞   $180還好主角挽回不少分數~炸雞非常juicy, 外皮超脆!雖然醬料有點太甜, 不是我的style, 但還是大讚!備註: 一盤有12件! 兩個人怕是不可能食完吧.. 總括, 這裡除了炸雞之外暫沒發現其他賣點, 還是會再來給他多一之機會, 畢竟炸雞還是挺好吃的~ 

88cm長的串燒！非常的有噱頭老實說要在滿滿韓國餐廳的金巴利道突圍而出確實不容易這晚我們收工就直接過來六點入座，不用等位用餐時間：限時90分鐘一座下來就端來三款前菜可添加的~除了這個特大號之外食物種類也相當的多炸雞也相當多口味！特地來到怎能不來個大串燒配有三種醬料超大串燒 $298順序有燈籠椒、大蝦、香腸、南瓜、雞扒、杏鮑菇、燈籠椒、豬頸肉、大蒽、菠蘿、杏鮑菇脊排、洋蒽、五花肉跟小蕃茄其實食物在廚房已預先燒至半熟老闆會幫忙烤肉而且他非常有禮喔雞扒味道是討我們歡心，很夠味而且非常嫩燈籠椒也來得爽甜，很不錯五花腩燒過後已經沒太多脂肪肉質帶點嚼感調味炸雞$180還附上一小客沙津皮炸得香脆也夠薄，調味是韓國甜辣味，味道跟在韓國食到得差不多而且份量蠻多，有一整隻bb雞下次一定會再試試其他口味！不得不說這邊的店員服務態度真的不怎樣經常在角落聊天除了幾個韓國人比較熱心

潮流，你追得上嘛？跟得貼嘛！其實那88cm的串燒造型頗吸引的！小妹跟J小姐說不如試一試那串燒，你知嘛小妹也很久沒有跟J小姐聚舊。好吧，哈韓的J小姐必定舉腳贊成吃那88cm串燒。兩個小女孩也不便點太多食物，這家店的食物也頗巨型的，份量有夠大！J小姐愛吃年糕鍋，小妹點了88cm串燒。小妹有點想吃豬蹄海蜇，不過胃真的塞不下吧！88cm巨人串燒$298+10% 串燒已經燒烤至七成熟，店員會幫人從巨人串燒取下食物放在鐵板上燒熟。豬頸肉入口帶點油脂味，爽脆的豬頸肉，蘸點泰式辣醬去油膩，酸酸辣辣頗開胃。五花腩香口惹味，五層分明的五花腩肉，油脂層佔了三分之一，肉質燒烤過有點乾柴。點些椒鹽可以加點鹹味，但五花腩的原本味道也不俗。 脊排 肉質乾柴調味略加黑椒，味道不太入味道，肉已過長時間燒炭也帶點紅血。洋蔥 烤香脆的洋蔥，還有點過焦。但小妹不吃生洋蔥的。青椒 色澤青綠，入口爽甜，每當吃完肉類可以清一清胃。香腸 份量有點似熱狗腸，外皮的腸皮脆身，入口的香腸帶點芝士鹹味。雞扒 用黑椒調味過，但黑椒的香味完全未能特出，肉質需嫩。蝦子 有點點彈性，但蝦的鮮味欠缺。雞脾菇 多汁有嚼口的。南瓜香甜軟熟，入口的南瓜