達人包車 (已結業)

臨近聖誕，又是好友相聚開飯及交換禮物的好日子 今晚我就同好友來到尖咀搵食，行來行去就揀左成日都有好多人排隊既達人包車開餐去 等左一陣後終於有位，入到去後梗要點最受歡迎既韓國超大串燒試吓 侍應送黎後真係呆左，因為原來足足有成88cm咁長，呢個時候當然相機先食，係一輪係咁影係咁影後，就開始燒燒燒 呢串烤肉材料豐富，有牛肉、豬肉、雞肉，配上洋蔥、黃椒、紅椒、蘑菰、南瓜、大蒜等材料，夠晒兩個人吃有餘！肉類更係非常新鮮，將肉燒到七成熟時已可上碟食用，加埋用生菜包裹住燒肉、韓國泡菜、蘿蔔同粟米一齊食，就更肉香四溢，而配菜亦好清甜，夾埋一齊食口感就仲爽脆，層次極盡豐富，完全唔會覺得好油膩，仲更健康添 食吓傾吓笑吓就渡過左一個好豐富既晚上，開心

工作做到悶悶地，搵埋D friend拆返餐，走到金巴利道，見到餐廳中食客的大串燒，幾得意喎，便走入去試吓。我們也叫了一客超大串燒，服務生把88cm的大串燒拿出來，吊在座位的特定掛鈎處，單是賣相及創意，已經叫我們感到新奇有趣。服務生把串燒中的食物(豬肉、大蝦、香腸、青紅椒、洋蔥等)放在鍋裏燒，鮮肉加上配菜，色香味俱全。我們還要了脆皮炸雞，上枱時，一陣香味已攻入鼻，急不及待放入口中，皮脆肉嫩，肉汁仍然留在雞肉裏，不會因為炸而流失，配上脆薯角，是下酒的好配搭。

晚上七點，我和朋友來到位於尖沙咀的Dalin Pocha 達人包車吃晚餐。我們叫了招牌菜式-----韓國超大88cm串燒($328)，值錢王算便宜，但是足夠兩個心吃。串燒送來後會吊在燒烤爐上面，有一位服務員把串燒上面的食物逐一剪好。整條串燒的材料豐富，有雞肉、牛肉和豬肉，配上很多其它配菜：菠蘿、黃椒、紅椒、蘑菰、洋蔥、南瓜、大蒜等。燒了一會兒，便聞到一陣陣燒肉的香味，燒到七、八成熟時就可以吃了。吃燒肉的時候可以沾辣椒醬、芝麻醬、甜醬，也可以加上韓國泡菜、蘿蔔、玉米，建議包着生菜來吃燒肉，生菜如果吃完，可以再添，這樣健康一點。此外，還要了一盤必食的脆皮炸雞($170)，配有椒鹽和沙律。炸雞盤中有炸薯、雞翼、雞腿和雞胸肉，雞皮香脆，咬了一口後，雞肉肉質嫩滑。我們吃完約九點，門口排了其他客人，建議若不想排隊可以早些入坐。

朋友仔生日、之前行過見到一串串吊高的串燒食物幾特別。今次朋友仔生日終於有機會試。店裏大部分都係韓國待應，大部分都幾nice。叫左招牌的串燒，雖然都知唔會好特別，不過真係有小小失望，拎到過來一串吊係到、就係影相位、但係影完，其實都係放番係鍋到煎！所以真係唔特別！不過未試過都可以試下！反而芝士排骨鍋，d芝士好夠芝士味！值得一試！反而，炸雞有D喜出望外，外面脆，裏面都仲有好多汁，值得推介。魷魚豬肉鍋要有心理準備都幾辣，如果唔食得太辣，就未必食到，但好惹味！雖然食物唔算特別好好食！但都算有韓國風味，而且價錢算中等，可能我地有7個人，俾左一間房仔我地坐，而且一大班朋友都算坐得舒服。反而飲品，我覺得好難飲，因為我地唔想飲酒精飲品，選擇得好少，連普通果汁都沒，得佢地自家果汁飲品，要＄50 一杯，真心覺得唔值而且好似飲咁好多色素咁，一D 果汁味都沒，真係覺得難飲。我地幾個朋友都覺得味道好怪。下次唔會再試。

餐廳吃飯，做的精彩的菜單肯定對食客有影響，至少可以勾起你的食欲琳琅滿目的酒水選擇自然不可少，好菜，好酒，好飲料，一個不能少來這裏吃飯，同事對其他菜肴興趣不大，反而對這道前菜情有獨鐘，尤其那脆辣的小菜，刺激味覺，引食欲真正的好戲是步入正題，主打番茄，洋蔥，牛柳的88CM燒烤號稱該店的鎮店之寶，蔥香味入牛柳，番茄香四溢，這道燒烤是百吃不厭，洋蔥，番茄，牛柳的燒烤火候拿捏的好這道炸雞選材很有講究，雞肉，炸粉，油的選擇頗顯老道，看著就流口水，讓人吃起來恨不得連骨頭都咂乾淨什錦部隊鍋是一道皆大歡喜的飲食，火腿，面，大蔥，各種補品都在裏面，味道足，吃完了炸雞，來點地方特色也是蠻不錯的。個人對韓國米酒不是很喜歡，不過，一起來的同事覺得這裏的米酒味道很足，很韓國不過這道藍色檸檬特飲是我的最愛，很多人聞不了檸檬的味道，而這道飲品的靈魂恰恰就在這檸檬身上

響網上見FD post過一串吊到上天花板既串燒, 一直好想試下, 今晚響尖沙咀收工, 又比我無意中發現到呢間鋪頭, 唔理點樣一於同同事試下. 分左入面同出面既坐位, 入面已經坐滿晒.所以安排坐左出面, 呢條街唔算多車經過所以OK, 最好一樣係可以食煙TIM.韓食鋪頭一定有前菜, 呢間亦唔例外.睇左一輪menu, 除左要大串燒之外, 仲要多個"爆炒魷魚五花肉"($180), 一上枱香味已撲鼻, 睇樣紅卜卜以為好辣, 但一入口又唔算, 係韓式辣得黎又甜甜地既辣, 食得好開胃. 呢碟野由五花腩+魷魚炒埋而成, 五花腩有少少脂肪, 但食落唔覺肥, 仲好香口. 魷魚剪到細細舊, 咬落好彈牙, 仲有椰菜, 芽菜配料, 更加爽口, 呢樣送酒一流.食食下, 侍應就準備食大串燒既爐, 呢個燒碟既設計好好, 末端有個窿, 將個碟斜斜地放, 一路燒出既油就會由個窿流晒落下面既裝油兜, 咁一路食都唔會油淋淋.跟手侍應就令左呢氣"超大串燒"($328), 好純熟咁掛上天花板個勾, 材料之豐富同大舊, 睇見興奮.成條串燒由好多種材料而成, 有青椒, 南瓜, 腸, 大蝦, 雞扒, 大蔥, 秀珍菇, 豬扒, 黃椒,

今天是廿四節氣<大雪>, 真的凍左好多! 又心思思想食辣所以今晚和朋友來到這條韓式餐館集中的街道搵食. 街上有很多餐廳職員招徠. 但看到這家門外己掛滿聖誕裝飾, 都頗吸引. 可是內堂己滿座, 唯有坐外圍區域. 其實在到達時, 己看到有枱客人, 烤板之上, 吊著一串長長的食物, 職員一件一件的夾下來烤熱, 香氣飄溢加上當時好肚餓, 所以覺得特別香噴噴! 大家都想要這款呢, 然後又點了辣炒雞排鍋. 職員先上GAS爐, 再上烤板. 這個烤板是斜放著, 凸出的部份有圓孔, 是方便滴油. 圓孔下置一小碗, 油便滴在小碗內. 記得在首爾旅行時, 當地燒烤餐廳都是這種斜放做法. 再上3款醬料及生菜. 主角大串燒來了! 掛在天花吊勾上的超長的串燒呀! 五花腩, 香腸, 大蔥, 菠蘿, 南瓜, 菇, 肋骨, 豬扒, 蝦, 雞扒, 洋蔥, 青椒, 黃椒. 每款肉類外層已熟. 網上提及, 表面是略為烤熟! 待稍後才在客人面前正接再煮. 而串燒底部的油分慢慢滴下來. 職員剛好來到, 先夾出置底的五花腩, 在烤板上打圈, 以溶化五花腩的油份來潤澤烤板. 夾下一部份食物: 肋骨, 菇菇, 洋蔥,

經朋友介紹，尖沙咀有間好特別韓式餐廳，食材於"空中半天一串串"，所以我就與朋友booking往嘗嘗。店舖內有數名韓藉待應，有ＯＰＰＡ，又有韓妹，真係好似身在韓國食飯一樣。這間餐廳有分室內室外，由於當天天氣不太凍，大家亦唔想食到成身燒烤味，所以我們選擇室外好好享受是次晚餐。前菜的泡菜 ,粟米沙律 ,酸瓜，可再添。88cm長的無敵大串燒 (298元)哇！ 真的好特別， 大大串吊在係天花度，待應逐件由吊在天花中一串串內的各式肉類及蔬菜細心地夾到枱上嘅爐為我們處理慢烤。當中的肉，海鲜，蔬果做配搭。肉類分別有五花腩，腩肉勁厚，層次分明，肉質燒烤過後，香口惹味。而豬頸肉，雞扒及脊排，嫩囗新鮮，肉質軟嫩。香腸，腸皮煎到外皮脆身，入口帶點芝士鹹味，正！ 蔬果類方面:蕃薯:以烤熟的方法處理蕃薯，綿綿甜甜的。 原來這樣好味。鮑菇，爽口，有肉汁。燈籠椒，入口爽甜。而大蒽，洋蔥，烤得好香脆可中和返食咁多肉類冇咁漏。小蕃茄，菠蘿，菠蘿烘烤至外層微焦，咬落內酸酸甜甜的果汁，倍感開胃。海鮮:大蝦，大隻而且蝦膏豐富。 清湯部隊鍋 240元跟住我地叫左個部隊鍋，由於唔太食得辣，所以叫左清湯底， 入面有青口，豆腐，泡菜

香港真係越黎越多韓食店鋪，特別係尖沙咀，單單係金巴利道就至少有10間，經過呢間餐廳都有好幾次，每次見到幾乎個個都食既長長串燒，都好想黎試下。今日趁住朋友生日，一於同佢一齊黎慶祝，因為早幾日已經訂左檯，所以黎到都唔洗等位。餐廳有分室外同室內兩個部分，我地揀左坐室外，天氣涼，又通風，又唔會怕太大陣油煙味。睇左餐牌一段時間，發現佢同之前openrice 見到既有一點兒出入，問起侍應們先知原來佢地剛剛轉左餐牌。餐前小食非常開胃醒神，有粟米沙律，酸瓜同埋泡菜，值得一讚既係D 泡菜整得好入味。超大串燒: 到屋頂既燒肉串，真係幾乎每一檯都叫咁，串燒到左之後，店員就會幫你掛上去天花上既吊環，雖然呢個串燒外觀上非常吸引，但其實食落同平時一般韓燒既分別唔多大，只係有人幫你燒，一路燒一路剪細塊肉，可惜呢個待遇只限於第一輪。串燒上既食物真係一D都唔少，有燈籠椒、大蝦、香腸、豬頸肉、菠蘿、五花肉同車厘茄等等，全部都係由串燒最底層開始食起既。肉類非常juicy又唔太油膩，最值得讚既係香腸外表香脆，都好惹味。蔬菜方面，燈籠椒同蘑菇都相當唔錯。用黎點肉既醬汁有3款，蜜糖芥末醬、黑椒海鹽和泰式酸辣醬，味道相當唔錯。年榚

已經數唔清自己到底有幾多次經過呢度既時候俾果個「吊喺天花板」既串燒深深咁吸引住。等了又等，今晚終於約齊腳，有機會去呢度朝一朝聖！「達人包車」交通十分方便，由尖沙咀心臟地帶經過婚紗街行過去只需十分鐘左右。餐廳分為室外同室內兩部份，適合晒唔同style既朋友。而怕油煙既我諗都冇諗就決定坐喺室外果邊，不過要取捨既係要食埋隔離左右D二手煙，唔係煙民既朋友記住留意！Special 超大串燒 ($348)︰一開始都諗過會唔會只係gimmick野，但一場黎到冇理由唔試架，點知居然有驚喜！串燒長度雖然應該冇1m咁多，但至少都應該有8-90cm。食物方面都非常豐富，豬肉、海鮮、蔬菜、蘑菇及香腸等全部齊晒。坦白講，當一碟肉散叫都要差唔多$100既時候，呢個價錢都尚算合理。坦白講，食物既味道都係D typical大路野，非常juicy同埋煎得非常香口。不過，同其他韓食店唔同既地方係店員會幫你燒晒成條串燒。即使食到中段既時候都唔駛擔心，「㩒個掣」佢就會自動返黎，幫你又剪又燒搞掂埋下半場，認真抵讚！芝士排骨 ($330)︰芝士排骨可選擇5-8件唔同份量，非常有彈性。要留意千其唔好喺食物一上枱時就趕住食，要等佢用

如果連玩過山車、跳樓機同睇鬼片都毫無感覺既人，應該點樣由生活中尋找另外趣味？我正正係呢類人，最受愛新鮮感，所以特愛去幫襯新餐廳，去旅行唔要重覆去同一地方，因此我覺得生活中既驚喜會特別因此而增加左！今次我同朋友黎試試達人包車，唔知名字有咩特別意思，可能係韓文直譯吧，中文就了解唔到其意思。猶如一般韓國餐廳送上一d配菜，用黎包之後既豬腩肉就最適合不過，惹味又感覺清新平衡d。朋友係芝士fans，所以order呢個芝士辣醬排骨$280就最適合不過！首先要講排骨perfectly cooked，肉用筷子一整就離曬骨，超稔，而且醬汁夠曬味道，加埋溶左既芝士，實在口水流。根住叫左呢個天花板吊落黎既88cm大串燒$348，我地叫既心態係最算唔食得都睇得，好有娛樂性呀我覺得，殺左幾張相quota。不過其實都幾好味，而且種類夠多，岩曬貪心及有選擇困難既我，有豬牛雞、腸、雜菌、雜菜同蝦，所以都好，mug都有得試，我要挑剔係點既醬choices太少，而且醬不太出式，只有面豉醬同甜燒汁，辣醬都無...會有staff 過黎慢慢幫你燒，真開心！牛扒超級稔而且無渣又juicy，食落好重牛味，唔錯!!!我最愛雞脾菇，吸曬

對上一次吃達人包車是因為那朋友對天花吊下來的燒肉有興趣, 而今次是另一朋友知道後又要我來同佢吃.先來的當然是主角88cm長串燒上次吃的是1 meter, 太飽了, 今次我們兩個女仔就點了88cm, 相機先吃. 侍應都有幫我們將食物拉下來和切件等.串燒先掛在天花板, 要食時逐一拉下來放在烤爐上燒由於幾塊都是豬肉, 所以真的很飽肚. 五花腩還是最好吃, 很爽口. 菠羅和蕃茄都很清新. 鐵版上排得滿滿的燒肉, 很滿足! 其他有香腸, 雞扒, 脊排, 豬頸肉, 大蝦, 大蔥, 小蕃茄, 南瓜等....  都是預先烤好格仔紋, 現在放回鐵板加熱.  沒特別的調味, 就是吃本身的味道!勁辣海鮮鍋, $200以另一個小火鍋熱著, 由於友人不吃辣, 我就先把辣椒拿走, 不過泡菜湯還是越滾越香辣. 藍青口有很多, 而其他海鮮有大蝦, 魷魚, 花甲, 主要的海鮮都有2隻, 不用切開, 吃得方便~還有很多金菇, 配菜等不擔心太飽.

我其實對韓國餐麻麻地，因為好驚樣樣都用一種韓國辣椒醬煮，出黎都同一個味咁！不過，個日好餓，朋友又話想食韓國菜。就行上金巴利道揀！好彩揀到間好野！呢道最好有outdoor area !! 啤酒，炸雞，食煙可以一齊！唔駛行來行去！除左啤酒，呢到西瓜燒酒真係好正！記得點黎配炸雞！同埋韓國梅酒，超級鍾意！btw , 炸雞，還是原味好！緊記緊記！

香港真係愈黎愈多韓食店鋪....之前見人黎食88cm巨串...俾佢張圖既震撼既吸引而黎7點多黎到達人包車...店鋪有分室內同室外...今次我地選擇左坐室內...室內已經開始有少量人等位了...我地大約等左10分鐘度...就可以入座了😁😁坐底後...已經有三款前菜放係枱上了...話明俾88cm巨串吸引而黎...一坐底第一件事就order呢個巨串😂😂😂....有香腸...雞扒...五花肉...脊排...豬頸肉...大蝦...同埋大蔥...小蕃茄...南瓜...一d疏菜類配菜...其實味道就沒有什麼特別...只是噱頭吧...不過真係好大串😂😂😂另外仲order 左芝士排骨...發現呢個比88cm巨串更震撼...見到芝士慢慢溶化...急不及待配合埋排骨一齊食...排骨肉身比較淋..易咬...芝士味道岩岩好...唔會過濃亦不會太淡...兩者配合得很好😋😋...年糕，腸，車厘茄都一齊配合芝士食....嘩...正呀😋😋😋飲品方面...order了西瓜清酒...入口清甜...酒味微香..但不太濃...易入口...而且有一d西瓜肉配合...完全唔似飲緊酒😂😂😂...分量都多...飲極好似都仲有...呢個

一向對韓國菜不太熱衷的我, 沒想到 達人包車 令我對韓國菜的感覺有所不同 前菜:泡菜不錯, 但另外兩款都普通 西瓜燒酒: 頗特別的西瓜燒酒, 當初都怕份量太少, 始終都有7個人, 但原來份量相當的多, 一人可以飲2-3杯味道比想像中好, 燒酒味淡香, 但同時亦有淡淡的西瓜味, 調較得不錯超大串燒 - 豬肉, 海鮮, 蔬菜, 蘑菇, 香腸: 相信不少人對88CM長的超大串燒都很感興趣! 朋友指明必試之選超大串燒有兩款:1. Premium: 牛肉, 豬肉, 鮑魚, 海鮮, 蔬菜, 蘑菇, 香腸 ($488)2. Special: 豬肉,海鮮, 蔬菜, 蘑菇, 香腸 ($348)朋友本想選Premium, 但售罄, 唯有選Special坦白的說, 這串串燒, 無論Premium和Special都完全不值, 話雖說有88CM長, 其實有多少食物有目共睹, 所謂海鮮其實又是蝦, 蔬菜類較多, 非常之賺到笑的一道菜而這串串燒是先掛在天花板, 要食時逐一放在烤爐上燒, 食落所有都平平無奇, 無特別可言但奇怪是, 這個GIMMICK做得非常的出色, 因為人人談論好特別, 其實叫其他食物反而更