道

营业中

休息中

呢間拉麵舖真係長期都好多人排隊🥹起碼都要排一個鐘先食到 不過真係好好食🥹🐽濃醬油雞清湯拉麵 $118本身好鍾意食醬油湯底 今次見到有個濃醬油版緊係要試下佢😚店員都好詳細咁介紹佢地碗拉麵🥹用左5種唔同既醬油配合自家製熬既雞湯而成 自己個人就覺得有啲鹹🤣我都係適合食返普通版多啲🙊麵條偏幼身 口感好有咬口😋叉燒整得好嫩口 微微煙燻味🤤溏心蛋都好出色 好流心✨蛋黃好橙🫣🐽塩雞清湯拉麵 $98另外試左碗塩雞清湯拉麵😋湯底清得黎又好有雞味😚係真係會成個湯不知不覺飲曬🫣麵條一樣都係偏硬 但整體黎講都係好好食🥹🐽螢光魷魚 $48佢地定時都會有期間限定既小食 嗰時就有螢光魷魚🥰仲要好好彩得返一份🫣真係好好食 唔似平時食嗰啲死鹹 好鮮甜🥺

原來紅橋有間主打雞白湯拉麵店，位置都有點隱蔽。晚市六點開始，店內座位只有12個，亦只有一個師傅煮麵，錯過了頭圍用膳，就要等一個鐘。▪️雞白湯拉麵 $98（附雞叉燒 、味玉、紫洋蔥、青蔥及香葉碎）頭湯味道濃厚，但無預期中綿密。店員建議中後段加入香葉令味道清新，但分別不大。麵條得一款，不能選擇軟硬度，口感偏硬，掛汁力亦一般。▫️ 濃醬油雞清湯拉麵 $118（附雞叉燒、味玉、紫菜、大蔥及青蔥）湯底以5款秘製醬油，包括日本手工製醬油調製，濃郁醬油麻香味而不太油膩。店員推介可加入黑椒粒提升層次，但味道有點蓋過雞湯。慢煮煙燻過的雞叉燒，不算乾柴但又未算嫩滑，普普通通；味玉有點過熟但勝在夠入味。▪️唐揚炸雞 $28即叫即炸，粉醬不多，調味剛好，口感細嫩多汁。拉麵店裝修較為現代風有別於傳統店，席前料理讓客人能夠觀摩整個煮麵經過。區內有特色的拉麵店不多，雞白湯也是；如果對拉麵要求不高，可以一試。

景峰算係屯門一個美食點，週圍有很多不錯的小店，而這間算是偶然發現的驚喜 ～由斜路行落嚟，見到有人响度排隊，八卦走過嚟望下先知呢度有間拉麵店。見人唔算多就排下隊試下。這裡選擇不算多，只有幾款拉麵和小食。我和朋友就揀咗兩碗拉麵（塩鷄清湯拉麵和濃醬油鷄清湯拉麵）和一份唐揚炸雞。兩碗湯底也很湯清，不像現在很多濃到起漿的湯底，我個人較喜歡塩鷄清湯拉麵，因為濃醬油有少少太重醬油味，有少少澀。叉燒用了鷄叉燒，不會太鞋，但有點太薄。炸鷄也蠻不錯，不會太油，夠多汁。呢度嘅服務亦相當不錯，除咗有禮貌，侍應在每次拉上桌時，也會介紹一下他們的拉麵，相當貼心。

好耐無岀過文了！是時候要上一上水吧～今次介紹嘅餐廳係位於屯門區。眾所周知，屯門紅橋一直都好多唔同嘅特色美食。而其中一間就係我幾鐘意嘅道拉面。但大家一定要預早少少去排隊等候，因為每一碗都係即叫即整！先介紹環境，餐廳只設吧枱，每一個位都可以望住師傅即場製作。衛生方面，地方十分整潔，燈光亦很明亮，整體感覺舒適。而服務方面，店員的服務質素很好，很詳盡地為我介紹每項食物，態度亦很有善。今次試左招牌拉麵-濃醬油雞清湯拉麵($118)同埋一份唐揚炸雞($48)。拉麵湯底第一口覺得幾特別，醬油底混合雞清湯之鮮味，岀面嘅拉麵鋪唔係咁食得到。拉麵麵質彈牙。配料嘅雞叉燒都做得唔錯，十分嫩滑重雞味。糖心蛋亦做得適中，不俗！炸雞一上枱，第一個反應係每一件炸雞都好大件。而雞肉炸後，裏面水份充足，不會炸得很乾，食落很嫩滑，外層的皮都唔會太厚，油膩感唔係好重。總結，值得一試！但要記得預早少少嚟排隊。

想試呢間拉麵店好耐 以雞湯為主題啱啱開業時每次經過都排晒長龍有朋友食完 話一定要再encore店內座位唔多 係常見嘅bar枱客人可以邊等邊欣賞一碗拉麵嘅誕生都係種享受🤤1️⃣醬油雞清湯拉麵餐牌有幾款拉麵想試下清清地 就叫咗呢個店員好好 會先介紹呢碗拉麵有咩特別之處湯底係加咗三種唔同嘅醬油 清甜唔會死鹹不過麵質就偏硬 本人中意食軟身少少被炭燒過嘅雞肉叉燒 好滑食到一半 店員話可以加啲黑椒將個湯層次昇華2️⃣唐揚炸雞好好食係被拉麵耽誤嘅炸雞店 必試！👍🏻外皮好薄 雞好嫩滑總結屯門隱世拉麵 必試！

終於的起心肝來這家小店吃一次每次路經都很多人排隊~ 今日見天色幾好就出發同友人去食呢間咁出色既小店~今日一早就黎到排隊~ 排頭12位真係要有心理準備早點到呢~準時11點30分派飛仔~ 坐了在門口等了30分鐘! 終於入席了~!!!  一坐下先來一杯啤酒給自己和友人消暑降溫~ 爽到不得了!!!這家小店採用 YEBISU PREMIUM DRAUGHT 生啤YEBISU這款生啤~ 麥芽味及泡沫綿密~ 真的日本生啤界其中一名皇者~ 堅正~ 接著就是前菜~// 龍蝦沙律配紫菜 / HK$48呢款龍蝦沙律是新推出的，龍蝦肉打得好綿密，咀嚼中還會吃到一點點的龍蝦肉所選用之沙律醬跟龍蝦肉的清甜相當配合，加入了這個應該是香葉碎(?)味道濃郁得黎很下酒!  加上紫菜中和這個濃口味道 ，我覺得非常不錯~!  第二款小吃就是  // 唐揚炸雞 (4件) / HK$48這個炸雞真的瘋了~  相比起拉麵~ 這個是超水準 ! 真的看得出用心製作! HK$48/4件真的真的真的 太 好 吃 了 吧 ! 外皮相當脆薄 ! 內裡的雞汁完美地鎖在雞件中炸漿做得相當入味，雞件亦有輕微調味，整件雞件對我來說都不用加什麼沙律醬已

平時見排長龍，今日見到得幾個人 就食吓啦，但都等咗半個鐘，仲要隻腳俾蚊咬咗十幾粒蚊爛！本身想試吓雞白湯嘅，第一次食問店員有咩推介，店員話如果鍾意濃味啲就揀濃醬油清雞湯，咁我聽吓佢講啦，點知個湯底勁多油，都唔敢飲埋啲湯，同埋個面好硬，問吓店員佢先講佢哋面底預設係偏硬，咁唔係應該同客人講聲先咩，我鍾意偏淋嘅，我唔記得咗自己有冇講，但都冇諗到硬到咁，只係個叉燒幾好食，總括嚟講，$118都要室外曬住餵蚊等半個鐘，唔值！

由於有介紹話連日本人都話好食、多咗個煮麵嘅工序、即管嚟試試。算係隱世嘅正宗講究日本拉麵店、難得開喺非遊客區、仲係喺該區入面一笪indie 嘅範圍甚至喺唔顯眼嘅一條巷徑度。食呢間最大問題係等位、唔怕等位就可能近乎完美～絕對日本水準、欣賞主打醬油而唔係好多本地冒起嘅拉麵/連鎖店一味豬骨路線。碗麵完全冇投訴、各方面良好。但有時睇得太多報導可能會先入為主咗、任佢點好食都可能影響到少少驚喜悅感。由超好食變為符合預期。結果、碟side dish【唐揚げ】炸雞（雖製作需時）、相比下意想不到好好味、雞好有雞味、炸皮亦趣、油膩感恰當、雖然feel到上顎有少少熱氣、勝在有冰水任斟。非常滿意、但由於排長隊始終係人生一大問題、或者等到第時冇咁人氣先可以再嚟幫襯喇～

今日12點零鐘就黎到屯門虹橋呢邊食拉麵，好彩啱啱好，仲有位，估唔到已經差唔多坐滿喇，餐廳細細，只有12個位，估唔到平日咁早已經好受歡迎，開心，咁啱唔使排隊，呢到主打雞湯為主既拉麵 要試試佢先，雞白湯拉麵 💗😋醬油雞清湯拉麵👍😋（第一次食既話，店員仲會祥細介紹一下）唐揚炸雞仲有廚師推介 既季節限定螢光魷魚🦑👈好食呀，有驚喜食哂，好滿足，4樣食物都好滿意整體服務同質素都好好😚走既時候仲見到源源不絕既人黎食，屯門區高質拉麵小店，支持支持

店員好有禮貌，會間唔中留意吓進食進度，又會耐心講解。舖頭環境乾淨衛生，但係座位真係太少了只有12個吧枱，所以當日食排咗差唔多一個鐘。每個食物到咗之後店員都會講解佢哋嘅烹調方式同埋食材來源，呢個位加分。總括而言，各樣嘢都超水準對得起價錢，如果對啲大集團霸媽、一幻嗰啲冇晒信心嘅話，呢度絕對可以重新勾起你對拉麵嘅熱愛，希望呢啲小店可以繼續撐落去，以後都繼續食到。

四戰道拉麵，今日品味最新作品鹽雞清湯拉麵，為菜單最後一道拉麵，前三次每碗拉麵都令我眼前一亮，未知今次可否再比驚喜我。拉麵上枱呈現出一種潔淨感，雞湯淡黃色而清澈，每條拉麵，每種配料都清晰可見。食麵前先品嘗一下湯底，想不到一口湯過後就驚艷非常，一股濃烈既雞湯味在口中爆發，香濃而清爽，單單飲湯都好滿足。跟手到食麵時間，每一條麵都沾滿湯汁，每一口都係滿滿既雞味，估唔到清湯底都咁掛湯，配上雞叉燒食又係一種享受，叉燒肉質滑嫩，煙燻味十足，食完雞既鮮味係口中徘徊，回味無窮。要留意拉麵附上的流心蛋蛋味濃厚，如果蛋黃唔小心流入湯底會破壞雞清湯既純粹感，食用時要注意。今次一樣加點了唐揚炸雞，炸雞外皮金黃色，雞肉炸得剛剛熟，鮮嫩多汁，係一道上佳之作，不過炸漿既調味會破壞雞清湯既潔淨感，所以不建議一起食用。鹽味拉麵一直係拉麵既功夫菜，要做得好非常考驗師傅既功力，道拉麵稱得上實力派，可以呈現一碗咁純粹既鹽味雞清湯拉麵，一碗絕對要飲哂湯既拉麵，期待下次再來享受。

—預習去日本要排隊嘅戲碼1815去到已經入咗一輪人前面仲有10幾人坐櫈仔排隊最後等咗一個鐘入去 再等多20分鐘食🐓雞白湯拉麵(98)叉燒/味玉/紫洋蔥/青蔥/香葉碎因為第一次嚟食 店員會簡單介紹製法雞湯以日本雞大火熬煮8個鐘 並打泡增加濃稠口感 食咗一半可以加香葉碎🍜濃醬油雞清湯拉麵(118)叉燒/味玉/紫菜/大蔥/青蔥雞叉燒以九州華味鳥自家卷製煙燻嫩滑不在話下 淡淡燻香很有驚喜🍗唐揚炸雞(48)4塊大大件雞扒 肉汁四溢芥末沙律醬 有助解膩———————————————道 Michi屯門青菱徑7號華興大廈地下H號舖

是日落雨出面排隊排得耐都唔係問題 想試 所以等係心甘情願不過排得耐 成45分鐘 然後入到去先講好多味賣哂得返醬油同濃醬油 咁點解一早排隊mark位果陣又唔早講？寧願佢早講我及早轉場🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️🤷🏿‍♂️水杯又冇俾 開口拎左個杯 但水壺d水又唔會refill個麵嘅口感係好食 但湯底又好咸除左個麵底 同衛生ok 其他都👎👎👎👎👎👎👎👎👎👎👎👎👎冇下次

今日三顧道拉麵，為的是一碗濃醬油雞清湯拉麵，今次一開店就來訪，得以首輪入席，無須在外日灑雨淋。目的明確，一坐低就點好拉炸雞，靜靜等待美食，道的店員比上次三個人加了一個，烹調備料的速度好像紅彗星三倍速般，未幾拉麵炸雞就左眼前。店員依舊細心講解拉麵的用料，食法，得知濃醬油拉麵除左以慢煮雞湯作基礎，配以一層烤過既雞油，原來還加入煮干提鮮，而醬油殊不簡單，由五種醬油混合而成。一啖湯入口，醬油香混合雞湯味衝擊味蕾，細細品味下會有一股鮮味，湯底果然無令人失望，拉麵今次煮得剛剛好，有彈性之餘唔會失去麵粉味，奈何湯底太出色。另一驚喜係雞叉燒尤勝上兩次，入口煙薰味好強，肉質細嫩，雞味依然保持，外皮呈棕色，有如火雞般的顏色。店員建議食到中段可以加黑胡椒改變口味，添加後湯味鮮甜感增加，不過黑椒味太強烈，蓋過湯底細膩的地方，所以個人不太喜愛。炸雞依舊大大舊，不過水準有啲下降，雞肉無左嗰種嫩滑感，感覺有啲為快而失去質素。整體食感都係相當滿足，一碗拉麵就可以令人回味無窮，道拉麵暫時係我心目中既頭幾位。

第一次看到長長的人龍時，放棄左等候。今次特登早少少11:50am 到達排隊，可惜已是隊尾🥲 即是排第13個，要等頭圍12人食飽先到我們。 不過幸好拉麵店準備好椅子給客人等候，相當細心。 點了兩款口味：🍜雞白湯拉麵 $98 看見師傅用心製作已值回票價，預先用熱水座暖拉麵碗，這一點在香港拉麵店并不常見，可以令到拉麵保溫到最後一啖。👍🏻👍🏻欣賞！雞白湯質地非常濃厚，不會太膩，麵質偏硬，口感不錯，叉燒非常出色，肉質鮮嫩。 🍜濃醬油雞清湯拉麵$118 貌似清淡的濃醬油雞清湯都幾特別，比起雞白湯我更喜歡這款，喜歡清湯的順滑口感，比較清新。另外還附上香草碎可以後加，可品嘗到兩個口味。🍗唐揚炸雞 $48 炸雞是必點的，師傅為每位客人即叫叫炸，炸雞香脆多汁，而且份量很多。值得推薦😋👍🏻