道

單純憑個人觀察，得出香港青年人好喜歡日本拉麵的結論！而我可能不再年青，所以比較愛吃港式魚蛋粉和牛腩麵！自2023年情況有點改變，假如老公說要去吃拉麵，我不再喵嘴，更會願意陪他一起在拉麵店門外排隊，因為我也喜歡上「道」。憑什麼喜歡？首先是「道」的湯底，完全沒有過鹹、重口味和太膩滯等以往拉麵帶給我的感受。「道」的湯底很有層次，主打的雞和醬油，平衡且來得清晰細緻，喝一口你會感覺到湯頭的深度！縱使是單純的雞白湯，在迷惑的雞香下，濃度和稠密度也不會產生膩感！另一方面，常說日本拉麵不太健康，但我體會到「道」是香港鮮有注重選料，結合本地優質食材和使用純正水的拉麵店。例如選用本地的農舍雞、本地麵粉摻合日本麵粉，出品有著新鮮健康和本土的風味！「道」營業時間為中午十二時，2023年那些年，我們會趁著星期六客人相對較少，十一時半抵達排隊，經過登記和取票，肯定能成為第一輪12位入座的客人。可是最近一年多不行了，試過兩次的失敗，如今非要提前一小時抵達！雞白湯拉麵 HK$98、塩雞清湯拉麵 HK$98、醬油雞清湯拉麵 HK$98和濃醬油雞清湯拉麵 HK$118 是「道」主要四款主打。我們常選的是醬油雞清湯拉麵和雞白湯拉麵，可以感受到湯與醬油的細緻度；與及熬製8小時、除了少許鹽，並無添加的純美濃香雞湯。然而濃醬油雞清湯拉麵算是當中較重的口味，除熬製18小時雞湯，更混合5款以上醬油之多！味玉淡淡然的味道來得剛好，與四款湯底極為匹配。叉燒不是焦香版，而是九州華味鳥雞肉的結實口感！龍蝦沙律和唐揚炸雞是「道」兩款小吃，個人喜歡多汁的炸雞多一點！剛星期六的一趟，發現「道」除了印製新餐牌，原來也有一些新轉變，遇上期間限定的山椒塩雞湯拉麵 HK$138 是其一。每款拉麵亦可加 HK$60 升級至特盛 ，即額外豬肩肉、雞胸肉和山椒鴨胸各兩片。每款肉也不錯，就連雞胸也十分嫩滑。而麵條亦可選擇多加水麵和低加水麵，前者較軟，後者較扎實。屯門拉麵有「道」！不管廣東麵食或日本拉麵，挑好的來吃就是錯不了。…查看更多

《道 Michi》雞🐓白湯拉麵🍜📍屯門青菱徑7號華興大廈地下H號舖上次黎呢間店大概係兩個半月前，當日係平日lunch，我12:15到，籌號 21，排左 20 分鐘有得食。今次黎，係紅日嘅晚巿，我同個女 6:05pm 到，籌號竟然係 60。因為本身又未肚餓，所以同個女兩個人响附近食下小食，7-11買下零食，飲吓野，時間不經不覺到 7 點幾。雖然我知前面有 59 個人，都冇可能7點幾就有得食，不過我心諗，前面總會有 d 人唔等走左，心存僥倖地諗，應該8點幾有得食啦呱？點知，以我觀察，職員出來叫 number 時，只有2個人冇等😅，其餘 57 人全數都係乖乖地等待。結果，我等地到 9:35 分先入得 😵😵😵😵😵。等候時間係 3 小時 30 分鐘⏰。當然，有人願打有人願捱，冇人強逼我地一定等，我地大可以一走了之，所以等得耐，並唔係店家問題，只係呢間店真係太受歡迎。從職員口中得知，晚巿雖然開6點，不過4點幾就有人開始排，所以原來我6:05先到，係何其的遲。言歸正傳，上次食嘅係《塩雞🐓清湯拉麵🍜》，我比嘅評分係⭐⭐⭐☆☆，因為個雞清湯唔單單係清，仲相當的淡，雞味並唔濃，亦唔出，所以一直冇刻意再去食。因為今晚同個女拍拖，所以想帶佢試下呢間神店，想知佢又覺得如何。今次食嘅係《雞🐓白湯拉麵🍜》，亦係menu上面數落黎嘅第一項，照道理應該係最招牌。食完之後，我嘅評論同上次類近，湯嘅雞味唔夠濃郁，以雞白湯來講直情係淡。我去評價啖湯得唔得，我會主要分5個角度去睇，香味，濃度，鹹度，質感同溫度。唔少人會將濃度同鹹度混為一談，其實佢地係唔一樣。濃度指嘅係食材味道嘅濃度，鹹度係指鹽分有幾高。簡單形容就係，一碗滿滿肉味嘅肉湯但冇加鹽，就濃而不鹹；反之，一碗清水加左勁多鹽，就淡而過鹹。呢間店嘅湯頭，既淡，鹹度偏低，比人嘅感覺唔夠力。另一方面，因為佢嘅雞油幾香，同夠熱，所以大致上都算討好，但對我而言絕對唔算驚艷。另外，雞白湯同雞鹽湯用嘅麵係唔同。呢款麵相對比較深色，全粒粉，口感較粗糙，加上唔知係咪我當日係食全日最後一碗麵，我覺得個麵冇煮透，仲係生生地，所以我覺得唔好食。雞叉燒方面，軟軟嫩嫩，不過調味略嫌過淡。溏心蛋就幾好，生熟度控制得好，enjoy 食。全碗麵令我最印象深刻嘅，竟然係佢嘅蔥，質感同蔥味都同平時食到嘅有明顯唔同。整體 - 不推薦。如果你真係食得好啖口，可一試，不過要注意排隊時間。無論點好食，要排太長時間，食龍肉都冇味。我個人接受到嘅等候時間係大約一小時，今次等左三個半小時實屬偶然，可一不可再，下不違例。…查看更多

喺日本我試過排隊兩粒鐘食碗拉麵，但香港嘅話我就唔願意等多過半粒鐘。不過凡事總有例外，早前為咗食傳聞中嘅新界第一拉麵，我破戒啦。嗰日喺閒日黃昏，目的地係偏離屯門市中心，位置唔起眼嘅「道」。六點晚市開始，提前15分鐘嚟到極有日本傳統拉麵秘店feel嘅門口攞飛。我應該排第13人左右，剛好排唔到第一輪客，結果要六點半先入到場，即係等咗45分鐘。雖然呢間店嘅雞白湯拉麵好出名，但我點咗自己最愛嘅鹽雞清湯拉麵（$98）。拉麵賣相靚仔，個雞湯底又鮮又清，飲得舒服，睇資料店家話個湯用本地雞熬製18個鐘，所以真係好有雞味。麵用咗偏幼身嘅麵，同個湯好夾。配料就有雞叉燒、味玉、紫菜同兩種葱，簡簡單單反而突顯咗湯底本身魅力。值得一提嘅呢度嘅雞叉燒用咗九州華味鳥慢煮製作，相當嫩滑，有驚喜。小食要咗兩件唐揚炸雞（$28），超級好味，肉夠滑又juicy。見open kitchen內有一人專門負責炸雞，更用上好專業嘅廚用溫度計，經常去觀察雞肉嘅溫度，難怪做到外酥內嫩嘅效果。好耐冇喺香港食過可以拍得住日本嘅拉麵囉，呢間鋪冇令我失望。值得一提嘅店家堅持人齊先可以攞飛，所以唔好諗住搵人提前嚟排隊。…查看更多

繼麥先之後 心目中最好味嘅拉麵🍜❕❕第二次到訪「道 」排隊都排咗個幾鐘 不過為咗呢碗拉麵絕對值得😍今次試咗期間限定口味 山椒湯鴨胸拉麵 好驚喜呀 入口有種持續但輕微嘅麻麻哋 每一啖食落都好香 加上面頭有浸香油 夾埋滑捋捋嘅麵質令我停唔到口 鴨肉唔好浸太耐 要保持佢嘅嫩滑 每一啖都好幸福 冇諗過會食到呢種口味嘅拉麵，完全就係我嘅口味🤤炸雞同樣出色 睇住佢哋即炸 薄脆皮黏着雞本身嘅油脂 就咁加檸檬汁已經好好食但係飲咗太多湯 食到最尾feel到有啲膩🤣…查看更多

## 食評：不值得一試的餐廳最近我光顧了一家人氣餐廳，聽說他們的食物相當不錯，但實際體驗卻讓我失望。### 食物質素食物的味道一般，並沒有特別出色的地方。讓人感到平淡無奇。對於我期待的美味，實在有些失望。### 排隊經歷更讓人無法接受的是，排隊的時間實在太誇張了。即使是平日的午餐時段，我也要等了將近一個小時才入座。這樣的等待時間讓我對食物的期待值直線下降，實在不值得。### 服務態度最讓我感到不悅的是職員的態度。他們似乎對顧客並不太上心，服務過程中顯得很冷漠，甚至有些不耐煩。這樣的服務體驗實在讓人難以再光顧。### 總結總體來說，這家餐廳的食物和服務都未能達到預期，排隊的時間更是讓人失去耐心。如果你考慮去這裡用餐，我建議再三考慮，或許有更好的選擇。…查看更多

原來已經有一年冇食 近大半年太多人排 之後冇乜再食過 今次再食返 味道有明顯嘅轉變入店前要有嘅心理準備1️⃣只限一次性落單 不可加單2️⃣開12:00 店員係11:45左右先派飛 如果想食第一輪就要11:30前開始排隊..(講緊嗰日weekday仲要黃雨.. 我哋大概11:15到 前面已經有五六個人😭)3️⃣人齊先派飛─ ⊹ ⊱ what we had ⊰ ⊹ ─𓍯 雞白湯拉麵 - 4 / 5單純嘅雞白湯 熬製8小時今次嘅雞白湯比較清 已經冇以前咁濃厚黏稠🥹鍾意食creamy雞白湯可能會有啲失望低水麵條掛汁 口感煙靭𓍯 濃醬油雞清湯拉麵 - 4 / 5湯底清而不淡 入口第一啖甜甜地 雞味喺中段散發出嚟雞叉燒軟嫩溏心蛋生熟度控制得好 蛋香濃郁𓍯 炸雞 - 4.5 / 5大大嚿嘅炸雞 出奇地好食!! 個皮勁薄+酥脆 唔會油膩雞肉多汁鮮嫩─ ⊹ ⊱ tldr ⊰ ⊹ ─拉麵係有水準嘅 但要排咁耐隊就不了鍾意食濃稠雞白湯嘅朋友可以唔使試味道: 4 / 5價錢: $ 100-200 pp服務: 3.5 / 5環境: 3.5 / 5cp value: 4 / 5re-visit: maybe…查看更多

未試過食得咁嬲 到左又話出面等派籌 等左好耐冇人出黎去買左支野飲又話唔齊人要等齊人先派得企左系到大半個鐘天又熱入到去好失望 啲人講到好好食個雞白湯似就咁雞湯加cream …查看更多

根據個人嘅體驗同觀察，呢間拉麵店嘅負評都似乎係因為部份食客太敏感，或者得唔到自己想要嘅嘢而比嘅負評。排隊時間：我哋一行二人大約6:10攞飛，當時已經入咗第一輪，我哋嘅號碼係39同40，所以我哋都保守估計起碼要等1.5-2小時，我哋都去搵地方行吓坐吓，自己預計時間再返嚟。想食好嘅嘢就預咗要排隊，冇人排隊或者排隊時間快嘅話，其實正正係反映食物質素。老實講，當有食店要求食客限定時間還枱，都會俾人鬧等得咁辛苦仲要限住時間食，為做生意影響食客用餐體驗。另外，見到有食評話店家一次只煮一碗麵，係特登慢慢煮從而製造人龍，根本呢一句就係無稽之談。睇住店家每一煲嘅水每煮幾碗麵就換一次，仲洗埋煲，就係為煮出黎嘅效果，正因為如此，麵質同放湯時先可以減少雜質。由呢一件已經可以睇到，店家係真係唔怕麻煩，唔係為速度，無為做做多啲生意而影響質素，佢有佢嘅原則去堅守住自己嘅出品質素。湯底同麵質：等位嘅時候又睇到有好幾個食評話湯底淡味，唔夠味，唔岩食重味嘅食客，講真我哋當時都有少少concern。🤔我地order 雞白湯同濃醬油雞清湯，先飲一啖雞白湯，雞湯非常濃郁，絕對唔係令人口渴又或者係溝出嚟嘅嘢，口感creamy，配上麵掛湯一流！呢度小小嘅綠葉——青蔥，亦都絕對做到佢嘅角色，喺呢碗拉麵帶到一點嘅refreshing and highlight! 麵質同麥味對我哋嚟講都係唔錯，同佢哋嘅湯底都好配，口感都岩岩好。雞肉入口帶輕微煙熏味，肉質嫩滑，華味島嘅雞肉只要處理恰當，一定唔會令人失望！食緊嘅時候個腦即刻諗返之前喺灣仔食咗一間日本人開嘅雞白湯拉麵，當時飲一啖雞白湯已經非常失望，勁似忌廉雞湯，而且當時真係口渴！香港人嘅道拉麵嘅雞白湯能夠做到呢個效果，真心無失望！濃醬油雞清湯做到濃而不俗，雞油嘅香氣同醬油平衡得恰到好處，無互相搶鏡，配上幼麵感覺係一個非常適合嘅配對。而青葱喺呢一款湯底嘅拉麵嘅發揮更加明顯，將拉麵同湯底帶去另一個層次。特盛包括幾款肉，山椒鴨胸係值得一試！其他肉類都有一定嘅質素。服務質素：由排隊，攞飛，入座，點餐，收餐，埋單，再加上有時觀察到店家同其他食客嘅互動，絕對唔明白其他食評點解話佢哋服務質素惡劣，當然，每個人嘅感受都應該被尊重，同時，大家把尺都唔一樣。今次之後亦都更明白，香港人真係好鍾意投訴😂😂😂等候環境多蚊同埋熱，呢個完全唔係店家可以解決到嘅問題，店家係有提供蚊怕水俾有需要嘅人士使用。人齊攞飛，不定時派飛，呢兩樣嘢其實實會將心比己嘅一定能夠明白，店家想公平處理又有錯？冇安排一個指定職員企喺門口全天候排飛又有錯？一間舖頭仔…- 喺人手可以嘅情況下出嚟派飛，- 張飛上面有QR code可以隨時scan睇吓排隊嘅情況，自己預時間返去，- 提埋大家時間太抆先返去有機會miss左號碼就冇得補飛，-又問埋大家有冇需要噴蚊怕水，因為喺度等會好辛苦做到咁唔夠？😂 By the way, toilet 好乾淨！除咗拉麵，我哋都嗌咗龍蝦沙律同埋炸雞，炸雞嘅炸醬的確唔係我哋嘅個人喜好，但係雞肉無論處理定係來貨都係食得出店家係有用心。以上兩款拉麵都清光光，冇乜負擔（除咗排隊嘅時間😂😂😂）嘅拉麵晚餐，下次會strategy 咁排隊✌🏽✌🏽…查看更多

I finally made my decision to travel all the way to Tuen Mun to check out this legendary Ramen place.This is the first time I waited for more than an hour to wait for a bowl of ramen. It’s so hot today, me and my friends were so hangry. I was like, this better be good and…I now understand why people are willing to wait that long for them. Not only the ramen was very well presented. Honestly, I don’t see many places in HK fold their noodles. And their broth is just incredible😋I ordered the signature Shio Ramen, my friend ordered the Shoyu Ramen. This has to be the most sophisticated Shoyu broth I’ve ever had. I can literally taste how many layers are there and the Smoked Chicken Chashu was heavenly🤩The soft boiled egg was very FOINE too😊The noodles the chef suggested was on the softer side but it was also the smoothest noodles I’ve ever had too. Now I get it why this ramen spot is so highly praised. I’ll defo come back again to check out their Chicken Broth Ramen and their Sister Restaurant Menya Shinka🤩…查看更多

短短10日內，來了兩次。🍜第一次吃了雞白湯拉麵$98第二次吃了鹽雞清湯拉麵＄98（+特盛$68）還有炸雞2件🐔湯底不錯，平時不喝湯底的我也喝了半碗，有種滋補的感覺！但喝到半碗，便開始有點膩😂唯有加啲蔥入去中和下拉麵和糖心蛋不錯🥚_🪿🪿🪿🪿🪿🪿🪿🪿🪿🪿🪿🪿但驚艷我的是它那來自法國的鴨胸💯一口吃下去好香濃的肉味，有嚼頭，也嫩！👏🏻一直對鴨胸沒有好感，又嚡又乾就是這兩片鴨胸讓我改觀了以往的認知會 Encore~😄…查看更多

近日於貴店用餐，對店內員工的服務態度及專業知識感到失望。當日，本人在落完單之後，見到隔離枱嘅唐揚炸雞幾吸引，之後就向店員要求加單，不料該名店員不僅以冷漠態度拒絕，表示因店外客人眾多而不接受加單（我都喺出面排左70分鐘架），且過程中毫無任何歉意（喺落單嘅時候都冇提過不可加單，亦都冇張貼有關不可加單提示）。更令我不滿嘅係，隨後該名店員聽到其他更有經驗嘅同事得知實際情況後，又主動同我講可以加單，最後我亦都拒絕幫我加單。而且我哋最遲入座，但最早離開，讓位俾後面仲等緊嘅人，入面仲食緊嘅人，又唔見你哋催佢哋快啲食完，後面仲有好多人等緊喎本人認為，這種行為反映出貴店員工對店內規則認識不足，對顧客的回應欠缺禮貌及專業。初時不加以核實同埋告知規矩，便直接拒絕客人，後又改口，造成顧客的不便及困惑。如此服務態度，與貴店作為知名品牌的形象並不相符。最後，拉麵係幾好食嘅，但係要再排咁耐隊就不了。…查看更多

「荒謬排隊制度！人齊先派飛？咁派飛把鬼咩？！」呢間餐廳嘅排隊安排簡直係「天才」級別！完全唔知派飛嘅意義喺邊，玩客咩？ - 人齊先派飛？咁派飛嚟做乜？ 門口寫明「派飛等位」，點知排到先同我講：「要人齊先可以攞飛！」——咁你派飛把鬼咩？唔通我專登叫朋友喺街度罰企等？定係要我變魔術即刻變齊人出嚟？ - 員工邏輯爆炸 問店員：「咁派飛嘅作用係咩？」佢竟然答：「公司規定。」完全解釋唔到點解唔可以預留位置，等齊人先入座。其他餐廳都係派飛後慢慢等齊人，得你間店特別「聰明」？ - 浪費時間玩客 結果我哋要企喺門口等朋友到，先准攞飛，然後再重新排過？咁同直接walk-in有咩分別？根本係玩嘢！ - 結果遲過我排隊既人可以食先最後我係冇幫襯佢！…查看更多

員工態度惡劣及外表衛生欠佳客人必須在外等侯並且無時無刻齊人 不然不獲等侯票店外環境欠佳一直有滴水和蚊蟲滋擾 其實等唔係問題 但佢又唔係有人排隊立即派飛我大概等左20分鐘先有人岀來，然後說不齊人不會派飛要全部人係門口一直等佢岀來派飛？(一到步就入左去問要唔要拎飛，佢地叫岀面排住先)不知所謂或許只是個別員工態度惡劣使體感更差但永不再來 而且奉勸不是死m底的各位請不要自作孽…查看更多

道拉麵，已經食過好多次，但今次食令到我好失望，首先去食預咗排隊，寫左話要齊人排隊攞飛不能解壓縮，但個問題之前店員不定期出黎派飛，以前店員11:00-12:00會不定時出黎派飛，今日係店員係11:45左右先派飛，跟本就係解唔到壓縮呢個問題，見到後面有人插隊對後面既人好唔公平，到左12:00 店員先慢慢開店12:15左右先開店，店員服務質素和態度變差比我既感覺令你感覺唔舒服 同無心做，等拉麵途中有位顧客想入黎落飛煮麵果位店員好無禮貌咁叫果位顧客出返去排隊，當刻我都好愕然以前從來冇聽過會咁樣。然後見煮拉麵果位員工徒手冇帶手套咁攞起塊肉😥😥手套都唔帶之後拉麵到後攞餐具時見到餐具不乾淨，今次我我叫豉油湯但食時覺得比以前淡味左同依家既麵無以前咁好食，最後埋單之前既店員會問好唔好食有咩要改善，但今次係咩都無問，感覺上今次既體驗十分失望，以前既店員係睇到好有心想整好碗麵同有禮貌但今時不同往日店員質素下降，食物質素也下降，十分失望，唔會再幫襯…查看更多

首先碗雞白湯真係不值一提，同小黃青清雞湯加啲cream差唔多味道，唔值呢個價錢同呢個等候時間。第二，佢哋嘅出品程序非常之唔合乎現實，一碗一碗咁樣煮，兩個人一齊煮一碗，搞到條隊咁長，其實係刻意製造人龍。最後，一啲都唔尊重食客，一入到去嘅時候，我唔小心坐錯咗後一個位，佢哋即刻呼喝我叫我坐返啱，我又唔係特登坐錯，你講咪得囉，使唔使咁嘅態度。上面嘅時候，又特登要阻住我哋兩個傾偈，喺我哋兩個中間上，明明左右都大把位上。同埋仲特登叫我朋友坐入啲，佢又唔係霸咗你成條走廊，又唔知自己啲位窄，條走廊又冇人行，搞到好似軍訓咁。咁嘅服務態度真係一流。…查看更多