影片
电话号码
92007028
开饭介绍
这是一家由日籍厨师主理的割烹料理餐厅，虽然只有十数个座位，但装潢高级有格调。以日本时令食材烹调高级怀石料理、厨师发办、寿司、刺身。
继续阅读
营业时间
今日营业
12:00 - 16:00
18:00 - 22:00
星期一至日
12:00 - 16:00
18:00 - 22:00
公众假期
12:00 - 16:00
18:00 - 22:00
以上资料只供参考，请与餐厅确认详情
-
网上订座服务暂停
屯门红桥既道本身系做omakase既开关之后好似话系主厨离开左之后就转型变成拉面店用番过往装修风格所以系比一般拉面店望落高级既感觉呢个位就成日都要排队以前排章鱼烧又系要排劲耐而家又到要排拉面我系上年10月果时去既果时餐厅夜晚六点开门我收工坐车去到都六点四左右见到第一轮已经满左前面仲有四个排紧队因为道煮面速度比一般拉面店慢流转就无一般拉面店咁快结果第一轮成九个字都未有人出番黎排左半个钟先入得张凳好重好难移动不过下面有得摆袋算系坐得几舒服唔会同格离手贴手餐厅都系bar台设计12个位都感觉到以前omakase大概既样入面有三个职员一个负责煮面一个收钱一个上菜同介绍唔知而家有无变到餐牌成日会转见上网有人话炸鸡好好食但呢日系无既因为系轮住入所以都系轮住落单都无话会比后入既落左先好似话因为装修唔同佢地煮面既方式同一般拉面店都唔同系一个大锅逐个面逐个面咁煮我就唔知系好定坏不过就真系好花时间仲有人就话干水会无咁好另外佢d碗系会一直用滚水热住个碗食到最尾都仲系热既由坐低到上面又等左廿五分钟即系连埋排队都差唔多成个钟因为白汤近年成日都食到所以想试下浓酱油清汤白汤系有用机器搅拌过先上而且有介绍但清汤就无既不过成个摆盘package都好靓一碗拉面应该有既都齐晒唔洗话蛋要加钱又乜乜物物佢个汤有鸡油系面但我自己就觉得鸡味唔重不过酱油味真系好浓而且饮落真有层次唔是死咸比较再清新一d饮晒成碗都唔会腻糖心蛋都唔错叉烧唔鞋正常面条系幼面上面有小麦点咬落都比较爽口食完系好满足整体成个配搭就系好好食系香港食过既酱油拉面唔多我觉得呢间仲好食过面处一家呢个环境仲唔洗加一就咁118落楼比一般拉面店仲多左些少服务唔好处就当然系太远同要等太耐啦偶尔有目标咁食都仲可能得但就唔系谂起就可以食得到既餐厅不过就真系赢晒香港其他餐厅红桥以前仲有间奇迹拉面系卖酱油拉面应该系卖左品牌所以都唔同左但而家都系大坑再开番个名改左做麦先有机会都好想去试下不过大坑同红桥都系两个唔同程度既远无车直到真系有难度既
继续阅读
其实都唔只食咗一次都帮衬过几次我觉得都几值得推荐本来因为朋友住九龙琴日特登带朋友入嚟食我哋7:50几分开始等位佢哋完全冇人出嚟派飞如是者我哋等咗大概一个钟我哋再问一问佢哋点解冇派飞嘅时候佢哋先讲已经截咗龙我觉得咁嘅安排好唔合理你截龙嘅话应该一早出嚟通知排队嘅人唔系浪费咗我哋时间之后话俾我哋听冇得食我觉得就算食物质素好唔好我都唔会再帮衬真系好嬲排队我觉得唔系问题你哋嘅安排同处理完全系浪费时间
继续阅读
《道 Michi》鸡🐓白汤拉面🍜📍屯门青菱径7号华兴大厦地下H号舖上次黎呢间店大概系两个半月前，当日系平日lunch，我12:15到，筹号 21，排左 20 分钟有得食。今次黎，系红日嘅晚巿，我同个女 6:05pm 到，筹号竟然系 60。因为本身又未肚饿，所以同个女两个人响附近食下小食，7-11买下零食，饮吓野，时间不经不觉到 7 点几。虽然我知前面有 59 个人，都冇可能7点几就有得食，不过我心谂，前面总会有 d 人唔等走左，心存侥幸地谂，应该8点几有得食啦呱？点知，以我观察，职员出来叫 number 时，只有2个人冇等😅，其余 57 人全数都系乖乖地等待。结果，我等地到 9:35 分先入得 😵😵😵😵😵。等候时间系 3 小时 30 分钟⏰。当然，有人愿打有人愿挨，冇人强逼我地一定等，我地大可以一走了之，所以等得耐，并唔系店家问题，只系呢间店真系太受欢迎。从职员口中得知，晚巿虽然开6点，不过4点几就有人开始排，所以原来我6:05先到，系何其的迟。言归正传，上次食嘅系《塩鸡🐓清汤拉面🍜》，我比嘅评分系⭐⭐⭐☆☆，因为个鸡清汤唔单单系清，仲相当的淡，鸡味并唔浓，亦唔出，所以一直冇刻意再去食。因为今晚同个女拍拖，所以想带佢试下呢间神店，想知佢又觉得如何。今次食嘅系《鸡🐓白汤拉面🍜》，亦系menu上面数落黎嘅第一项，照道理应该系最招牌。食完之后，我嘅评论同上次类近，汤嘅鸡味唔够浓郁，以鸡白汤来讲直情系淡。我去评价啖汤得唔得，我会主要分5个角度去睇，香味，浓度，咸度，质感同温度。唔少人会将浓度同咸度混为一谈，其实佢地系唔一样。浓度指嘅系食材味道嘅浓度，咸度系指盐分有几高。简单形容就系，一碗满满肉味嘅肉汤但冇加盐，就浓而不咸；反之，一碗清水加左劲多盐，就淡而过咸。呢间店嘅汤头，既淡，咸度偏低，比人嘅感觉唔够力。另一方面，因为佢嘅鸡油几香，同够热，所以大致上都算讨好，但对我而言绝对唔算惊艳。另外，鸡白汤同鸡盐汤用嘅面系唔同。呢款面相对比较深色，全粒粉，口感较粗糙，加上唔知系咪我当日系食全日最后一碗面，我觉得个面冇煮透，仲系生生地，所以我觉得唔好食。鸡叉烧方面，软软嫩嫩，不过调味略嫌过淡。溏心蛋就几好，生熟度控制得好，enjoy 食。全碗面令我最印象深刻嘅，竟然系佢嘅葱，质感同葱味都同平时食到嘅有明显唔同。整体 - 不推荐。如果你真系食得好啖口，可一试，不过要注意排队时间。无论点好食，要排太长时间，食龙肉都冇味。我个人接受到嘅等候时间系大约一小时，今次等左三个半小时实属偶然，可一不可再，下不违例。
继续阅读
30/3/2025星期日从网上得知有这一间拉面店，便专程从外区到来品尝。现有以下评论：1.排队时间的确很长，我们12时50分到达，眼见有20多人在排队，我们排在最后。五分钟后刚好职员出来派筹，按人头派筹。成功取筹58,59号。店员说这个筹号都要3时才轮到。因我们从外区前来，所以都照排队。2.2时55分入座。因鸡白汤已售罄，故我们点了盐鸡清汤拉面两客和唐扬炸鸡两件。3.5分钟后，先送上来的是唐扬炸鸡，刚刚炸起，香酥嫩滑。然后两碗拉面纷纷送上（十分钟内全部食物送上）。店员详细解释这碗拉面的创作灵感和特色，以及品尝拉面的最佳方法。4.鸡汤很香，入口鲜香甜。拉面偏软。叉烧带有淡淡烟熏香味，溏心蛋全只没有切开，蛋心是冰冻的，蛋七成五熟。5.结帐时收错数，应该是：98+98+28=224但店方收我四件炸鸡的钱：98+98+48=244见店员用ipad落单，为何结帐会错？6.用餐后三小时内都没有异常的口干。总结：只谈论食物本身：7/10.整体经验：5/10
继续阅读
第二次过来终于食到，第一次系同一星期嘅星期一，谂住星期一应该唔会好多人，点知星期一晚上嘅7:30来到，见到人龙长得夸张，原来排队一定要人齐先至派飞，如果唔系就会派俾你后面到齐嘅人，所以我哋一行二人就放弃了，因为同行嘅人唔系同我同一时间到，所以我一路见到后面嘅人成功拎到飞，所以𠮶日最后放弃咗，再睇OpenRice做功课，夜晚第二场系晚上六点开始，所以谂住下一次要早过5:30pm来排队，终于喺同一星期嘅星期四成功食到😌最后5:18pm来排队，排第4,5位，人龙好快一个接一个咁样变长，如果迟嚟1分钟已经变成第6,7位最后准时6:00pm安排入座，原来每一碗拉面系逐碗逐碗整，唔会同一时间整两碗，之前做咗好多功课，见到大家都对鸡白汤拉面评分最高，所以我哋都系点做两碗鸡白汤拉面，同埋一份唐扬炸鸡，再加一份龙虾沙律配紫菜鸡白汤真系好浓厚，用咗好多个钟头嚟熬制嘅鸡汤，汤底系打咗泡鸡汤，所以个汤底好Creamy好浓嘅鸡汤味，拉面亦都好挂汤，除咗鸡白汤出色，我觉得拉面里面嘅鸡叉烧都相当惊喜，入口即溶，满满嘅骨胶原感觉，鸡白汤会配埋一小碟柠檬叶，店员会建议食到一半先加落去，所以我食到一半就加咗柠檬叶落去，加完之后鸡白汤更加有层次，我觉得可以再早啲加落去😜至于唐扬炸鸡，佢嘅炸鸡感觉似天妇罗炸皮，里面嘅鸡肉系好Juicy嘅，但系两个人食四嚿就有啲饱，应该点两旧就够龙虾沙律配紫菜，曾经都喺其他拉面店食过同样嘅小食，龙虾沙律都系会有啲Wasabi味，呢个呢个配搭我一直都觉得好清新，佢哋最近仲有期间限定鸡刺身，但系我哋就冇点到同埋呢度系唔可以加单嘅，一定要第一次落单落晒，不过其实都觉得好够饱，食完第一次已经觉得之后会再来，但系就一定会早啲过来，可能同今次一样都系5:30pm前来排队🥳
继续阅读