道

营业中

休息中

正，今日有炸雞！好好食，好想下次試埋雞白湯。唔止個湯頭好，佢逐碗煮係食得出心機整（要有心機等）。炸雞入面勁多汁，一個專人每5舊咁炸，不停搞住個油鑊。仲有個位好日式好正宗:唔收加一。

好似係間好隱世但又好出名嘅屯門拉麵店，隱世係因為佢個門面冇好大嘅招牌又唔起眼好易錯過，出名係當日去到已經有條長長人龍，排咗冇耐仲截埋午市，好彩都算排到。入到去嘅環境比我想像中舒服好坐，原來之前係做omakase不過就轉咗形做拉麵，所以啲裝修都有翻啲高級感，L形嘅吧枱設計，位同位之間都唔會好逼。每碗都用心製作，所以入座後都要等15-20分鐘先有得食。雞白湯拉麵 雞白湯用左日本雞，煲8個鐘，再打起啲泡，令佢綿滑啲。叉燒係用熊本香草雞札成。濃醬油清雞湯拉麵清雞湯再加入醬油，雞湯煲左20個鐘，無落味精 只係加咗小小鹽製成。飲落個湯係鮮甜，好小可我會飲晒啲湯，但呢碗我飲咗9成。總體嘅麵係比較硬身，麵身夾雜住啲一點點嘅麥，如果食慣淋身啲嘅麵可能要同師傅講聲。另外糖心蛋真係超級流心，師傅突登係唔切開一半原粒上，怕蛋汁會影響個湯底。一咬個心係全流，個人鐘意食啲再熟小小嘅。唐揚炸雞份唐揚炸雞都好好食，每舊都好大舊，炸完啲雞肉都係好嫩滑好juice，不過個人略嫌外皮調味有點咸。整體係間幾高質嘅拉麵店，唯一就真係預咗要好耐隊先食到，以呢個價錢黎講，我覺得cp值都算高。但當日我地係雞白湯果碗額外叫多咗份味荀，

見佢最近咁人氣就即管一排，都等左一個半鐘🫢同埋我地1點去到排 1330已經開始截龍🤔如果好想食，可以等3點黎搏下運氣，因為有機會再放番小量quota。所以如果好想食suggest 一開門嘅時間就黎食/6點準時晚市黎，因為得12個位🫣今次叫左一個醬油雞清湯拉麵🍜🤤🤤同埋濃醬油雞清湯拉麵🤤再加我喜愛嘅炸雞🥰 先講麵質，夠爽身有口感，加上有麥嘅香味🥳如果麵條能再掛湯小小會更完美🤣兩個湯底都好清，清得黎個雞嘅鮮味好出唔會太heavy 🥰個人覺得普通版已經好夠🙆🏻‍♀️糖心蛋做得幾好，冇overcook 👍🏻幾欣賞佢塊肉，係用雞肉做，嫩滑得黎又唔肥！個炸雞係好大塊😗juicy 同嫩 不過個人喜歡再薄啲嘅炸粉就💯太心急試唔記得影相🥲

無意中睇到依間拉麵店的介紹，隱藏係唔起眼的小區巷入面。今晚決定到訪試試，餐廳只賣3款口味拉麵🍜。未開門已經開始排隊，1750去到要等第二輪啦，好味係值得等待嫁～餐廳的裝潢就好似 Omakase店咁，前身原來係食廚師發辦的店鋪，依家變成拉麵🍜店。裝潢充滿日本口格調，整潔明亮✨～我哋坐係餐吧食拉麵，坐位唔多有10個，可以睇煮師傅整個煮拉麵🍜的過程，再直接遞到面前。上菜時，店員會問係咪第一次到訪，再逐一介紹拉麵的故事（材料、煮法、食法），等我哋更了解其珍貴用心❤️之處。先食左湯的原味，再按喜好加入枱面的胡椒粉同七味粉。拉麵用上粗身的麵條，索湯得黎，仲可以食到麵的淡淡麥香，咬落去堅韌，係我哋喜愛的口感念。食完成碗拉麵，飲埋所有湯就最滿足幸福🥰。｜雞白湯拉麵＄88｜雞湯用上15小時烹煮，上枱前再打泡，呈現奶白色的湯。湯底濃郁配上2片雞肉叉燒，微微火焰過，出番啲油脂，非常嫩滑，由店舖採用九州雞肉自家製作，十分驚喜😆。配上2款蔥、味筍、一隻味玉、紫菜，簡單美味🤤 。｜濃醬油雞清湯拉麵＄118｜入口清甜的雞湯，用法式方式烹調的清雞湯，熬製了20小時。加入幾款醬汁調配，甜中帶咸鮮味😋，增加湯的層次感。同樣

雞白湯拉麵💲88Staff上菜會用Omakase式介紹碗麵 湯底無落味精 濃雞味 滿滿骨膠原有啲黏嘴雞叉燒係用日本肉整成卷再切 口感嫩滑麵條幼身有啲韌度有咬感打卡方面：木系簡約風裝修 每樣配料嘅數量都係2 環境方面：L型枱 獨食都唔尷尬 排隊等15mins 一次煮一碗 等20mins先食到道 📍屯門青菱徑7號華興大廈地下H號舖⏰12-3, 6-9. Mon Off

濃雞白湯拉麵 湯底味道好 去油叉燒好滑同限定炸雞即炸但係隻溏心蛋冇味 同麵似蕎麥麵但熱食的(我係喜歡冷的蕎麥麵的人)同埋扣分位 係遲10分鐘先開門同埋門口食左4粒蚊我應該好難想再去

❀┈┈┈┈┈┈┈┈┈┈┈┈┈┈由omakase轉為日式拉麵店✨屯門虹橋的道前身為高級日式料理店後來因主廚退休後便轉型賣拉麵🍜最開始試業時睇拉麵關注組係好壞參半 最近都研發左新口味🤩作為拉麵控+屯門人當然要去試下假期既晚上7:30等5分鐘左右就有位 餐廳環境依舊保留了Omakase既格局 製作拉麵過程一清二楚～座位都好舒服的🤍┈┈┈┈┈┈┈┈┈┈┈┈┈┈𐂐 ⠜濃醬油雞清湯拉麵 湯頭顏色好清澈 入口濃而不鹹後勁帶回甘 醬油及雞湯在口腔中交織 很不錯🤤粗身的麵條掛湯力足夠很有嚼勁且散發淡淡麥香 一口湯一口麵好滿足🥰另外的厚切叉燒質感軟腍有咬口 幾岩我口味👍🏻去到尾再加點七味粉可以減膩之餘也豐富了味蕾但唯一要挑剔便是溏心蛋 蛋黃不算流心 希望下次再訪會更加進步！天氣熱還點了啤酒 飲左一啖氣泡好綿密依然不斷湧上 非常欣賞✨┈┈┈┈┈┈┈┈┈┈┈┈┈┈

呢間拉麵店原本前身係做割烹omakase 因為日藉師傅鷲澤先生退休 所以轉型做拉麵店舖設有L型bar枱 可以望住師傅製作拉麵🍜當日只有三款拉麵選擇 又係啱哂我呢d有選擇困難症嘅人🤣🍴雞白湯拉麵 ($88)上菜嘅時候 店員好詳細咁介紹湯底同配料👍🏻呢款湯底用十幾小時熬煮而成上菜前再用攪拌器打泡湯底雞味十分濃郁雖然未去到好creamy但係膠質十足飲完嘴唇會有黏黏嘅感覺☺️溏心蛋正常發揮雞叉燒好好味！！佢地用日本產嘅雞肉製成雞肉卷 上菜前再微微火炙雞叉燒滑嫩之餘 仲油香十足🥰🍴濃醬油雞清湯拉麵 ($118)雞清湯以法式清湯煮法 用20小時熬煮而成店舖用左幾種唔同嘅醬油再喺上菜前加上雞油湯底十分清甜 又有醬油嘅甘香 好有層次感❤️店員建議我地飲到中段可以加入黑胡椒會增添少許辛辣感 湯底嘅鮮味會更出☺️拉麵麵質偏硬 我自己就幾中意掛湯能力都唔錯當晚我地喺佢地last order前入座 見到佢地除左食物製作認真之外最後收拾同清理廚房都好一絲不苟 絕對係一間值得回訪嘅拉麵店🫰🏻

食完呢碗拉麵隔咗差唔多一星期都仲好驚喜😍先講湯底，湯底我揀咗雞白湯，雞白湯唔似銀座篝個款咁creamy，而係濃得嚟真係食得出雞味，而朋友試左醬油湯底，個人覺得都不錯，店員話用左幾種不同醬油製成。麵質方面，麵質比較偏硬，份量都唔少。有需要可以同店店先溝通個人喜好。去到令我最驚喜嘅係叉燒😍😍😍叉燒有兩塊，店員指係用日本岩手嘅雞做成雞卷慢煮再用火槍燒一燒而成。肉質嫩滑而且油脂分布適中，唔講會以為係豬肉製成嘅油花感😋😋😋溏心蛋則正正常常服務方面，店員由坐低開始已經問以前有冇食過，每道菜式都會為我地介紹做法。價錢方面我個人覺得絕對對得住食物同服務質素！大推👍🏻👍🏻

小弟自問都幾熱愛拉麵，見拉麵group最近多咗人討論，最近又喺呢頭返工多，於是就去試試佢，結果其實麵都幾失望。😔第一、麵餅煮唔散，啲麵黐埋一舊好難食… 以一間拉麵鋪嚟講係好低級嘅錯誤❌；可能因為佢哋前身係做omakase所以見廚房煮麵器具不足，重點係師傅煮麵冇做瀝水過程，只用一個大煲煮啲麵，可能因為咁所以個煮麵水溫不足？第二、味玉(蛋)有過熟問題，蛋黃有一邊熟曬但係蛋白又水水地未夠凝固，而且隻蛋一入口有陣好強烈嘅酒味，除咗酒味好勁之外又唔夠入味🙁 可能師傅要再研究下點樣整好隻蛋第三、價錢太貴，作為一個成年男士碗麵真係唔夠飽… 本身得兩塊好薄嘅叉燒都算，替玉(加麵)竟然要$38!? 其實我懷疑過係咪張menu打錯價錢😂 講返重點，舖頭坐落屯門紅橋呢個小社區，照計鋪租唔會貴得去邊，但係你收人呢個價錢… 質素又唔係真係高，味道最多只係勉強過到合格線，整體嚟講體驗都幾差，下次應該唔會再幫襯🤕

餐牌只有3款拉麵第一款雞白湯拉麵第二款醬油雞清湯拉麵第三款濃醬油雞清湯拉麵連續2次去都係叫咗第一同第二款。第一款雞白湯拉麵湯底不濃稠，帶有清清地濃郁雞湯味，味道適中，唔會太鹹。拉麵屬幼中身，不過不失。可能係個人口味關係，有啲人鐘意好濃郁杰身湯底，但我最怕就係好濃稠杰身湯底拉麵，所以哩款湯底好中我口味，湯每次都會飲晒，而唔會口渴。第二款醬油雞清湯拉麵湯底好清好清，清到好似飲緊滴雞精咁，帶有少少醬油味，鐘意食得清少少嘅人會啱d。

屯門虹橋嘅道，一直都係做廚師發板嘅日式餐廳，最近賣埋拉麵，我終於抽到時間，過嚟食啦❤️我今次食白雞湯拉麵，湯底係煮咗好多個鐘嘅白雞湯。我飲咗一啖白雞湯，濃郁嘅湯底，好creamy😋拉麵軟硬適中，配合叉燒一齊食，真係大滿足😍當日見到其他人食醬油清雞湯拉麵，連湯底都飲晒，我相信自己好快會再嚟食呢碗拉麵🤗

知道 道 轉左拉麵店，趁着閒日得閒又唔洗排隊所以黎試一試餐廳有d 難搵，係後街，11:50左右黎到，未有人排隊住，門口寫到明，拉麵賣完即止。12點正開門，一共有三個店員，一個店員叫我地順住坐低。餐廳唔算好大，日式裝修 開放式設計，大約坐到十二個位。知道我哋第一次黎，細心介紹三款拉麵，問我地飲唔飲野。點左支玻璃樽既Asahi 烏龍茶，水就自助形式，係後面近角位斟Order 左二碗拉麵 之後見到一個店員準備叉燒、一個準備拉麵，一個準備其他野見到其中一個店員用火槍燒叉燒，雖然喺我面前燒，但味道唔算太大，接受到等左大約15分鐘左右，第一碗拉麵上枱 - 醬油雞清湯拉麵 - 店員表示醬油係自家調製嘅醬油加上熬咗20個鐘頭嘅雞清湯，而叉燒亦都唔係豬肉，係來自熊本嘅雞肉叉燒，面則係中華拉麵個種面質。要趁熱食，一啖湯一啖拉麵。味道扁清淡，冇一般豚骨湯底咁油膩，啱香港人口味。雞肉叉燒好滑，口感唔錯，亦都冇豚肉咁油膩，再配一隻半熟糖心蛋。5分鐘之後，濃醬油雞清湯拉麵亦都上枱，兩個拉麵嘅分別在於，呢個除咗有自家製醬油之外，亦都混合左日本其他醬油。味道比前個湯底濃郁，我更鍾意呢一個。兩款拉麵用咗唔同嘅碗去分別總

屯門呢排好似好多拉麵推介😗餐廳晚市主要做omakase，割烹料理，拉麵係近呢幾個月午市推出的。· 雞清湯拉麵 / $98根據師傅所講，湯底冇加任何味精，熬咗20小時，可以試咗原湯先，感覺雞嘅精華去晒碗湯度，然後再加黑胡椒，加咗味道層次唔同咗，好好味，碗湯最後差唔多飲晒。拉麵適中硬度（鍾意呢啲幼身拉麵），有啲韌度，同一蘭拉麵質感好似，叉燒唔係用豬肉，係用九州雞肉卷起做咗雞卷再切片。· 雞白湯拉麵 / $88同我想像中有出入，湯底creamy d，但會膩啲，每碗拉麵有味筍、蛋、紫菜做配料。個人更鍾意雞清湯，比較出色～不過餐廳好似係每日限定供應20碗，我1點左右到都食到。

繼奇蹟拉麵無做之後（但準備6月回歸.ᐟ‪‪‪.ᐟ‪‪‪)屯門又出現左一粒拉麵新星 — 道 @washizawak_kitchen_michi - ̗̀‎𖤐佢並唔係一間拉麵店 而係一間晚市主打割烹料理既廚師發辦但對午市限定既拉麵之用心同講究比唔少拉麵店過之而無不及我探訪當日有幸撞正最新改良版本面世( ˶'-'˶)更好彩既係 我地遲多5分鐘到就賣哂啦拉麵暫時只有兩款：雞清湯同雞白湯據說即將會推出濃醬油雞湯ˎ₍•ʚ•₎ˏ◦ 雞清湯拉麵首先欣賞師傅會好似omakase咁上菜時簡單介紹雞清湯用左12小時以上熬製而成係非常清澈既淡麗系湯頭面頭有一層雞油將鮮味再放大一飲的確係清甜但雞味濃 帶淡淡醬油鹹味叉燒用左日本香草雞 佢唔係慢煮雞胸就當叉燒佢用雞腿肉卷起醃製再切片 上菜前火炙逼出油香溏心蛋成粒都好軟嫩又入味 喜歡·͜-◦ 雞白湯拉麵而雞白湯係以大火經6小時煮出黎 再打成泡沫狀入口感覺更creamy更厚身而且骨膠原滿滿 食完個嘴唇都黏黏的(˙𐃷˙)同樣雞味都係天然地濃郁 飲落好舒服兩碗都可以輕鬆飲哂碗湯無負擔～麵條同清湯一樣係偏幼麵 煮得偏硬身一路食落去都唔會太淋～最後想一讚師傅會將麵條梳理好 更顯佢地