道

营业中

休息中

30/3/2025星期日從網上得知有這一間拉麵店，便專程從外區到來品嘗。現有以下評論：1.排隊時間的確很長，我們12時50分到達，眼見有20多人在排隊，我們排在最後。五分鐘後剛好職員出來派籌，按人頭派籌。成功取籌58,59号。店員說這個籌號都要3時才輪到。因我們從外區前來，所以都照排隊。2.2時55分入座。因雞白湯已售罄，故我們點了鹽雞清湯拉麵兩客和唐揚炸雞兩件。3.5分鐘後，先送上來的是唐揚炸雞，剛剛炸起，香酥嫩滑。然後兩碗拉麵紛紛送上（十分鐘內全部食物送上）。店員詳細解釋這碗拉麵的創作靈感和特色，以及品嚐拉麵的最佳方法。4.雞湯很香，入口鮮香甜。拉麵偏軟。叉燒帶有淡淡煙燻香味，溏心蛋全隻沒有切開，蛋心是冰凍的，蛋七成五熟。5.結帳時收錯數，應該是：98+98+28=224但店方收我四件炸雞的錢：98+98+48=244見店員用ipad落單，為何結帳會錯？6.用餐後三小時內都沒有異常的口乾。總結：只談論食物本身：7/10.整體經驗：5/10

第二次過來終於食到，第一次係同一星期嘅星期一，諗住星期一應該唔會好多人，點知星期一晚上嘅7:30來到，見到人龍長得誇張，原來排隊一定要人齊先至派飛，如果唔係就會派俾你後面到齊嘅人，所以我哋一行二人就放棄了，因為同行嘅人唔係同我同一時間到，所以我一路見到後面嘅人成功拎到飛，所以嗰日最後放棄咗，再睇OpenRice做功課，夜晚第二場係晚上六點開始，所以諗住下一次要早過5:30pm來排隊，終於喺同一星期嘅星期四成功食到😌最後5:18pm來排隊，排第4,5位，人龍好快一個接一個咁樣變長，如果遲嚟1分鐘已經變成第6,7位最後準時6:00pm安排入座，原來每一碗拉麵係逐碗逐碗整，唔會同一時間整兩碗，之前做咗好多功課，見到大家都對雞白湯拉麵評分最高，所以我哋都係點做兩碗雞白湯拉麵，同埋一份唐揚炸雞，再加一份龍蝦沙律配紫菜雞白湯真係好濃厚，用咗好多個鐘頭嚟熬製嘅雞湯，湯底係打咗泡雞湯，所以個湯底好Creamy好濃嘅雞湯味，拉麵亦都好掛湯，除咗雞白湯出色，我覺得拉麵裏面嘅雞叉燒都相當驚喜，入口即溶，滿滿嘅骨膠原感覺，雞白湯會配埋一小碟檸檬葉，店員會建議食到一半先加落去，所以我食到一半就加咗檸檬葉落去，加

拎飛前真係有咩頭暈身興都唔好行開呀， 唔理你排左幾耐 總之個職員就係會突然出黎派飛 佢派果陣見到幾個人 就俾幾個人既飛你唔理你係咩原因行開左 果日諗住放假有時間約朋友去排下隊試下，大幾11：30去到，排排下， 我唔舒服， 諗住襯未開始派飛，去隔離便利店買啲藥食左先， 朋友就繼續排 ，我買完返到黎係剛開始派飛 岩岩派過左我朋友，果時大幾11：50左右，朋友當時都有解釋行開是去附近買藥， 但職員都話我要重新再排過 咁就本身由隊頭變左去隊尾 前後只係3分鐘唔夠最後等左勁耐 真係食龍肉都無味雖然話個排隊機制係為左公平 防止解壓縮既人，但處理方法太死板 亦都令到真心排隊想食既客人都要花多左無謂既時間

喺寒風下排隊，因為要人齊先可以拎飛，其實都好公平，因為謝絕啲排隊檔但啲人又未齊。話就啲人講到係世一拉麵，又請到日本師傅黎教煮，但其實食落都係一般，可能水已經係其中一個因素，食落個湯底一定無喺日本食拉麵既湯底咁清甜。因為差唔多最遲先可以入座，所以雞白湯拉麵已經賣哂，想試都無，只可以雞清湯味。點左一個醬油同濃醬油雞湯拉麵，但其實差唔多，而麵質都係一般，無啲人講到係世一拉麵咁誇張，如果世一既話，我相信日本個啲就真係超級世一。叉燒質感都係一般，但係比較厚身。另外糖心蛋就真係做得唔錯，有口感但又做到流心質感。反而點左佢個雞刺身我覺得個質素幾好，因為個雞既口感係幾新鮮，同埋佢配左個酸酸點點汁好開胃。其實唔係住呢區，特登入黎食可能只能一次，住附近既人都可以排下既，但一定唔係啲人講得咁好食。

支持隱世小店！由於得十二個座位，就要有相當的心理準備。而且要齊人先可以一人一張飛 順位排隊⋯⋯以免造成混亂。都公道嘅…我排了105分鐘😵‍💫食物款式唔多，只是賣品質。雞白湯拉麱$98，湯好香，好濃郁， 8小時熬製無添加😍，好夠熱，忍唔住飲咗大半碗👍🏻，🐔雞叉燒好嫩，溏心蛋也整得好好，麵質唔會太腍，是我喜歡的類型。濃醬油雞清湯拉麵$118，湯底清不過也好夠味，也是很多人推介的👍🏻華味鳥刺身$68, 好細碟，配上洋蔥和菊花，食落似烟三文魚。龍蝦沙律配4塊紫菜$48 ，也是超細碟，以紫菜包住食，味道唔錯。最可惜七點幾入到已賣哂炸雞🍗

道Michi🍜已經二刷了值得一試再試！兩次都等了1小時以上而這裏的白雞湯拉麵真的驚豔撫心自問 很少同一餐廳光顧第2次但這裏的雞白湯拉麵 屬於二刷仍然令我滿足的小店 湯底綿密中爆發鮮雞味 不論拉麵麵質、叉燒、雞蛋全部水準之作🫶🏻湯底打了泡沫更加creamy 很喜歡拉麵的口感 有咬口又掛湯 麵身更有點點麥粒全店只有10多個座位 圍著吧枱就坐 可以欣賞烹煮過程白雞湯湯底經8小時熬製 0添加味精 呈白色乳化狀態 配送檸檬葉增加味道層次店員上菜時會作出講解叉燒雞肉充滿煙燻香氣 而且肉質嫩滑最後當然有橙黃色流心蛋已經二刷了👍🏼值得一試再試

睇到道拉麵竟然有負評，真心心諗香港人有幾唔值得擁有呢間拉麵。第一好食嘅野要等係基本邏輯，假如你係唔等得，要快嘅話，你不如去食兩餸飯。個個都話要排隊所以比負評，你地有無再嘔心D。第二人地已經有派籌，派籌時間朋友走開左所以拎唔到籌，你都比負評？等埋你成家落黎先開鋪好無？有無咁無邏輯嘅人啊。無派籌嘅人氣拉麵我試過另一間，結果排前面一個幫三個排，係咪想搞到咁，拎少少做人質素出黎啦，香港人。第三竟然連貴都講得出，你不如去番食杯麵。香港鋪租、人工、靚食材、工夫，有邊一樣道拉麵係唔值呢個價。話唔夠飽嘅人唔該自己去食番兩餸飯。講番正題，經朋友同社交媒體網站介紹，終於食到道之拉麵，揀左平日黎食，大概等左十分鐘就入得就座。我地叫左，雞白湯，醬油湯，小食沙律。因為之前食左東京銀座嘅篝，所以一直想對比一下雞湯嘅極致究竟可以去到邊。上菜時，廚師會詳細講解每項配料以至附上嘅調味粉該怎樣使用。假如篝嘅雞湯係一次過係口到衝出一百隻雞嘅爆炸性，咁道就係一排雞慢慢行出你個口，中途如果加埋佢地配置嘅調味粉，咁再係口到行出黎嘅雞就好似換左衫咁，一次達到多種層次。上枱時湯好有溫度，雞湯熱飲效果倍增，煙燻過嘅雞肉叉燒慢慢滲出回味

二月某日同幾位朋友一齊嚟試吓呢間拉麵，本人唔係拉麵達人，同類型只食過大阪嘅「座銀」，相比之下覺得好唔錯。其中印象最深嘅係佢哋嘅炸雞，非常出色。後來加單2件炸雞，店員都好樂意接受，但炸雞嚟咗冇耐，店員就過嚟提醒話出面仲有好多客人，建議我哋先結咗單。我同朋友就唯有喺炸雞仲熱嘅時候快手食完離開，估唔到整餐飯最唔享受嘅反而係最後嘅炸雞😅 其實如果負責人或店員覺得加單會耽誤後面嘅客人，就唔好接受加單啦，我哋都會諒解。

今晚放工黎排隊食呢間拉麵店，因為見平時都好多人排隊，所以咪打算試下食，點知就中曬伏。排隊期間好多人都走開咗，之後過曬飛先至返黎，職員就咁俾佢地下張檯，不斷俾過咗飛嘅人即時插返隊，下張檯永遠都係插隊嘅人，反而現場一直排隊嘅人冇得入去食，最後等咗差唔多1個鐘45分鐘。入到店內坐低到我地個陣已經冇曬炸雞同雞白湯拉麵，最後叫咗醬油雞清湯拉麵，食落口咩味都冇，個湯底淨係得堆油，就食唔出有咩特別嘅味道，雞叉燒得2細塊，而我見到隔籬位嗰啲都有3塊雞叉燒，我食晒成碗麵都唔夠飽，完全唔值$98。下次絕對唔會排咁耐隊嚟食，建議店舖可以審視下排隊同輪籌嘅方式。

餐廳分兩輪 分別係12-4點同6-10點星期日1:30到 排隊一分鐘後已截龍排到3:30先入座🥲入面只有大概12個 bar檯座位▫️ 雞白湯拉麵($98)店員話湯底係用雞熬八小時以上 打泡增加口感強調無落味精、奶油、忌廉飲落係好濃厚 偏忌廉雞湯味但個人覺得雞油味較重 雞香差少少雞叉燒係用醉雞卷 所以比較嫩表面有炙燒過幾香口麵就係偏硬身嘅幼麵 正正常常隻蛋有驚喜 表面normal但好入味 !總結係雖然好食但真係唔值兩個鐘🥲┄┅┄┅┄┅┄┅┄┅┄┅┄┅┄┅┄

之前特登去咗屯門嘅「道」食拉麵，雖然搭車搭超過一個鐘，但真係值得！呢間小店環境簡單，但卻充滿溫馨感，讓人一走入去就覺得好舒服。我試咗佢哋嘅雞白湯拉麵，老實講，我覺得係香港最好味！湯底濃郁又滑順，唔會太膩，仲有啲洋蔥嘅香氣，令整碗拉麵更加出色。雞肉方面，真係好嫩好多汁，食落去非常滿足，完全冇失望。雖然呢間店唔大，但味道卻絕對唔容小覷。如果你鍾意拉麵，尤其係雞白湯，一定要嚟試吓「道」！下次再來，我一定會再試埋其他湯！而且，店員服務態度都好好，會詳細介紹每一碗麵，令我了更加解。真心推介！

以前好鍾意係度食拉麵，尤其係雞白湯幾日前又走咗去食，食過都知佢間嘢隔離好多花花草草，冬天都比較多蚊，嗰日比較熱，一時唔為意著咗條短褲，晚上6點開始排隊，一路排隊等到6:45左右已經頂唔順走咗去附近屈臣氏買蚊怕水，點知一返嚟，男朋友同我講已經派咗飛，但因為我走咗去所以冇派飛比我哋，所以我哋直接由隊中間變隊尾，我真係O曬嘴呀，等咗差不多成個鐘居然要重新等過。我等咗45分鐘都未派飛，一走先嚟派。同埋你間嘢本身位置係個花叢隔離，你都體諒下啲客人啦，至少聽下人解釋啦，我可以拎張單出嚟證明㗎，前後排隊嘅人都可以證明㗎。睇完你哋社交媒體網站個回覆仲心涼，好後悔以前排2個鐘都要食你哋碗拉麵，好失望，不過就算我點講，你哋都唔會改㗎啦，少我哋兩碗拉麵又唔會搞到你執粒。

雖然排咗兩個鐘，排到差啲餓暈😵‍💫入到去都仲要等多一段時間先有得食但係佢個雞白湯拉麵近乎完美🙂‍↕️個雞白湯好熱又好濃厚可以黏住啲麵但又唔會好咸同冇味精感有啲洋蔥碎同蔥碎，會增加湯嘅甜味同口感😌食完個口唔會口渴個雞叉燒好嫩但唔會好肥有火雞味又唔會好咸可以額外加多份雞叉燒，會再嫩好多個拉麵彈牙得嚟冇咩苦澀嘅味道而且有啲蕎麥喺上面，好健康嘅感覺仲會俾檸檬葉碎你，等你中途加落去冇咁膩雖然得好少，但係好香檸檬味令雞湯又會有另外一個飲法值得一試😆

🚩真正的拉麵皇者 記住趁早🚩📍 道身為拉麵愛好者，一直有聞這間位於屯門的道評價極高。奈何它所在位置對我來說偏遠，一直都未有機會前往試試。這天機會終於來到，我們在星期日大約一時左右扺達，最終等了超過一小時才能入座。但其實去之前早有聽說等候時間會很長，所以有心理準備，加上門外有不少椅子供人等候，整體來說感覺不算太差。不過未去過的朋友就要注意啦。🍴濃醬油雞清湯拉麵 ($118)由於當天的雞白湯已售完，所以最後選擇了這個。先要説，文字也無法形容它的美味，它可以直接排在我心中的香港第一。湯底以雞清湯做基調，加上多種不同醬油調製而成。醬油可説是剛好，不會搶去雞清湯的香味，使你兩者都可嘗到。雞蛋亦要一讚，生熟度掌握得非常好，溏心亦調味得得宜，是香港少有可以令我完全滿意的蛋。拉麵會配上雞卷片，店員説雞卷是他們用華味鳥親手捲成，再加以煙熏。這個雞卷片也是非常出色，有特色之餘不會榎，口感亦頗特別。麵身也是我喜歡的軟身。整體來說非常滿意，已經急不及待下次來試雞白湯拉麵。🍴唐揚炸雞 ($48 四件)來拉麵食炸雞？對，沒錯，而且非常好食。炸皮不會厚身，雞肉本身亦是剛好熟，肉質嫩且保持到多汁，咬下去完全不會乾身。

今日心血來潮去到屯門順便試試拉麵好彩黎得比較早等到第一輪入座黎食嘅朋友記得開店前15分鐘要齊人先可以攞籌今日試咗兩款拉麵 三款小食首先上菜嘅係off menu嘅雞肉刺身食落有d似有咬口版嘅煙三文魚 幾特別然後係龍蝦沙律配紫菜龍蝦好彈牙 食落有啖啖wasabi味好鍾意跟住係好多人推嘅炸雞啱啱上碟嘅炸雞炸衣好脆雞肉好嫩滑多汁不過炸衣好易同雞分離同埋淋店員好用心為第一次黎嘅客人介紹拉麵嘅用料同埋食法兩款拉麵都好有咬口雞白湯飲落相對其他店冇咁膩仲配有切碎嘅檸檬葉不過個人比較細食食咗一半已經食唔落 雞白湯始終點都有少少膩特濃醬油雞湯清清地又唔太咸仲有陣陣清新嘅味道整體來講野食都唔錯食完見到店外人龍又長咗第二輪大約12:30開始陸續入座