逸軒

营业中

休息中

見到網上評價對呢間餐廳好高，所以好期待咁早三星期於openrice訂枱星期日飲茶。點心選擇不多，所以我哋只係叫咗幾款點心，其他都係叫小菜。推介：黑金豆腐，魚香脆茄子。呢兩款小食好友驚喜！做得好好，唔會油膩，豆腐同埋茄子都做到外脆內軟，火候剛好。其他嘢食，老實講好一般…feel到佢哋好用心做plating, 用特別嘅餐具，裝飾，令到個擺盤靚啲，但係食物嘅質素真係好一般。五星級酒店嘅價位，但係質素仲差好遠最失望係甜品，尤其是係陳皮紅豆沙小丸子，杏仁茶兩款都完全唔掂。紅豆沙似加咗生粉水，冇起沙（其實只要用夠時間煲得耐就會起沙.…）小丸子唔係即製，feel到係雪藏。蛋白杏仁茶感覺似加咗杏仁精總括來講，性價比低，匯x信用咭有八五折叫做有啲安慰

和家人這天 在沙田石門 帝逸酒店 逸軒 飲茶 吃精緻點心 滿載溫情時光 🥢🥢點心紙上除了 精緻手工點心 甜品 冷盤 燒味 粥粉麵飯 香口小吃 還有一些小菜 湯品等… 整體選擇豐富 只是感覺 點心類別略少 🥟🥟這天我們 6 人午餐時間 來品嚐 點了冷盤 燒味 點心 主食 甜品 🍮🍮凍蘆筍紅蜇頭 🥦🥦話梅聖女果 🍅🍅金沙五層腩 🐷🐷香檳蝦餃皇 🦐🦐活火山叉燒包 🐖🐖脆皮蝦春卷 🧀🧀恐龍大王鹹水角 🦖🦖魚香脆茄子 🍆🍆XO醬珍珠帶子腸粉 🦪🦪頭抽皇銀芽炒金絲麵 🍜🍜紫芋千層奶凍拼紫薯條 🍠🍠D24 飄香軟糍 🥢🥢冷盤食材新鮮 高質 調味恰到好處 比較有驚喜 燒味五層腩 皮脆 夾層肉 肥瘦均勻 切成一口吃 口感味道有層次 蒸炸點心也不俗 比較有特色的鹹水角 造成恐龍型態 超可愛 又美味 炒粉麵水準達標 甜品有多款 創意選擇 試了兩款 亦很不錯 🧁🧁以酒店中菜來說 這家雖未達到 米芝蓮水準 但論高質精緻程度 假日和家人來品嚐 亦相當不錯的 😋😋

第一次來到沙田帝逸酒店，這個地方真的好適合 Staycation 喎，附近綠樹林蔭、有城門河景又有單車徑之類，好有度假的感覺。不過這次來不是住酒店，而是去中菜廳吃素，餐牌上常期供應多款素食，以蔬菜菇菌為主沒用很多素肉，擺盤精緻亦很有水準呢。逸軒位於沙田帝逸酒店二樓，由石門站或者第一城站行過來都可以，沿路唔算太難行都幾舒服。中菜廳顏色柔和都幾有氣派，座位很多亦有包廂可以用。菌香水中花 盡顯刀工的一個菜式，浸在極之香濃的菇湯之中，清淡無油香氣十足。黑醋珍珠拌素鵝 傳統素鵝來一個新派變奏，最上面是用份子料理做的黑醋珠珠，正方造型夠特別，吃起來各種蔬菜充滿層次。素點心 (三菇六耳餃)加了點甘荀汁的橙色餃皮，中間滿滿切碎的菇菌，賣相可愛又有特色。黑金豆腐外型黑黑實實，而且很難用筷子夾起的古怪菜式！竹炭外皮香脆而不油膩，中間是嫩滑的豆腐，味道非常動人。要留意這個有分素食和非素食版本，落單時記得特別註明。牛肝菌紅燒新豬肉獅子球 用新豬肉和牛肝菌製成大肉丸，炸過再勾獻，好咬口也好味道。窩峰玉米餅其實我從未吃過中式玉米餅，不太確實它原本長甚麼樣子，不過我以為會有更多玉米粒粒，脆口小吃適合鍾意熱氣野的小朋

又到了吃大閘蟹季節，原隻大閘蟹固然吸引，大閘蟹菜式也令人垂涎三尺。逸軒推出秋日大閘蟹美饌，共8道菜，鮮味無窮，而且非常飽肚呢。豐收蟹粉小籠包皮薄餡豐富，麵皮柔嫩卻不易破，包裹著大量蟹黃蟹肉和鮮甜肉汁，一口咬下，滿口滋味。繽紛紅槽意瓜炒蚌仁這個菜式與蟹無關，依然鮮甜美味，皆因珊瑚蚌爽甜美味，還有香脆炸米網呢！垂涎蟹粉白玉燴雪燕看到這金黃的蟹粉羹，已經好興奮，大量蟹粉加上雪燕份量，非常養顏，濃稠度適中，伴著陳醋粒一起喝下，味道更有層次。蟹逅清蒸大閘蟹(2隻)江蘇大閘蟹，每隻重約4兩多，蟹膏未算太多但也甘香，酒樓還貼心地讓客人吃完第1隻才再上第2隻，保持鞍新鮮熱辣。滋補蟹粉扒花膠扒花膠扒比手掌還要大塊，但也完全被蟹粉淹沒了，花膠扒口感柔軟，吸滿蟹粉的味道，味鮮濃郁。藏珍艇家花膠浸時蔬延續海鮮的鮮甜味道，濃郁魚湯浸花膠絲、藍青口、帶子、大量白菜仔，相當飽肚。盛騰水鄉蟹粥雖然好飽，但必吃這個蟹粥，以時令花蟹烹調，蟹肉鮮甜無比，熱騰騰的粥底既綿滑又充滿著蟹鮮味，美味。回味精美甜品有薑茶芝麻湯圓，擺盤好有意境，蟹仔好鬆化，可以連同豆沙蓉一併吃下，就像豆沙酥一樣；最後，喝碗熱辣辣的薑茶暖暖身。

上年試過逸軒既晚餐之後，覺得可以黎試試佢地既點心🤔2個人，叫左5樣點心另外再有一碟燒腩仔屬於Dining Club既免費指定菜式🐷脆茄子- 如果啲肉鬆多番少少可以搭埋啲茄子一齊食就好啦櫻花蝦燒賣- 都唔錯，櫻花蝦味道都幾出黑金豆腐- 個個都話好食，但最冇黎味道就係佢。好普通既豆腐🥴帶子XO醬炒腸粉- 帶子好細粒，XO醬都冇乜味🥲點心拼盤- 蝦餃係最鮮味，薯仔包其實食唔出個餡係咩，但個麵包係幾好食😂 個人認為最好食應該係呢碟架啦😇總括黎講，味道方面唔係特別出色，但勝在款色夠特別。價錢都偏貴，但短時間內應該唔會再encore住啦🙂

上星期六家人請吃晚飯，揀咗逸軒。佢係石門站附近，由mtr 行過去7-8分鐘就掂。以前屯馬綫未開通，要出去市區就麻煩d，但而家超方便。由於6pm full 晒，只好 book 8pm。環境係寬敞，枱與枱距離足夠，完全無侷促感。不過8pm 後就剩幾枱，大部分都係食6pm。服務態度係幾好，唯一要改善係主動性。水壺無水，打開好耐都無人理，但茶錢係$25@。枱上碗碟用完也不收拾，結果我地層層叠。俾5到我應有既服務，有d 失望。。。。食物方面，普遍係不錯，份量係好精緻，所以我地狠狠地叫咗9樣餸共11碟，2枱分享~1. 石鍋飯：5記得全名，但幾香，入味，有d 牛肉粒，又有其他餡料，好味~2. 牛仔柳：調味掂，但有d 韌3. 松露帶子炒飯：松露就吃5到，但中間果層既蝦粒好大，帶子反而無蝦粒咁顯眼。整體來說，都5錯~4. 魚香脆茄子：我覺得似避風塘茄子多d雖然茄子吸油，但佢俾我既感覺5太油膩，不知不覺連吃4條5. 陳皮咕嚕黑豚肉：咕嚕肉夠脆口，5太實，醬汁也不太酸又不會杰撻撻。伴埋洋蔥和青椒，香氣撲鼻。但我食5到陳皮味，不過無礙，我依然 like 它6. 柚子汁蝦球鍋巴：脆口食物，蝦球大，伴以柚子汁，幾

適逢屋企人生日，因為本身係帝逸酒店嘅會員，所以就揀咗附近嘅帝逸酒店中菜廳 逸軒可能因為平日既關係，入到去唔算多人，同埋地方唔算好大，枱與枱之間都相隔好遠，環境比較舒服我地一行四人嗌左四個餸片皮鴨個人偏愛食片皮鴨去到邊都會叫，呢度啲片皮鴨係三種食法。第一種食法係就咁食鴨皮，非常脆口，鴨味濃郁侍應話就咁食口感似薯片果然無錯第二種食法佢就叫我地點芥辣醬食第三種在正常用皮包住食桃膠杞子天湯浸娃娃菜簡簡單單一個娃娃菜份量都幾多，四個人都食唔晒無花果和牛粒和牛粒冇人會抗拒，炒得好香，無花果都可以去膩蟹肉帶子炒鮮奶份量都唔少，炒鮮奶好滑加上帶子都好大隻總括而言滿足嘅一餐

今年父親節本來打算一家開開心心慶祝，所以想試吓附近新開嘅酒店中菜外賣自取，早一日預訂左三個餸， 6:30自取。點知等咗半個鐘都未有，話排緊隊整，早一日預訂點會排隊尾呢？其實大時大節都係想一家人開開心心食飯，準時都係好合理嘅要求姐，五星級酒店咁都冇唔能夠接受，櫃檯姐姐叫我去行吓等吓，其實如果你唔能夠準時一早講我唔會叫，overbooking 真係好過份真心如果收呢個價錢，比咁嘅服務，真係好失望，希望酒店可以認真反省

朋友做咗帝逸酒店會員，酒店食肆食飯有折，誠意邀請我去沙田食飯😁。帝逸酒店係新鴻基旗下沙田新開嘅酒店。我哋揀咗食中菜- 逸軒，新派粵菜。黑白豆腐，外脆內滑，豆腐真係滑到不得了。忘記名稱，好普通招牌脆皮雞，皮真係好脆，皮質一般喇外面好多餐館都可以做到這個質素。總結：酒店中菜，預咗一定貴，成個餐牌價錢低過$100 少之又少，價錢貴之餘，份量亦少，但又唔係特別好食。室內環境清靜，侍應服務態度好，食物擺設精美，五星級嘅享受，就係貴係厘度。會員折扣優惠後埋單大約$850 左右。我覺得唔係太值得。

蒸既點心質素唔錯，款款都幾新鮮又足料，特別係鮑魚燒賣，點心黎講鮑魚都算係幾大隻😎不過重點都係d個樣特別d 既點心！黑金豆腐，外面係竹炭粉加墨魚汁，雖然吃落其實唔係好覺係加左墨魚汁，但脆脆地，入面豆腐好滑，推介！咸水角個樣夠晒cute好可愛，魚香脆茄子同埋菊花春卷都係好香口，賣相又精緻。仲有d燒味都幾ok，燒腩仔燒到外皮脆卜卜，乳鴿都幾靚仔！其他野食好似炒飯之類都係水準之上，整體黎講樣樣野食都唔錯，加上環境服務都幾好，坐得又舒適，間唔中就會去飲下茶。

我都奇怪點解會咁易訂位，果然係個伏！枱同枱之間都有啲距離！服務員態度正常！但咁新既酒店點解中餐裝修得咁old fashion? 講返食物喇：蝦餃$78/3隻，入面係咸到扒街！帶子燒賣$78/3隻，上面一隻帶子，下面一舊黃色皮既豬肉，連冬菇同蝦都冇！我人生未食過淨豬肉既燒賣！炒腸粉質素ok!佢廚房野質素唔錯，點心款色小仲要又貴又難食！兩個人飲茶飲左7舊！真係附近愉翠間君臨既點心好食過佢極多，係極多！仲要係佢三分一價錢！訂位食點心前要三思！

想喺沙田區附近試下中式餐廳，加埋有點心，所以就特登黎呢間石門酒店試食，附近環境有工廠大廈，環境還可以接受。入到餐廳枱與枱之間有足夠空間。但食物及點心種類選擇吾太多，但勝在點心比較特別，個雲吞雞烏冬都幾彈牙，而員工服務態度亦非常好，疫情下希望可以幫助下餐飲業者，用某D credit card 比錢仲有85折添，但對出外食飯仍然有D驚。下次會黎試下buffet，因為餐廳員工極力推薦。

我們將戰利品帶回上房後是吃晚餐的時候了，今趟選這個Package全因我想試未踏足過的逸軒Yat Heen。我們安座後先嘆上一杯清熱的菊花茶，很喜歡這兒的工作人員會戴上手套工作，在這敏感的時間確實很想看到注重衛生的員工。我們的Staycation Package可免費在餐廳享用價值＄438/位的逸軒御膳套餐，這個套餐總共有八道菜之多非常豐富呢！打頭陣是精緻的逸軒三錦碟，內裏分別是金沙五層腩、玫瑰木塊煙燻流心蛋及話梅聖女果。聖女果說穿了即是我們經常吃的車厘茄，師傅用上酸甜的話梅來醃製味道香香甜甜帶微酸，吃下爆汁非常口感豐富而且十分開胃呢！然後品嚐這件金沙五層腩，剪裁工整層次分明的五層腩吃下皮脆肉嫩，伴以邪惡的金沙一同享用真的很魔鬼呀！最後這一件賣相美不勝收的是玫瑰木塊煙燻流心蛋，吃時放近鼻子已聞到陣陣的煙燻香氣很是誘人。流心蛋上放了一片薄滑的啫喱配合香滑的牛油果醬吃下口感挺豐富，但美中不足的是流心蛋熟了一點點，否則這個玫瑰木塊煙燻流心蛋會更加吸引我。緊接著是熱騰騰的金粟忌廉蟹肉羹，擺盤極像西餐的蟹肉羹非常足料，內裏充斥滿滿的粟米粒和新鮮蟹肉，口感豐富之餘更是十分飽肚呢！之後這客宮保花竹蝦真

酒店中餐一直都很有期待，聽說這裡口碑不錯，就跟母親大人來嚐嚐頭盤的竹炭豆腐真的很好吃，又特別，薄薄的外層，入面的豆腐軟滑滑無花果和牛粒也不錯，和牛軟糯，即是脂肪含量很高啦～～～對於和牛，我真的沒有辦法，幾肥都是會吃的‼️ 無花果很好，最近很多菜式都以無花果配搭，清新感覺，它又不是甜膩，少少酸，少少甜雜菌炒露筍跟和牛真是平衡了我們的味蕾，油膩之後來點清新的感覺帶子蟹肉炒鮮奶～～～在我印象中炒鮮奶是濕濕地的，很滑溜的，這個比較乾身，有點滯～～～我們吃剩很多，都沒有帶走

其實一向相機食先的我放得有夠慢的特別係看到賣相精緻的無疑會拍到菜都放涼吃set的好處，是不用腦把胃口都交給厨師發辦這拼盤四款甜心都各具可愛處平分秋色／蝦餃鮮，是給蝦餃最高的讚譽畢竟皮薄還需餡靚蝦鮮而足料，不用過份調味也夠令人回味／西瓜饅頭心思，怎料到西瓜饅頭像真度能如此高結實饅頭有嚼勁雖然略為偏乾但手工而言夠給讚了／恐龍大王可愛，咸水角偽裝成恐龍大王糯米與粘米皮入口軟糯得很完全不是走霸氣路線的恐龍／金箔素翅雜菜水晶球優雅透亮的水晶球包著素翅與紅菜頭入口健康感滿滿誠言手工點心是新鮮即製與否其實一口便吃得出／四季老火湯紫砂茶壺緩緩倒出清香湯水車前草與杞子的淡雅在冬日一口暖湯入喉，很舒心／XO醬爆玉帶乘上小船的白衣小書僮急著渡江之際成了沙河妖囊中物太嫩口了 怎能放過／濃湯杞子花膠絲桃膠浸菜苗功夫菜，清爽的菜苗在上湯中浸淫每口都是流淌於湯品中的自然味／櫻海老鰻魚炒絲苗一口接一口，停不下湯匙在飯中遊走粒粒分明炒絲苗粒帶著海鮮的咸香慾罷不能／甜品二重奏圓滾滾的香芒糯米糍皮薄軟糯 Q彈香甜絲苗粒帶著海鮮的咸香慾罷不能／甜品二重奏圓滾滾的香芒糯米糍皮薄軟糯 Q彈香甜