逸東軒

营业中

休息中

終於都食到逸東軒喇... Book左佢都有兩個幾星期😬黎到逸東軒當然就係要叫佢好出名嘅义燒啦...果然食落去真係好好味.. 唔乾..唔硬.. 剛剛好..同出面普通嘅燒味舖係有明顯嘅分別😋除左义燒之外呢... 仲見到有個叫片皮雞嘅野.. 平時聽得多片皮鴨姐.. 今次竟然有片皮雞.. 咁特別當然就要試下佢啦.. 加埋啲醬呀青蔥呀果啲配料落去食落十分惹味😋😋如果唔包佢就咁食嘅話都好正.. 雞好滑好嫩最後當然就係食甜品啦.. 叫左個芒果布甸.. 芒果大大粒.. 又唔會偷工減料.. 好味道😆哎呀.... 仲有好多野想食呀🤤

唔係話好驚為天人但可以試下難得有間米芝蓮點心屬良心店我早一星期卜既星期六lunch，二人訂時職員講明90分鐘用膳（實測夠時間食；冇夠鐘提人走既跡象）前一日會有電話reconfirm booking以及提埋你酒店冇位泊車～ 跟住openrice 熱門菜式叫左：帶子燒賣-新鮮既彈牙既菜苗餃-太濕太淋，但你可以話佢多汁春風得意腸-腸粉入面包鮮蝦春卷，脆既彈牙既但唔算好食流沙酥-酥皮，好食呀同埋欣賞佢一口size燒味雙拼（叉燒+燒腩仔）配芥末汁佢最貴，$368，睇相（圖中已夾左啲黎食，數量係各8件）我覺得呢個價錢黎講幾平庸不過不失啦推薦大家食西環波記，都係良心店，平一截質素又高 飲茶飲茶，揀左鐵觀音好香；都欣賞佢有燭台座熱茶水不過茶葉只足夠泡一壺水再添水已淡而無味可惜

之前同屋企人嚟過食呢一間餐廳，一試難忘，所以今次就同先生再嚟多次食啦！嚟之前，先生已經做咗資料蒐集，話一定要試呢一度嘅叉燒燒味，咁所以一坐低啦，我哋就已經決定要試一試佢啦！1️⃣叉燒燒腩仔雙拼（ $368 ）☺️：燒腩仔，坦白來講，冇乜特別，上菜嘅時候亦都唔係特別熱，只係微暖，下次都未必會再試。但係，叉燒真係要大讚！非常之香軟肉滑，食落有強烈嘅肉香，脂肪同瘦肉比例都係好平均。另外，我哋多點左另外幾款點心，例如蝦餃、山竹牛肉、脆皮流沙酥、腸粉等，幾款點心嘅味道都唔錯，比起一般中菜廳係高質嘅午餐來講算係幾抵食！食後分享：1️⃣叉燒雖然係好食，但係偏貴嘅，如果有興趣都可以一試，但係就唔需要點雙拼，因為燒腩仔實在係冇特別2️⃣由於餐廳用餐限時90分鐘，我哋2:30入場，食到4:00就真正要交枱，兩個人來講時間都算充足，但如果約多啲朋友呢，就會顯得有啲趕時間

今日結婚週年紀念日，上大人話想去逸東軒試下米芝連星級點心。早幾日book左2點，原來係假日先可以book到，閑日聽聞要2個月前要book，事關閑日好似假日的6折。環境好闊落，因為限2人一枱，我book左4位2大2小，安排左相鄰座位，十分抵贊。今日試左帶子蒸腸粉，第一次食大大片帶子蒸腸粉，5會覺得好夾，但都鮮甜美味。春風得意腸，都係腸粉皮薄，春卷皮脆，再包住鮮味十足的蝦，咬落口。脆皮流沙酥，都係外脆熱辣辣的咸蛋黃沙爹金錢肚，喱個係甘多樣入面，小弟覺得最普通的一樣。總括嚟講都叫做不愧米猪連點心的美譽，叫左8樣野，人頭200又算係特別貴。但如果閑日再打6折就真係非常抵食。

未試過去逸東軒飲茶 最近推出「想點就點」點心餐 😬心血來潮訂位二個人去試試！👫點左幾款必食既：1）燕窩瑤柱海皇灌湯餃2）筍尖鮮蝦餃3）脆皮素鵝4）XO醬炒蘿蔔糕5）帶子蒸燒賣6）蜂巢海鮮芋角7）蝦醬鮮魷因為限時一個半鐘，所以一坐低要即刻點點心，餐牌選擇都不算太多，但亦都可以挑選合適嘅點心。肚餓嘅關係，灌湯餃一嚟到即刻食，嘩！啲湯真係好清甜，啲蝦好鮮味😋其次脆皮素鵝都好好食😋！基本上今日所叫既點心都好好食，酒店環境都好舒服，今次嘅飲食體驗都不錯，最可惜及不足嘅地方，就係限時90分鐘，令到未能夠慢慢地享用食物質素同埋幽靜環境。

終於搵咗平日去試😋好似做咗半年嘅中午時段優惠, 因為反應超好😌全部點心$38可以試米芝連一星嘅點心🥰, 大家快啲趁仲有優惠gogogo😍✨脆皮流沙包 💰38💫評分: 9/10📝迷你饅頭好cute cute, 細細地感覺冇咁漏, 炸到金黃香脆, 入面有邪惡嘅鹹蛋黃流沙🤩✨蜂巢海鮮芋角💰38💫評分: 8.5/10📝蜂巢外層炸得酥脆, 芋餡幼滑😋✨招牌叉燒腸粉💰38💫評分:7/10📝寫明招牌, 就緊係要試吓, 我本身好鍾意食叉燒腸, 不過覺得無咩特別, 可以唔叫留番嗰肚食其他野🤣✨瑤柱帶子菜苗餃💰38💫評分: 8.5/10📝菜苗餃每粒都好飽滿, 餃嗰皮晶瑩煙韌, 菜苗🌱新鮮✨金沙脆豆腐 💰38💫評分: 8/10📝黃金豆腐外脆內軟, 有少少鹹蛋碎係面🥳𝕐𝕒𝕥 𝕋𝕦𝕟𝕘 ℍ𝕖𝕖𝕟 逸東軒📍佐敦彌敦道380號香港逸東酒店B2樓層(佐敦 🚇B1 出口行6分鐘就到)💫評分: 8.5/10💬對照返餐牌上點心原價就知道呢個優惠真心抵, 環境decent, 枱與枱之間隔得好遠, 同埋好鍾意佢茶壺嘅設計😌

🇭🇰 一年兩度既Restaurant week依家仲有啊！我其中去了米芝蓮一星的逸東軒，Lunch menu 都係$198+10%，中菜來說真的做得不錯，不過如果閒日有$38點心🥧好似仲抵🙈不過我同朋友一致認為無論環境、食物、服務等可以encore呢間👌🏼▪️點心拼盤 (筍尖鮮蝦餃、黃耳上素粉果、蜂巢海鮮芋角) 蝦餃普通；芋頭炸得個外皮薄而酥脆，外皮不會過厚，裏面的芋頭味很香滑綿密配上少許海鮮點綴，是我最喜歡的點心；粉粿平時不喜歡吃，但係呢個裡面的菜挺好吃👍🏼另外加點了一碟脆皮叉燒包，一上菜熱騰騰的，裏面甜甜的叉燒架十分香脆得外殼，弄得好好味😚 (7.5/10)▪️保健老火湯每天都不同的，星期六是玉竹次實蘋果煲豬腱，好入味沒有味精味(8/10)▪️乳香薑葱銀鱈魚一上菜哇了一聲，以為份量好少🤣 雖然如此，味道還是很好的！呢個平時晚市才有，銀雪魚肉質很嫩，整個感覺甜酸的有點像甜酸咕嚕肉(8/10)◾️蜜汁叉燒蛋白炒飯err 唯一一樣我沒有吃完，炒飯的叉燒多數都係餸頭餸尾嗰啲，冇咩味，但係聽講呢度最出名係叉燒？ 下次等我齋叫叉燒試下😛 炒飯整體比較油膩，整體感覺普通 (5/10)📍Yat Tung

逸東軒的晚餐都非常熱門，這次趁母親生日就提早一個月預定黎食飯。四個人總共點左5樣，分別有豬肺湯，鴨，話梅車厘茄，菜同一個燒味拼盤。每一道菜都十分有驚喜同味道好好。話梅車厘茄，酸酸地十分開胃。而燒味拼盤係必叫嘅，十分出色，燒腩仔個皮十分之香脆，比起坊間買到嘅好食，叉燒調味都好適當，無豬騷味。我地仲點左豬肺湯，雖然洗得幾乾淨，但仍然殘留少少豬騷味。鴨有兩食，分別係炒飯同片皮鴨。炒飯好香鴨味，片皮鴨整體幾清新，符合佢嘅價錢。質素黎講，逸東軒真係無得輸，好推薦大家如果要節日慶祝嘅時候食。

我同老公結婚後訂了這間點心，之前去過了無數次，喜歡這邊的環境、服務及食物質素，當然也是有良知的餐廳好大好寬廣的位置，我們今次被安排坐在房中，感覺一樣好，好舒適又休閑的感覺茶的質素好有保證，點了鐵觀音，好清香去油，茶葉質素好，唔好苦澀我們必點的金沙脆豆腐，熱辣辣又外脆內滑，豆腐好滑溜，加上一粒粒炸香蒜粒，老公必點逸東小籠包是我們第一次食，好精緻！一籠4粒，包中的湯汁多而香，皮薄肉香嫩，配上香醋薑絲老公最愛入味爽口的薑蔥牛柏葉、我喜歡的多菜皮薄的瑤柱菜苗餃老公話食過最好的大大粒爽口蝦餃，皮薄煙韌又摺得好靚；叉燒腸粉都好食，話哂叉燒是這裡出名的，豉油是自行加的帶子蒸燒賣是出名又必點的，帶子好大粒，燒賣蝦爽又脹卜卜，我喜歡配上辣椒醬一齊食紅油抄手是用沙嗲醬，抄手幾多又足料，但醬汁咸了點一定會再去，大家都可以試試❤️

一直都只係聽朋友講逸東軒好好食，但我本身無話特別鍾意食中菜，同埋佢既價錢都真係唔平，所以一直都無去過。但而家因為疫情關係，以七折價錢就可以試到，所以就預早一個月上網預約就去試下。由於聽聞佢既烤鴨同埋叉燒好受歡迎，所以前一日就專登打左個電話去預留左一隻鴨同一份叉燒。當日去到的時候氣氛好好，座位都坐得好舒適，枱與枱之間都有一定既距離，令人感到安心。首先推介返今次係呢度食既菜式 話梅車厘茄 (HK$108)我本身其實唔係咁鍾意食車厘茄，但就好鍾意食話梅。但食左第一啖之後，酸酸甜甜既口感，令到我食完一啖又一啖，真係十分之推介。加上我係出面既餐廳都唔係好發現到有呢個相似的菜式，我十分推薦大家一定要叫!!!  明爐蜜汁叉燒 (HK$238)我食完之後終於明白到點解呢度既叉燒咁出名，件件半肥瘦同埋唔老，食落又唔肥膩。  脆皮逸東烤鴨 (二食) (HK$768)終於黎到重頭戲的脆皮逸東烤鴨，份量比我想像中少，但係都好多汁。同埋佢既傳統春餅真係好薄，加上醬料真係只可以用好好味黎形容。另外個二食我地就揀左生菜包鴨崧生菜包鴨崧就普普通通，無咩特別。  野菌魚湯浸時蔬 (HK$218)魚湯好濃，就菜一碟咁~ 

之前一直想試逸東軒，所就訂咗位食午餐~ 因為限聚令，每兩個人可以坐喺張四人枱，而且枱同枱之間係保持一個非常遠嘅距離，食得好安心~ 同媽咪兩個人叫咗六個點心，全部點心質素都係中上脆皮流沙酥流沙酥雖然細細件，但其實非常之飽，上枱嘅時候仲暖，一咬奶黃就流出嚟，非常好食😋Xo醬煎蘿蔔糕蘿蔔糕外脆內軟， xo醬唔係得辣味， 鹹鹹香香，食唔停口， 都值得推介👍叉燒腸粉腸粉皮薄身，入面嘅叉燒幾好食，肥瘦適中，咬落去唔會太un口，而且有少少脆脆地，不過又未到非常好食🙉帶子燒賣 帶子好大粒，而且入面嘅蝦好爽， 整體嚟講水準不錯沙嗲金錢肚金錢肚炆得好冧，但係沙嗲味過重，所以食唔到金錢肚本身嘅味道，少少失望🙈筍尖蝦餃🦐呢個食完都冇乜太大感想，係大粒，入面嘅蝦都大粒，蝦餃皮就一般厚度啦～茶價每人28蚊，六個點心最後食咗三百零蚊埋單，我覺得都幾抵

二人限眾令下，兩個人都坐咁大張枱。龍井茶 28/位開頭味淡甘香，之後越黎越濃有少少苦。前菜 有四季豆、豆乾、辣椒同燒肉，少少辣同有豆瓣醬味，幾好食。明爐蜜汁叉燒 238見餐牌有推薦，叫咗份試下有12件，件件半肥瘦，食落唔肥膩，有咬口好大朕豬味，完全無蜜糖味。花雕蟹 時價588一上枱就聞到好香花雕味，食落就無乜花雕味，有啲鹹。都幾多蟹膏蟹黃，蟹黃硬到癡實隻碟。生拆蟹粉小籠包 38無咩蟹味，皮薄多汁，有蟹殼籠仔荷葉陳皮生煎雞飯 298雞用咗唔同香料煎香，雞肉嫩滑，啲沙薑味幾好食。飯有雞油同荷葉味，粒粒分明。蟹粉扒豆苗 298好多醬，有少少蟹膏蟹肉。菜新鮮，新鮮到菜味蓋過蟹粉味。蜂巢荔茸鴨 280芋酥鬆脆香口，芋泥棉滑，鴨肉幼嫩鴨皮炸到金黃色，但唔係每件都有鴨肉，食中有件得鴨皮同肥膏。凍左芋酥無咁脆，要趁熱食！蛋白杏仁茶湯圓 48有兩粒芝麻湯圓，杏仁味濃郁，唔甜

一向聽聞逸東酒店無論buffet或中菜廳都非常出色，逸東軒近來推出點心優惠，$38就可以享用米芝連點心，當然唔可以錯過呢個優惠咁抵，記得早d 打去book位，午市分3輪時間11am, 12.45pm, 2.30pm, 限時90分鐘，我大約2星期前book定位，咁就可以同屋企人一齊歎靚點心。點心選擇多，上菜時間亦好快，熱辣辣點心好快送到。必點帶子蒸燒賣，原粒帶子配鮮蝦燒賣仲有推介脆皮流沙包，外脆內軟，流出熱熱奶皇$38點心優惠最近都有，仲定期改餐牌選擇，值得再三幫襯

因為要清假.  所以決定嚟好多好評但平日限既逸東軒點心. 長話短說點心樣樣出色, 以樣樣38蚊嚟講真係超值. 只係人手有DD不足. 不過係而家既形勢嚟講都算可以接受. 最有印象係帶子賣, 蝦餃, 菜苗餃, 個皮做得好好, 餡料亦真材實料. 所以佢D腸粉都唔錯. 唯一可惜既係我得一個胃, 如果唔係我應該樣樣都想encore一次. 

午餐價位合理，大多點心都$38/$48，當然有貴小小，但絕對是比得起的價錢，不會太多人，不太嘈，有小小服務。食物方便，水準正常 灌湯餃出色（比半島嘉麟樓還好食）👍🏻叉燒 （例牌）正常，沒什麼太特別餃 - 皮做得好薄好soft👍🏻小籠包- 皮有點厚，仲穿埋..好彩佢用細匙放著 彌補一下😂煎糯米雞 （比半島嘉麟樓差很遠）好淋，冇燒焦香味