逸東軒

营业中

休息中

已知這間餐廳是很難訂枱，好多時要兩個禮拜前訂枱，咁啱餐廳節看到這餐廳有得訂，便試試，又比我訂到枱，真係好驚喜。用$198的價錢，可以試到點心、湯、魚、义燒炒飯，真係抵。由點心開始食起，每一款都係好好味，老火湯沒有味精、銀鱈魚煎得剛剛好、义燒蛋白炒飯完全是粒粒米、炒出精粹。其他點心，如春卷、素鵝、小籠包、腸粉，都令你齒頰留香，最後要提他們的普洱茶，順滑得來又不苦澀，不是其他酒樓的普洱茶，這頓午餐真係ichiban, 下次要試其他，如蜜汁叉燒、燒鵝等

諗住疫情稍為放緩 ，咁就諗住同屋企人黎，輕輕鬆鬆嘆一餐蟹宴 。頭嗰幾個餸菜嚟到，都冇乜大問題，中規中矩，雖然冇乜驚喜。但係呢到主菜花雕雞油蒸膏蟹就出事，其中有兩件蟹身，係發臭嘅，好明顯係隻蟹死咗重整出嚟畀個客食。我屋企人呢，食咗一啖lur 都 lur 唔切，去洗手間洗手，洗咗好耐都洗唔甩嗰陣臭味。之後向經理反映，經理求求其其送碟芒果糯米糍，就諗住打發我哋 。一餐飯雖然八百蚊唔係好貴，但係亦唔算係平。畀啲咁嘅劣質下價貨死蟹扮生蟹畀客人食，真係令人好失望。希望大家book位前真係要三思三思。唔係開心嘅 gathering 都變一肚氣。

本身都是從事飲食行業，親身感受到這年來對飲食業的衝擊。我的公司都要求同事需要放假數天（當然是無薪）來減輕營運壓力。逸東軒今年推出多次平日茶市堂食優惠，以七折價錢品嚐米芝蓮級美點。像我我今次點了五款最平價的點心，價錢七折後為$38@, 感覺划算了許多。能夠在平日放假，「機會難逢」。可以品嚐到特價點心，可以自我安慰之餘，又可以支持其他同業。算是苦中一點甜吧!不愧為酒店的中菜廳! 以火爐把茶水溫熱著. 餐前小吃亦不是馬馬虎虎的花生一碟, 而是燒腩仔粒伴四季豆. 從細節中見心思。筍尖鮮蝦餃外型小巧精緻，外皮的縐摺工整漂亮，口感煙韌，不會太糊口。蝦仁鮮甜爽脆，不會霉肉 另有少許筍及肥豬肉吊味, 就是傳統得來又實在。帶子蒸燒賣頂端的帶子竟然非常鮮甜，完全沒有雪味，很高質! 比我之前去長洲食海鮮餐的帶子更甜。令我喜出望外。豬肉都好鮮甜，沒有豬肉羶味。肉質鬆化，有肉汁，不會死實。瑤柱帶子菜苗餃餃皮做得很薄，但不知道是不是菜苗有出水的情況，令餃皮有點濕，稍有不慎就把餃皮夾爛了。餡料當中，菜苗含佔七八成，入口多汁爽脆，只是帶子及瑤柱份量比較少，有點意猶未盡。春風得意腸肚子空間有限，又想試腸粉，又想試春卷，

As part of our Michelin tour, we tried the Chef Recommended All Crab 8-course dinner. Aside from appetizer and dessert, every dish featured my fav crustacean, from the roe to the meat; made into soup, pan fried and steamed. Every dish was tasty, though the most memorable happened to be the fried rice, which is light and fluffy and incredibly flavorful. The freshness of the crab was accentuated by none other than the humble spring onion. You know the chef is skillful when the simplest dish with

位於逸東酒店嘅逸東軒相信大家都一定唔會陌生，呢間米芝蓮一星嘅中餐廳，價錢相當之親民，馳名燒味雙輝嘅燒腩仔同叉燒都好好味，燒腩仔皮脆有肉汁，叉燒笑得非常香甜。而逸東片皮雞食落雖然同片皮鴨差唔多，但係今次唔係鴨皮係雞皮，都幾特別吓。因為疫情，佢哋晚市仲做七折，紅白酒仲要半價！⁣Eaton Hong Kong is definitely one of the most forward-thinking hotels in Hong Kong. Their Michelin Chinese restaurant, Yat Tung Heen, was also super popular! All the dishes were reasonably priced and pretty decent. The cha siu was tender and siu yuk was super juicy with very crispy skin! They were doing 30% off on the dinner menu and even 50% off on the wine me

去逸東軒最緊要係咩？係訂位呀！❶脆皮流沙包 - 當日比較多人，上菜時已經涼了些許，仍然流心但如果更熱就好❷春風得意脆皮腸粉 - 出乎意料之外呢個你我覺得最好食既😂❸海鮮鹹水角 - 正常❹帶子蒸燒賣 - 有點不夾的感覺，帶子還帶子，燒賣還燒賣❺棗泥糕 - 正常❻迷你珍珠雞 - 食到最後已好飽，正正常常的食飯質素中上的，環境不錯，可以再去。最後我們還order左幾種不同的甜品，但可能是已經飽飽地的關係，食落不是太出色，也沒拍照留念😂

想舒舒服服同屋企人飲茶, 逸東軒係一個唔錯嘅選擇.依度冇出面D酒樓咁嘈, 仲有純音樂聽下.唔好以為係酒店飲茶好貴呀, 佢而家做緊優惠, HK$38起就食到米芝蓮星級點心喇. HK$38嘅點心選擇over 20款.今次我同朋友叫咗6款點心, 全部都好好食.海鮮鹹水角 (HK$38)佢個皮係好酥脆, 入面嗰層就煙煙韌韌咁.完全唔會話有油膱味或者好油嘅感覺.D餡料味道啱啱好, 唔會太鹹.金沙脆豆腐 (HK$38)依個豆腐嘅外皮都係炸到好香脆嘅.個皮好薄, 入面嘅豆腐好滑.味道唔會好鹹, 但唔係好食到蛋黃味.帶子蒸燒賣 (HK$38)幾特別嘅配搭.燒賣裡面有蝦, 蝦肉好脆.豬肉同蝦嘅比例啱啱好, 食落唔會太過實的的.招牌叉燒腸粉 (HK$38)腸粉就唔算好特別.但入面嘅叉燒係好食嘅, 肉質偏瘦, 食落唔會覺得好肥膩.脆皮流沙酥 (HK$38)本來係想食脆皮流沙包, 但今次個menu冇, 所以就點咗呢個流沙酥.味道有驚喜喎.個外皮好酥化, 又唔會太厚.入面個奶黃真係有流心嫁.好好食.瑤柱帶子菜苗餃 (HK$38)依個菜苗餃味道就冇咩特別.不過勝在餡料夠多, 件件都脹卜卜咁.整體來講, 嚟依度飲茶

朋友好推介嘅酒樓，咁就試下，位置喺地庫，樓底都相對矮，不過裝修幾好，檯都擺得好疏，完全meet 倒政府要求嘅1.5米距離👍, booked 3個人，有4張櫈，有一張可擺袋❤檯有兩個爐仔heat 住啲茶，所以茶芥當然唔平，每位28蚊，點心選擇都多。💕《酥皮义燒包》💓係食過最好食嘅，面有啲似菠蘿包，但粉啲同香啲。《蝦醬鮮魷》👍多數都係蒜蓉鮮魷，好少用蝦醬，其實我覺得唔太夾，不過魷魚都新鮮，幾好咬囗。《燒賣》面係帶子，唔係蝦，仲配咗黃色嘅醬，不過有啲辣，唔太啱我。《招牌腸粉》雖然係招牌，我就覺得麻麻，好似無乜涵咁。《xo醬蘿蔔糕》都煎得幾香，又唔算辣，好惹味😆《菜苖餃》😋4粒，出面好多一籠得3粒，個皮夠薄，蝦都幾彈牙。《牛栢葉》😍好耐無食，好爽，正整體感覺良好，因為位幾舒服，所有點心即叫即蒸，熱辣辣又新鮮😋，洗手間好整潔，又係暖水洗手👍，雖然價錢唔平，但都算值得。🥰

拜訪 #逸東軒#逸東酒店 嘅 #米之蓮 中餐緊係要黎飲下茶啦#帶子燒賣 燒賣係我至愛嘅食物 中，當然要叫個燒賣試下，呢度嘅燒賣襯上帶子，燒賣味道濃郁，但個人比較鐘意上面放隻爽口嘅蝦#牛肉球 下面配上金菇，新穎嘅配搭同時亦好夾#鮮蝦腸 隻隻蝦都非常爽口，腸粉皮薄而不易爛#炸豆腐 夠曬滑，出面嘅炸皮夠脆，入面嘅豆腐非常滑又軟，對比鮮晴，口感獨特#小龍包 最緊要夠多汁夠鮮甜！皮亦夠薄#蝦餃 隻隻蝦都係咁爽咁好味總括嚟講，真係好好食

明爐蜜汁叉燒$238蜂巢荔茸蓉鴨 半隻$280玻璃二弄蝦球$438呢間中菜聽講係米芝蓮一星咁岩呢個月有做晚餐七折所以就去試一試我覺得呢度嘅叉燒真係唔錯係佢嘅招牌推介叉燒肥瘦圴稱有好香既燒味最鍾意係蝦球有兩隻味橙色嗰隻係咕嚕肉味超好味配埋蝦醬就有少少鹹另外果碟鴨有啲芋頭一齊食感覺上就冇咁肥膩呢間餐廳都幾多人食㗎推介大家試一試同埋佢個茶壺都幾靚係放喺個蠟燭上面所以令到啲茶唔會凍會keep住熱嘅

點心控終於book到逸東軒！平日$38米芝蓮點心任我點！一場來到要豪點$78一客的燕窩瑤柱海皇灌湯餃，湯底鮮甜，有三大隻蝦仁及燕窩碎，很足料。另點了幾款$38的煎焗蒸點，非常推薦：蜂巢海鮮芋角：蜂巢香脆，芋泥軟滑酥皮叉燒焗餐包：墨西哥酥皮很鬆化帶子蒸燒賣：爽、鮮、甜脆皮流沙酥: 超超流心，但咸蛋黃流沙略甜可以留quota不叫:豉油皇炒腸粉：普普通通Overall: 環境舒適，枱與枱之間能保持適當距離，可惜限時1.5小時，未能及時消化再戰。質素比國金軒好，價錢還平一截。

逸東軒嘅月餅盒好搞笑，係竹製蒸籠造型，仲要用條麻繩縛住，有玩味之餘，仲保留咗傳統嘅感覺。蒸籠仲分咗上下兩層，每層各擺咗3個迷你月餅～•🥢 迷你「奶黃迎月」禮盒 （六件裝）$252餡料偏橙色，奶同蛋黃味幾平衝 ，但蛋黃味相對比望月嘅濃，會有少許膩，優點係皮薄唔油，幾酥鬆，亦都有淡淡牛油香😋•🥢 迷你「金黃明月」禮盒 （六件裝）$252連蓉冇其他牌子嘅咁油，味道唔會太甜，適中。蛋黃偏細而且味道偏淡，如果多d咸味就好了，有少少扣分。整個月餅無論餅皮、蓮蓉同蛋黃，都無油膩感～整體比例都控制得好好，鍾意食傳統月餅嘅話，呢個係非常唔錯嘅選擇！

呢排冇得去旅行見到好多酒店都出左staycation 優惠，搵左一輪終於搵到一間良心酒店嘅staycation 優惠。我個package 係1500 住一晚+有800蚊逸東軒消費金額。2個人total 叫左3款食物，都飽到食唔晒🙈💛一雞兩味（片皮雞+雞鬆炒飯）片皮雞見到menu 就覺得好特別好得意咁 就叫左黎試下 同埋都覺得幾抵食$500幾蚊就有片皮雞+炒飯。值得一提嘅係包住雞嘅紙都好細心每張都隔一層點心紙方便我地去拎，因為唔係間間都有架👍🏻👍🏻👍🏻雞皮係好脆 帶啲肉 肉都好嫩 唔會話好"鞋"另外炒飯就冇話好特別，都係普通炒飯😂💛黃金鮮魷好意外地唔會炸到好油👍🏻每一part 都包到咸蛋黃 有沙沙嘅感覺內面魷魚都唔會好un 咬唔開👍🏻$100幾蚊我覺得有呢個質素都好ok👍🏻💛蒸東星斑條魚蒸到啱啱好 一啲都唔"鞋"上碟時仲分埋骨👍🏻啱我呢啲唔係好識食魚嘅人$1400我就覺得唔太抵食😂最後值得一讚嘅係呢個茶下面有個蠟燭仔一直燒住就唔怕啲茶會凍咗👍🏻小小提醒，冷氣有少少大，怕凍嘅朋友可以帶多件褸去😆

好耐冇飲茶，所以即刻行動！🌕流沙千層酥，甜甜嘅流沙不得了，不過真心要襯熱食！因為細細可以原粒食，就唔會到周圍都係流沙。🦐蝦餃晶瑩剔透嘅薄皮，包住大大粒蝦好爽口彈牙。🦞另一住係奢華版蝦餃面頭有一件鮮甜龍蝦肉！🌩蝦春卷腸粉，軟滑腸粉包住脆身蝦春卷，春卷層次分明，每口都充滿驚喜。🦑錦鹵雲吞，醬汁填滿蝦,魷魚,雞肉同菠蘿，而且食落個汁唔會太酸同太杰，炸皮比較厚身食落鬆脆，完全停唔口。🐓豉汁蒸鳳爪，鳳爪蒸得好夠林，但無話味道特別突出。By: #foodcjt

老實講我今次的經歷比上次真係差咗。上次去食晚餐。經歷真係太好了。所以對這間餐廳印象深刻。所以特意早點訂位去試這個人人讚好的早茶點心優惠。我在去之前都做了點功課。做完之後覺得好失望。因為已經唔係全部劃一都係$38，只係有一部分係$38。已經唔係太想點就點呀不是都好彩大部分我想食的東西都還在特價中。這都算係一點安慰。今日點選了以下這幾款點心：這四款都係$38蝦餃就比較失望。因為我食唔到筍絲。佢最多人讚嘅地方就係因為有筍絲。我食唔出嘅話其實同普通蝦餃係冇分別。不過佢大大個虾的確係好吸引。一籠四隻$38都算超值。燒賣就更加普通。普通嘅燒賣。上面有帶子，但賣相唔太靚。味道又唔係太濃。叉燒腸好值得一試。逸東軒嘅叉燒一直係佢最賣座嘅燒味之一。下午茶就冇得叫特價叉燒，所以只好叫叉燒腸試一試。最後點左一個XO醬炒蘿蔔糕。這個原價買接近$100的蘿蔔糕。今日這個價錢真係超抵食。加上它份量十足、又唔係太辣，這點已經加分了。不過今日服務員的態度就差點。竟然比我聽到有個侍應發脾氣。我都好明白可能因為人客多咗，工作量大增。但老實講如果有脾氣嘅都唔應該喺公眾地方發出嚟。這樣會影響到其他客人的。希望這位職員會從錯誤中