逸東軒

营业中

休息中

Yat Tung Heen當酒店中菜廳點心只係由$38 起其實點都會令人心動點心Menu大概分咗$38/ 48/ $78 詳細可以上返去Website 睇好，言歸正傳話就話喺酒店中菜廳食到咁嘅價錢係唔貴但問心其實質素算一般某啲點心專門店嘅出品做高質素啲點心我就唔每樣都評論喇因為其實冇邊一款特別出色反而叉燒就真係好食嘅調味啱啱好，唔會過咸肉質鬆軟唔鞋口餐廳嘅枱同枱之間都有足夠嘅空間但係唯一嘅唔好處就係其實餐廳都偏嘈

今日慶祝母親節，一早book定位，佢早兩日仲問我哋要預留咩食物，Send埋個餐牌俾我哋睇👍🏻 最後就留咗芝士鮮蟹肉焗釀蟹蓋、避風塘九肚魚、片皮鴨2食就再有生菜包鴨崧，本身想食七味鹽燒生蠔，但佢話生蠔供應好唔穩定，所以唔可以留貨，點知去到真係冇得食🥲 最尾媽咪就現場揀咗東坡肉😅 首先要讚揚佢嘅九肚魚，我未試過咁好食，$128嚟講我會形容為值得👍🏻 嗰焗蟹蓋就麻麻地了，性價比嚟講都好低😅 $180，唔特出，普通嘢😥 嗰片皮鴨好係好食，但係外面食返同樣質素都唔難，二食加埋要$768就唔太值，反而我覺得個二食幾好食，個生菜包跟住媽咪揀嗰個東坡肉，覺得個汁太杰，東坡肉質素普通😂 之後就到甜品啦，叫咗香芒糯米卷，蛋白杏仁茶湯圓同川貝陳皮燉津梨，總括嚟講幾好食👍🏻

好出名嘅中菜餐廳，早咗兩個月book先book到星期五晚市，未開始食已經好期待！一嚟即刻叫啲前菜先，話梅車厘茄好好味，酸酸甜甜，話梅襯托下顯得車厘茄更加甜。反而金莎豆腐一般，椒鹽味太重，一度懷疑佢上錯咗椒鹽豆腐燒味揀咗個叉燒，見好多人推介，但我覺得一般，水準略高於一般燒味舖，但唔夠香亦都唔夠鬆軟。片皮鴨就好出色，鴨皮香得嚟唔肥膩，餅皮超薄，兩食先$598真係物超所值！蟶子好新鮮，可惜我食嗰隻略嫌過熟，有啲難𡁻。芝士蟹蓋都好好食，蟹味同芝士味都好出，食晒成個都唔覺得膩。杏汁豬肺湯就正常，但$180一位就貴咗少少。好少食蝦醬生菜呢個組合，幾香口，唔算太油。最後嚟一個甜品收尾，都係好食嘅，糖水舖水準。平日晚市仲有全單75折，去過好多酒店中餐優惠期間都會略降水準，逸東軒係維持水準，難怪booking咁full。

名不虛傳米芝蓮食店前日太座網上訂枱今早試朋友推介此名店推出名為自選點心菜譜内有四十多款菜式👍🏼👍🏼位處四星酒店地庫二樓未必人人接受，但服務應有水平😉😉準十一時取位已見好滿人，好彩訂了枱，决定大吃點心😁😁筍尖鮮蝦餃未見驚喜雖爽口但較味淡🤔帶子蒸燒賣令我感覺改善帶子鮮味有咬口，燒賣料足绝無肥肉😋😋蒜蓉鮮蝦春卷可讚外脆内暖 餡料足😋😋👍🏼👍🏼香蔥鮮蝦腸粉有水準蝦大大 粉皮细滑😋😋👍🏼👍🏼紅油抄手味道一流醬汁辣度夠😋😋京蔥和牛酥餅冇得彈 酥皮鬆化入口即溶和牛餡料味濃😋😋😋👍🏼👍🏼👍🏼臘腸銀絲卷略嫌失色臘腸稍嫌肥肉多了些😉

相公專誠請我去這間有米芝蓮一星級的酒樓嘆點心，環境寬敞，在疫情下食得放心。點了七樣不同的點心，筍尖鮮蝦餃 ，一口吃下的鮮蝦很彈牙又爽，但味道不驚喜。帶子蒸燒賣，帶子放在燒賣上， 特顯其鮮味，咬下很有口感。蒜蓉鮮蝦春卷，味道香而脆，蝦亦很爽，蝦亦算大。香蔥鮮蝦腸粉，原隻大蝦在腸粉內，腸粉很軟滑，咬落彈牙又好味。六隻紅油抄手體積算大，味道較濃。很特式的一碟京蔥和牛酥餅，酥餅內外也放滿了芝麻粒，和牛和京葱也砌成碎粒，配襯一絕，非常好味，咬落彈牙。臘腸銀絲卷，臘腸不太肥膩，咬下軟中帶硬，有口感。

放假當然到處搵食啦！即興打電話逸東軒飲茶，竟然有枱，訂了 10:45am，12:15pm 還枱。有幾年在佐敦上班，幾乎是午餐飯堂，2001年加入會籍，每次來都 85 折優惠，現在間中都會來飲茶或晚飯，今天暫停使用，不要緊 ！午市的車位已經滿了！所以 “冒險” 泊北海街！哈哈！叫了龍井茶，點了我每次一定會食的蝦餃及叉燒包，另外鳳爪、排骨、星洲炒米粉（走蔥），及脆皮流沙酥。蝦餃比以前細隻了, 但依然新鮮 ！叉燒包保持水準 ！美味排骨鮮味，食得出是新鮮排骨 鳳爪及格啦！星洲炒米，的確少鹽少糖，味道剛好，而且蝦仁也不少，配料有叉燒絲及韭黃 ！為了要 12:15pm 前還枱，流沙酥未到，所以 12 點就結帳，等待流沙酥 ！那碟流沙酥終於來了，但廚師失手了 ！每隻都像 “浸透油”，雖然我不是廚師，但一般家庭主婦都應該懂得，油未滾就炸，就會 “嗦油”。其實侍應看到都提出拿回去換，hubby 說不用換，拿回廚房讓廚師知道就好 ！我也嘗試吃了一口，完全不是 “脆皮”流沙酥，實在太油膩，是 “油皮”, 結果浪費了 ！侍應連聲不好意思 ！算啦 ！我們又不是要求換或賠償 ！最後取車，炒了一張牛肉乾，時間是12

💛早一年半載已寫過逸東軒的食評，那次到來吃套餐，整體感覺普通，菜式沒有特別美味，性價比不高。當時👀看到旁席食客散叫，餸菜反而更吸引👉🏿👈🏿，已決定需要再來試一試。今次特別到來誓要吃散叫食物。燒味雙暉～選了必吃的叉燒燒腩仔。兩樣上枱都是熱熱的，燒腩仔亦做到皮脆，不知是否細心安排，令食客各取所需，兩條叉燒是不同部位，一條比較肥，另一條則較瘦，但肥叉瘦叉同樣是肉嫩好味豪一次叫了🗿佛跳牆💸～上枱非常熱，同事亦細心提醒勿讓燉盅燙到。湯清甜不油膩，應有的鮑參翅肚都有（更正一下：沒有魚翅，沒有魚翅，沒有魚翅），而鮑魚並非有口感冇味道的貨色。好飲還好飲，按這個價錢亦未致有WOW factor，叫一次試試是可以的。🥬蔬菜選了扒蟹肉～蟹肉🦀份量多而且鮮甜，好ok啊今次被安排坐進房內，主要一男👨🏽‍💼一女🧑🏽‍💼同事負責，特別想讚一讚女同事， 整餐飯見她🦋滿場飛，耐心地招呼客人，很勤快沒有停下來，🙇🏿‍♀️是辛苦的。埋單時與她說幾句，連日🐣紅假比較忙，她說笑當減肥，態度非常正面。其實來逸東軒食飯消費並不高，今次只是貴在佛跳牆，若選其他湯或餸菜根本與坊間中餐價錢相若。💛💛這裏對人的看法及響應不吃魚翅，盡顯逸東一

係佐敦有間黃酒店叫做逸東酒店雖然係鷹君集團但逸東係由太子女打理都算係由外黃到內咁生日果日就去左食佢地既中菜廳逸東軒餐廳入口係酒店側門有個專用既入口可以搭電梯落到地庫二樓逸東軒連續多年既米芝蓮一星以一間四星級酒店黎講真係唔簡單由譚棟師傅主理經常係蘋果可以見到佢既身影除左教煮送仲有同黃秋山既互動加埋佢d鄉音好得意因為禁晚市關係可以book到下午兩點既時段仲話可以一直坐到六點為止張圓臺好大張係限聚令下每張臺最多只可以坐兩個人係勁多位擺野食餐具算古典但就無其他星級中菜廳華麗亦都無檯布逸東軒係武肺期間一直都做緊38蚊籠點心不過就只限星期一至五另外係晚市解禁下亦都一直有做七折呢個優惠直到而家都做左差唔多成年其實都有48蚊同78蚊既點心不過相比起好多五星級酒店既點心都平好多當日細路仔真係唔識野平時淨係去開酒樓飲茶第一次見有得保暖而且仲有熱滾水係唔明點解香格里拉既中菜反而無溫爐餐廳係地庫無景觀可言成個格局就係長方形密室樓底亦都比較矮裝修算係平實一點牆身有唔少掛畫因為有特價點心關係平日既下午一直都係處於滿座既狀態第一次食呢種級數既中菜落單果時侍應係無拎紙筆全部都憑記憶入單一次過都叫左十一種點心真係食到死

有睇我上一篇對逸東軒食評嘅朋友應該都知道我對佢嘅晚市評價好高，環境味道服務都係十分優秀。呢一次就唔係試佢嘅晚市，而係試佢地嘅早茶，前一日就打電話去訂左兩個位。去到當日，門口已經好多等緊11點半安排入座。早茶當然就要喊點心啦。兩個人叫左六款點心，有帶子蒸燒賣，春風得意腸，叉燒腸粉，婆參瑤柱菜苗餃，脆皮流沙酥，小籠包。先講叉燒腸粉，入面餡料豐富，啖啖肉，十分足料。另一條春風得意腸粉，入面就係蝦春卷，春卷唔會因為腸粉而邊num，繼續保持香脆，兩者我比較喜歡春風得意腸。帶子蒸燒賣，每粒燒賣上面都有一舊帶子，但係我就覺得呢個燒賣就鹹左少少啦。婆參瑤柱菜苗餃，入面真係可以食到粒粒嘅婆參，但瑤柱係呢度就唔係好明顯，調味剛剛好。最後嘅脆皮流沙酥，一咬落去，熱騰騰嘅奶皇流心就流曬出黎，但相對比較膩，一人食一舊就好。總括黎講，我好滿意呢次嘅體驗，服務優秀，味道不錯，相信之後會再黎。

一路都知這間酒店的中菜廳水準不錯，很多人推介，我第一次慕名去飲茶的時候亦非常滿意，今次再去飲茶，結果質素大不如前，非常失望。今次點了四款點心，包括脆皮叉燒餐包，棉花雞，春卷和春風得意腸。以下逐一點評，脆皮叉燒餐包上一次叫過覺得好食，所以今次再叫，但係結果並不如上次好食，包面還是脆的，可是包底就已經焗到非常硬，感覺好似喺廚房入邊興咗好耐等客人叫然後拎上枱，所以叫咗之後就光速送上枱。棉花雞味道是好的，魚肚是夠淋的，可是整個賣相就非常小家可憐，非常不吸引。春卷賣相好但不夠熱，只是暖暖的，而且春卷皮是硬的，而不是剛剛炸好的那種脆，感覺又係一路放喺熱爐上面興住等人叫然後拎上枱，裏面的蝦肉亦感覺不新鮮。最差最差就係春風得意腸，賣相可憐，食落裏面每一口都感覺係未熟嘅粉，好奇怪，我問經理為何會有咁樣嘅口感，經理回答說裏面包着的是春卷，春卷皮是用粉炸的，咁樣嘅回答簡直令我側目，唔通我未食過春卷？唔通春卷唔係應該脆嘅咩？唔通春卷真係用粉咋所以我食落就要一口未熟嘅麵粉？如此唔專業和敷衍嘅團隊喺酒店裏面嘅酒樓和餐廳甚少見到，最後經就敷衍我一句話咁我同廚師反映一下，然後走咗。我哋食咗兩舊，就全碟冇食了。我去過好

不嬲都好鍾意飲茶，逸東軒榮獲米芝蓮一星，大部份點心都係$38一款，所以一直都keep住幫襯。拎得米芝蓮，味道當然冇令人失望。尤其是酥皮嘢，同我喺加拿大飲茶時食到嘅酥皮一樣咁鬆化😋另外個鮑魚酥都係必食推介！好欣賞佢個茶有個爐座住，呢啲細節位真係好加分！

幾經辛苦終於book到逸東酒店既米芝蓮中菜館 — 逸東軒❤️ 佢依家點心每款都只係$38！！仲要係酒店食喎！！蜂巢海鮮芋角🔺外表酥脆🎉入面係厚厚綿密既芋茸🥰🥰🥰🥰入面仲包左d好似咸水角餡既肉碎 咸咸地咁🤤🤤🤤🤤🤤🤤金沙脆皮豆腐☁️薄薄而又香脆既外皮 加上椒鹽既咸香超級惹味但份量偏少 唔夠喉☹️脆皮流沙包🥯細細個 一粒波咁🙂 外表就好似炸饅頭咁入面就係流沙蛋黃醬 一咬就會咇晒出黎💥食兩個都唔會膩🌞帶子燒賣 — 面頭個片帶子係真。帶子😱好鮮甜 燒賣整體都好食👏🏻荀尖鮮蝦餃 — 外皮好煙韌🦐🦐入面既蝦全部都大大粒 好足料又爽口🤤瑤柱帶子菜苗餃 — 皮薄軟滑 入面包左好多菜好滿足🥬🥬🥬招牌叉燒腸 — 好食既 就係你想像到既味🌝紅油抄手 — ummm..個汁唔係我prefer既味道同外表 食落亦無特別驚喜 可試可不試紅棗糕 — $38餐牌外既點心 聞落好香紅棗味 但食落紅棗味消失左😑 口感都唔係我想要既😪啊！$38 優惠不適用於指定日子、公眾假期及其前夕 要食就一家要Book 無得walk-in 啊🤭 ⋯⋯⋯食太多 變左千字文😪

點心優惠延長至4月，即刻book午市，試米芝蓮一星級點心!價錢分別係$38，$48，$78!茶位$23per位春風得意腸必食，皮薄，春卷脆身！鹹蛋黃流心酥必食，鹹蛋黃超重，激流心，皮酥脆！原隻馬拉糕唔甜，蛋糕味濃，2人食有d大份！xo醬蘿蔔糕蘿蔔糕蘿蔔打蓉，xo醬唔算spicy, 但夠香！菜苗餃皮簿超正帶子燒賣好味燒賣！帶子新鮮陳皮牛肉球比較普通，啖啖肉，冇馬蹄，對於唔鍾意馬蹄ge我十分好！小籠包湯汁皮算薄，酒樓水準之作！

好耐無同屋企人飲茶👨‍👩‍👧‍👧精挑細選後帶左爸媽試下呢間高質點心~.📍逸東軒.🦐筍尖鮮蝦餃($68)-真係皮薄餡靚🥰蝦好彈牙!!好好食~🥬瑤柱菜苗餃($65)-菜苗餃相對無蝦餃咁出色~不過有多多菜少少蝦又平啲啲喎🤣梗係叫返一籠食下啦🥢帶子蒸燒賣($65)-漲卜卜燒賣面頭有粒厚肉帶子😆好新穎~口感幾正🥧原個馬拉糕($58)-鬆軟!!一定要襯熱食啊😋🫔家鄉甜簿撐($58)-有椰絲花生~甜甜地都幾特別😌🥖焗酥皮叉燒餐包($52)-必點啊🤩外脆內軟又好味!🥠海鮮芋角($55)-炸到好脆嘅芋角除咗有主角芋蓉之外仲有蝦🤤芋粉唔好錯過啊🥢春風得意腸粉($68)-原來即係炸兩🤣油炸鬼幾脆~不過唔係太熱🥢叉燒蒸腸粉($68)-叉腸係每次飲茶都必點嘅點心🤣腸粉好滑~包住甜甜地嘅蜜汁叉燒好正😋如果多啲叉燒會更好~🍵茶芥每位$28

Michelin 1 Star Chinese restaurant, but if I had to be honest I didn’t see the “wow” factor. We came to Yat Tung Heen during last years restaurant week, and was quite disappointed with its portions and quality. I thought the fried rice being the main course was quite disappointing as they could’ve leverage the restaurant week to display their main top sellers. The appetisers were also quite tasty, I really liked the BBQ pork. The highlight for me was the mango sago. We may come here again for th