逸東軒

营业中

休息中

有睇我上一篇對逸東軒食評嘅朋友應該都知道我對佢嘅晚市評價好高，環境味道服務都係十分優秀。呢一次就唔係試佢嘅晚市，而係試佢地嘅早茶，前一日就打電話去訂左兩個位。去到當日，門口已經好多等緊11點半安排入座。早茶當然就要喊點心啦。兩個人叫左六款點心，有帶子蒸燒賣，春風得意腸，叉燒腸粉，婆參瑤柱菜苗餃，脆皮流沙酥，小籠包。先講叉燒腸粉，入面餡料豐富，啖啖肉，十分足料。另一條春風得意腸粉，入面就係蝦春卷，春卷唔會因為腸粉而邊num，繼續保持香脆，兩者我比較喜歡春風得意腸。帶子蒸燒賣，每粒燒賣上面都有一舊帶子，但係我就覺得呢個燒賣就鹹左少少啦。婆參瑤柱菜苗餃，入面真係可以食到粒粒嘅婆參，但瑤柱係呢度就唔係好明顯，調味剛剛好。最後嘅脆皮流沙酥，一咬落去，熱騰騰嘅奶皇流心就流曬出黎，但相對比較膩，一人食一舊就好。總括黎講，我好滿意呢次嘅體驗，服務優秀，味道不錯，相信之後會再黎。