逸東軒

营业中

休息中

逸東軒又有晚市主餐牌七折優惠把握機會再黎食晚飯 人均都係大約$370 抵食明爐蜜汁叉燒係必叫外面微焦蜜汁香甜 肥瘦均勻 肉質超鬆化絕對係數一數二的靚叉燒🤩片皮鴨就食得多 但我更愛片皮雞😍原隻脆皮雞片出薄脆雞皮 配上蒸薄包皮(薄度夠煙韌👍🏻)加少許青瓜大蔥同海鮮醬包來食 超滿足雞沒有鴨咁肥膩所以食多幾件都唔覺漏仲有兩隻雞全翼😍皮脆肉嫩正到爆正所謂一雞兩味 其餘雞肉就揀咗用嚟炒飯 飯粒分明鑊氣十足 食唔哂打包第二日繼續食😂帶子琵琶豆腐 看似簡單但要做得出色好考功夫外面金黃裡面豆腐仍然非常細滑再加入魚膠帶子增添鮮味同口感 令人回味大澳蝦膏唐心菜膽 一上抬已經超香蝦膏味用砂鍋上更覺惹味 唐心菜膽超爽嫩好高質！最後甜品擂沙湯圓就非常失望🤦🏻‍♀️明明上次食超正今次先encore唔知係煮過龍定本身個皮搓得唔好糯米皮腍到溶 完全冇口感 入口一pat pat的

因為未去過逸東飲茶，放假就早早去試下啦！食物價錢唔貴，食多咗都唔會肉赤我超鍾意食燒賣，呢度嘅燒賣皮麻麻地，又厚又易爛，餡料普通，沒有驚艷～蝦餃做得比燒賣出色，皮夠煙韌唔會一夾就穿，未算好皮薄，蝦肉亦彈牙，相當唔錯！叉燒包皮夠濕潤，咬落去好軟綿綿，餡料叉燒無雪藏味，個汁都好食！金錢肚炆得好夠腍，入面嚿炸過嘅芋頭好好食，而腸粉非常平凡，唔夠焦香⋯最後碗楊枝甘露唔好食，無芒果香🥭老實講，當日嘅服務都幾一般，而且果日我隔離枱個男人開聲睇片，完全唔理人，極度影響食飯心情，搞到我想開首baby shark 同佢抗衡⋯

在酒店B2 的酒樓，米芝連級數的點心，當然非常期待！ 我們六個人點了八個點心，食物的水準果然高， 基本的蝦餃燒賣很足料，唔會油膩嘅感覺，春風得意脆皮腸粉，即係炸両，是必點項目，腸粉卷得扎實，唔會散開，每啖都食到蝦和脆脆的油炸鬼，配上醬料，真的好好味！唔會好油膩，老人家都啱食。另外，春卷好有驚喜，皮薄多餡料，上菜還是熱熱的，不錯！店內環境很寛敞，雖然坐滿了整間店，但不會太嘈吵，適合喜歡寧靜嘆茶的人，美中不足是茶，因為是老爸點，不知道他點了什麼，味道太淡！

逸東軒嘅中菜廳午市點心算係幾出名，因為係米芝蓮一星餐廳但係價錢親民，點心只係收緊中級酒樓嘅價錢，所以吸引咗好多人去。不過因為遇上生日慶祝同行者指定要食中菜，所以先試佢嘅晚市。.1️⃣話梅車厘茄 💲108⭐️3/5份量多，好重話梅味，但過甜。2️⃣明爐蜜汁叉燒 💲238⭐️3/5逸東軒名菜。可能對米芝蓮中菜廳呢個名銜出品嘅叉燒期望過高，與同行者都覺得比較普通，水準只係略高於燒臘舖叉燒。不過份量幾多都算抵食。3️⃣砂鍋薑蔥爆乳香銀鱈魚 💲288⭐️4.5/5呢個砂鍋銀鱈魚好有驚喜，將餐廳嘅評分拉返高。砂鍋煲仔上夠熱夠鑊氣，銀鱈魚香脆嫩滑入味，好有乳香味，雖然比較濃味但都忍唔住食完一舊又一舊。4️⃣籠仔荷葉陳皮生煎雞飯 💲298⭐️3.5/5煎雞份量好多但係幾濃味，算重口味之作。5️⃣蛋白杏仁茶湯圓 💲48 ⭐️4/56️⃣家鄉甜薄罉 💲58 ⭐️4/5兩個甜品比想像中有水準，因為最近都係好多唔同嘅中菜廳叫過蛋白杏仁茶，呢個都算有質地，係近期食過比較好味嘅一個。薄罉一碟四件份量唔多，熱烘烘薄罉皮夾炒香花生加椰絲，私心不嬲都鍾意食呢類型嘅甜品，呢款甜品都算難出事.🔸除咗對佢人食人讚既叉燒有少少失望之外（可能我唔好彩），酒店所有

loved every single dish! the char siu is very juicy and tender, and the pork belly is super crispy! it also had amazing flavours without being overly salty!for desserts, we had their mango mochi which i adore🥭 they are coated in coconut flakes which complements the flavour nicely, and i think theyre even better than the ones at cheung chau!😍

👅帶子蒸燒賣（$38）本身我都係燒賣怪，勁鍾意一啖就食到曬成粒燒賣🤩呢款燒賣岩岩好fit曬我個口，仲要面頭有片唔乾嘅帶子，加埋燒賣入面勁彈牙嘅燒賣，好鮮甜呀😍•👅 荀尖鮮蝦餃（$38）其實佢呢度個蝦餃勁抵食😂平時落樓下啲酒樓食蝦餃會變頂點/特點，分分鐘仲貴過呢度😛呢度嘅蝦餃蝦肉非常鮮甜，蝦餃皮唔會太厚或者太薄，包得住啲餡之餘仲有啲煙un，好味😋•👅 逸東小籠包（$48）略嫌覺得佢個小籠包無乜汁，亦唔算好夠熱，比起外面啲上海菜館，似乎差咁啲😏•👅 脆皮流沙包（$38）見唔見到張相後面隱約呢埋左個金黃色嘅脆皮流沙包呢🤩🤩想講佢係勁脆皮，好似啲炸饅頭咁，然後係唔洗點練奶嫁，因為佢入面已經有流沙嘅奶皇餡啦🤤🤤個流沙好濃咸蛋黃味，又唔會過甜，好味😛•👅 瑤柱菜苗餃（$38）非常欣賞佢啲蒸餃類，因為個皮真係好煙un，配埋爽脆菜苗同蝦粒，味道好鮮🤤•👅 叉燒焗餐包（$38）係咁多款點心入面我係最鍾意佢呢個餐包🤩完全係好有趣嘅配搭😍個外皮好脆，好似菠蘿包咁甜甜地，再加軟綿綿嘅叉燒餐包，口感勁正🤤重要佢啲叉燒唔係下爛肥爆嘅叉燒粒，唔錯唔錯🤤🤤🤤•👅 紅油抄手（$48）呢個紅油汁其實唔算紅油，因為佢勁重花

餐前小食好好味，有琥珀合桃，焗腰果等，非常香口開胃。總括而言呢度嘅點心真係非常高質，精緻又好食。今日食咗好多款點心，介紹幾款必點嘅先。飲茶又點可以唔食蝦餃燒賣呢？帶子燒賣好食，有帶子喺面，而豬肉都唔會好肥，令到原本油膩嘅燒賣感覺清新。蝦餃嘅亦都值得一讚，皮非常之薄，蝦亦都非常新鮮彈牙。蔥油餅賣相可愛，將蔥油包喺芝麻餅入邊，非常香口。流沙酥本人覺得係最好食嘅點心，佢嘅流心程度簡直驚為天人，亦都非常有蛋黃香。甜品亦都值得一讚，芒果糯米卷非常之有椰汁香，有原舊芒果喺入面，非常好食。而紅棗千層糕驗到軟糯可口，非常有紅棗味。l

今日下午休假半天，和朋友找個地方食午餐，之前有朋友介紹逸東軒飲茶，早幾日上網訂枱，見有位，即管今日試試。早一日，員工打電話來確認，會再三提醒用膳時間為90分鐘。餐廳平日訂座也常常爆滿，會做幾輪，所以大家記得準時到，否則只會縮短自己用膳時間😔大部份點心$38或$48，我哋叫了一些蒸點、炸點同腸粉試試☺️蝦餃的蝦肉爽口彈牙，雖然比之前喺西貢海鮮食過蝦餃（亦係爽口彈牙）較細粒，但比其他酒店中菜廳出色。帶子燒賣，帶子鮮甜，唔錯。另外叫咗金錢肚，惹味軟滑！嗌咗個招牌叉燒腸粉，叉燒真係唔錯，腸粉又滑又薄！另外叫咗個炸芋角，以前喺酒樓成日都有得食，但而家一般酒樓比較少，可以話係一懷舊點心，芋頭香滑，配上酥脆嘅外皮，非常香口😍準時2:15pm 交枱，門口已有多人等候！好味嘅點心，係值得一試再試

逸東軒嘅$38點心優惠一向好搶手，疫情期間都推出過幾次呢個優惠，今次終於到我食啦😎呢個優惠只做星期一至五嘅午市，只要$38/$48/$78就可以試到米芝蓮級數嘅精美點心，好似做埋今個月就無啦，有興趣就上網預約吧✅✅佢地全部點心都新鮮出爐熱辣辣咁上枱，好好食嫁🤩🐶荀尖鮮蝦餃 $38推薦❗️皮薄餡靚嘅蝦餃🦐蝦餃皮好薄，一咬就食到啖啖蝦肉，我無認真數一粒餃有幾多隻蝦，但每一啖都食到爽口鮮味嘅蝦仁，而且係最平嘅$38，值得嗌！🐶帶子蒸燒賣 $38呢個都係人人都會嗌嘅，所以都有啲期望～我覺得佢係好食嘅，但係只係正常酒樓點心程度個種好食。帶子嫩滑，但係存在感唔高，食落口其實都只會食到豬肉餡嘅味，感覺加左帶子無令粒燒賣好食左，但佢都係餡料好鮮味，好食嘅燒賣～🐶豉汁蒸鳳爪 $38唔推薦🥲好普通嘅鳳爪🐓🐶脆皮流沙酥 $38半隻手指公咁大嘅流心奶黃酥，因為新鮮出爐，酥皮相當酥化，一咬落去就爆哂啲奶黃餡出黎，係幾正。不過食多幾啖就覺得個餡偏鹹，而且唔係鹹蛋個種鮮味嘅鹹，仲食到唔太自然嘅香精味，有啲膩。🐶金沙脆豆腐 $48好食❗️豆腐炸得好香口，個皮薄到入口即溶，配埋灑係上面嘅炸蒜好惹味，豆腐好嫩滑，要襯熱食哂佢

聽講佢黎隻糉係米芝蓮級數，所以今年訂左嚟試，屋企人要求高，呢隻份量好大，一蒸完打開，成隻鮑魚俾你睇，我估個廚師喺包果時有精心揀個鮑魚嘅位置。 唔錯，希望佢出年會再出多啲口味既款，同埋希望佢囉貨嘅日子唔好太短。始終要出去佐敦拎唔太方便。這隻糉送禮一流。如果book到staycation, 希望有機會去呢度try果晚市

Weekend family gather at dim-sum place at Eaton Hotel in Jordan. The restaurant is on the Michelin Guide.. without saying, excellent food and excellent service. Shrimp dumplings Lo Bak Go Xiaolungbao Favorite - custard pastry with egg yolk

逸東軒招牌叉燒腸粉帶子蒸燒賣荀尖鮮蝦餃瑤柱帶子菜苗餃蜂巢海鮮芋角春風得意脆皮腸粉酥皮叉燒焗叉包脆皮流沙酥價錢💲: 全部$38好味程度😋: 4.3/5服務🍴: 4.3/5環境🗾: 4.5/5性價比🥢: 5/5回頭率😚: 4.3/5 (呢個價) -逸東軒的中菜一向好出名，而佢地間唔中都會推出$38的點心，酒店米芝連級數來講，呢個價錢超抵食😬有日就同埋屋企人來試試佢。係網上個個都大讚，所以都抱住幾大期望😳-✅招牌叉燒腸粉。皮薄，入面多餡。除左蜜味的叉燒，仲幾香芫荽味😆 個皮薄得來唔會太韌，好食！-✅帶子蒸燒賣。最特別係燒賣上面有一片帶子，鮮甜既！入面蝦肉同豬肉的比例恰當，口感唔錯。-🆗荀尖鮮蝦餃。皮都幾薄，但唔係好大隻🤨 入面都係正常，唔特別標青。-🆗瑤柱帶子菜苗餃。比一般菜苗餃高級既，食落多左瑤柱的鮮甜味😋 但都係唔覺好突出。-✅✅蜂巢海鮮芋角。呢個正正正😍 外層超酥脆，一咬啲碎碎就跌晒落嚟。入面的芋泥好多，好綿滑，完全顯示到廚師嘅工藝🤩-✅✅春風得意脆皮腸粉。入面的春卷好好好脆，包住蝦肉😋出面好滑的腸粉皮包住春卷，食落有2種口感，正😜-🆗酥皮叉燒焗叉包。唔特別，都唔太熱，可叫可唔叫😫-🆗

逸東軒又出點心優惠 點心類一律$38❗️但只有星期一至五先有 點心好似冇上次咁好食 但質素依然是中上酒店級服務又坐得舒服 都仲係好抵食 不容錯過帶子燒賣 大大粒帶子夠哂足料臘味糯米包 係非常傳統的蒸點 而家甚少見到薄薄的包皮包著糯米飯 裡面夾雜著鹹香臘味臘味較少所以味道唔出 但糯米飯口感剛好軟糯難得食到的糯米包 都算滿意今次的酥皮叉燒包就非常失色了上枱凍冰冰 個墨西哥酥皮又唔脆芋角做得出色 好香脆 裡面芋頭同肉比列剛好外脆內綿又熱辣辣 仲要有4件😍茶樹菇腐皮卷 菇味勁出好香 腐皮可以更脆但勝在唔油膩最抵食莫過於小食類 (各$48)XO醬蘿蔔糕 雖然欠了點色澤 但食落好惹味薄薄粉漿輕輕炸過特別脆口炸豆腐金磚 好大碟 脆漿薄但略嫌有點淡味可以加重一點調味

多謝我最愛嘅豬帶左我去食有良心又係米芝蓮一星餐廳食飯 #逸東軒 我對今次係有期望，好彩不算失望，至少我揀嘅全部都係我鍾意食🤣🤣🤣既然係米芝蓮一星，要求嘅會高少少食物方面片皮鴨二食-鴨鬆炒飯上菜一刻極度香炒飯炒都好乾身飯粒粒分明鴨鬆名副其實鴨鬆太飽關係外賣返到公司叮熱嚟食依然都係好香咁多款菜式唯一唔滿意係花雕雞油蒸膏蟹明顯蒸過龍膏熟到似鹹蛋黃口感好差服務方面網上訂座係Full，實際情況未滿電話極難打得入知客好似對公司既推廣活動唔知咁一時話當日冇任何折扣優惠(包括訂左Stay Safe and Save Package 50% off)一時話住客有7折去到食前一日打電話確認訂枱又話Stay Safe and Save Package 50% off 又有返真心唔知想點侍應做到份內事，不過不失落單催單換碟樣樣做齊環境方面枱與枱之間都有足夠嘅空間環境係有啲嘈啱啱好我坐喺角落頭嘅位置隻腳伸唔直有啲辛苦希望下一次可以食到佢哋嘅點心🤤🤤🤤

今日星期日趁放假同屋企人試下呢度嘅點心receptionist同帶位同事都好有禮貌，我地嘅座位響類似包廂內嘅一張半梳化，負責呢個包廂嘅姨姨好貼心，見我地話普洱太濃就自動幫我地斟壺淡嘅，值得一讚！唯獨有樣失望嘅係，包箱內有6枱客人，其中一枱不時大聲笑，聲量較大... 忍無可忍下同咗部長講，佢有幫我地睇下有無得調位，但佢解釋出面大多連位都係會比較嘈，最後我地無調到，而呢位部長亦都無為我地同個枱客人提醒佢地盡量降低聲量就走開咗，令成個用餐體驗未如理想。 我覺得一間米芝連一星嘅餐廳除咗食物 服務都好緊要，只係”細嘅做得好 大嘅做唔好” 都係無用！另外我地座位隔離就係上餐嘅櫃，負責送餐嘅員工唔知係咪太新？炒散？ 好大力咁擺落黎，每次都ban ban聲，唔知以為你發悔氣唔想做。講返食物，我地叫咗帶子燒賣、鳳爪、酥皮叉燒焗餐包、鹹水角、芋角、沙嗲金錢肚、脆皮流沙酥同雪菜火鴨絲炆伊麵。整體唔錯，但鹹水角好淡，個人覺得流沙酥最好食，好有鹹香。整體不過不失，食物未夠驚艷，相同價錢響出面都可以搵到比呢度更好嘅餐廳。