逸東軒

营业中

休息中

逸東軒✨連續五年榮獲米芝蓮一星！中菜廳自疫情就推岀左星級點心優惠及晚市七折優惠~ 當然要把握機會品嚐下米芝蓮一星！星期一至五午市，十五款巧手點心一律$38！中菜廳裝潢雅致，寛敞舒適，枱同枱之間有一定距離，坐得幾舒服，服務仲好好添。餐廳午市分左1100 1245 1430三個時段，限時90分鐘。真係估唔到平日都咁full！1245就最快爆滿，建議大家預早幾日book位~⁣⠀🍵茶芥 $28/位茶葉都幾多款可以揀~ 鐵觀音生津回甘，不過龍丼就無平時飲開嘅咁好飲▪️脆皮流沙酥 $38一咬開超流心，流沙內餡超濃蛋黃味！美中不足係酥皮唔夠香脆。▪️春風得意脆皮腸粉 $48每次飲茶必點！腸粉皮滑溜，中間嘅油炸鬼（定春卷?!）超脆唔油膩，仲有大大粒蝦肉！口感層次豐富~▪️逸東小籠包 $48小籠包熱辣辣，用上匙羹盛戴，咁就唔怕夾穿流走晒啲肉汁~ 小籠包外皮厚薄適中，尖端位唔會太厚。湯汁滿滿帶肉嘅鮮甜，肉餡調味恰到好處，肉質偏軟腍。爹哋媽咪就表示好啱口味好鍾意！▪️帶子蒸燒賣 $38燒賣足料，除左豬肉餡之外，有大大粒彈牙蝦肉，蝦味幾突岀，不過就唔算特別鮮甜。面頭嘅帶子感覺上毫無昇華嘅作用，質地亦唔算太嫩滑。嗯，正

平時成日聽到逸東軒呢個名，知道佢啲點心好出名，仲要係米芝蓮一星推介𠻹！即刻心郁郁好想試吓，加上佢呢排仲做緊點心午市優惠，部分點心都只係$38所以即刻帶埋媽媽嚟食好嘢！我同媽媽下午2點半嚟到，已經見到近乎全場滿座，可見逸東軒嘅受歡迎程度點心嘅價格由$38/盅至$78/件不等，$38區域都有相當多嘅選擇，例如帶子燒賣、脆皮流沙包等等，仲另外有「健康美點」分類畀素食人士選擇，相當貼心。茶同滾水會用蠟燭台座住，令佢保持一定嘅溫度，今次叫咗鐵觀音，茶味入口醇滑。脆皮流沙酥（$38），38蚊點心選擇之一，外面係脆卜卜嘅酥皮，入面包住流沙奶皇，但略嫌有點油膩，而且奶皇偏咸。帶子燒賣（$38）必食推薦原本有4粒，我哋食咗兩粒先記得影相，實在太太太好食，入面包嘅蝦彈牙，帶子爽脆，配埋辣椒醬龍蝦蝦餃（$78）本身以為會將蝦餃入面嘅蝦轉做龍蝦，但原來做法係上面擺舊龍蝦肉，下層則係普通蝦餃，不得不說蝦餃皮做得非常好，皮薄餡靚，但值唔值78蚊就見仁見智喇我哋另外叫咗逸東小籠包、蒜香蝦春卷，兩道點心都非常出色，但我掛住食唔記得影低哈哈一路寫一路回味緊餐飯，好想快啲再去！

終於有機會去品嘗榮獲五年米芝蓮一星的星級食府 – 逸東軒。帶著滿心期待預早一個月致電訂位，因為真係爆場架，當天有人walk-in係食唔到架！首先個環境好舒服，好好坐，枱與枱之間都有舒適的距離，服務態度就正正常常啦，只係服務我地個枱的那位大叔就比較機械化同表情唔算好寬容，但都無影響我地食飯既心情。今次我哋都叫左唔少點心，老實講，真心覺得食物質素唔差，但又未係好米芝蓮級爆好食個隻囉！我地叫了帶子蒸燒賣(好食既)、黃金流沙酥(太甜)、和牛生煎包(和牛都OK)、小籠包(個汁好味)、金錢肚(普通酒樓都食到既味道)、XO醬炒蘿蔔糕(呢個真係唔錯)及春風得意腸(正正常常啦)。人均消費$150，如果以呢個價錢去嘗試下米芝蓮的推介係可以既，整體來講，都叫做唔錯！

逸東軒的午市點心的確抵食, 只是其他星級酒粵菜餐廳的一半價錢, 貼住利苑的定價, 可以吃到酒后出品的點心, 難怪在2:30這些午後時間也是客似雲來, 雖然我和女友一致認為水準以米芝連一星來說, 味道未到合格水平, 但如果放下米芝連這擔子, 會吃得甚為愉快.我認為整餐最有水準的, 是其叉燒腸粉. 腸粉口感夠滑也有米香, 叉燒有最近少吃到的燶邊位, 肥瘦部份均勻. 其他點心及小菜就是半好半壞, 例如炸豆腐外脆內柔, 但上面的乾蒜味道不均, 有些太搶有些太弱; 蝦餃皮薄但蝦肉內餡口感太散; 小籠包夠肉汁但外皮頗黏在湯匙上; 炸海鮮芋頭酥夠脆夠粉但不太感受至到內裡海鮮. 最後甜品類的流沙奶皇酥味道夠咸夠甜夠濃, 而且內餡真的多得要爆出來, 但汁料太多, 浸得內裡的酥皮不夠酥香. 雖說有批評, 但以三四十元一碟點心的價錢實在不太能奢求, 上菜速度夠快, 點心小菜夠熱, 放下一星的眼鏡就能滿意, 又或者這樣的說, 就算有米芝連加持的餐廳, 也有不少在我而言也不明白何以受其眷顧.

Finally made it to Yat Tung Heen for dim sum! Despite being a Michelin-starred restaurant, their dim sums are super affordable, especially on weekdays! The interior decor is really nice too, the traditional wooden colour is very comforting. I do wish there wasn’t a time limit though, would have loved to stay longer and sip on my tea 🫖 for a whole afternoon! We went for the most iconic items (ie items I have seen on ig all the time!!)🥢酥皮叉燒焗餐包 Baked Barbecued Pork Buns HKD 38💭Beautiful crisp top l

襯平日放假即刻再去book午巿🥰，有三輪 11:00 / 12:30 / 14:00，記得預早訂枱! 終於再去試😋，大家快啲趁仲有優惠gogogo😍，米之蓮推介以呢個價錢同食物質素性價比係幾高‼️✨春風得意脆皮腸粉 💰48💫評分: 8.9/10📝腸粉皮包住蝦膠春卷，腸粉皮薄同滑嘟嘟，春卷唔會太油膩，口感特別😋，配埋甜醬麻醬豉油perfect! 原本以為係炸兩🤣，好彩餐廳職員👩‍💼好窩心咁同我哋講叫我哋唔好又點春卷同埋呢個腸粉，所以我哋先轉左另一樣嘢食，抵讚🤍✨脆皮流沙酥💰38💫評分: 8.5/10📝迷你好cute cute，都係細細粒感覺冇咁漏，鍾意以前嗰款脆皮流沙包多啲因為更加金黃香脆, 不過呢款同樣有邪惡嘅鹹蛋黃流沙🤩✨海皇蔥油餅💰48💫評分: 8.5/10📝原本以為係大大塊，點知細細粒🤣，幾濃味唔會好油膩，香口😎，啲蔥粒有咬口，特別係用芝麻皮😌✨帶子蒸燒賣💰38💫評分:7.4/10📝帶子唔會蒸到好老，燒賣嘅豬肉都新鮮，幾有特色✨酥皮叉燒焗餐包 💰38💫評分: 7/10📝叉燒餡無特別，一般叉燒包味，餐包幾鬆軟，下次可以慳返食多啲其他嘢🤣✨逸東小籠包 💰48💫評分: 7.6/10📝皮都

想食呢間嘅點心最好book定位先，但佢個電話都有啲難打，好彩最好都成功book到。環境幾好，而且座位闊落。我哋叫咗帶子蒸燒賣、筍尖鮮蝦餃、脆皮流沙酥、蜂巢海鮮芋角、蠔皇叉燒包、逸東小籠包、春風得意脆皮腸粉、茶樹菇腐皮卷、完個馬拉糕、婆參瑤柱菜苗餃覺得最好食嘅係脆皮流沙酥同埋逸東小籠包，流沙酥唔會太甜，而且非常香口，小籠包一個個咁放係湯匙度，就算穿咗皮，但唔驚啲汁會流走晒，非常好嘅擺盤！非常值得再嚟！

今日又同屋企人飲茶~今次我地訂左逸東軒佢地既點心款色都算幾多~🥢小食金沙磚豆腐 Deep-fried diced bean curd炸豆腐鋪左咸蛋黃脆漿~好脆，咸蛋黃味可以再濃多ｄ就好喇~海蜇頭 Marinated jellyfish 海蜇頭好爽，不過調味偏淡，同出水太多，呢個不是十分推薦><🥢點心春風得意脆皮腸粉 Steamed rice rolls with shrimp呢個係腸粉包春卷，入面有大大隻蝦，配埋甜醬麻醬，好食~筍尖鮮蝦餃 Shrimp dumplings with bamboo shoot皮薄餡靚～蝦夠新鮮~酥皮叉燒焗餐包 Baked BBQ pork buns🤩呢個實在係好好食，酥皮做得好鬆化，包夠軟熟醬汁濃稠適中，１００分！叉燒酥 Baked BBQ pork puff個底就有少少太油，比叉燒包遜色錦鹵雲吞 Deep fried wonton with sweet & sour sauce醬汁好足料，有蝦、魷魚、叉燒、蕃茄等，酸酸甜甜味較得恰到好處，加埋雲吞炸得好脆，好好食！配埋環境同服務，係一個唔錯既嘆茶地方~

🌹閨蜜七月約會，又到揀餐廳時候，閨蜜喜歡吃中菜，我找來收藏的逸東軒，近來成了米芝蓮一星餐廳，想去試試！🌹逸東軒位於逸東酒店內地庫，餐廳設計以20年代的上海酒館為靈感，但感覺環境較陰暗，用餐區空間算寬敞，我們到達的時候已坐滿食客，難以打卡留影。🌹午市有點心及套餐供應，我們點了二人套餐，兩位用$688 ，有湯、燒味、名廚推介、時令蔬菜、特色粉麵，精美糕點，看似抵食！我們吃下去發覺不夠飽。再點了兩樣點心，原來點心最穩陣及正常！食物味道評價足料老火湯⭐️⭐️⭐️⭐️足料入味金陵醬燒乳豬⭐️⭐️皮脆但底層過肥西蘭花有泡肉帶子⭐️⭐️帶子有腥味高湯竹笙浸唐生菜⭐️⭐️⭐️瑤柱崧子蛋白炒飯⭐️⭐️崧子淋淋的，不脆口，影響口感棗皇糕⭐️⭐️⭐️紅棗味足夠，不太甜，略黏菜苗餃⭐️⭐️⭐️义燒腸粉⭐️⭐️义燒略肥個人評分食物味道⭐️⭐️⭐️（食物真是一般，差佔一半）服務⭐️⭐️（感覺不夠服務員）環境⭐️⭐️（我自己覺得地庫較焗及有壓迫感）衛生⭐️⭐️⭐️抵食⭐️⭐️回頭率⭐️

如果要介紹一間好食又超值既一星中菜. 一定係逸東軒.逸東酒店有好多好吸引既stay cation 套餐, 同埋又有一個超正既自助餐餐廳(食過)逸東酒店真好吸引我地哩D 後生仔去玩. 平食既footcourt到貴食既自助餐同逸東軒都有得選擇. 逸東軒已經係晚市做左好耐7折優惠, 分別係唔同時間食, 而且每次都keep 到水準並唔會因為有優惠就將價就貨. 逸東軒有幾種方法入去, 可以係酒店入又或者係佢地專用既門口位置落去地下二層.記住, 一定要訂位. 除非係酒店住客(有次係) 就可以盡快安排比你. 否則等通知.難得黎到, 一定要試下佢地既手工菜同特色菜. 立即上菜啦.香酥黃金鮮魷 - 咸蛋黃配鮮魷. 魷魚新鮮, 肉質嫩, 彈牙, 炸既火喉控制得好, 皮夠薄, 油靚, 食落無油膩感 .必食推薦 - 脆皮乳豬鮮蟹肉炒桂花. 哩個可以4個人以上share, 份量堅大. 絕對抵食. 乳豬皮脆肉嫩, 蟹肉足料. 砂鍋薑蔥爆乳香銀鱈魚 - 香噴噴既一個砂鍋. 南乳好好食, 加埋鱈魚本身既香甜字係親到絕. 哩個送飯一流.蜂巢荔茸鴨 - 一定要試既手工菜. 底層係去左骨既鴨肉(你當佢片皮鴨既切法), 中間

六月已經想黎試吓佢嘅平日特價點心，拖到七月中終於完事😊好佢嘅優惠不斷extend 乍 最平$38 一款酒店級水準點心，逢星期一至五，唔知八月重有冇㗎？😏四百幾蚊四個人有酒店級服務同食物質素，我覺得性價比好高喎😌事實上係我私心想食又冇理由一個人去飲茶喎，又唔想淨係同阿媽去，所以call埋阿妹同個寶貝孫😚一早已經唸好要叫d咩😅阿妺又好似冇乜興趣叫🙃咁冇辦法喇 😋椒鹽黃金豆腐呢個係推介要叫既，因為平時小食價好似過百蚊，而家$48就食到，當然可能份量爭d啦。炸得夠香脆又乾身，入面夠嫩滑。🤨流沙酥本人覺得有啲漏漏地，主要我係想叫俾我阿妹食，因為佢好鍾意食流沙奶黃包，可能加埋外層酥皮，感覺上更加油膩，係熱辣辣嘅同埋好重奶黃蛋黃😋豉油王炒腸粉我本身好鍾意食豉油王炒嘅嘢，呢個炒腸粉亦都做得唔錯，炒得好乾身又好夠味，加埋啲蔥花蛋同埋芝麻🥰😋蝦餃呢個當然係必要嘅點心啦，反而我哋對於燒賣就麻麻哋，雖然佢都係推介呢度嘅帶子燒賣，不過我哋一啲興趣都冇！😋叉燒焗餐包呢啲焗包類嘅物體最啱我同我阿妹，不過媽媽就擰晒頭！🤪我覺得覺得焗得幾好味喎，又熱辣辣，其實叉燒都係推介至一。😋糯米包呢個又係一睇到人哋post出嚟就已

又隔了半年沒去逸東軒，這次終於提早book到枱，不用去現場排walk in後補。逸東軒好在不是會轉menu，於是這次又吃了新點心！$38荀尖鮮蝦餃豉汁蒸排骨帶子蒸燒賣脆皮流沙酥$48逸東小籠包香蔥鮮蝦腸粉臘腸銀絲卷沙嗲金錢肚茶芥$28@老實說，覺得質素有點下降了，也可能是點心上枱後攤凍了一點有些影響，而且非$38的點心佔比好像更多了，去到交枱半小時前催埋單吃得不過癮。不過，逸東軒的環境還是無法挑剔，桌與桌之間充足的距離，4人枱超大枱面，一定不會有放不下點心的問題。

一家人假日去左飲茶，係想去List幾耐嘅餐廳終於有時間去試一試叫左幾樣野食、首先試嘅係帶子蒸燒賣 $65 味道普通 ，食到帶子有沙然後係XO醬煎蘿蔔糕，依個都幾推薦。$95，蘿蔔糕香脆幾好味，有少少辣辣地，幾惹味。份量唔大碟。然後係筍尖蒸蝦餃$68味道普普通通，皮偏厚，蝦都有鮮味，但都唔可以算話好好味，蝦餃好味過個燒賣。跟住上脆皮雞 $280/半隻皮脆，個皮好味，但雞肉偏鞋，過左火侯…都唔係偏鞋咁簡單，直頭有d柴，唔中意個肉，但個皮都真係幾好嘅。同埋無左浸肥膏。然後係蜜汁叉燒$238無乜汁，肉偏軟身，應該係梅頭。對呢碟野有失望。因為係聽聞依間叉燒好得，所以去試， 肉偏瘦，再肥多少少會好d，之前食（已結業嘅銅鑼灣蛇王二）比佢出色好多！ 係最後先食晒嘅餸，因為認真覺得麻麻最後係豉汁蒸鳳爪 $52普通到不得了，唔會話特別好味。總結成間野食水準一般，如果想食好味點心又比佢平，不如去試下名苑。燒味一般….燒味舖會更好 。服務一般。環境幾好。麻麻地…唔係幾抵食

連續2年母親節嚟到逸東軒🤱🏻要飲茶又要有質素，逸東軒都係一個good choice！可能因為疫情關係，母親節當日竟然唔係好滿座，不過泊車位都係full哂🚗午市期間點心餐牌做緊優惠，精選嘅點心都係$38-$48😋主要都係大眾必點嘅點心款式，單點都好抵食！🔸明爐蜜汁叉燒 $𝟐𝟑𝟖 - 必點No.1❗️每次去都沒有失望嘅蜜汁叉燒💛肥瘦剛好，肉又唔會老，好味到可以就咁送白飯食。最重要係份量夠哂！片片都切到厚一厚，適合4人以上食。🔸春風得意脆皮腸粉 $𝟒𝟖 - 腸粉皮包住蝦膠春卷，腸粉皮薄，春卷沒有太油膩，口感特別😋🔸辣椒油 - 🌶 每枱必有的辣椒油，超香。為點心增添多一種風味！🔸蜂巢海鮮芋角 $𝟑𝟖 - 炸得勁酥脆又唔油❕入面嘅餡係滿滿芋泥+海鮮，同外面脆皮勁夾, 外脆內軟好好食👍🏻🔸冰鎮涼瓜條 $𝟑𝟖 - 好鍾意食苦瓜，而呢個涼瓜條嘅苦澀絕對可以接受，係會有少少青，但好開胃😋🔸帶子蒸燒賣 $𝟑𝟖 - 帶子唔會蒸到好老，又夠鮮甜。燒賣嘅豬肉亦好出色，香口結實。🔸瑤柱崧子蛋白炒飯 $𝟏𝟗𝟖 - 最愛嘅炒飯。崧子增加炒飯嘅口感，唔會油淋淋。🔸原隻鮑魚雞粒酥 $𝟕𝟖 - 價錢可接受，面頭鮑魚夠淋，撻皮

因為酒席未能用盡已付出的錢，被迫要在非常有限的時間內用了這筆錢，唯有叫了幾千元外賣回家吃。酒店的外賣單明明寫着以砂鍋上，但是居然有一道菜是沒有砂鍋的。整體來說，味道還好，食材都很新鮮，賣相也是設計過的，不會因為外賣而亂放，感覺還算是認真製作。唯一可惜的是每道菜的份量都剛剛好，如果有吃貨之人在場，可能要多點一道菜，以防不夠吃。另外，龍蝦的份量比平時吃的少。如果不吃，真的不知這是蠔。每隻蠔都非常大，但份量少。