影片
更多
2021-07-18
376 浏览
六月已經想黎試吓佢嘅平日特價點心，拖到七月中終於完事😊好佢嘅優惠不斷extend 乍 最平$38 一款酒店級水準點心，逢星期一至五，唔知八月重有冇㗎？😏四百幾蚊四個人有酒店級服務同食物質素，我覺得性價比好高喎😌事實上係我私心想食又冇理由一個人去飲茶喎，又唔想淨係同阿媽去，所以call埋阿妹同個寶貝孫😚一早已經唸好要叫d咩😅阿妺又好似冇乜興趣叫🙃咁冇辦法喇 😋椒鹽黃金豆腐呢個係推介要叫既，因為平時小食價好似過百蚊，而家$48就食到，當然可能份量爭d啦。炸得夠香脆又乾身，入面夠嫩滑。🤨流沙酥本人覺得有啲漏漏地，主要我係想叫俾我阿妹食，因為佢好鍾意食流沙奶黃包，可能加埋外層酥皮，感覺上更加油膩，係熱辣辣嘅同埋好重奶黃蛋黃😋豉油王炒腸粉我本身好鍾意食豉油王炒嘅嘢，呢個炒腸粉亦都做得唔錯，炒得好乾身又好夠味，加埋啲蔥花蛋同埋芝麻🥰😋蝦餃呢個當然係必要嘅點心啦，反而我哋對於燒賣就麻麻哋，雖然佢都係推介呢度嘅帶子燒賣，不過我哋一啲興趣都冇！😋叉燒焗餐包呢啲焗包類嘅物體最啱我同我阿妹，不過媽媽就擰晒頭！🤪我覺得覺得焗得幾好味喎，又熱辣辣，其實叉燒都係推介至一。😋糯米包呢個又係一睇到人哋post出嚟就已
事實上係我私心想食又冇理由一個人去飲茶喎，又唔想淨係同阿媽去，所以call埋阿妹同個寶貝孫😚
一早已經唸好要叫d咩😅阿妺又好似冇乜興趣叫🙃咁冇辦法喇
😋椒鹽黃金豆腐
呢個係推介要叫既，因為平時小食價好似過百蚊，而家$48就食到，當然可能份量爭d啦。炸得夠香脆又乾身，入面夠嫩滑。
🤨流沙酥
本人覺得有啲漏漏地，主要我係想叫俾我阿妹食，因為佢好鍾意食流沙奶黃包，可能加埋外層酥皮，感覺上更加油膩，係熱辣辣嘅同埋好重奶黃蛋黃
😋豉油王炒腸粉
我本身好鍾意食豉油王炒嘅嘢，呢個炒腸粉亦都做得唔錯，炒得好乾身又好夠味，加埋啲蔥花蛋同埋芝麻🥰
😋蝦餃
呢個當然係必要嘅點心啦，反而我哋對於燒賣就麻麻哋，雖然佢都係推介呢度嘅帶子燒賣，不過我哋一啲興趣都冇！
😋叉燒焗餐包
呢啲焗包類嘅物體最啱我同我阿妹，不過媽媽就擰晒頭！🤪我覺得覺得焗得幾好味喎，又熱辣辣，其實叉燒都係推介至一。
😋糯米包
呢個又係一睇到人哋post出嚟就已經諗定要叫嘅點心，好多茶樓都已經冇得食㗎啦，再加上我哋屋企對於糯米都情有獨鍾！😌
食完咁多我見阿媽都好似唔多夠喉咁，就問吓佢仲有咩想食啦，結果佢吚吚哦哦，終於就叫多咗兩樣點心，分別係茶樹菇腐皮卷同埋牛肉球。
聽阿妹講媽媽係因為聽到隔離枱話茶樹菇腐皮卷係唔叫會蝕底嘅點心😂而牛肉球呢，就係想叫比個孫仔食嘅～～
不過講真腐皮卷我都想叫，亦都好食。原來用茶樹菇做餡嘅腐皮卷都好好食㗎！佢仲要J煎的好香脆。
牛肉球就同出面嗰啲有少少分別，個底用咗金菇嚟到薦底而唔係用腐皮，不過反而我本人鍾意用腐皮多啲🤣金菇好似好油膩咁。
最意外嘅係位senior 囉睇中左我哋個姨甥仔, 主動送咗杯芒果布甸咩佢食添🥰🥰
茶樹菇腐皮卷
$48
7 浏览
0 赞好
0 留言
奶黃酥
$38
4 浏览
0 赞好
0 留言
糥米包
$38
6 浏览
0 赞好
0 留言
义燒焗餐包+豉油王腸粉
$38
4 浏览
0 赞好
0 留言
黃金磚（炸豆腐）
$48
3 浏览
0 赞好
0 留言
张贴
