逸之燒 (已結業)

皇帝蟹蟹膏燒啖啖蟹肉及蟹膏好鮮香，串燒除了雞皮乾咗D，其他包括牛脷、汁燒牛肉車厘茄串、汁燒牛肉荔枝串及燒飯團都做得好好，刺身也新鮮！整體水準不錯，價錢合理👍🏻😊很有日本小店風味👍🏻會再來！

逸之燒 (元朗)元朗鳳攸南街9號好順利大廈2座商場地下 57 號舖食物海鮮粥性價比勁高 平得黎又落足料有蝦 蠔 青口 魚 元貝每樣都啖啖肉而且粥食得岀好多米 唔會成兜水咁雜錦串燒十本好多樣不同既食物有蕃茄 雞肉 雞軟骨 牛脷 紫薯 鵪鶉蛋..配埋佢個雞蛋汁 將串燒昇華左最好食係個紫薯 勁甜 勁鍾意吉列蝦芝士反卷正正常常 蝦肉好彈牙 爽口配埋面頭既芝士 飛魚子 令到反卷香噴噴三文魚刺身份量唔吸引 相反最吸引既係厚度色澤分佈得好靚 比岀面鮮玉子壽司腐皮壽司2款都係我鍾意食既壽司因為甜味好出 由其玉子環境：開放式廚房 令到好有日本風情另外都令到成間餐廳既透明度高左餐前小食感到貼心

去開元朗，試食左呢間日本野，正啊！呢間舖頭離西鐵大約10分鐘路程，裝修好新，感覺好乾淨。座位都好闊落，坐得耐都不伯辛苦。牆上有日本風情油畫，播放着柔和的英文歌，好舒服、好浪漫。店員好有禮貌，很殷勤。誠意推介軟殼蟹手卷，軟殼蟹和蟹子份量超多，啖啖蟹，炸得剛剛好，又脆又軟！正啊！記得一上菜就要盡快食，否則材料太多會冧！鹽燒豚肉荔枝串真係好清新好特別的燒物！荔枝肉令成個豚肉變得好清，好正呀又一推介。七味珍稀寶帆納貝串好大粒！勁！

就到聖誕啦！今晚同honey一於happy下食返餐正㗎先！呢間真係很不錯的日式+燒烤店！我哋哎了一個什錦刺身飯，它的魚生非常新鮮，劍魚腩同拖羅刺身好yummy, 加上好堅嘅wasabi, 食到我好滾動吖😭 除左魚生好嘢之外，串燒也是他們的賣點。首先，我們來了一碟燒牛脷。牛脷除了本身嘅牛的濃香味，肉質軟軟啲，一點也不韌👍👍 之後來了兩碟北海道黃金燒帆立貝。呢碟帆立貝的汁真係好屈機，有啲似蛋黃加沙律醬，酸酸甜甜的，好開胃！食完隻帆立貝之後，汁都吃埋，女朋友更將醬撈飯食😋 串燒我哋叫左雜錦串燒十本。串燒來說我們兩個都是比較鹽燒的，就是這一間的。燒蕃茄仔口中爆汁juicy~有一串好surprise的，我也是第一次吃，就是煙肉卷荔枝。荔枝的果香令煙肉油而不膩，口中還飄住濃郁嘅荔枝香！有些比如燒魷魚仔可能除了淡淡的海水味就會比較單調，但加上它附上的生蛋撈特制醬油，由不凡中又變得好多滋味了，我個人是比較愛吃濃味的，所以將燒魷魚仔和免治雞肉串都會點這個醬。最後我們還點了吉列🍤反卷，喜歡蝦反卷的人不要錯過哦！吉列蝦是真的爆脆哦！記得要點哦！感恩在聖誕節能吃上這頓美味晚餐🥰

今晚想吃日本料理，之前和男朋友去過元朗yoho附近的逸之燒居酒屋，是一間主打串燒的餐廳，其他選擇還有刺身，壽司，火鍋，亦有二人和四人套餐選擇。前一晚預早訂了兩人枱，到左7點半已經全店滿座。吉列蝦芝士反卷有六件，中間包著炸蝦天婦羅，香脆可口，上面鋪著三文魚子，沙律醬同芝士，食落多重滋味。北海道黃金燒帶子，燒得黃金色又不失光澤，賣相非常吸引，黃金汁好濃香滋味，帶子爽口又新鮮。和風牛肉炒烏冬，烏冬炒得入味又未至於油膩，有適量配菜跟木魚，飽肚滿足之選。鹽燒魷魚筒，一客係整條魷魚上碟，魷魚燒得煙韌有咬口，鹽味和鮮味控制剛好。鮮菠蘿串，燒得熱辣辣仍然鎖著大量菠蘿汁。角切魚生飯，有多款魚生刺身，份量十足。味道真是超水準，是非常難得的日式小店。

作為一個元朗人，其實食嚟食去都係某幾間食肆，好少會轉口味，今日破天荒去試新嘢，就book咗呢間位於雞地嘅逸之燒，估唔到係有驚喜鹽燒豚肉菠蘿串同荔枝串，菠蘿同荔枝又夠晒鮮甜，呢兩樣嘢真係一定要叫！仲有各嗌咗兩客七味安格斯牛肉大蔥串同汁燒安格斯牛肉大蔥串，一口咬落去啲藏喺大蔥入面嘅汁咇晒出嚟，加上大蔥嘅味令人齒頰留香，真係好想encore再食！另外仲叫咗份汁燒金菇豚肉芝士串，上菜時望到都令我垂涎三尺，汁夠甜，令到金菇好入味！食咗咁多肉，當然要嗌返碟炒雜菜，味道清新而且唔油膩，幫助消化一流！仲有翠肉瓜，瓜唔會燒到太淋，食落仲係好爽口，而且勁重蒜味，啱晒鍾意食蒜嘅朋友。如果係芝士控，就唔可以錯過佢嘅芝士啡菇，芝士味好濃郁，食完成個口都係芝士味，菇味都甜，唔會苦！環境方面，燈光適中，唔太暗亦唔太光猛，座位寬敞，坐得都幾舒服，冷氣又唔會太凍。今晚同女朋友食得好滋味，逸之燒真心值得推介，特別係區內好多日式食肆但就好少做日式串燒，我諗我哋好快變做長期捧場客

今晚與媽媽約會，選了元朗比較安靜的一區，媽媽和我當然吃日本餐廳。這間店小小的，挺安靜，很舒服，有家的感覺，店員都很親切，沒有催促我們下單。我們今晚也是豪氣的叫了很多食物。不單壽司有驚喜，串燒都令我們回味。花之戀，炙燒三文魚，燒鰻魚三文魚非常肥美，加了蟹子或炙燒都入口即溶。燒鰻魚，厚，但不是多刺的那種，加上醬汁，在口中溶化，因為叫了太多食物，所以想再叫，都要停一停，諗一諗。燒物真心令人充滿驚喜一直都想試燒雞泡魚乾，叫了半客，真的沒有令我失望，帶汁，不是乾和硬的，魚乾有滿滿的汁。汁燒豚肉蘆筍，鹽燒豚肉荔枝串，鹽燒豚肉菠蘿串豚肉沒有被燒到沒有汁，薄薄的豚肉片，蘆筍很嫩，配上水果更是多汁，水果的味汁中味了豚肉的油膩感。黃金燒帶子，帶子大粒，配上有點酸酸的汁，不會過漏。赤魚西京燒一向很喜歡西京燒的汁，赤魚第一次試，肉質彈牙，配上醬汁，很快就清乾淨了。兩個人食得很滿足，還未走，就已經想再來一次。

「逸之燒」真係有吸引力要你幾個月就要去光顧！這次我試了一些新菜式，但都是要吃蟹膏！皇帝蟹膏 HKD 228一上枱已經引人注目，石裡有燒熱的炭慢慢地烘熱蟹膏，讓大家不斷吃到熱騰騰的蟹膏！蟹膏口感濃厚，內裡更有很多蟹肉絲，兩者來起來口感很相襯，而且蟹味濃郁，下次我會點一碗白飯混來吃，哈哈。牛小排壽嘉燒 HKD138大廚事先倒入湯底和配料，燒滾後大家可放入牛小排，滾一陣子就可以吃！牛小排脂肪比例低，肉較多，吃起來肉味濃郁，肉質頗滑，不用外加醬料都可以！其他配料吸收了湯底，非常入味，如果蔬菜可以再多些就好了。黑椒安格斯牛肉串 HKD30 一串跟朋友點了兩串，一人一串最滿足！牛肉燒得恰到好處，既能鎖住肉汁，又燒得剛剛熟，口感滑又JUICY！而且牛味很濃郁，如果化身成一塊黑椒安格斯牛扒就正！芝士反卷 HKD 48裡面是炸蝦來的，外面有紫菜、芝士和蟹籽，芝士是剛剛燒得半溶狀態，此時直接整粒放入口就是最滿足！這個很有飽肚感又香口，很吸引！黃金帶子 HKD 48 一隻帶子很大隻，經過燒後，口感爽軟，再配有特製醬汁，整件事非常夾！將整粒帶子放入口，哇，感覺很滿足！三文魚刺身 HKD 68這個真的要說「很有

元朗不錯居酒屋👍🏻呢間居酒屋環保唔錯！好有日本風格～我們點了以下幾樣野食～燒皇帝蟹膏$228～～哈哈！滿滿的蟹膏配有少少的蟹絲，不錯不錯！如果質地再杰啲就仲正！北海道黃金燒帶子 $48/隻， 佢個醬汁先係重點呀！ 好香濃又好滑～是芝士？牛油？芝士加牛油？唔識形容呢個，但係會令人食上癮架😂火灸三文魚壽司$22 和 鰻魚壽司 $24～ 肥嘟嘟 又滑嘟嘟！推介呀！雞泡魚乾 $40，香噴噴架！燒得好煙un~~口感正呀😛😛沖繩芝麻雞翼 $48💁🏻‍♀️肉質嫩！外皮香脆～值得一試架～大啡菇 $30 啲cheese可以做到拉絲添喇！吉列芝士蝦飯卷$48 雞泡魚乾（半客）$40，燒得好香呀

住元朗嘅朋友推介我去食呢間日式居酒屋，食物種類好多，有驚喜～炸軟殼蟹手卷($28)面頭有好多蟹籽粒，軟殻蟹炸得好鬆化！好味，下次嚟可以叫原隻😋吉列蝦芝士飯卷($48)吉列蝦又脆又爽口，如果啲芝士可以融多少少就更加完美啦～三文魚刺身($58 @4件)好肥美，好耐無食三文魚刺身，咁要咁厚切好滿足👍🏻北海道黃金燒帶子($48 @1件)燒得好靚，個黃金燒汁好creamy！帶子爽口之餘仲好入味，值得再食😍明太子雞翼($25)好大隻足料！個皮燒得好香脆，朋友最鍾意食呢個～清酒煮蜆($72)份量幾多，三個人share一個都ok！仲有冬菇係入面，不過清酒湯底唔係特別濃。七味雞軟骨($23)，鹽燒豬腩肉($28)，日本迷你番薯仔($23)全部味道都啱啱好，唔係太鹹👍🏻雞軟骨好大粒，連埋少少肉更加好食。豬腩肉好juicy，油脂味好香(食完再減啦哈哈😂)番薯仔好甜，都係平時串燒必食～鹽燒牛脷串($36)，汁燒安格斯牛肉蘆荀串($34)牛脷細細件唔洗咬得咁辛苦，爽口！蘆荀串有少少老，但係好match汁燒😋汁燒豚肉金菇芝士串($24)好入味，豚肉薄薄地，加埋芝士都唔覺好heavy！再加埋一人一杯Asahi，又可

呢間餐廳有壽司刺身同日式串燒，今次淨係試咗佢啲串燒，最推介係佢既燒鰻魚，$28一串大大件，燒到皮脆肉軟，好香魚油，呢個價錢好抵食而最失望係個鹽燒五花肉，燒得太乾，變到好靭，咬咗好耐先吞得落肚；安格斯牛就太細件，薄切牛肉串埋一串黎燒，加甜甜地既燒烤醬，無咗牛肉原有既味道芝士年糕燒得唔錯，外皮鬆化，不過芝士味唔夠濃同埋唔夠煙靭串豬肉鵪春蛋還可以，豬肉脆口但有少少焦味總結燒物還可以，餐廳裝修亦雅緻，整體感覺ok

今日又係想食日本嘢，元朗雞地附近有一間名叫逸之燒，好多人都介紹過，但係都係第一次去試一試。去到門口出面原來有一個好大嘅停車場，如果有揸車真係好方便。話明係食日本嘢梗係要叫返2串串燒啦。兩串都係燒牛肉一個分別係配車厘茄，一個係大京蔥，燒到非常之金香，熱辣辣， 燒到吾會太乾身，入面仲係juicy,配埋秘製醬汁一齊食，絕配。三文魚刺身，四件有好大塊又厚切，夠哂肥美，同好新鮮。炒雜菜：好香蒜蓉味，炒得仲好有鑊氣， 份量亦都好大，前菜食下佢都係唔錯嘅選擇。美國肥牛稻庭烏冬，烏冬非常煙韌，肥牛燒得非常有口感，與豬骨湯底，非常之夾。火焰三文魚飯，足足有九塊三文魚，面頭輕輕燒一燒，入面仍然都好鮮甜，配埋飯食，我都可以食得曬。

今晚同哥哥食生日飯，雞地好多餐廳，今次book左呢間食串燒。我地兩個人，嗌左11樣野食。最最最好食係七味安格斯牛肉大蔥串，薄薄嘅牛肉片包住大蔥，咬落去d醬汁係多到滴出黎，好juicy，好野味！！呢個係我覺得成晚最好食嘅一串！！另外，我地仲嗌左個鹽燒豚肉菠蘿串，呢個好有驚喜！首先係薄薄嘅肉片包住舊菠蘿，咬落去，菠蘿好甜，好配合個肉味，完全唔覺得油膩，好正！仲有，個炸軟殼蟹都好好食，佢唔會太多炸粉，咬落去好脆口，好味！總體黎講，每樣串燒都好好食，燒得好細緻，有放木魚片嘅燒物一d都唔吝嗇，翠玉瓜d蒜粒都唔會少，每樣都好味，唔會hea你。一定一定會再來食！

好耐無去元朗，發現原來呢頭真係勁多野食，爸爸話想食日本野，就入左呢間逸之燒。 入到呢間店好有日本居酒屋感覺，店小小，坐在師傳旁的桌子，看到師傅點處理魚生、串燒。三文魚腩刺身（$88）好清甜新鮮，油脂比例高，讓人一試難忘。 海膽壽司（$78）大大舊，雖然我都係一啖咬晒落口，海膽好甜好清，勁飽足。 原條穴子壽司，學點分饅魚同穴子，穴子比較單薄，比饅魚更濃味道，不過我都係比較喜歡鰻魚既豐富口感。串燒五花肉爸爸最愛，五花肉肥美，加埋大蔥解下油，好正。 最晚我最愛京燒，魚肉好爽，好小燒魚燒到唔會乾晒，同爸係咁爭食。最後大食既我地仲叫左最愛軟殻蟹手卷同埋壽司，全部都好新鮮。平時最怕食串燒食到成陣味，呢間真係好好，無咩味。

元朗好多餐廳小店，住附近真係好幸福！今次食晚餐就揀左呢間逸之燒，聽講串燒不錯嘅！一坐低已經有中華沙律可以食住睇menu啊～先點左個土佐豆腐，個名好得意，原來係用左木魚絲裹住豆腐磚！入面嘅豆腐超滑啊～蘸埋個汁就無咁油膩啦！磯煮鮑魚刺身好爽彈啊，味道都好剛好！Menu上面有好多蟹嘅item，我地就點左皇帝蟹炒飯都唔錯，炒飯粒粒分明都炒得幾乾身，但再熱少少就好啦！另外佢地嘅串燒都好正，好似牛舌都燒得好香，岩岩好爽口中帶點嫩！仲有豬腩肉大蔥串都配合得好好，豬腩肉油份逼左出嚟食落好香口！仲有魷魚筒好大份，岩晒多人share，燒汁味道都好夾！赤魚西京燒外皮燒得好脆，入面魚肉又好嫩係我鐘意嘅口感！