逸之燒 (已結業)

今日又係想食日本嘢，元朗雞地附近有一間名叫逸之燒，好多人都介紹過，但係都係第一次去試一試。去到門口出面原來有一個好大嘅停車場，如果有揸車真係好方便。話明係食日本嘢梗係要叫返2串串燒啦。兩串都係燒牛肉一個分別係配車厘茄，一個係大京蔥，燒到非常之金香，熱辣辣， 燒到吾會太乾身，入面仲係juicy,配埋秘製醬汁一齊食，絕配。三文魚刺身，四件有好大塊又厚切，夠哂肥美，同好新鮮。炒雜菜：好香蒜蓉味，炒得仲好有鑊氣， 份量亦都好大，前菜食下佢都係唔錯嘅選擇。美國肥牛稻庭烏冬，烏冬非常煙韌，肥牛燒得非常有口感，與豬骨湯底，非常之夾。火焰三文魚飯，足足有九塊三文魚，面頭輕輕燒一燒，入面仍然都好鮮甜，配埋飯食，我都可以食得曬。