逸之燒 (已結業)

元朗好多餐廳小店，住附近真係好幸福！今次食晚餐就揀左呢間逸之燒，聽講串燒不錯嘅！一坐低已經有中華沙律可以食住睇menu啊～先點左個土佐豆腐，個名好得意，原來係用左木魚絲裹住豆腐磚！入面嘅豆腐超滑啊～蘸埋個汁就無咁油膩啦！磯煮鮑魚刺身好爽彈啊，味道都好剛好！Menu上面有好多蟹嘅item，我地就點左皇帝蟹炒飯都唔錯，炒飯粒粒分明都炒得幾乾身，但再熱少少就好啦！另外佢地嘅串燒都好正，好似牛舌都燒得好香，岩岩好爽口中帶點嫩！仲有豬腩肉大蔥串都配合得好好，豬腩肉油份逼左出嚟食落好香口！仲有魷魚筒好大份，岩晒多人share，燒汁味道都好夾！赤魚西京燒外皮燒得好脆，入面魚肉又好嫩係我鐘意嘅口感！