農家意粉餐廳 (已結業)

知道老闆係邊個,所以咪黎試下~D野都幾好食~叫咗個牛排~都唔錯~$48~~~但係就份量少D~~~男仔可能唔夠~~~~佢話唔係幾夠味~~但係我試就覺得OK~~涷檸檬茶~

我住銅鑼灣, 去開大埔...都決定要去上水搵呢個農家意粉.以前好細去食開農場餐廳. 一心諗住去支持吓老細,果種不屈不摟的精神.HK48食個晚市常餐,安格斯牛扒. 一大杯凍奶茶 + 湯 + 蒜蓉包 + 香蕉班㦸.其實我覺好抵架喇.我去既時間剛剛六點. 唔知係咪伙記仲未夠熟練.我多次用眼神+手勢想落單.但係一個媽咪級的伙記多次見到都唔幫我寫...水吧見到後,'媽咪'仲話 '等陣. 唔寫住'... 唔...應該個個伙記都要反應要夠快啊...味道不錯!蒜汁味道可以做得明顯d. 可以再惹味d.加油呀老細~!等你去港島區開分店再支持你!

呢個食評其實已經係上個月既事了。晚飯時間同男朋友專登去左呢間農家意粉,都係想支持下佢啦,七點零鐘已經full晒,果然好旺。我地叫左個雞扒餐同羊扒餐,見有得揀芥末汁就試下啦~黎到先知原來個份量都幾細下,男朋友話要跟飯點知佢比左意粉,不過都冇追究,我個芥末汁完全食唔出芥末味,其實會唔會又係比錯左呢?味道我覺得普通,始終係呢d環境都係爭d,最後仲有甜品,呢晚係香蕉船同埋一個焗蕃薯,個香蕉船ok,但焗蕃薯就麻麻地,可能食飽野再食個蕃薯感覺好滯。埋單每人$60,我諗我都未必再黎喇。

$48就 可以食到安格斯牛扒的套餐一個,套餐還包括餐茶,餐湯和蒜蓉, 的確唔錯不過d意粉過左冷河, 一咬就散開, 餐湯較希, 最重要係衛生!!!個晚(星期日)坐係bar枱對出, 見到個女仔用白毛巾抹乾d刀叉, 裝刀叉果個筲箕底好多垃圾, 應該係食剩左個d野, 抹完放返落裝刀叉個桶到, 攞左出去比人

今日要北上買野, 結果先係上水呢度, 同媽一齊去食想食好耐的這一間, 食一個LUNCH去到唔算多枱, 所以人多少少都要等, 一坐低, 睇左MENU, 就叫左兩份安格斯薄牛扖 ($36)先上餐湯, 嘩, 好多料, 仲多過湯, 好夠味, 好明顯係佢地自己用足料去煲, 再加上一件蒜蓉包(好過其他只係普通餐包), 香得黎唔會太重味, GOOD上主菜, 賣相好靚, 一份飯, 加幾塊扖, 灑滿香草係上面, 熟食市場咁有心的賣相, 罕見牛扖雖然唔多, 但係有肉味, 夠嫩, 唔配汁都有味加$1 OR $3 可有熱/冷飲, 我聞到媽杯奶茶好香, 相信都落足料去沖, 之後仲送開心果.WA...服務方面, 始終唔係一間正式餐廳, 大家俾D耐性, 唔好俾咁多要求值得ENCORE, 下次一定要試西冷OR肉眼

我要了羊扒+黑椒汁~~好好味呀!!!!$58煎3文魚意粉+菠菜汁~~都好正~~$38~~熱華田~+$1~我要了凍朱古力~YUMMY!!+$3埋單會送開心果~~不過因為我地等杯熱華田等左好耐~佢拎杯華田果陣拎埋黎~BUT埋單就冇送了~~合共收左$100!!但係佢明明話羊扒有腰果送~BUT佢冇送><

最近不斷有農家意粉餐廳的訪問出現, 從讀了第一篇訪問已經想去嘗試一下, 但苦無机會。終於上星期嘗到了。步上街市, 他的店外已站滿了客人, 我們已打消了光顧他的念頭改去其他食店。坐到其他店鋪的枱後, 竟然看到他們的餐牌, 立即點了一碟"紅酒串燒牛肋骨"。~買相很好, 跟街市好像有點格格不入~牛粒, 是安格斯, 當然好到極。 不是煮得太熟, 有點生, 非常可口, 可以嘗到牛肉的鮮味。~紅酒汁 - 淡而無味, 而且凍的~ 伴碟的茨蓉 - 凍的About $70 可以吃到安格斯牛, 真是非常抵食。我沒有光顧過農場餐廳,所以沒可能比較。這碟串燒可以看見店主的用心及誠意, 但還有進步的空間, 希望他們越做越好。

有好幾天沒有吃過西餐了，今天便又走到農家去，其實農家不只店前幾張檯，今天便坐到離檔口較遠的檯，我看完菜牌想試它的招牌安格斯牛扒，便要了一客黑安格斯薄牛扒(芥末汁)跟忌廉雞湯及凍鴛鴦一杯。同檯的客人說黑安格斯薄牛扒水準只是一般而且肉質很韌，所以我便叫一客試一試質素如何，上檯後見碟上只有四、五片薄牛扒，味道實際上都唔錯，而且完全唔韌，只是份量真的太小了，意粉的份量也較之前幾次少，給找再吃多一客也可以！

有另一位同事又想來試食農家意粉，所以今日又再來農家食晏，SHC安哥一客燒牛脷意粉，喜愛嚐新的我要了一客忌廉香芒雞扒意粉，YM則要了忌廉香芒雞扒飯，不知怎麼今天杯凍啡好似cafe的竟然有一球忌廉。忌廉香芒汁很有新鮮感，芒果味的雞扒也很特別，各位食家如路經上水也不妨過來試食。

好味！今天又來吃農家意粉，吃了一客海鹽香草燒牛脷意粉配黑椒汁，先說主菜燒牛脷煮得夠腍身不會咬不開，是除了Chez Lung 之外吃過最好吃的了； 羅宋湯真材實料又味濃也蠻不錯，凍咖啡很濃不覺過甜，只是蒜蓉包不夠熱。今次發覺人客少了很多，不用再有人搭檯，坐得舒服了一些。實際上食物味道好像比從前的農場歹餐廳還好點，以如此價錢能有如此食味，夫復何求? 唯有再來.........................!!雄起!! 希望老闆能再創傳奇。

四人來食午餐二款都係$32熱飲加$1凍飲加$3羅宋湯 x 2我冇試到, 佢地都飲清, 冇話唔得忌廉湯 x 2好淡, 加芝士粉才好味啲佢地好得意, 同時Order, 同一款式, 但出品不同, 四個餐碟, 有三個款~焗肉醬意粉 x 21. 少醬多意粉, 成碟意粉食晒, 碟底一點點油及醬都冇得淨2. 多油少醬少意粉, 成碟意粉食晒, 碟底仲有半碗油係度奶油芝士焗菠菜雞粒意粉 x 21. 雞粒冇骨, 亦都冇調味, 雞粒好淡2. 唔係比雞粒, 係有骨雞件, 有調味, 好味好多(問侍應:點解奶油芝士焗菠菜雞粒意粉, 雞粒有骨, 但另一碟就冇! 佢話老闆都唔知點解???)不過, 整體都算唔錯, 就算吧!

因為知道係農場餐廳老細新開o既食檔, 所以上星期六同朋友特登由九龍過去食個午飯. o係熟食中心据扒並唔係第一次, 但通常d扒都只係快餐店級數, 無論你叫幾多成熟佢地都會比well done你, 因為佢地對自己o既扒無信心. 呢度就唔同, 我叫左個3成熟黑安格斯西冷牛扒餐 - 配紅酒汁 ($88). 朋友就叫左個香芒汁雞扒飯.先講餐湯, 叫左羅宋湯, 足料 - 味道亦很濃.講返塊扒, 肉好嫰有肉汁, 略嫌細塊左些少. 紅酒汁有紅酒味, 並唔似某d快餐店o個d有色無酒味, 我好鍾意呢個汁! 薯蓉有三球, 溝得好好食.總結: 食物水準ok, 略嫌份量細了一些同埋只得幾張枱 (呢個問題係來自熟食中心)

前兩天同事同我講以前農場餐廳老板喺上水石湖墟街市頂開咗檔農家意粉感覺上這個人太不簡單佢個種永不言敗，從不氣餒態度好值得時下年輕人學習即刻係午飯時間走上去街市頂唔係話佢以前間農場餐 D 嘢好食﹝可以講，如果以前後期食過農場餐廳 ge 人都知係點﹞而係對老板 ge 不死精神以表示一點點支持當時大慨中午十二點八、九個字檔口好細，檔前只能擺五、六張細枱可以講，食 ge 環境一 D 都唔 OK但所有枱已經坐咗客人眼前只得一張吉枱坐落睇下張menu午餐 ge 種類都有廿幾種多數都係扒類好似三文魚扒 、T 骨扒 、牛扒等醬汁方面都有幾種 ge 選擇跟羅宋湯或忌廉湯、蒜蓉包但唔跟餐飲賣二十八蚊至三十八蚊如果想有餐飲熱 ge 加一蚊、凍 ge 就加三蚊咁我就 order 咗個三文魚扒跟飯、羅宋湯我同事就叫咗個 T 骨扒跟飯都係羅宋湯好快湯同蒜蓉包到湯 ge 味道可以講 OK 啦但蒜蓉包就好似鬼崇咗 D用半塊方包查 D 蒜蓉焗得唔係咁熱 凍凍哋冇耐個餐都嚟埋睇個賣相 OK 喎似足大餐廳食落質量都幾好餐後 order 咗杯凍咖啡杯凍啡味道都幾濃但稍甜總觀嚟講以咁 ge 價錢而又食到咁 ge 貨色都算物有所值

昨日下午約咗高人北上去會朋友，要喺上水火車站等佢。故順便走去食個午飯先。之前聽拍檔講我知上水有一間叫農家意粉食肆，喺上水街市樓上，叫我去試食吓，然後講比佢知係點樣。因為拍檔話呢間餐廳後面嘅一個故事(故事已在之前幾位食家講過了)。到咗農家見到故事主人翁企喺水吧度，好忙咁冲飲品同收錢。老闆唔出聲嗰樣都幾泠漠咁，但開聲就唔同啦！比人感覺得幾親切。坐低叫咗嗰安格斯西冷牛扒意粉餐($88)。餐湯要羅宋湯，嗰樣就唔覩，但係就幾好飲同好有肉味，應該放好足料去煲。而西冷扒雖然差唔多全熟，但係都幾腍同好有鮮牛肉味，可能無放鬆肉粉。餐奶茶也出乎意料之外好飲喎！係唔似大排檔式，而好有錫蘭紅茶嘅香味。食咗呢餐後我可以講比拍檔知值得去試。

同事介紹舊日連鎖店農場餐廳的傳奇老闆，破產後靠賣哈利波待為生，現在重回飲食業，在我平日常到的石湖墟街市熟食中心內開了間農家意粉餐廳 ，其志可嘉！ 早幾天跟同事一起去試食及支持一下，看看水準如何。因為旁邊早已有食肆各據山頭，所以農家只有六、七張檯，座位有限午飯時客人又多，所以我們都等了一會才可入座，而旦要跟其它客人共用一張細檯，實在非常擠迫，環境實在非常一般。今天我叫了客咖喱雞柳意粉餐，包紅或白餐湯、蒜蓉包及一杯飲品，味道算唔錯，但人手所限上檯頗亂，早叫的反而遲來，而且檯面太窄、餐碟又大，實在吃得不大舒適。菜牌中普通的午餐價錢由最低的二十八元至四十多元一客，價錢在場中算是偏高，但午餐價格仍可接受，但晚餐則大慨由六、七元至差不多一佰元一客的安格斯牛扒，看來農家都有提供一些較高質的食柯選擇，但就算食物質素真的很不錯，我也很懷疑客人是否願意付出近百元在這樣差的環境中進食，我想店東還是先在這裹做一些中、低價的生意，打響名號後再在附近的商場租鋪才將餐廳定位提高，否則恐帕很難在這個以平價招徠的街市生存下去。