農家意粉餐廳 (已結業)

早幾天跟媽媽到上水吃個午飯, 好想食個扒, 便到了農家意粉。 之前試過一次相當好味, 且價錢大眾化, 深得我心。這次的menu跟我第1次來的時候不同, 原來學生餐很便宜很多選擇, 奈何現在已不是穿校服上學了。點了以上兩個, 薄牛的餐和大蝦焗3文魚意粉。薄牛價錢大概是48元, 牛很軟, 配菜亦有鮮味。三文魚意粉好像42元, 大大塊三文魚已值回票價, 用芝士焗食得十分滿足。分量十分足夠, 一個餐有湯, 有好香的蒜蓉包, main course及餐飲。雖然在街市裡, 即比較嘈雜, 但如果換了個地方, 價錢便不能這麼超值了。如果我仍在上水上學, 相信每天下午都會來吃個lunch, 哈哈!!

晚餐 A/B/C 餐約HK$35-48 為了試安格欺牛排，叫左最出名 成為HK$98 份量少不特止，無牛肉味;跟出面餐廳一般HK$40-60 貨式差不多‧另外，叫了芒果海蝦拼比目魚，比目魚好鯹，蝦內有大大條黑色蝦腸，好核特！　向藍色上衣好大把頭髮的男仕應講，他重話平日他都食蝦腸，好補架，激死 !在上水街市熟食檔，環境已好槽，食品份量又少，做街坊生意架馬，唔得! 去出面餐廳食重好，把鬼　！　Kansai 上水街坊

九月廿八日(星期日)我們米埔之旅最後一站就是到石湖墟街市熟食中心吃農家意粉,前農場餐廳老闆開的餐廳,應該有水準呢,不得不試,其實早於幾個月前,已經提議要試,不過因為地區不近,所以都要postpone了!今日經過,當然要試呢!七時到,剛剛不用等位,整個石湖墟街市熟食中心都好不熱鬧,有不同的菜色,有中式,西式,甚至泰式都有,令我想起大埔的那個熟食中心,晚市是非常的熱鬧呢!先來看到今日的特餐,但看來都吸引不到我們,最後,在晚餐上選擇,有成四十多款呢,有牛扒,羊,豬,魚等!我要了芝士菠菜焗青衣魚柳意粉,老公要了牛利,而S先生以及C小姐都選擇了三文魚...先來了的餐湯,紅湯好味,有出面大餐廳的水準呢!而凍檸檬茶就比較淡了,茶味不太濃老公的牛利意粉,看來不錯,吃下來,我覺得味道比較淡呢,牛利是一般,不過分量多呢!意粉上加了芝士粉,所以味道尚可再來的一碟三文魚意粉,C小姐吃了一大半...S先生的才來,不過來的是一個焗三文魚薯菜(奇怪的是他沒有叫焗的以及薯菜)問問老闆,他又問S先生叫了什麼,弄了一會才知...原來他的女友吃了他的法式芥末三交魚意粉,不過她吃時,一點芥末味也沒有....都是一個問題...

近排見到農家有不少好o既食評,所以今晚同爸媽專程黎試一試.我: 黑椒大蝦安格斯牛扒媽: 黑椒白菌羊X爸: 蒜蓉羊鞍先黎媽的黑椒白菌羊X,本以為係扒,點知原來係肉粒,咬口很軟,但係好明顯係dup到軟,口感很怪,而且冇乜肉味,分唔出係牛係羊.....之後上我個黑椒大蝦安格斯牛扒,賣相唔錯,生熟度剛好7成,但多筋且韌又鞋口,還好仲有輕微牛味.蝦不是大蝦,蝦肉很薄,殼很軟,好難起肉,肉有點霉,入口後唔想吞...爸的蒜蓉羊鞍....well done.... 熟到見唔到一點紅, 一個字....乾...,味道都廢事講喇.我同媽都係跟薯仔,每人都係得5-6粒...加埋大概只係得4分1個薯仔,而且其中一舊是生的,爽口!!!配菜: 西蘭花偏黃,芝士焗蕃茄的芝士凍到有點粉了,腰果...唔知做乜...服務: 我有我叫,佢有佢寫,當我講完我地三個要咩o既時候,佢先寫完第一樣...而且態度很差.因為係熟食中心,客人可以點其他鋪的菜式,其間有第二間鋪的waiter幫客人黎問魚柳得未,點知serve我地個waiter答佢:「我地o的單搞到好亂,你睇下佢等唔等啦,唔等就走啦!」結果個客真係cancelled orde

細個住堅道果頭, 係有間農場餐廳的.記得好像有一排, 農場仲多過新釗記.所以便 expand 得太快而滅亡了.我不理, 這也是港人集體回憶的一部份, 見到老闆卷土重來, 老遠駕車入到石湖墟都幫襯一次.都幾易找.但冇電視看...媽叫了農家燒羊扒, 有4條骨的.女友要魚柳, 我則叫了薄安格斯 + 蝦.大家都要羅宋湯, 又幾好, 足料, 不水.已由多士, 改為法式包, 切成一片片再 加牛油.不夠熱不夠脆, 可新鮮炕便更好.媽的羊過熟, 但肉質 ok, 唔鞋.少許蘇啦. 但冇 mint jelly, 硬係差 d.薄牛係切到火腿咁, 再炒. 平成半 ($88 vs. $48) 我都冇太大 expectation.但加入了不少蒜, 好香.肉質不錯了. $48 算不錯了!女友的魚略咸; 意粉較多芝士粉;雖然地方, 餐廳名, 格局都不同, 大家都感覺到"當年feel".媽話好記得, 以前在農場, 可樂係支裝的.我只能告訴她, 現在已冇咁了.換來幾個紙杯水.以前係媽帶我去農場, 今日係我帶她去;又係果句, 時間飛逝呢.我要珍惜身和家人, 寶貝豬的時間呢~

)今天又去農家吃午飯，發覺餐牌上那些廿幾蚊的餐只剩下兩、三款，還增加了一些定價三十多元以上包括鮮蝦的扒餐，以現時農家的環境、位置、服務水平來說，不單不能算抵食而且感覺有點偏貴，以現水平在區內不難找到坐得更舒適而又有相當食物水準的餐廳，須知環境和服務對飲食來說也是相當重要的。 加價後發覺客人已比昔日大幅減少，抵達時還大很多張吉檯，看來客人對加價都已有回應了！今天我要了一客黑椒白菌三角牛扒(美國)，同事則叫了大蝦燒牛脷意粉，三角牛扒味道唔錯有鮮牛肉味，可惜份量不多但總比之前的薄安格斯扒多些； 同事說燒牛脷醃的味道唔錯，現脖泠熱飲品都要加多三炆，但總覺得現價已是偏高，日後如果吃好可能去其它餐廳。

今日上左寫字樓開會, 見咁耐都未係街市食過飯, 所以決定係到食行下行下都未決定食咩, 之前去過一次農場意粉餐廳都ok, 所以又黎多次我去到見未有一個客人(我係第一個), 個阿姐勁好服務, 又向我推介左個蒜蓉大蝦牛扒, 話係新野呢, 所以就信佢試一試~~~飲左個餐湯, 好快就上個大蝦牛扒啦, 不過蝦唔係好大隻, 牛扒又唔係好大塊~~~都叫啱啱飽啦, $38蚊個餐都係咁啦~~~

去過日係星期日，去到未有位。因為係專登去試，咁就企左係側邊等。等左一陣，有空枱，就自己走埋去，但係冇枱布，唔緊要，坐底叫野。2個人，2個餐我:農家燒羊排，$58--上枱個陣，我心諗，下....黑炆炆ge，咁都比得人食呀，燶晒咁款喎~~唔通係佢個煮法?????整走左面頭個D黑炆炆...唉! 照食，.好"鞋"下。失望。老公:唔記得佢個個咩牛扒，佢話味道一般。意粉，真係得2"注"到架咋，如果唔係日頭食譚仔米線食到好飽，我諗都要食多餐lo。2杯餐飲叫左凍檸茶，上枱係2個凍飲紙杯，望下周圍，而，點解人地係玻璃杯大大杯架喎，大我個杯成倍，大家都比個多$$，做咩咁唔公平呀，係度諗係咪唔夠杯，未洗呀。算啦，大排檔食西餐，想點呀。點知，隔離枱好似4,5個人，餐飲上，係用幾個熱飲紙杯，即係仲細過我個凍飲杯喎同有玻璃杯比真係細幾倍喎。我同老公偷笑，就話我地都唔係最差喎。哈哈!我諗好一段時間都唔會再去啦。

中午到這裡吃lunch 2個女生 決定了很久才下order我們只叫了1個焗芝士粟米青衣魚意粉$26(因為要慳錢食buffet和減肥'')先上的是紅湯和半片蒜蓉醬多士羅宋湯我突地叫他給我多一點蔬菜 真的有成半碗仔的菜湯的味喝了幾口 不錯, 蔬菜就食光光~ 多士就只吃了一小塊 我還是喜歡餐包多點... ...之後發現餐飲現在要+$3 同學叫了杯凍檸茶 偏甜 檸檬不夠味''等了很久我們的意粉才送來 芝士味都算ok 但咸味不夠 賣相一般 一盆不算多的意粉 只有1個半的餐湯碗大小(因為2個人 所以要用碗分開)意粉上面是一塊手掌心大一點的魚柳 是先用蛋漿煎了再加芝士焗的意粉面頭的芝士不太平均 一邊夠 一邊少 而且一邊是水水的... ...''可是最大問題是寫明芝士粟米 但我一粒粟米都找不到... ...也沒有粟米的味道!最後我吃了大半塊魚柳和1/5的意粉 同學就要加茄汁 吃了4/5的意粉和少許魚~幸好我的食量是可多可少 不然正常的2個女生是絕對不夠飽的''ps 之前來食過幾次 貴的平的都有食吃 感覺也只是一般 沒有食評中的那麼好

差不多已有一個月没有去農家吃午餐，記得上次結帳時老闆送上一大包他代理的開心果給我，我拿來跟同事分享，味道也蠻不错。 今日午間又再去農家，看看有沒有新餐款，果然發現餐牌上有新款式午餐供應。我叫了一客野莓汁會雞扒意粉，莓汁帶輕微酸味很醒胃，很適合在夏日胃口不佳時享用，現在更隨餐送上一小碟腰果給人客試食。 現在冷熱飲品都要加三蚊，比前稍貴了一些。

非一般既服務態度,,首先,坐低老板就問我地飲咩餐湯先,之後,我地叫左兩個餐(一份牛,一份蝦,魚)還未上枱,老板就誠意地送左一盒自己做既餅比我地,食物來了後,食物都幾好食,重好靓潻,好抵食,不過d牛就比較軔左d,但係佢地既服務態度真係超一流,其間又問我地d食物o唔ok ar,又叫我地慢慢食,佢地唔急收鋪,臨走前老闆仲送左個電子鐘比我地!真攪野!我去到又食又拎!好鬼飽呀!!!!!!!!!!食物:蝦,魚---值得一試,牛----唔知係咪就收鋪,所以就一般(比較軔)服務態度:好到不能相信價錢:抵食環境:不好!格格不入p.s老板,希望你捲土重來!多謝你送比我地既兩件禮物!thx!

今天約了同事到客家好廚共進晚飯，但又不想白白浪費掉整個中午時間，心想既然要到新界北部，便來個小小的北部遊好了。本來還在想中午的用餐地點，事有湊巧看到一位食友在FB出event到上水街市的一間食店來個小飯局，發現這店是昨日農場餐廳的新生兒，也就提起了對它的興趣。這亦是為今天北部四圍遊的首站~曾經家住粉嶺一段時間，對上水街市這層熟食店並不算陌生，今天重回舊地仍有一份親切感。到達時差不多開始是午市高峰時間，還好快步找到一個位置坐下，不然便要站立等候了。店內每個人都忙過不停，走來走去，更發現打不死的陳先生就在水吧處負責飲品及甜品。其實能夠由無變有，有變回無，其心路歷途絕不簡單，現在能夠再一次站起來，不論將來如何，已值得作為一個學習的好榜樣。我跟女友分別要了一個高價和低價的食物，看看這裡食物的質素跟價錢有沒有關連。餐湯一紅一白，紅的是<<羅宋湯>>味道頗濃而材料亦足，只是蕃茄香味略嫌薄了一點。 至於白湯<<忌廉粟米湯>>都沒令我失望，味道帶甜而口感順滑，稠度亦適中，沒有水汪汪的。 接著來的<<蒜蓉包>>

果日同屋企人熟食中心食野...見呢間野好似新開食下啦去到....企o係度冇人理我...過左陣先有人問我幾位...比張飛我咁座低等左陣先有人黎收野......叫野食....咁d野食就都係扒餐類.....不過同熟食中心好似唔係好夾咁咁d野食黎啦.....食食食....味道一般個餐有野飲同甜品既咁我食完野見我杯凍朱仲未到但係人地d到哂就叫人問下佢第一次答我等等咁好啦...我等.....等等等見到係咁出檸檬系既野飲....出左成10杯都有....岩岩黎果d都有我再叫個人黎問....佢竟然答我"d野要整嫁"乜事呀....你d野食遲黎仲要惡返轉頭飲完野.....個甜品又係要追先有一句講哂....唔會再去忘記了影主菜

餐廳位於街市其中一個檔口仔，細細地都好有好多客人，老闆陳興濤在水吧內打點一切，其「農場之夢」能否東山再起，就由這裡開始了。以前農場餐廳有三隻湯：羅宋、忌廉和蕃茄薯仔，今次去到，只剩下紅湯和白湯了。喝了羅宋湯，發覺味道還是可以，個味較得幾好，算足料。不過要彈侍應手腳比較亂，大家喝完湯後，才上一碟多士，總算大家不拘這些小節，一人一件，當小吃好了。港式西餐，例牌白飯、意粉和薯菜，上面淋上一個汁上去，賣相不算太精緻，一切以抵食夾大件為題。七個人分別點了四款：羊西冷、牛仔骨、T骨扒和安格斯肉看其賣相不差，味道大體上不過不失，還算OK。平價的T骨扒比安格斯肉眼，味道更佳。加$3有餐飲，其凍飲好大杯下，而發覺茶類飲品的茶味都很足下，凍檸茶做到少甜，算佢合格。至於凍啡，上面就鋪了一個忌廉，沒有喝到，但都算見得下人。當戴嘉洛吃甜品都要加$6的時候，這裡加$3就可吃到，較普通是個布甸，是零食店售賣那種，不過都在上面打了個忌廉。其餘的全叫pancake，有香蕉、各式雪榚等。味道不差，不過其中一件雪榚溶了少許，學某版友的說法，有如隆胸矽袋穿了的結果，美中不足了。 最後各人以吃的餐價來埋單，平的幾十元，貴的也只

上日約左個朋友仔特登由九龍城去上水農家意粉食晚飯，試試安格斯牛肉。我地選擇左晚餐，有湯+蒜蓉包、主菜、甜品、飲品，嘩!! 超值呀! 味道適中，杯奶茶/咖啡都唔差喎! 不過......芝士焗番薯就真係古古怪怪喇!!