農家意粉餐廳 (已結業)

事緣上完深圳落番來～否則無乜幾何會在上水搵食。不是友人帶路，都係不知在街市熟食檔剧扒打聽後～原來這家就是以前很愛吃的農場餐廳的老闆開的滄海遺珠 。老闆在這個小小地方東山再起，其實以這個地方吃扒價錢一點也不算便宜，不過友人帶得我來，即管試下，我地一個叫左羊架意粉，一個叫了大蝦牛扒火雞意粉～賣相不錯，份量也很足，大蝦很新鮮，牛扒叫了7成熟，不過有點un, 羊架其實做得不錯，如果愛吃羊的話是不錯因為有點蘇呢⋯其實整體上是不錯的，食完飽到傻～說實話，比起金x餐廳，粗制濫造，這家確是很好了！可惜都是敵不過地產霸權，租金太高昂令小店難以經營，實在有點可惜！

係新年,好多食市都唔開門~攪到我地呢D 係初五開工既人仔都唔知有飯食有同事提議不如去上水街市打個轉啦~去到個街市又估唔到咁多人係度~因為我地成10個人開飯~好多地方都冇咁多張(木台)行行下見到呢間野~又有兩張大台~就唔理咁多坐左先講一坐底就見到一張以手寫既餐牌~雖然係手寫都睇得明佢講咩既~以$38 既餐有包有湯有飯食~都算係咁架啦~好似熱飲加$6 ,凍飲加$8 的~~咁轉眼有個男人黎落單啦~我地講左九千幾次都係落唔掂份單~我地都唔係講中文餐名架啦~讀英文字都係唔明=口=fine~呢個絕對唔係問題~佢話要15mins,叫我地飲住湯先啦~同事話紅湯又濃又"傑"又咸~飲左一陣都放棄了白湯更出事-口-唔知係唔係落左十斤鹽~咸到連想飲落去既動力都冇埋第一個黎既就係同事既茄汁牛利飯/意粉~首先唔知係唔係佢地真係太有錢~~即情將茄汁變左一堆未開既茄膏直情上碟~(唔知大家知唔知~其實有陣時我地食既茄汁~係廚房黎講係要一罐茄膏加水加糖溝番開先出得街)而今次我同事食既茄汁就係一pet 未開既茄膏上碟~其實它家既牛利都幾好手,只係d 茄膏出事~因為它既酸又咸~最重要係冇水飲呀嗎大佬~真係有同事食左半碟放底左

今天一點去到，只有三幾個人，我兩人坐底後女侍應表示落單可能要等半小時左右，我們都冇問題便落單，可惜等了成五十分鐘還未有做出未，再三問女侍應都是答等陣，後來發現之後來的都有餐出來，再問女侍應佢話唔食可以取消，當時我都火起已冇心情食就話取消啦！走前還要為一杯未飲過的涷檸茶比8蚊，呢D咁嘅服務態度我真的祝佢生意興隆，我自己一定唔會有下次。

3-6-2013(一）是日，和媽媽來到上水廖萬石堂逛遊，吃個下午茶後，媽媽先行回家，而我一個人再在附近繼續影街道相。影相完畢，特意來到 農家意粉餐廳 吃晚飯。很多香港人或許也聽聞此店老闆的過去事蹟：高峰期他曾坐擁 48 間 農場餐廳，但後期受到 97 金融風暴影響要破產，店舖全線結業。2009 年，他捲土重來，在 石湖墟市政大廈 的熟食中心內開設檔位，並改名為 農家意粉餐廳 。中學時期， 農場餐廳 在青衣美景花園內有分店，居住於附近的我經常幫襯， 非常懷念當年鋸扒的味道及記憶。是次到來，志在尋回昔日的記憶！點叫了是日的 精選晚餐：茄汁大蝦肉鴛鴦扒($88)、雜果燒雞沙律(另加 $9)、凍檸茶 (另加 $8)，奉送蒜茸飽、羅宋湯及曲奇餅。 失望、失望、很失望。。。 茄汁大蝦肉鴛鴦扒：鴛鴦扒是豬扒和牛扒，由於我不吃牛，所以改了兩塊也是豬扒。看見賣相已為之一嚇，豬扒真的如紙一般的薄透，完全像沒有重量般，輕得用叉子把它叉起也跌下來兩次 。 豬扒味道完全不對辦，店員是否沒做鬆肉的步驟？ 肉質很老兼鞋身、沒有肉汁； 那隻大蝦更過份，應用「小蝦」來形容它會較為貼切，體積真的小得可憐！肉的份量顯

牛扒拼雞扒 配薯仔 牛肝菌汁跟餐送羅宋湯 蒜蓉包羅宋湯: 辣+咸蒜蓉包: 烘燶麵包牛扒: 火煱肥牛般薄雞扒: 乾+雪味薯仔+配菜: 凍雞扒牛扒都係煎定配菜又凍既食物唔夠熱誠意欠奉街市熟食中心環境一般亦唔預有service可言水都無杯埋單時竟然收加一服務費真係O左嘴

中學時代的午膳時間，很多時都會和一班同學到學校附近的農場餐廳吃午飯，那時候學校附近的農場餐廳曾留給我們一大堆美好的時光。可惜，一場金融風暴令到老闆破產，亦令所有的農場餐廳結業。後來得知老闆被解除破產令後在上水做回老本行，重開餐店。礙於地點關係，一直未有光顧，到早前終於有機會來這裡吃個午餐，回味一番。這家農家意粉座落於熟食中心的一角，剛來到的時候我找了一圈也找不到，直到細心再行多一圈才找到。找了個位子坐下之後，便點了一份西冷牛扒的午餐，另加上煎鵝肝一件。先來的餐湯，從紅湯和白湯中選了羅宋湯，這裡沒有了記憶中的蕃茄薯仔湯，中學時幾乎每次我都點這個餐湯。羅宋湯比較油了一點，但夠酸又帶微辣，很開胃。牛扒意粉送上來的時候，看到放在上面另加的煎鵝肝，我的心中便冷了一截，明顯地是煎得過火了。鵝肝吃來帶有煎燶的苦味，而且調味也過鹹，不行。牛扒吃來有點肉味，雖然是全熟的，但也未至於很韌。放在一旁的意粉沒有加上調味，只是有一點香草灑在上面，但意粉煮得淋了一點，沒有咬口。不過這也是一般港式餐廳或者茶餐廳的通病。還是回憶中的農場餐廳美好一點。

今日第一次去農家，住係北區咁耐，諗住得閒就黎食下，點知今次係我最後一次食農家，實在太難食我和友人先點了一個羅宋湯同忌廉湯，等左成二十分鐘先有，隔離枱遲過我黎都已經飲完食埋蒜蓉包，三催四請先比個湯同包我，好似乞食咁有湯啦，羅宋湯得個咸字，白湯無味飲完湯,等左成三個字終於上主食啦（前前後後等左半個幾鐘），友人點了一個燒雞脾飯，但佢比左雞扒飯我地，問佢點解唔同左，佢竟然話賣哂雞脾，所以比雞扒我地大佬，你賣哂唔緊要，你講聲我聽都得掛，你又知我食雞扒ge!!完全係離譜同極度過份我比錢食飯，唔係乞衣囉黑牛肝菌汁完全食得出係金x忌廉磨菇湯開出黎，貨不對辦仲要無味我點了洋蔥豬扒配薄牛扒加意粉豬扒同意粉乾到喊，d豬扒乾到食唔落果汁又係得個咸字，仲衰過普通茶餐廳的雜扒飯雖然唔係幾百蚊食個餐，但做飲食都要良心架，廿幾三十幾蚊一個餐，至少都要有番少少水準先留到客仔架擅自幫我改餐牌，d食物無味又乾，我唔會再黎食老闆，檢討下啦

對我o黎講, 「農場餐廳」呢四個字係似遠還近o既記憶, 依然印象深刻. 最記得o既, 並非港九新界都有o既分店, 亦唔係佢o個o的茶餐廳級數o既西餐, 而係餐牌裡面o個o的農莊動物o既可愛繪圖 - 牛牛、豬豬、小雞、小鴨 - 比麥兜同佢o的friend更親切. 正因為呢份情懷, 當佢地係多年前全線結業時, 我感到突然同唏噓; 可幸o既係, 「農場」o既老闆經歷過咁o既風浪, 依然可以東山再起, 以「農家意粉」o既名義, o係上水石湖墟以茶餐廳式o既舖位重建自己o既事業. 自己安心之餘, 亦想知道「農家」o既食品質素, 會唔會比以前o既「農場」有所進步. 所以我就趁早排復活節假期o個段時間, 走o左去試佢地o既意粉餐, 為求確定再生o既「農場」, 能唔能夠為食客帶o黎驚喜.(註: 呢篇食評包含o左今年4月9日中午同4月12日晚, 合共兩次o既試菜)呢度位於 “石湖墟市政大廈” 2樓o既熟食中心內 (見上圖), 有6、7張接檯大約可以容納20-25人左右. 由於要同其他食肆舖位共同分享用膳o既空間, 所以佢係屋村東菇亭o既大排檔氣氛. 呢個唔係問題, 最重要o既係食物. 佢地o既午餐同晚餐

一家四口o係和合石拜完山搭巴士黎上水 石湖墟由於咱們都係九龍人, 所以都搵左好一陣子先搵到細個都有幫襯過農場餐廳, 記憶中都係好味既但最後全線結業 可惜可惜!但好似話呢間係老闆東山再起, 所以就要黎試試喇!back to topic, 首先講講呢道既環境.因為呢道係街市既熟食中心, 地下污污糟糟係理所當然但如果同旺角果個熟食中心比, 呢道樓底高好多, 環境絕對可以接受的去到農家既鋪位 (其實佢個招牌係寫住 '美國 農家♥意粉' )waitress話無位, 帶左我地去另一邊坐點左3個餐： 燒羊架(4支)配牛肝菌汁意粉($42), 洋蔥豬扒拼牛扒配薯仔($33), 同埋鵝肝拼燒雞扒配飯 ($48)湯叫左2紅1白, 野飲叫左凍檸茶x2, 凍華田x1, 送蒜蓉包白湯 : 普通白湯味紅湯 : 好味啊!! 足料, 而且微辣 very good蒜蓉包夠脆! 但唔係太夠蒜蓉味燒羊架(4支)配牛肝菌汁意粉: 推介!!!!! 牛肝菌汁同意粉&羊都非常夾!! 而且意粉非常al dente!!雖然燒羊架太生, 之後我地同返waitress反映, 佢即刻幫我地拎返入廚房再燒service好好! 翻燒完既羊架唔會

剛巧經過上水於是試試昔日的農場餐廳洋葱豬扒拼四支羊架($58)：洋葱汁惹味豬扒煎得少少焦，依然可口最吸引的是羊架咬下去啖啖肉洋葱豬扒拼6安安格斯牛扒($68)：洋葱豬扒一樣可口安格斯牛扒反而令人失望賣相OK其實生熟程度剛剛好但不知為何咬下去會韌韌的亦沒有甚麼味道.....如果農家意粉會選址香港或九龍一定會再光顧

上水街市人流一向極多，特別是午飯時段，可以以水洩不通四個字形容。身為上水人的我，街市就在我樓下，這個市政大廈有什麼好吃，早知道得一清二楚今天中午也是來街市搞掂，就在樓上自修室溫完書，落去街市食，快、靚、正！選農家的原因是因為突然想吃羊與女朋友仔坐下，第一感覺仍是－坐得好不舒服　餐牌仍是手寫在紙上，紙沒有過膠，老實說，太髒了。而且，那一手狂草，也教人難看清楚。即使沒有一個正式的餐牌，字，還是要寫好一點。把紙過膠也不是很貴吧，可樂而不為呢？好了，還是說吃的方面吧　先來一紅一白餐湯及蒜茸飽，我要的是白湯，普通不過，不予置評。至於蒜茸飽，是即焗起的，但焗到麵包有一部份是黑到變炭，簡直本末倒置，還是把焗的時間調得精準一點吧，我多次來此麵包也有同樣情況呢。這裡汁的選擇性很多，有黑椒汁、洋蔥汁、咖哩汁、沙爹汁、蒜茸汁等等,,,還有我這個牛肝菌汁。羊癮突然發作，我認為真正喜歡吃羊的，不會吃不騷的羊肉，我當然也是！羊要騷的才好吃，如果以百份比來說，我認為40%的騷味+60%的羊味，便是我個人的最佳比例我點的是牛肝菌汁羊架(4支)意粉，個人認為牛肝菌汁應該比較配羊，幸好也沒有猜錯　牛肝菌汁的味道果然跟羊架

昨天晚上第一次去到.這間街市級既西餐. D 位當然唔好喇. 坐圓櫈.首先黎到比左兩杯好似檬檬地既水無理喇. 一小碗鳳凰卷.叫左個.咖喱薯仔雞脾飯. $38另外一個大蝦8支羊架意 $68一個羅宋湯一個忌廉湯. 兩個蒜蓉包.羅宋湯同忌廉湯好味. 比起出面果D 都好好飲. 蒜蓉包焗到脆哂. 不錯.個咖厘薯仔雞脾飯. 兩隻脾GA 喎. 跟住個羊架都不錯. 無乜蘇味. 同埋個汁做到幾好. 意粉唔會話好諗好硬.兩樣野都好大份.最後其實個杯水係用左檸檬浸. 所以係檬檬地. 都有安排到既.雖然環境係唔好GA LA.. 坐得唔舒服 但D 野食都叫足料. 好味.

自上水某間西餐廳開左之後就少左黎呢度食,因為果間,我覺得真係唔錯,但以前好鐘意黎呢度食羊扒,今日黎...都係為左呢個。以前呢度冇記錯GE話係$48就有一個叫4支燒羊扒GE餐,但宜家MENU轉左,全部變左XX拼XX,或者XX拼XX拼XX==唔明?其實就係將本來GE牛扒餐朱扒餐雞扒餐等等GE野,全部都加上拼唔知咩,有D拼青口,有D拼大蝦,有D拼腸,而我呢個,就係羊扒拼朱扒,價錢唔記得左係58定68....其實...我都只不過係想食羊扒咋,點解一定要我「拼」呢?我本身個人細食,呢份野對我黎講真係太多==好...到食物質素方面,個朱扒....硬==「鞋」....冇肉味,乾==...講真我覺得好難食,都算LA...因為為左羊扒黎,所以焦點放返O係塊羊度,呢度MENU寫GE羊扒係=羊架的....個羊扒....細左勁多,假象@@?真係唔知係咪錯覺,可能以前係因為切開4支咁上所以睇落大D,我都係果D好鐘意食羊騷味GE人,以前呢個係唔騷,但肉上GE一層脂肪係有一層好濃郁GE羊騷味,所以覺得好好食,但宜家...肉汁少左,冇咩羊肉味,都係軟同鬆化GE,不過就覺得冇以前咁好食,以前黎講,雖然呢度只係大排檔,但

呢間嘢價錢貴(2人下午茶時段要$80多元), 食物質數極差, 大家搵錢咁辛苦, 唔好亂駛落呢種餐廳度啦和老婆分別order黑椒雞扒意 及 蒜茸羊扒意食物黑椒雞扒意: 雞扒有陣燶燶地味, 乾身冇肉汁 , 黑椒汁極淡味, 任何一間茶餐廳都香味過佢蒜茸羊扒意: 羊扒好細件, 冇咩羊味, 蒜茸汁上枱時好香, 但食落口極淡味, 羅宋湯: 點解會咁辣架, 好鬼難飲 頂!!忌廉湯: 果然只係得忌廉嘅湯, 冇咩料凍檸茶: 叫佢少甜少冰, 結果都係好甜及全冇茶味, 飲完杯嘢都仲有大半杯冰服務:食物上枱時間都幾慢(當時只有我一枱客), 趕時間千祈唔好去, 上兩杯凍檸茶時, 兩杯都冇飲管

真你好嬲囉!!!之前有人介紹過去食 見經過咪去食囉.... 我6點左右去到 有位就坐低之後就點野食... 我本身叫左個餐係朱扒拼安格斯 點知佢話無朱扒 我咪改雞扒囉碟野黎到 個塊安格斯用刀切, 切到手都累都未切晒 sorry 唔係佢太大塊 係根本都切唔到 同d伙記講 仲懶懶行...仲同我講 佢打工架咋 咁即係點先.... 我成塊扒都無食到 無主動幫我換 埋單仲收足全數 真係火都黎 個餐係跟餐湯同蒜蓉包 但係個包 係我地食晒個餐先力黎囉 甜品咩... 真係 成70蚊個餐 drink 仲要加錢先有 仲要係街市環境 仲要咁既服務態度我都係住附近 不過我以後一定唔會再去!!!!!!!!!