辣度餐廳 (已結業)

由細到大都好鍾意食辣知道荃灣開左呢間麻辣火鍋就逼不及待去試入到去都幾企理舒服有cafe感覺打開menu有驚喜原來呢度除左主打火鍋仲有特色小食!!我地先嗌左招牌青花椒麻辣鍋然後就係肥牛、蠔啊響鈴個D例牌野店員好快送到個煲上黎滾左陣就好大陣花椒味又香又麻令人口水都流埋落左D雪花肥牛滾2滾肉味香濃, 入口即溶, 認真唔錯廣島蠔就幾新鮮, 肉質又淋今次麻辣火鍋好過癮湯底正,配料新鮮最可惜係調味料冇辣椒簡或者係因為個湯底已經夠晒入味overall 都值得一來再來哈哈

辣度餐廳, 辣出皇度! 食材新鮮, 環境乾淨, 食得開心, 還我脂肪! 食到傻了吧! 是好吃到傻才對! 點了個青花椒麻辣鍋, 是我首次吃用青花椒煮麻辣, 味道清而香, 麻辣卻不確喉。特別要在此推介幾款食材, 先是羊肉, 是厚切的, 肥瘦比例靚, 食落騷味濃, 肥肉鮮甜。又要推介手打墨魚滑, 爽口彈牙, 墨魚味鮮! 還有鯇魚腩, 厚而爽口, 啖啖新鮮! 還有鳳城水餃和雲吞, 皮超薄, 重鹼水味, 餡料豐富。 最後是海帶, 都是非常新鮮, 有咬口, 抵食大大件。真誠並用高分推介此餐廳! 另外, 它更推出了新餐牌, 很多麻辣小食, 但由於太飽了, 下次再光臨。

我和先生都喜歡食火鍋，之前去荃灣，見到辣度餐廳都很多人食火鍋，睇見肥牛好似都不錯，於是今日決定試一試。餐廳設計非常典雅，座位整斉舒適。我們要了個鴛鴦煱，濃湯豬骨煱及青花辣麻辣煱。濃湯豬骨煱味道清甜。青花辣麻辣煱有濃香的麻辣味，我十分喜歡這個湯底。廣島蠔$88。廣島蠔大大隻，非常肥美，見到令人唾涎欲滴，廣島蠔肉質淋滑，味道鮮甜。雪花肥牛片108。今日特意由土瓜灣坐車到荃灣試這個肥牛，真是十分期待。肥牛由侍應放上枱，嘩，雪花肥牛顔色亮麗，份量非常多，肥瘦均勻，厚薄適中，牛肉味十分濃郁，麻辣煱的濃湯令牛肉帯著鮮甜味及麻辣的味道，真是意想不到的味道，十分推薦這個雪花肥牛。伊麵$16伊麵也是份量夠大份，我初時以為伊麵煮一會兒就可以食，原來伊麵要煮5-7分鍾，伊麵吸收了濃湯及麻辣。味道又有不同，好好味呢。我們要了可樂$10及忌廉$10。食火鍋配飲這個清涼清涼的飲品，真是既消滯又好味。

上次係附近洗完車，見到呢到有間打邊爐。呢兩日想食打邊爐，就同朋友黎左了，嘿嘿湯底揀左一半是鴛鴦鍋底，一邊豬骨，另一邊麻辣（小小辣）。豬骨湯唔會係出Ｘ一丁麵Ｄ豬骨味，似煲過的。麻辣好香！嘿嘿叫左款即食熟食，墨魚滑老油條，好好食！脆卜卜既外皮，墨魚滑爽彈！呢個配搭竟然咁好食！嘿嘿肥牛片，都幾厚，牛味還不錯！半肥瘦就夠哂正！嘿嘿午餐肉好食！煎到脆卜卜，碌一秒食得！嚮聆也是即炸，好脆！餃類大大隻！嘿嘿二人食到飽哂，配料同湯底都不錯！同埋呢到位置而言，價錢會平Ｄ，嘿嘿醬料唔算多，但夠哂平日既選擇，蒜蓉、芫荽、蔥花、麻油和豉油

因我在荃灣返工的關係，我和先生多了在荃灣食飯，今晚我們決定試下辣度餐廳的火鍋。我們要了個鴛鴦煱$98，濃湯猪骨煱及青花辣麻辣煱。食火鍋我十分喜歡有自助調味，辣度餐廳都有，不過十分少，只有葱，芫茜，蒜蓉，鼓油及麻油。沒有我最最喜歡的小辣椒。雪花肥牛片108。雪花肥牛，肥瘦均勻，牛肉味不錯，我比較喜歡辣，所以比較喜歡麻辣鍋。而先生就怕辣比較喜歡豬骨鍋。廣島蠔$88。廣島蠔肉質淋滑，不過味道偏淡。飲品方面，我們要了可樂$10，忌廉$10。飲品清清凉凉，真是食火鍋的最佳配搭。

今日收咗工突然想食火鍋，之後收咗工就直接去辣度火鍋。其實之前都嚟過一次，覺得都好好味，價錢又合理，所以翻桌佢一次，上次要等位，所以今次早左到，不過對我來講最緊要有得食。😋清新水果鍋健康清甜之選 辣又得唔辣又得！我同朋友都鍾意用水果邊㷛菜 食麻辣鍋同時不忘健康食火鍋前唔少得既混醬！基本生蒜、芫荽、蔥花、麻油同豉油都有提供。滑雞件$52雞肉嫩滑，擺咗落水果鍋度，吸收左d清新水果味，雞件依然很惹味好味，味道甜甜的，有點特別。鳳城水餃$35仲有我的至愛鳳城水餃😍 蝦和木耳都彈牙， 豬肉新鮮爽口，唔錯！ 值得推介火鍋必叫:雪花肥牛$98，大大碟肥牛，雪花就分明，肥瘦適中，肉質細嫩不油膩，未祿已經都想食。😍我們又點了即炸響鈴$38，響鈴新鮮香脆，建議只蜻蜓點水，汋一汋，就可以保持爽脆口感及火鍋的香味。最後我哋叫埋燒牛舌$32，燒完出嚟真係要趁熱食，燒到好黏身，黏得來又好爽口，耍埋少少鹽仲入味。總括，食物高質新鮮，環境特別，超有格調，下次依然會搵機會再去過！同朋友今次早左小小到，無book位都入到，不過因為枱數唔係太多，晏小小就開始多人，所以book定位先去穩陣呀。

朋友之前係衣間辣度餐廳食LUNCH有個優惠《keep住lunch 收據於7日內夜晚打邊鍋-送湯底》第二日我地就一齊去食lunch meau原來係做西式野，晚市有邊爐打香蔥/豉油/麻油/芫茜/蒜蓉/辣椒 - 打邊爐6寶店主特別推介衣個自家製辣油，唔太辣但炒得超香超野味青花椒麻辣鍋 - 原價$78有3種辣度㨂，我地㨂左最小辣。衣個湯底好麻，一路食個咀唇同條脷一齊不停地跳動。超刺激鮮魚鰾$58超新鮮，又爽口，麻辣淥熟左，辣辣地，好味又滋益即炸響鈴卷$38即叫即炸，點沙侓醬食，脆卜卜什菜盆$48新鮮蔬菜有茼萵，唐生菜，娃娃菜，好大盆自家製羅漢果茶夠凍，清熱解毒必備芋絲 $16韭菜豬肉餃$38  - 韭菜餃超好食棉花魚肚$68 - 份量好多，$68超扺食，爽口彈牙豬肉片$58顏色鮮豔，肥脂分佈適中新鮮豬肉，好嫩肉，

荃灣一向有好多餐廳，尤其荃灣廣場附近，位置近西鐵站，位置方便，所以吸引好多人流，去完荃灣行街之後諗住食埋晚餐先返屋企，揀左間火鍋店食晚餐。餐廳有好多麻辣火鍋湯底選擇，如果唔食辣，都仲有選擇，特別推介呢一個水果火鍋湯底。水果鍋非常特別，材料用左哈蜜瓜、海帶、橙肉、白蘿蔔，帶點甜味，好有日式風味，而且越食越出味，甜甜地，真係好有日式風味。新鮮肥牛一睇啲肥牛就知道新鮮，而且肉質鮮嫩，未到好有牛肉味，脂肪比例尚算可以，入口都好滑薯粉薯粉要煮耐少少，如果唔係就會好硬，而且薯粉索晒湯底嘅味道，食物嘅精華同味道都入咗薯粉入邊，食落薯粉好彈牙好有口感。墨魚滑墨魚滑好新鮮，墨魚味好香，好彈牙，一定要點豬肉韭菜餃豬肉同韭菜嘅比例啱啱好，互相唔會搶咗對方嘅味道，鍾意韭菜嘅你一定唔可以錯過。貴妃苗第一次打邊爐有貴妃苗食，貴妃苗好清好甜而且好爽口，用嚟打邊爐簡直係一流。價錢非常之合理，好適合一班人過嚟打邊爐，性價比非常之高，值得推介。

原本在荃廣打算食連鎖shabushabu, 但是要等成差不多一個小時才有得食,所以即刻上openrice,睇下附近有邊間坐得舒服火煱店。在享和街有一間辣度餐廳，出面的拉架晚市火鍋有九折，就這間吧。鋪頭不大, 少於十張餐桌,一坐下店員就把豉油,麻油,蔥,蒜,香草,拿給我們, 奇怪的是沒有辣椒仔,可能是因為湯底已經是辣椒吧.特別提示:蒜蓉超辣, 食用時小心哦!不過反正今天我們不想食辣,所以點了水果湯底,他是用哈蜜瓜,白蘿蔔,再加上一些鰹魚粉,整個湯底又有日式風味,比較清淡。點了鰻魚,牛舌這些燒物, 鰻魚有點燒焦了,而且一夾就散,我覺得一般, 但是朋友覺得牛舌好食。火鍋料方面,我們點了牛柏葉,響鈴,魚皮, 香腸,四寶丸。我就覺得響鈴係最好,因為他新鮮弄起,很鬆化，可以點沙律醬,又可以浸一陣熱湯就食用。魚皮太大塊而且勁堅挺，常常說謊的人(無牙)不要點呀。五花茶不算太濃,不會太甜, 下火。柔和嘅音樂底下,布藝箍臣放在木製梳化,下面有藤籃俾你放袋, 有家裏的感覺, 是一個談天說地的好地方。滿分為10分(1分最低，10分最高)食物：8環境：8衛生：8服務：8價錢: 8舒適度：8總分：8

出品好精緻，服務都幾好…… 我同朋友過嚟 兩個人位， 其實下次可以叫佢攞卡位畀我哋，佢啲嘢非常之新鮮好味不錯的體驗，推薦大家可以一試 下次都會繼續幫襯 我哋飲咗比較多啤酒1664 所以人均價錢會貴少少

最近食咗椰子雞煲和重慶雞煲，今次轉轉口味去食豬骨煲，地點是荃灣。餐廳幾整齊。牆身有幅以磁磚砌成嘅圖畫，紅色部份似是一隻紅辣椒吧。生意都唔錯，閒日都幾多人幫襯。食物選擇都多，價錢都唔貴。平時仲有85折優惠添。湯底選咗【濃湯豬骨鍋 $78】。裡面有兩件大豬骨、粟米，同埋蘿蔔，都幾足料。啖湯沒有味精，仲好有豬骨味。【安格斯牛小排 $198】靚嘢，份量OK，有21片。稍為灼灼就食得，牛味唔錯。【桂花蚌 $98】新鮮，但份量少。快灼食得，爽口，鮮美，點些自製調味醬仲正。【鳳城水餃 $35】是自家製手工餃子。餡料係木耳、甘筍粒、蝦肉。如果餃子皮可以薄啲會更好。原本想叫份伊麵打打底，點知無貨，唯有轉叫【刀削麵 $26】。麵質煙煙韌韌，索咗啲豬骨湯，再加些蔥蒜在上面，又幾滋味喎。有時食火鍋唔一定要食雞煲的，食下豬骨煲都唔錯啊!

尋晚同朋友兩個人去咗辣度打邊爐，我第一次去，試左朋友推薦既水果湯底，感覺好清新，一啲都唔油膩。用蜜瓜做底，再加左昆布，所以好清甜。我哋係先食蔬菜同粟米，令到個湯底更清甜，好清新，好似飲緊湯飲。眼見應該好多客都係食水果湯底。特別推介，墨魚滑，好有口感。仲有手工水餃，足料。另外，我哋仲識左四寶丸，肥牛，烏冬。兩個人食，都超級飽。最正係，食完冇全身都有火鍋味，應該通風系統做得幾好。不過掛住食，忘記影相😅

同朋友對呢一間火鍋店印象分即刻加哂分，本以為都是平時一般大吵大鬧好多人熱烘烘的餐廳。誰知用餐時間還未有很多食客，加上餐廳裝修好似西餐餐廳風格舒適。我地目標明確，當然前來食麻辣火鍋，而唔食辣黎呢間餐廳都有特色選擇嘅水果鍋揀選。我們原來想叫中辣，而店員貼心提醒如果食起上嚟唔夠辣可以再決定加辣，食到個味道大家滿意為止。麻辣火鍋眼見用料十足，充滿蔥、大蒜、辣椒、花椒等等....肥牛片和脆鯇魚片都是必食，而平時打邊爐當然一定要叫肥牛，咁樣可以從中睇得到餐廳對食物用料的質素有冇性價比高呢四隻字，所以第一時間叫；其次選我地鐘意食嘅芝心丸和黑椒牛丸，再叫粟米和蓮藕片放在湯度每湯底更鮮甜。呢度黑椒牛丸同出面好不同，爽口彈牙大大粒。食下荃灣區呢間非一般的火鍋店！推介推介！

同姐妹行完荃灣千色匯，食厭左商場千篇一律嘅食肆，今日又天寒地凍，搵搵下搵到呢間位喺荃灣廣場附近嘅辣度餐廳。舖面不大，應該只有十多張枱左右，但裝橫卻幾有特色。餐牌選擇幾多，價錢都經濟除左火鍋配料外，仲有燒物同前菜揀見到清新水果鍋咁創新，我地決定試試佢！原來湯底係以哈密瓜同味噌淆製，味道唔會太淡仲幾清甜，估唔到水果都可以用嚟打邊爐，下次一於喺屋企都試下先~~美國肥牛雖然口感一般，但好有牛味，而且一啲雪藏味都無！手切肥牛超有咬口，而家肉筋分明，食落口真係有彈下彈下咁嘅感覺超級推介！！！話佢係鎮店之寶一啲都唔誇張，上到枱係熱辣辣架！即叫即炸嘅好處係脆卜卜到不行！配搭沙律醬原來勁夾，我地經試驗過發現佢即食好過放入火鍋，唔係就浪費晒佢地脆脆口感，真係一試難忘四寶丸同水餃雲吞不過不失，係略嫌芝士丸嘅芝士唔夠多🤔牛柏葉幾爽口，而菜亦算新鮮。見到來店嘅顧客多數叫佢嘅麻辣鍋，下次經開荃灣要黎encore試下先~

同朋友係荃灣廣場行街加睇戲，之後就揾野食。冬風吹起，氣溫不停地跌，邊爐癮又起喇，所以決定打邊爐！依家嘅火鍋店，唔單止要鬥食材創意，湯底也要有Gimmick！位於荃灣嘅辣度餐廳，以燒物同麻辣火鍋為主打。最特別係有個水果味湯底。不過湯底我地就簡左豬骨味，清清地，味道鮮甜。最欣賞係佢哋真係會成舊豬骨擺喺湯底，超多骨髓，可以慢慢啜。仲有蘿蔔同埋粟米。呢間火鍋係單點野食，我地叫左牛肉、鮮蝦、韭菜餃、芝心丸、唐生菜。牛肉片片切得夠厚，口感肉味不俗；鮮蝦肉質夠爽，味道鮮甜；韭菜餃果皮夠煙韌，好多菜係入面；芝心丸超多芝士；唐生菜夠青嫩爽口。全店都是木色格調，裝潢設計特別，加上英文字句板點綴，感覺簡單舒適。員工服務態度好，值得一讚。兩個人總共食左四百蚊都唔洗，都食得飽。