輝哥私房菜

营业中

休息中

久違左飲茶好耐，朋友上網見到點心任食，肥師奶梗係要試吓啦😚😚$78任食90分鐘，心唸食蝦餃燒賣都好啦😅😅但原來90分鐘其實時間都唔係幾夠用坐低後，即入7、8款平時最鐘意嘅點心，之後原來仲有乳鴿送，真心抵食，而且出面仲有自助小食選擇，如果唔飲茶嘅朋友仔，仲有汽水或紙包飲品。乳鴿~size不大，但算嫩口，咬開有肉汁，唔錯第一輪食到咁上下，點第2輪等候時間就要耐好多，而且有漏單，但因為等太耐，等到飽晒，之後就無吹單😒😒蝦餃、燒賣～賣相ok,size算合格，蝦亦爽口彈牙，皮都算簿👌🏿八味脆豆腐～呢個真心驚喜，外脆內軟，食到唔停口😍😍蒸款點心都算合格ok,但巧手小食或大排檔質素便麻麻，而且小食如酥炸墨魚花、青瓜或牛肉粒，好似放左好耐咁，又林又凍。。。😑😑😑

飲茶點心食得多，點心放題好多年無食過。今日兩口子又想食到多d不同款式，放題真係最適合不過。每款都好味，仲好多選擇😍樣樣都想試，連豆腐花．魚頭湯都有得😋好鍾意食鮮蝦腸粉，外皮夠通透，蝦肉爽口👍🏻招牌避風塘九肚魚都好味，脆卜卜。就連炒飯．干炒牛河都有，重點係格價唔貴，$78/位，呢個價錢仲送乳鴿...雪櫃仲有多揀飲品選擇，食到捧住個肚離開。下次一定帶埋屋企人嚟，長者仲要平多$20, 實在超級抵食，其實老闆有無錢賺架？

最近有多間酒樓推出點心放題優惠，位於佐敦的輝哥私房菜由即日起至12月21日推出限時90分鐘的午市茶市點心放題。店內面積不算太大，裝修走舊式酒樓的傳統格局，來到的時候都全場爆滿。點心放題價錢十分平民化，星期一至五只需$78，便可任點任食逾50款粵式手工點心。點心都是即叫即製，所以等候需時，而且比較容易漏單。另收加一服務費$7.8及茶芥每位$12。每位贈送半隻乳鴿及汽水任飲。乳鴿皮脆肉嫩，肉汁豐富，不會烤得過乾。水晶蝦餃皇餃皮略厚，但蝦肉不會霉爛，肉質爽口，富有鮮味。蟹子燒賣皇燒賣口感扎實，肥肉不算太多。山竹牛肉球牛肉球肉味濃有彈性，加入粒粒馬蹄更加爽口。韭皇鮮蝦腸粉腸粉雖然較厚身，不過裡面的蝦仁亦算足料。小嬌白玉棉花雞雞件肉質滑口，棉花盡吸雞汁和冬菇香氣，非常入味。招牌避風塘九肚魚外皮炸至鬆脆酥香，灑上椒鹽鹹香惹味，九肚魚肉質滑嫩，細骨亦不算過多。酥炸墨魚花內裡墨魚彈牙爽口不過韌，只是外層粉漿就是厚了點。

難得平日放假， 朋友話帶我食任食點心， 咁我真係好耐冇食過點心放題就陪朋友來食。20幾款點心， 粥都有5款，菜又4款，腸粉又5款，精選粉麵都有11款，9款巧手小食，仲有大排檔小食出去拎。款式夠哂多，岩哂鍾意食多款的人。依家入座每人會送半隻紅燒皇子鴿，幾入味脆鴿皮脆肉滑， 而自助大排檔到我就好欣賞個川芎魚頭， 好足藥材料去煲，我自己飲左兩碗。點心方面，我就超推介流心奶皇包和馬拉糕，因為一打開個包d 奶皇係必哂出來的超正， 馬拉糕唔太甜我好喜歡， 仲有桂花糕我都食左兩件太清甜了。其他點心都唔錯，蝦餃皮薄，內裡有爽蝦， 咸水角即炸夠鬆化，棉花雞，雞件夠滑。整體覺得呢個價錢任飲任食點心係抵的。

佐敦橫街一間樓上舖, 主打私房菜小炒, 如果一大班朋友黎, 仲可以幫我地設計是日精選餐單。而我地今日兩口子, 都可以食到精緻私房菜先黎一個老火湯【燉竹絲雞湯】湯底味道清甜有火喉, 雞湯味突出, 飲落喉嚨很舒服, 不會是味精湯招牌菜之一【椒鹽九肚魚】表面不油膩, 入口鬆化, 九肚魚滑得幾乎入口即溶, 雖然加了少許椒鹽, 但食唔出椒鹽鹹味道, 整體味道天然又健康【菠蘿咕嚕肉】微酸帶甜汁醬平均包住每件咕嚕肉, 炸皮唔會太厚, 內裡keep到肉汁兼有肉香, 酸甜味道令人開胃!【啫啫通菜煲】熱辣辣沙沙聲上檯, 香噴噴, 通菜翠綠夠爽脆, 夾集蝦乾食, 多一份香口味道。【櫻花蝦蛋白炒飯】蛋白炒飯味道偏淡, 少許櫻花蝦只作賣相裝飾, 跟菜莖粒炒起, 比起炒白飯黎講, 多左d層次。最後送上是日甜品-桂花糕清香桂花味, 整體味道清香清甜

早前在網上購買$79點心放題，$12茶錢到現場才支付合共$90元，這個價錢都不會有甚麼期望及要求，但發覺這店的營商手法相當有問題：環境： 衛生意識低， 在疫情還未平復下可以諗到用一張12人大枱用簡陋的纸咭打一個十字分為四個用餐區，每隔分別坐二至三人，這種搭枱的方式絕對不容許， 就像個月餅切開四份，枱與枱之間非常貼近，空氣混濁冷氣唔夠，很焗。服務： 人手不足，完全沒有服務可言加水及執碟，全部都是食客自理，坐我對面枱有一位男士向一位肥胖肚凸的男職員催單，那位男職員態度囂張不客氣地說你再入過單啦，男顧客回應我已入了單四次了，現在只來了兩籠點心，等得來都已經夠鐘了。其實漏單及扣數的情況相當嚴重，職員黑面脾氣更反射在客人身上。食物：質素好一段，價格貴一點的點心-例如蝦餃/燒賣，會安排很遲才上，所謂任飲飲品只是康師傅的紙盒檸檬茶，不停地都有聽到顧客催單，點三籠蝦餃只來得一籠，刻意扣減數量，而出邊有一個食物自取區平價的小食，分別有咖喱魚蛋，豬紅韭菜，炸雞翼尖，碗仔翅及青瓜矮瓜就源源不絕地供應。一小時過後有位扎辮的女職員開始向每枱顧客收取$12的茶錢， 每位顧客附送半隻乳鸽，竟然按排到臨夠鐘前的10

如果你想人少少又想食多多款點心呢到絕到可以滿足你仲要價錢平到你唔信當日收費是$78 再加1..重點仲要有每人半隻乳鴿送呀點心份量唔似一般茶樓一籠4件好似燒賣咁就3粒..包類就2件唔會份量太多食唔哂..反而唔夠食再落單仲好唔會浪費乳鴿即炸個皮脆口..仲要多肉汁點心係熱辣辣.唔係蒸定果種暖燒賣食左2次呀..蝦同豬肉比例剛剛好牛肉腸就皮薄好滑流沙奶皇包係爆汁重奶黃香..個包都好軟熟豉油蒸排骨 排骨夠淋好入味..加埋豆卜吸哂D精華不得了鍾意食點心又大食既絕對係必食之選。平靚正呀！

好耐未飲過茶啦，這間地方唔算大，一般酒樓格式， 位置方便👍點心放題第一次食🤭好耐冇試過咁澎湃啦😜九十分鐘時間，即叫即蒸👍👭唔吹水住， 坐低點咗嘢先，驚唔夠時間，幾緊張㗎😆點心、小食、粥粉麵飯， 多達50多款😚啤酒、汽水任飲，埋單唔使一百蚊一位😚仲有一隻乳鴿送，雖然唔係好靚仔，但脆皮肉質幾嫩喎👌多款點心之中，最鍾意食蝦餃、燒賣、鮮蝦菜苗餃、蝦腸，皮薄、彈牙爽口😋炸物都做得香口，奶皇薯棗、春捲、炸墨魚花…… 不過最愛都係八味脆豆腐，外皮鬆脆，內裏嫩滑🤤

一盅兩件係本人既至愛發現到呢間超抵價又任食點心點可以錯過當日見都有8-9成客好旺但服務員好快招呼問飲咩茶之後我好快咁點左基本一定要點既點心例如：蝦餃..燒賣...鳳爪..最先上菜既係一人半隻乳鴿熱辣辣好正好快就到點心上菜喇點心一份3粒比較少見蝦餃都比平時細粒但皮薄蝦多鳳爪比平時淡色但都夠味牛肉腸好滑..多料鮮竹卷有好多料..多菜好爽口豬膶燒賣..好少地方有嫁...必點...豬膶軟滑咸水角..即炸脆口好味款式多到根本試唔哂..有機會一定要再去試價錢又抵！款式又多！

早排見到報導話佐敦有間點心放題好抵食，$78就可以90分鐘任食50款點心，咁啱同屋企人黎開佐敦就試試佢啦～一開波每人贈送半隻燒乳鴿，比想像中多肉，但我地唔敢食太多，要留肚食其他野～一共叫左13樣點心/小菜，蝦餃燒賣幾足料同彈牙，另外印象比較深刻嘅係煎炸類食品，食得出即叫即炸，香口爽脆，一D油溢味都冇～水晶蝦餃皇蒜片牛柳粒四川口水雞松子芋粒餃蟹子燒賣皇流心奶皇包招牌避風塘九肚魚八味脆豆腐胡麻秋葵芝士鮮蝦春卷韭菜鮮蝦餅

星期一相約朋友去一試輝哥私房菜嘅午市點心放題，事先已在網上預約。1:30分去到，已見門口好多人等枱，估唔到平日都咁多人，好彩預先訂咗位，順利坐低咗。由於係90分鐘放題，未等開茶就先填單落Order，好快有侍應幫我哋開茶，剩等點心時間，我哋便往排檔吧睇吓有乜嘢可以食住先。計有豬紅、咖哩魚蛋、炸雞翼尖、碗仔翅、藥膳雞腳，我哋四人，所以每款都拿咗啲，各款味道都正正常常，但藥膳雞腳同碗仔翅就值得推介。試晒大排檔吧嘅食物啲Order點心仲未見影，睇吓隻錶，由落單計起已有20分鐘了，便叫侍應追吓單，侍應只回應＂好啊＂，但就繼續執枱做其他嘢，約30分鐘後終於有點心上了，我哋點了3三籠燒賣、3籠蝦餃、2籠山竹牛肉、1碟菜心、蒜片牛肉粒、2碟蝦腸、1碟炸九肚魚。上枱只得1籠蝦餃，1籠燒賣，1碟水烚通菜(叫咗菜心)，1碟蝦腸同九肚魚，其他欠奉，再問侍應，好晦氣咁話再入單啦，掉頭就走咗啦。我哋只好再重新入單，但已過了成個鐘了，放題係限時90分鐘，今次張單我哋就落多些少，估計食完都夠時間，今次就再落蝦餃3籠、棉花雞2籠、炸春卷2碟、蝦腸、叉腸、牛腸、咸水角、胡麻秋葵、拍青瓜各1份、八味脆豆腐2份。今次等咗約1

朋友介紹佐敦有間酒樓，午市點心任叫任食，性價比非常高，叫輝哥私房菜。趁今日假期，同老婆早餐都唔食，親自去試試。去到睇睇價錢，只係每人$78另加一。另強調每樣點心即叫即蒸。毫不猶豫，立刻劃紙仔叫點心。椒鹽豆腐先到。豆腐炸得乾身，椒鹽味道適中，外脆內滑，水準不俗。再嚟蝦餃，因剛剛蒸完上枱，非常熱辣辣。蝦餃皮薄餡靚，水準之作。鮮蝦腸粉粉皮有點散，但蝦新鮮。排骨唔肥，鳳爪調味合格有餘。炒牛柳粒亦值得一讚。牛柳粒剛剛熟，有咬口及調味剛好，不俗。鯪魚球彈牙，牛肉則較普通。燒賣亦值得一讚，咬落爽口，無太多肥豬肉。棉花雞足料，兩大舊雞加冬菇及魚肚，又收貨。最後鮮蝦春卷，炸得不油膩，春卷皮非常鬆化。總括三個字，好抵食。

網上見到有人食評介紹之後、就突登黎試下入座時間應該係12:00-1:30、1:30-3:00？由於我地遲左起身 去到已經12:30、店員表示現時入座只去到1:25分、即係around 1個鐘。或者等1:30入去，就食90分鐘由於我地都好餓 對時間上又吾太執著、即時就入去食入面睇落都有位、全場滿座8成左右一去到就拎d小食先XO炒腸粉 凍左 但味道都可以糯米飯乾乾地...調味岩岩好炸雞翼尖 好味 香口每人送半邊乳鴿好食！岩岩烤好 熱辣辣 又多肉汁避風塘炸九肚魚無刺 乾左少少、食吾出有避風塘調味....吾會再點呢個醃青瓜....好難食......口水雞 一般咸水角 正常叉燒腸 正常排骨 一般蝦餃 好食豆苗蝦餃 最好食係佢一般炒飯、炒麵都有 干炒牛河都有得點 我覺得都好好 多野揀不過我地都食到差吾多、最後仲有叫福建炒飯，正常野、話好好食又未到總結一下、埋單2位 共220$以個人$110價位食90分鐘、算係可以、都抵既要求高既應該吾會想黎、始終水準都係一般般但其實食下點心小食 仲有任食汽水/啤酒 個價錢係好平、平時去酒樓單點4個點心 一個粉麵都埋單200$

見有廣告，輝哥私房菜推出點心放題$98一位，再比$12茶錢。每人$110。每人送半邊乳鴨。限食90分鐘。都幾吸引，所以就買咗6張coupon。10月31日下午1:30開始的。其實買完coupon之後，唸住打電話confirm是否需要再同酒樓確認的。但電話打咗2日先有人接。到之前一日，想問帶蛋糕要唔要收切餅貴，打咗一日先有人接而且查openrice，全日休息。所以，其實去之前心情都戰戰兢兢，到底呢間輝哥私房菜有冇問題呢？！終於到咗10月31日了，一行6人到達輝哥私房菜，酒樓格局。我地入座後，職員送上乳鴨。我地亦立即選點心。第一輪落單後，要等到大概20分鐘才到。只叫了5-6款點心，再叫第二輪。這次等咗25分左右才到咗兩款飽（ 叉燒包及流沙包）同埋一碟腸粉，鳳爪，半籠馬拉糕。其餘的炸墨魚花，菜心，炒飯……食物都沒有嚟過，追完都沒有。最離普就係係出面“大排檔”自取的豆腐花，居然有煙頭味道。同職員講，初時仲推說是糖水問題，（因是黑糖糖水）所以我地叫佢自己食一啖就知。好彩亦有其他食客和應。但職員攞走豆腐花之後就冇再出現過（話幫我去追食物都冇晒影蹤）除咗豆腐花外，鳳爪都非常難食。“大排檔”都有一樣好

（點心）不過不失，正常水準，但韭皇鲜蝦腸粉，太小餡料，（田園蔬）完全冇出現過，第一單到第四單一直畫，任何一款都冇嚟過，（巧手小食）招牌避風塘九肚魚，只係一細細條的炸魚，碎濕濕～差，涼拌拍青瓜～冇拍過仲有怪味，四季豆同秋葵就正常D，（大排檔小食）普普通通，不要其望太高，總括嚟講冇想再去的感覺。