輝哥私房菜

营业中

休息中

香港人食嘢最緊要講求食物高質，一係就要環境靚，不然就是要求要抵食！最近去咗一間點心放題餐廳度食，呢度平日嘅午市同茶市都只係HK$78位，就算計埋茶位同加一，埋單每人一百有找！就算係星期六日假期嚟都係HK$98位，就可以任飲任食90分鐘，真係超級抵食！入到去坐低後，店員會送上每人預設的半隻乳鴿，都算幾大隻的同肉質鮮嫩多汁，必點嘅點心有流沙包、蝦餃、燒賣、排骨等！除咗可以點點心紙上嘅食物外，出面仲有個自助小食吧，隔離個雪櫃入面嘅啤酒同汽水都可以任飲的，以呢個價錢嚟講都算交足功課的！😝😝😝

午市/茶市任點任食點心放題🤩$78你無睇錯，真係$78😆90分鐘任點任食😁呢個價錢，仲要有好多選擇🤓蝦餃、燒賣、粉果、腸粉...🤤呢啲基本野一定有😋但竟然連豬膶燒賣、川芎魚頭湯都有😂而且連炒粉麵飯都有得揀🤩食咗碟瑞士汁乾炒牛河同兩面黃肉絲炒麵😝真係即叫即炒，夠曬鑊氣😋最估唔到小菜都有點🥳招牌避風塘九肚魚、燒汁牛柳粒、酥炸墨魚花😱平時出去食，碟碟都要幾十蚊🙈食多幾碟都返哂本☺️仲要每位食客都獲贈紅燒皇子鴿半隻😝另外雪櫃內有好多韓國汽水都係自取任飲🙀注意⚠️周末假日就每位加$20🙈另有加一服務費，茶芥就每位$12😆供應時間為11:30-16:00😎輝哥私房菜 (佐敦)佐敦長樂街18號18廣場2樓

本來90 蚊78+12 ，不抱太大期望，但食完真係想講超值，點心款齊。蝦餃燒賣無hea 做，大部份點心熱辣辣拎出黎，全部合格，炸蝦春卷，奶皇包，腸粉都水準，半隻乳鴿同罐裝汽水啤酒，差啲擔心佢無錢賺，漏單小許，但預左，亦好快補番，臨完場，仲有人員問有無未齊。環境當屋邨酒樓格局。

🐍菊花太史五蛇羹蛇羹用五種蛇肉、菊花、木耳、筍、薑絲同果皮幾種食材煮成，啖啖肉好多料，食落有胡椒味，而果皮會散發少少甘味，係一款充滿風味嘅蛇羹。🐍百花五蛇丸五蛇丸包覆一層薄薄的炸粉，外皮炸到金黃香脆，裏面係一粒爽口彈牙嘅大粒蛇丸，食落就好似平時喺酒樓食嘅鮮炸蝦丸咁。🥬🍄北非花膠北菇扒菜膽菜膽有香菇，香菇煮得非常入味，另外花膠都幾多而且都有少少厚度，以呢個價錢來講都OK ，汁底美味，娃娃菜撈埋個汁底一齊食實在係一種享受。🥬🐓蛇汁菜膽雞主要材料有小棠菜同雞，湯底煮得非常鮮香美味，而且加入咗蛇汁煮成，夠哂補，鮮脆嘅小棠菜配搭醬汁相當好食，唯獨有點小失望的是雞嘅口感略嚡。🐐古法羊腩煲講到冬天當然唔少得羊腩煲，煲裏面除咗羊腩之外，仲有枝竹、馬蹄、大蔥、筍。汁底濃郁，再點蘸腐乳醬食用就最適合不過喇。🍚生炒糯米飯夠味，炒得夠乾身又不失黏度，而且加入咗好多嘅臘肉炒成，所以非常之香。🍮桂花糕不過不失🥤四罐汽水橙汁同西柚汁各兩罐

今日同事講話好耐冇食私房菜，知道佐敦有間叫輝哥私房菜，味道方面都唔錯，約我一齊去食返次。首先來個燉湯，茶樹菇燉竹絲雞：茶樹菇雞湯喝起來清甜不油膩，茶樹菇吃起來也是爽脆可口。 茶樹菇營養豐富，有健脾止瀉之功效，並且有抗衰老、降低膽固醇、防癌和抗癌的特殊作用。皇牌椒鹽九肚魚：表皮可口酥脆，魚肉嫩滑，惹味得很。 新鮮菠蘿即炸咕嚕肉：咕嚕肉肉質外脆肉軟多汁，汁醬酸甜醒胃，其選用新鮮菠蘿，更香更清甜。生啫唐山菜煲：生啫熱騰騰煲仔菜上枱，生菜爽脆，加入蝦乾和蒜蓉增加香甜味！瑤柱薑米蛋白櫻花蝦炒飯：炒得都有鑊氣，飯乾身不會太油膩，味道比較清淡。最後送甜品，桂花杞子糕味道香甜。

今日出去佐敦行街，問朋友附近有啲乜嘢好食嘅，朋友介紹咗我去輝哥私房菜， 雖然唔算好大間 但係都坐得幾舒服 今次我哋叫咗 西洋菜陳腎陳皮 南北杏 豬踭煲山斑魚，呢啲老火湯我好耐冇飲過啦，味道都唔錯， 即炸咕嚕肉 呢個真係好食 皮脆肉嫩新鮮菠蘿👍🏻👍🏻 金磚豆腐 豆腐就夠滑但係 分量就少咗啲😆， 蒜蓉炒芥蘭 芥蘭清脆爽口 櫻花蝦蛋白炒飯 櫻花蝦夠香每粒飯 粒粒分明炒得夠鑊氣👍🏻 我哋仲每人叫咗碗蛇羹， 今年第一碗😋 胡椒味超級濃 食完包你暖笠笠

同事話佐敦開左間輝哥私房菜味道不錯，我們放工去試下，餐廳裝修新簇，乾淨企理，設有六間VIP房，私隱十足。我們點左招牌椒鹽九肚魚，去骨的九肚魚炸得黃金酥脆又甘香可口，九肚肉鮮嫩又甜，啖啖肉超正。👍👍👍紫蘿咕嚕肉伴新鮮菠蘿🍍有子薑、三色椒、咕嚕肉粉唔會太厚，炸得香脆又無骨，配甜酸醬真醒胃，配甜酸醬真醒胃新鮮菠蘿粒好新鮮又甜。😋😋😋龍皇大杏白肺湯有雞腳、馬蹄、豬肺、瘦肉，味道清甜，夠滋潤，真美味。金沙涼瓜條涼瓜味甘配鹹蛋黃鹹香，吃時不覺有苦味，十分好吃。瑤柱蛋白炒飯飯炒得頗香又爽口，配蛋白、菜芯莖粒，真不錯。甜品是桂花糕桂花味清香，配杞子，賣相靚靚，不太甜。地址：佐敦長樂街18號18廣場2樓

新冠肺炎拖拖拉拉，冇得唱K，冇得旅行，唯一安慰都係仲可以四個人食下飯，閒日收工最緊要就腳，兩pair 人都喺油尖旺返工，有人又話想食蛇羹，一於就去長樂街搵呀「輝哥」。輝哥私房菜，一聽個名夠曬地道，依家天氣涼涼地，諗起隔咗成年都未食過嘅蛇羹，一於就來個蛇宴套餐。足料蛇羹好香陳皮味，絲絲蛇肉、啖啖嫩雞，滲著濃湯，口感豐富，久違了的美味。蛇丸大過乒乓波，色澤金黃，脆面Q彈，一人一粒食完已經填滿左個胃了。見到個鍋爐、煲仔滾出陣陣羊肉味，羊肉又冧又滑，秒清。唔知係咪成年冇食，蛇羹羊肉大勝，花膠冬菇呢啲已經變咗配菜，估唔到嘅係隻雞都超高水準，玻璃獻汁恰到好處，突顯肉質嫩滑。此時此刻，有請生炒糯米飯👏👏👏，蛇宴、羊腩、糯米飯，呢個配搭是常識吧，食套餐勝在成個設計幫你度好，唔使計數一定係最抵，仲要包你啤一啤，飯後甜品，良朋歡聚，鬆下口罩，就腳又好味，「輝哥」係得嘅👍👍👍

今晚原本約咗六個人食飯，點知限聚令又收緊返四人，無計，唯有改為四人飯聚😅天氣涼涼地，大家都想食下啲秋冬進補菜式，當然少不免羊腩煲、蛇🐍羹啦😋先來足料蛇羮，足夠四人分享，暖下胃，好滿足！花膠菜膽北菇，滋味好味👍🏻百花五蛇丸，一人一粒，夠哂矜貴，好香陳皮味！蛇汁菜膽雞，雞肉嫰滑，比想像更滑，值得一試！熱辣辣枝竹羊腩煲，滾滾下，未食已經口水流，雖然份量唔多，但貴精不貴多，羊腩肉味夠，半脂半肉，正，枝竹再加上腐乳醬，一流👍🏻生炒糯米飯，飽肚又好味，吃得痛快！甜品桂花糕晶凝通透，唔會太甜，啱晒我口味，大家都非常滿意呢一餐，希望疫情快啲過，可以再多啲人一齊出嚟飯聚！

早陣子上網見點心放题做團購$78位，見咁抵就買來試下， 準時早上11:20到門口已見有人排隊等入場，11:30準時入場， 幸好有早到，被安排在廳房比較有私隱又不用搭枱的位置， 其他人就坐得比較迫， 有些也要搭枱， 職員先分配茶水， 只得 普洱及鐵觀音 給選擇， 然後可以出大廳先拿取一些小食及飲品， 職員統一要11點45分才肯收點心紙， 大概過了十分鐘已經開始上點心及每2人一隻的燒乳鴿，食物款式也算多， 食物大部分也嚟齊， 没有來齊的，也可在最後三十分鐘加單， 食物水準也算ok， 這個價錢算 性價比高。

見到佢午市有任食點心，覺得好吸引，即刻約多兩個朋友去，仲要特登揀閒日。睇OpenRice張宣傳單張寫午市任食點心12-4pm，我哋就兩點左右去到。點知，店員話冇得食。追問之後佢話只做到3點，話而家只會招呼打麻雀嘅。吓？但門口個Banner都大大隻字寫12-4pm喎！佢話冇就冇，咁就趕走咗我哋了。雖然專程約朋友去食，平時都會話下之再去試過，但呢間食肆唔憂做，算啦，只可以搵過間，呢間以後都唔會再去了。

我同朋友講開今年未食過蛇羹，朋友即刻話上星期食過輝哥要介紹俾我去試，咁多為食嘅朋友真係會好肥，哈哈!去到真係幾旺場，好彩仲有一張枱，記得要預先訂位!原來佢地推出咗六人蛇宴，睇菜單就非常抵食，不過今晚我地得三大一小，為有散叫啦!先嚟碗“山班魚西洋菜湯”飲落去覺得好清潤，啱哂秋天飲用!“金蒜脆皮德國豬手”一啖食落去好層皮爆脆，肉質就滑捋捋唔覺肥，蒜香撲鼻，送啤酒一流!“金磚超滑豆腐”上枱成塊金磚咁，過年食就好意頭喇，又炸得外脆內軟，又可以飲多兩杯!“蜜桃咕嚕肉”，酸酸甜甜加上蜜桃，一定係小朋友送飯首選!“太史五蛇羹”，食落好特別，在於胡椒味好重，唔同外邊一向嘅味道，有D似胡椒豬肚湯，唔怪得太座咁鍾意食!“櫻花蝦瑤柱蛋白炒飯”，炒得入味亦夠乾身，飽飽地都可以食兩碗!飯後甜品係豆腐花，為美食劃上完美句號!

午市放題點心90分鐘任食賣點係50款手工點心，價錢78蚊位，計落平過一般去酒樓飲茶。地方就好細，預咗去到兩三位嘅話，就要撘枱。點心全部即叫即蒸有燒賣、奶黃包、鮮竹卷等巧手點心，款式超多。上菜都算快大約十分鐘就有得食。出面仲有自助餐可以拎啲小食，咖喱魚蛋、豬血、碗仔翅有煎嘅韭菜餃子好好味。汽水仲係任飲，不過我哋食1:30果轉就已經無曬汽水，得返韓國牛蒡茶，佢地亦唔會再加飲品。整體OK嘅最緊要價錢平，點心質素都唔差，同一般酒樓食嘅差唔多，多數都係一盅兩件，可以叫多幾款食都唔怕浪費

佐敦呢間輝哥私房菜最近最出名就是超抵價食點心放題$78起，任食任飲汽水。點心就未食，今晚先黎左食晚飯小菜，菜式選擇多，價格算中等。眼見今日好多桌食客都訂了蛇宴，望到都真係幾吸引，不過我一行兩人就下次先。杏汁燉豬肺杏汁香濃，豬肺好滑無異味，仲好重瘦肉味。椒鹽九肚魚脆卜卜唔油膩。菠蘿咕嚕肉用了新鮮菠蘿，咕嚕肉啖啖肉，唔算好酸幾下飯!馬拉盞生菜煲 呢個最惹味，仲有蝦乾肉碎。瑤柱蛋白炒飯 炒得乾身，粒粒分明。

以為個個寫幾好食，就真係好食！真係太天真（講緊自己）😖本身自己好鐘意食點心，雖然一分錢一分貨，但無諗過原來點心可以咁難食！以為成張點心紙都可以點，好似幾吸引！手拍青瓜一d 味都無，2 人按份量竟然得3條仔（我心諗係咪人地食完拎比我）跟住見到隔離枱上牛柳粒仲經典，係成碟得一粒（用翠肉瓜伴碟）今次無影相，因為無心情影😡放題點心，坐左30分鐘即閃...大家可能用$110 買10包叮叮點心會開心d