影片
更多
2020-11-04
127 浏览
星期一相約朋友去一試輝哥私房菜嘅午市點心放題，事先已在網上預約。1:30分去到，已見門口好多人等枱，估唔到平日都咁多人，好彩預先訂咗位，順利坐低咗。由於係90分鐘放題，未等開茶就先填單落Order，好快有侍應幫我哋開茶，剩等點心時間，我哋便往排檔吧睇吓有乜嘢可以食住先。計有豬紅、咖哩魚蛋、炸雞翼尖、碗仔翅、藥膳雞腳，我哋四人，所以每款都拿咗啲，各款味道都正正常常，但藥膳雞腳同碗仔翅就值得推介。試晒大排檔吧嘅食物啲Order點心仲未見影，睇吓隻錶，由落單計起已有20分鐘了，便叫侍應追吓單，侍應只回應＂好啊＂，但就繼續執枱做其他嘢，約30分鐘後終於有點心上了，我哋點了3三籠燒賣、3籠蝦餃、2籠山竹牛肉、1碟菜心、蒜片牛肉粒、2碟蝦腸、1碟炸九肚魚。上枱只得1籠蝦餃，1籠燒賣，1碟水烚通菜(叫咗菜心)，1碟蝦腸同九肚魚，其他欠奉，再問侍應，好晦氣咁話再入單啦，掉頭就走咗啦。我哋只好再重新入單，但已過了成個鐘了，放題係限時90分鐘，今次張單我哋就落多些少，估計食完都夠時間，今次就再落蝦餃3籠、棉花雞2籠、炸春卷2碟、蝦腸、叉腸、牛腸、咸水角、胡麻秋葵、拍青瓜各1份、八味脆豆腐2份。今次等咗約1
試晒大排檔吧嘅食物啲Order點心仲未見影，睇吓隻錶，由落單計起已有20分鐘了，便叫侍應追吓單，侍應只回應＂好啊＂，但就繼續執枱做其他嘢，約30分鐘後終於有點心上了，我哋點了3三籠燒賣、3籠蝦餃、2籠山竹牛肉、1碟菜心、蒜片牛肉粒、2碟蝦腸、1碟炸九肚魚。
上枱只得1籠蝦餃，1籠燒賣，1碟水烚通菜(叫咗菜心)，1碟蝦腸同九肚魚，其他欠奉，再問侍應，好晦氣咁話再入單啦，掉頭就走咗啦。
我哋只好再重新入單，但已過了成個鐘了，放題係限時90分鐘，今次張單我哋就落多些少，估計食完都夠時間，今次就再落蝦餃3籠、棉花雞2籠、炸春卷2碟、蝦腸、叉腸、牛腸、咸水角、胡麻秋葵、拍青瓜各1份、八味脆豆腐2份。今次等咗約10分鐘就送上蝦餃1籠、蝦腸1碟、脆豆腐兩碟、青瓜1份、棉花雞1籠，其他Order又被廚房吞咗。
我哋食咗一半，突然聽到隔離枱位女士大叫，原來個侍應將啲豉油整左落佢件衫度，連道歉都冇句，就想掉頭走，於是個女士質問佢：道歉都冇句就想走啊？個侍應先至好唔情願咁話：＂對唔住囉。＂ 令人想起劉德華嗰句：今時今日咁嘅服務態度，點得㗎！
未食完枱面啲嘢，侍應已遞張單俾我哋埋，我哋仲唔死心，以為仲有點心會上，點知等到嘅係個侍應過嚟叫我哋交枱
咁我哋話入咗啲單冇嚟到，佢話廚房已收爐了，唔會再上菜了
總結係每人90大元，雖然吃唔飽，有俾人搵笨實嘅感覺，真係好懷疑到底呢間私房菜館係唔係輝哥開嘅，定係借佢名，總之是不會再幫襯了
张贴