輝哥私房菜

营业中

休息中

垃圾點心放題！第一次係OpenRice寫「伏」評！叫乜點心小炒都冇。仕應態度又差，周圍既食客都好不滿，一路吹單叫佢上乳鴿等到就黎夠鐘先上。食物味道真係好差，炸物好油，食材用料唔靚唔新鮮，係我有史以黎食過最難食既點心。今次真係俾x假期嗰d呃左，超級失望。唯獨佢一路播家有囍事，稍微分散左一班食客既注意力，令大家無咁嬲（但其實大家當時都已經好不滿），其他嘢都好差。環境污糟，食物質素差，係度勸喻大家切勿以身試伏。

每次飲茶都鍾意好多好多野，點心、蒸飯、煎糕、燒味、炒粉、甜品👅上網見到點心放題$78起有50款點心，終於一試私房菜，有茶、小菜、粥粉面飯都有！自助區入面已經有足夠令你飽肚嘅食物而我最欣賞嘅就係魚肉碗仔翅同埋肉串以吸引我嚟呢度嘅原因都可以話係佢會送乳鴿同埋有至愛既豬潤！連埋鮮蝦豬肉燒賣，質素唔錯！呢度既鮮蝦真係比較鮮👅連春卷都有鮮蝦👍呢個芝士鮮蝦春卷都係熱辣辣小菜都ok，冇伏😙好多蒸點水準都唔錯🙈我全部都鍾意😌特別係松子竽粒餃😛蓮藕餅、牛柳粒、魷魚花都不妨一試😉

$78一位午市任食點心，究竟可以食到啲乜嘢，即刻今日去試吓佢。我嚟之前個心係用「打大佬」嘅心，等於去名將挑戰一樣，誰知道還未入門口，樓下富麗堂皇嘅大堂嚇咗我一跳，同我想像中完全唔同。上到餐廳，裝修整潔，牆上面仲有特色掛畫，感覺乾淨企理。而且好特別嘅係隔音幾好，就算坐滿，都唔會好似某啲酒樓好嘈。講返正題任食點心，點心紙選擇都唔算少，份量會按人頭上。叉燒腸幾滑，份量都幾大，豉油唔會太鹹，收貨👍燒賣味道幾好，豬肉比較少，蝦好多。桂花糕清甜，夠凍，有淡淡桂花味，令人耳目一新。春卷非常非常香脆，雖然餡料比較少，但係外皮香脆加分👍流沙包真流心，餡料香甜，包唔算好大，一人食兩個都冇問題。本來諗住比OK，令我比好評嘅係以下呢兩碟：兩面黃肉絲炒麵，麵底非常香脆，基本上冇一條唔脆，配上調味適中嘅肉絲，又香又脆又Juicy，非常好食。乳鴿新鮮熱辣，一出爐就上台，明顯可見肉質飽滿，一撕開肉汁湧出嚟，鴿味香濃，每人有半隻非常抵。總括來說環境幾好，味道中上，呢個價錢絕對好評👍

輝哥私房菜全世界最好食嘅豬手....我本身唔算太特別鍾意食豬手食完輝哥私房菜後令我完全改觀了！一上菜 香氣四溢皮脆... 夠香口，但肉又夠淋... 而且一啲都唔油。真係出奇地好食我同老婆食到唔停得口水餃椒鹽九肚魚呢個私房菜仲有其他特別嘅菜式下次一定要試試！

放假去食點心放題🤩，岩晒我呢啲大食既人，星期六、日及公眾假期 $98 免茶芥 再加10％服務費就可以吃到飽😉。.點心餃類質素幾好，水晶外皮厚度適中，質感軟熟，口感煙煙韌韌😋，特别係蝦餃既蝦肉都好爽口彈牙。.香煎日式餃子 韮菜鮮蝦餅 係自助式係樓面自取，即叫即煎 新鮮熱辣，外層非常香脆可口，餡料又多😍。.八味脆豆腐 芝士鮮蝦春捲 都好有水準👍🏼，外層炸得好蘇脆，豆腐又軟滑，口感好豐富。.胡麻秋葵一碟4條，每條都好粗大，咬落新鮮爽脆👍🏼。.Last order 食到飽哂既時候，每人附送既半隻乳鴿終於上菜🤪，都幾香脆又有肉汁。

🍴姬松茸茶樹菇蟲草花燉竹絲雞用上三種菌類燉湯，充滿獨特香氣，清甜回甘。🍴皇牌椒鹽九肚魚好似食緊進化版炸魚皮咁，炸得非常鬆化，我好怕食魚多骨同埋腥，而呢味九肚魚幾鮮甜，入口即化。🍴金沙涼瓜條入口先係鹹蛋黃鹹香，再慢慢食到涼瓜嘅甘味，一d都唔苦，頗有層次。🍴新鮮菠蘿即炸咕嚕肉新鮮菠蘿令酸甜醬汁多左一股醒神果香，豬肉用左柔嫩嘅梅頭肉，外脆內軟。🍴荷葉飯特別用上紅米飯，煙煙韌韌，亦充滿菇香。📍輝哥私房菜佐敦長樂街18號18廣場2樓

本來想一家人飲下茶，開心下，可惜比一般酒樓更差，想試伏嘅都可以一試嘅只有燒賣、蝦餃、春卷、桂花糕、馬拉糕是正常水平🙁看到是私房菜便想像會比酒樓的點心水準高，可惜沒有，更換來一肚氣。漏單嚴重，員工態度差，要客人入單，但都唔會出齊食物的，都只是腐乳炒通菜，咁簡單的食物，入單兩次，到夠鐘都是無的，員工仲話出面已有人在等下一轉，炒左碟菜出來比你，都可以，但夠鐘要即走，但我是在半小時前入單的呢？點解拖到夠鐘都唔比客人呢？通菜是很貴的嗎？招牌的椒鹽九肚魚，跟平時大排檔的很大分別，切得很細塊，只食到有炸粉，食唔到有肉。蒜片牛柳粒，落梳打粉落到牛肉都冇牛肉味嘅，亦冇蒜片只有翠玉瓜送的半隻乳鴿 ,不但沒有什麼肉，仲要掩得唔夠味，比一般燒臘舖的還要差呢😑這些食物嘅水準之差真的很難想像可以叫到係私房菜囉😔😔😔

點心放題一街都係,係咪真係好抵食?胃口細既,我就唔建議你食放題,點心係好易飽既食物平時都係一碟起3碟止,純粹係貪佢一個價食盡多款點心就可以一戰而家78蚊起有得食,點心23款,腸粉4款,粥品五款,小吃11款,時蔬5款咁數埋都成40-50樣野可以食,咁最後當然食唔到咁多款,我大約食左12碟野,仲要係2個人一齊食抵唔抵就真係你諗你諗私房菜類似中式會所既餐廳推出點心任食,落單即點即蒸,好快手上菜一埋位坐低即上乳鴿一隻,星期1-5最抵食,周末就98另加茶位脆皮紅燒皇子鴿,又真係幾好食,皮夠脆,肉質幾嫩滑多汁蝦餃有水準,皮夠薄身,有彈性,包得住蝦肉餡,雖未至於超水準之作,但已經唔錯彈牙蝦肉,餡夠大粒,唔會食落一陣風即拉腸粉,韭皇鮮蝦腸粉、蜜汁叉燒腸粉等共4款腸粉皮太濕,加埋豉油更加濕,好難夾,但味道同餡料都唔錯主攻點心,只試了一款牛柳粒,唔夠濃味,牛肉粒比得多,一份就好夠食,加少少黑椒會更好食粥係潮洲粥,見米粒唔係廣東粥咁似湯水個種,各有各好雞札出奇地大隻,仲有大花菇一片,雞肉,豬皮,腐皮包住,吸曬汁吸曬味,好飽好豐富牛柏葉有怪味,麻麻地,食唔慣,唔係平時個種調味,少左蔥同薑絲去唔到腥?咖哩魷魚,

今日同老公出開黎佐敦買野，咁梗係順便拍下拖食埋個晚飯返走人啦🤭上網搵下附近有咩好咩，見到輝哥私房菜，之前係勁多人食過90分鐘點心放題都大讚，咁今晚決定試一試佢晚餐啦！上到去環境都乾淨舒適👍🏽始終疫情期間食飯都係好睇環境衛生個menu成本武林秘笈咁🤣 呢本輝哥美食秘笈介紹得好詳盡第1️⃣式-燉湯我本身都好鐘意飲湯呢個燉湯非常好飲，好足料，正呀～第2️⃣式-頭盤胡麻秋葵，因為老公鐘意食呢個素餃裡面d 菇香到不得了～輝哥秘笈推介嘅皇牌椒鹽九肚魚炸到勁鮮嫩又香口一d 油膩嘅感覺都無就算凍咗都好食😆呢個招牌脆皮豬手好味同抵食程度極高首先佢真係整到d 肉好淋而且d 皮係好脆口又唔肥一咬落去真係好juice 而且佢份量足料2個人絕對食唔哂（最後拎左食淨左一半返屋企第2日晚餐拎黎再煮都好食👍🏽👍🏽👍🏽）以為可以食得落海鮮但點知食到好滿足最多可以叫多個桂花糕點知一樣有驚喜😆😆😆嘩嘩嘩讚到呢間野咁勁決定下次屋企做節要帶埋屋企人黎食人多可以叫多幾個餸仲開心因為真係又抵又好食鑊氣又夠👍🏽

近幾日經過佐敦偶然見到有點心放題，是高級粵式私房菜的輝哥私房菜，有超多款粵式手工點心，全部即叫即蒸，抵食又高質，好好味呀！這間私房菜感覺幾好，光線柔和，環境舒適，而廚師亦精心製作的粵式手工點心，CP值超高。午市點心放題星期一至五都只是 $78，星期六、日及公眾假期 $98，種類繁多，款式吸引，值得推薦！惠顧點心放題每人贈送脆皮紅燒皇子鴿半隻，這是店內皇牌，鴿肉鮮嫩，皮脆多汁，簡直滋味無比。水晶蝦餃皇，晶瑩剔透，皮薄煙韌，鮮蝦肉質爽實，吃起來蝦肉鮮、嫩、甜、美，吃個不停呢。豬潤燒賣是懷舊點心，沒多間酒樓供應，所以對於我來說是必點的。豬潤粉嫩不厚身，質感軟軟的有咬口，燒賣肉質鮮爽，口感豐富。蒜片牛柳牛味香濃，肉質鮮嫩，鑊氣十足，加上蒜片的香脆，惹味可口。酥炸墨魚花炸到脆卜卜，很鬆脆，沒有油膩感，墨魚很鮮美，爽滑彈牙。上湯蟲草花鮮竹卷，熱蒸點心當中，我很喜歡吃鮮竹卷，軟軟的腐皮包入清脆的沙葛、木耳、香菇、肉絲等，再配合蟲草花和上湯，清甜潤喉，滋陰養生。招牌避風塘九肚魚十分香脆，炸得金黃，脆脆的，外酥內嫩，魚肉爽滑，幾乎是入口即化，非常惹味。

上菜的時間超快，不到5分鐘已有炸物可先吃,點心類的卻是即叫即蒸，需要點時間!特別推介的是以下食物,因平常在茶樓吃的，沒幾百元也走不掉!但現在只是78元，就可任吃平日特點才有的點心吃!蝦餃，並沒有因價錢而將貨就價，蝦肉豐滿;燒賣王也是大大粒的，味道也跟平日吃到的一樣;芝士鮮蝦春卷超好吃，餡料都超足料，皮很脆;腸粉類的皮也是滑溜的，好吃;酥炸墨魚花推介，但份量略為大碟，有心理準備,但超香酥脆口;鮮蝦莧菜餃也是超足料的，味道適中;乳鴿鮮嫩多汁; 蒜片牛柳粒也非常好吃，必點;杞子圓肉桂花糕也是推介的，彈牙及甜度剛剛好，夠清甜!

最近好多餐廳都在網上出優惠劵，這家也不例外，看到是吃私房菜的就來試試了！因為只有兩個人所以叫不了太多菜式，只叫了想吃的！龍皇大杏豬月展燉豬肺湯廣東人吃飯都差不多都叫湯，最近又有肺炎疫情，所以就叫了個豬肺湯來補一補！湯一整碗都都變成白色，店家應該加了大量的杏汁下去燉煮了，所以也能喝得出濃濃的杏仁味，又為湯底增加了香甜味。此外，湯中還加入了雞腳，所以湯喝起來也有點膠質！皇牌椒鹽九肚魚這道菜差不多是去大牌檔必點的菜式之一，這個很考驗廚師的手藝，因為九肚魚本來就是很軟的一種魚，廚師既要炸得它脆，也不能把魚弄爛了，最後才弄成外脆內軟的感覺！所以這裡不會令你失望，只看圖片就可以明白這裡的廚師處理得不錯，炸得外脆內軟，又十分惹味！新解菠蘿即炸咕嚕肉這道菜也是拌飯必點的菜式之一，要令咕嚕肉要炸完再包裹上醬汁也不會太快變軟也是技巧的一種，因為吃到脆脆的咕嚕肉才是這道菜的靈魂所在！這裡的咕嚕肉炸得外脆內軟，掛滿了酸甜可口的醬汁，真的能令人吃上比平時更的多米飯！金沙涼瓜條鹹蛋黃熱潮突然風靡香港，差不多什麼東西都可以跟鹹蛋黃扯上關係，店員也發揮創意將它跟涼瓜混為在一起，成為這道菜式！涼瓜條被大量的鹹蛋黃包裹著

之前嚟過輝哥小廚食點心放題，味道覺得好唔錯又抵食，今晚同男朋友唔知食咩好，所以就嚟咗輝哥小廚試埋晚餐，諗住OK嘅話以後可以同屋企人嚟食下。杏汁燉豬肺湯，杏汁味非常出，好滋潤好夠味，明顯食得出唔係味精湯，唔似出面啲酒樓或者茶餐廳，一定要試。椒鹽九肚魚，粉一啲都唔厚，色香味濃，雖然係炸，但一啲都唔膩，冇油膱味。金沙涼瓜，係用蛋黃包住涼瓜黎炸，火候控制得剛剛好，有非常香嘅蛋黃味，但入面嘅苦瓜依然好Fresh，連我唔係好鍾意食苦瓜嘅，都忍唔住食多兩條。咕嚕肉，出面嘅咕嚕肉，好多都因為炸粉太口，令肉唔入味，同埋會食到成口粉。但佢哋嘅咕嚕肉非常高質，肉腍入味，並唔係用鬆肉粉加工。豉油王炒麵，本身唔expect有啲咩特別，但佢哋一樣做得好好，保持到麵質，唔會咸，亦都唔會油淋淋，證明炒嘅時候油唔會落太多，成兜面都保持乾身。最後食埋個甜品桂花糕，一樣保持到質素，桂花味清晰，糕身香甜，飯後甜品一流。而呢個價錢，食到咁嘅質素，絕對超晒班，小菜首選，必須覆啅👏🏻👏🏻

比起西式afternoon tea，個人更喜歡中式飲茶 (指食物方面😆)，尤其喜歡一籠籠的蒸點心！大概是因為可以安照心情喜好下單，點心都是熱辣辣新鮮出籠，配上熱茶減去多餘的油膩感。是次試了午市90分鐘點心放題價錢平日午市$78 / 假日$98，免茶芥但要加一除了熱茶，還可以自取汽水、紙包飲品和啤酒 來每枱送上一隻乳鴿一般常吃到的點心都有👇🏻包括但不限於 #蝦餃 #燒賣 #奶黃包 #鮮竹卷 #雞扎 #牛肉球 #馬拉糕 #叉燒包 #棉花雞 #春卷 #煎餃 #排骨 各款腸粉、5款粥類、幾個小菜、十多款炒粉麵飯，食物種類繁多～ 除了幾個涼菜小食淡如無味外，其他點心及熱炒都中規中矩，如果要求不高🙈算是抵食的～#點心放題 #輝哥私房菜 #點心任食 #飲茶

今日試左佐敦呢間$78元點心放題，可以食90分鐘，真係非常之抵食👍🏻由午市至下午茶時段都照顧到，咁嘅價錢真係講都無人信😊多款點心，即叫即蒸，馬上揀番幾款醫下肚先，究竟質素如何，自己都好想知😬叫左幾款平時食開嘅點心，包括有：叉燒腸粉，椒鹽九肚魚，滑雞粥，好快就送到，效率快而準👍🏻幾款點心都好有水準😋腐乳通菜，又香又爽口，通菜鮮嫩夠味！特別推薦水晶蝦餃王，真正皮薄餡靚，鮮蝦夠彈牙😋鮮竹牛肉和叉燒包，更加係我嘅至愛，熱騰騰，全部即叫即蒸🤗仲有脆皮乳鴿，夠肉又多汁，講真淨係食隻乳鴿都已經返本😬甜品桂花糕，啱晒健康嘅我，唔會太甜，晶凝通透，呢個點心放題，絕對啱哂大胃王嘅我😂