車品品小食 (已結業)

今日入去問有無魚皮,有無豬油渣,因為知道呢兩樣係呢間鋪最出名,問完知道有,諗住o係門口等埋個朋友一齊入去食野,等緊中途,個士頭婆走出黎一論嘴咁話:"有就有,無就無"最初我以為佢介紹D野比我....緊住同我講話碗仔翅唔係用綠豆粉整,所以一路食一路變水.佢講完之後我都唔之佢做乜同我講D咁既野??? 緊住仲好凶狠咁同我講:"我唔知係咪你呀,搞到第二個客黎到問返我,我要搵窿"捐"" ... 講完一大論野我都唔知發生咩事,黎到呢到先知原來比人寫佢乜都無....哎....冤有頭,債有主...你搵返話你o個個鬧佢啦.唔知係咪就亂咁鬧人.我覺得你真係要反省下係咪真係無野賣同埋碗仔翅係咪真係"希"囉

約了D兄交收, 又路過大角咀. 雖已接近傍晚, 但街上仍然熱似火爐. 正想走進便利店買樽冷飲降溫的時候, 忽然想起車品品, 一杯冰凍的秋梨茶, 絕對勝過膠樽綠茶烏龍茶吧? 想飲便去飲, 走多兩步絕不是問題.其實幫趁了這麼多年, 車品品有甚麼賣已經差不多背得出, 但甫坐下, 還是要望一望餐牌, 一來是習慣, 二來老闆娘久不久總會有些特別的新出品, 上次試過美味的私房豬油撈麵, 今次就發現了居然有豬油炸魚皮! 可惜最近喉嚨發炎, 跟此君暫無緣, 下次一定要試試.本來打算叫的秋梨茶, 被"金牛"打敗了. 因為實在無法抗拒一支冰凍的忌廉跟云呢拿雪糕相遇的滋味. 而車品品甚至把玻璃杯也預先雪過, 送上之時還隱約感到有點霜結在杯外. 掂!! 試問那裡還有只賣$12的雪糕新地, 杯子還是冰過的? 一口氣幹掉大半杯金牛, 真真正正感覺到何謂refreshment. 完美的演繹.明知晚上還要返母親家中吃飯, 還是忍不住要了一個我最愛的魯肉餃. 味道依舊, 餃子配合大量優質蝦子, 一啖一隻, 每一口都是甘香, 仍是外面找不到的美味. 實在相當期待那個炸魚皮, 下次來一定要試試.

叫魚皮...無叫豬油渣...無叫山渣茶...無大雜匯走豬皮豬紅...唔走碗仔翅似湯咁稀

知道車品品有些新食品，當然要抽時間來一試啦，包括豬油炸地寶魚皮、品品八喜私房撈、瘦煙肉扒、榴槤布甸(馬騮頭)和咖啡布甸。豬油炸地寶魚皮- 細細條，一口一條，又薄又脆，即叫即炸，脆得來又很有口感，又有魚味，沒有粉醬的感覺，真係好好食，實在比坊間很多食店也出色。品品八喜私房撈- 黑白芝麻、小菜湯、螺光蔭油、魚肉鬆、五花腩油、生/京、全蛋粗麵，全部撈在一起食，口感極好，麵彈牙又有口感，芝麻更增加了口感和香氣，螺光蔭油(一隻很貴的油)，和一般的蠔油，實在沒有得比，它的口感和香氣，真係令你一試難忘；以這樣的價錢，實在非試不可。瘦煙肉扒- 聽說很多食店也因來貨價太貴，沒有要貨，但在這小小的食店，竟然可以試到，實在有點驚喜；肉質偏瘦，但又不會韌，口感很好味道也出色，難怪來貨會比較貴。榴槤布甸(馬騮頭) - 對我來說，真係幾臭，真係想立刻要身走人；但辣椒女就很喜歡，還不停讚話很好味，很好食，實在唔能夠理解。咖啡布甸- 布甸？馬荳榚？看就好好像布甸，但食落感覺又唔同，問問老闆娘，說這是馬荳榚做成的，所以口感沒有這樣滑，但就很香咖啡味，加上一些忌廉，把唔滑口的感覺衝淡，真係想得週到。小小的食店，竟然有這麼

2007/06/24魯肉餃, 碗仔翅, 車仔麵, 乾油渣加埋辣菜甫不嬲都咁正車品品呢排新出咗好多嘢魚鬆螺光撈同要預訂嘅炸魚皮已經鮮味到不得了去到有凍飲嘅咸柑桔加汽水老闆娘推介用紛達橙汁比可樂和雪碧更好喝甜品食過豬油綠豆沙好綿好有豆味新嘅布甸是不時不食全部都真材實料蛋白金枕頭布甸熟得好香新鮮藍莓布甸令我耳目一新最衰唔係成日有但也能理解老闆娘成日話佢係小食店又死話唔係甜品鋪嘅態度唔識佢係有些怪其實佢驚有客搵買佢咁啱冇賣易俾客鬧啫若果如你話係小食店其實車品品已經好超級全面喇如你網誌常說煮嘅食嘅要有緣你以咁嘅價錢非一般格局連菜牌都寫明唔用水貨根本唔使太在意其他人唔識貨只係識淺吧我們就是愛你的用心和堅持還望車品品能繼續把持好店值得一再鼓勵和推介

第二次來這間在網上響負盛名的店，感覺還不錯。吃了一碗車仔麵，有竹笙、雞腎及傳說中的超甜蘿蔔。餸很多、蘿蔔也有3、4舊，還要是大大舊的！竹笙爽脆、雞腎挺重滷水味。麵份量不多。曾在一些討論區大讚這店的帖子，有沒有他們所說般好吃真是見人見智。但這店的食品看得出是誠意之作！

當年今日,眾人組職神風敢死隊,勇闖大久保,挑戰自己的底線極限,恕我涼薄,其食物水準如垃圾,根本是食物鏈之中最低層,吃到眾人哭笑不得.一年後的同一日,眾人相聚在車品品,挑戰自己的肚皮極限,瀨尿蝦,龍蝦,打邊爐,一次過滿足三個願望,比Kinda出奇蛋更加神乎其技.十多人包下舖內後面,九十多支Hoegaarden十多人分,同放題無異.人人開餐前已一支駁一支,好比Happy Hour,在車品品HH,也是第一次.五十多隻的瀨尿蝦,每一隻起碼八寸長,未入毒氣室之前仍然活生生,其後監生將其蒸熟,罪過罪過,但願下世投胎做個好人,吃回夠本.小弟頭兩隻瀨尿蝦,也是蝦膏澎拜,質感如咸蛋黃,甘香非常,肉質又爽又甜,吃落啖啖肉,非那些瘦小,吃殼多過吃肉的貨色可比.如果之前比那些次貨,令到你瀨尿蝦卻步的話,有機會的話,一定要試試此等貨色,才能定奪.青龍旁邊沒有白虎,龍蝦膏一樣豐厚,一樣甘香,肉質一樣爽甜,一樣滿足.這夜打邊爐的湯底,用爽腩熬出來,別處所無.以聖子同牛頸脊作主要材料,聖子王略略在滾湯內拖一拖,味道鮮甜無比.牛頸脊肉味濃,口感偏爽.同我們平常吃的手切牛大為不同.最後其吸收聖子,頸脊精華的爽腩湯底,味道

6月15日，14:30到旺角買零件後，便到這裡並運氣，看和榴槤布甸有無緣。結果，店員打開雪櫃尋找，結果是冇。結果要了蝦籽撈麵和粉果。粉果：一碟五粒，精緻，皮厚薄適中，口感好；餡料一般；辣油勁道，若讓我自己加更理想。蝦籽撈麵：鋪滿了鮮香細緻的蝦籽，麵乾身，夠爽口。清湯：生菜又是滿佈蝦籽，生菜爽甜，結果是點滴不留。那筷子筒，特別是夠特別，但滿載時，對女生來說，要費點勁來打開。服務：阿姐們木面、寡言，一般啦，(打工為兩餐。)當客人欣賞老闆娘的出品和服務，那滿足感是極好的回報。

對上一次來車品品的飯局，計落已是數個月前新張期間，今次再來，為的是賴尿蝦同「青龍」，再加上牛頸脊同聖子，豐富海鮮湊合成是次海鮮宴。54隻6-8吋長賴尿蝦、十幾隻生猛青龍再加幾十條3吋長的聖子，車品品當晚儼如海鮮市場。來到時大家已坐定定吃著貴刁帶來的手信，甜甜的米通，吃落又唔錯，謝過。等齊人後，老闆娘將一隻二隻三隻．．．活跳跳的賴尿蝦落鍋蒸熟，食友一番起哄，替「靚仔」、「靚女」拍下最靚的一面後，再見面，已成嫣紅的鮮嫩佳餚。唔客氣了，第一隻吃到是帶膏的，拿上手熱辣辣，練鐵沙掌的好料子。由尾拆起，也得花上一番功夫，從前吃賴尿蝦死也要吃膏的，但當遇到7吋「爆膏」之物後，膏香豐盈，吃得非常「飽」滿，今仗後再吃賴尿蝦死也要吃啖啖肉的蝦公。拆完蝦後，想不到最鮮嫩的竟是蝦鉗，又鮮又嫩，非常滿足；之後再來，又是「靚女」，豪吃後飽得不醒人事．．．再之後，亦然，轉送為食得要命的一位食友，好心有好報，「1+1」又換多張飯票哈哈。拆完蝦，與專兄談著Hoegaarden六角、八角的正宗斟酒法，近乎無限量供應的Hoegaarden，一眾食友飲得極為盡興，酒意正濃，豪不客氣地提起隻半手掌大的龍蝦頭豪歎一番。素來喜歡蝦

上星期五晚與女朋友興之所致，又來到車品品﹗兩人原叫了一碗魯肉餃、一碗淨蝦子撈麵、仲有一碗咖哩牛腩撈米線。可能係落單落錯，黎錯了一碗魯肉餃蝦子撈麵，我本想退回．．．但轉頭老闆娘便立即再拿這碗魯肉餃蝦子撈麵來，連忙為其他員工落錯單講對唔住，並願望只收淨蝦子撈麵的價錢．．．．其後其他員工也向我們致歉﹗先不講食物質素，單以這樣的待客態度，已值得我俾滿分佢﹗試問現時香港有幾多間舖頭可以做到咁好既服務態度？真係值得讚﹗再講食物質素，是次再吃魯肉餃．．．一如以往是皮薄餡靚，軟硬適中﹗蝦子撈麵都一樣保持水準﹗而我點的咖哩牛腩撈米線，其實我都叫小辣了，點知都仍然好辣，咖哩味甚香濃﹗米線就略為碎了一點．．．但這可能是米線在撈的過程被撈碎了有關吧．．老闆娘建議我下次吃撈麵會好些﹗最後還叫了杯秋梨茶（好似係），味道甜度適中，６元一杯，絕對值得飲啊﹗這樣的食店，絕對是值得一來再來的﹗

約了朋友在附近食晚飯，之後朋友問這附近可有好味的糖水食，當然立刻想起這裡啦。我叫了一碗凍的紅豆沙，辣椒女就叫了大四喜。紅豆沙大大粒紅豆，很有口感、又很有紅豆的香味，還帶有陣陣濃烈的陳皮香味；冰凍入口的感覺，真係回味無窮；朋友試食了少許，也讚不絕口。大四喜，食面那層、很香士多啤梨味；食底那層，就好香酒味；一起食也配合得好出色；一碗可以食到三種味道，也算少有。老闆娘還是這樣nice，真係令人心情變好。

同朋友冒雨0黎呢度, 一入0黎(第一次)見到老闆娘, 非常nice 咁招呼我0地坐低, 幫我0地掛傘, 又介紹好多0野俾我0地. 唔怪得大家成日話老闆娘熱情好客!叫了兩溝碗仔翅, 依然好食, 口感味道都一流! 份量亦一樣咁澎湃, 哈哈!亦終於試了油渣(見圖)... 凍凍的, 唔係咁脆, 不過老闆娘"教" 了我0地話最好係撈碗仔翅/麵etc 食, 唔係就咁當小食咁食... 咁下次0黎叫個麵撈油渣啦.朋友就叫了唔辣腩汁底車仔小食一大碗... 蘿白依然非常清甜, 好得; 仲有鹵水蛋同芝士腸, 不過我無食到.環境同上次0黎一樣乾淨企理, 不過因為老闆娘超nice 的關係, 今日食得比上次開心!下次0黎要試糖水!

07.03.15 車品品@大角咀車品品主打民間小吃最著名的有碗仔翅，炸豬油渣及魯肉餃網路上有不少網友稱讚這裏的碗仔翅今天能準時下班，就坐小巴到這裏品嘗一下今天巳經是第二次來了第一次來沒有看清楚營業時間那天剛好是周一，公休咩害得我很是失落今天不到６點半就到了店裏只有一桌客人可能時間還太早吧，不過我就喜歡靜靜的店面很是整潔，裏面還有一個小房，可以讓人包廂辦小型Party的老闆的想法還真獨特！點了著名的足料碗仔翅（HKD12）及炸豬油渣（HKD8）碗仔翅果然名不虛傳，不像外面吃到的像一坨坨粉糊肉絲很用心的撕開一條一條的，外面的店才懶得慢慢把肉撕成條呢還有非常鮮味的香菇，粉絲及木耳絲很快的就把整碗吃光！而且也不會感到口渴（因為全店指明不會用味精）！豬油渣用的是五花腩，炸成可口的豬油渣所以比坊間的純豬肥肉的豬油渣，多了點肉香，成本也較高這裏沒有豬油渣麵，只有這樣一份純豬油渣有點失色建議買回家配麵條吃，粉讚！照片請看這：http://www.wretch.cc/blog/foodiebarbie&article_id=6634679

2007年5月23日係車品品開業七週年ge日子...雖然我係搬左新舖之後先開始光顧..但以服務計車品品始終係最貼心...一直有留意車品品網頁及網誌..知道車品品23號生日..所以一早已經約定男友同另一個朋友相約去車品品...但朋友因為功課堆積如山而無法抽空出席..可惜可惜!下晝同男友去奧海城睇返場戲先...考完試咁耐都未睇過戲...就睇男朋友幾欣賞ge法國女星柯德莉塔圖主演ge珠光寶戲..戲中女主角為求過上流社會生活..不惜出盡法寶釣金龜婿..吃著魚子醬買名牌衫、手袋..咁ge生活真係滿足？我唔知..我只係知道今次o係車品品食得好滿足...我同男朋友兩個人叫左一碗兩溝、一碗竹笙翅、一碗蝦籽白粥、一隻咸肉、一杯黑牛、一個呂宋芒蛋布甸同埋一個馬騮頭榴槤布甸。除布甸外其他食物早已o係我其他食評講過..今次想講下布甸...我食左呂宋芒布甸男友食左榴槤布甸...佢個榴槤布甸係最後一個....我個呂宋芒布甸味道剛好..加埋花奶更加香滑..啖啖果肉..甜而不膩...其實我一向唔食榴槤..但男朋友就好鍾意食榴槤..佢對個榴槤布甸讚不絕口...我亦都比佢逼我食左一啖榴槤布甸..對於唔食榴槤ge我黎講有如

碗仔翅、炆冬菇、蘿蔔、魚蛋、魯肉餃和菜脯依然好味,但總覺得水準不及舊舖正及穩定。昔日的魚蛋食落好似球狀嘅魚片，有層炸過嘅面嘅感覺。而家魚蛋都弹牙好食，不過冇咗嗰種感覺啫；魯肉餃有時會煮得太硬或者溶溶地....不過仍會支持！老闆娘不断尋找食材、加入新創作，最近的私房撈麪很不錯，魚鬆很香！