車品品小食 (已結業)

19-5-2007 2129同朋友交換情報後，時間尚早，雨勢冇下午時咁大，諗下老板娘新舖都未去過，今晚應該會比較少人，只憑出門口前上地圖網的記憶，就膽粗粗進發。經過最後一輪的兜兜轉轉後，終於都到左，老板娘似乎不在，見番舊舖員工，齋講地方比以前真係好好多，睇menu 冇甜品，就問有乜甜品，得大四喜，有理冇理，整番碗。事前唔記得問係凍定熱，我就prefer 凍，不過冇乜所為，最後出黎都係凍，合我心意。上面有士多啤利粒，士多啤利少少酸，但混合酒釀桂花，味道少酸少甜，似乎剛剛好，食下食下下面仲咁多料？原來有啫喱粒，我覺得就甜左些少，否則就更加完美。食食下老板娘係後面出來，第1時間除了打招呼外，仲立即俾佢隻狗仔及其「老婆」照片給我睇，之後講下大家近況，講下講下講起榴槤，原來最近先有限量版榴槤布丁賣，她說7年來都未試過搵到較好一批的馬騮頭(又名金枕頭)，既然有quota，黎番碗，之後就問頭先先食完，我話仲食得落，唔知我係稍為刷得之人係好正常。這碗加入了淡奶，果肉份量多，聞落唔香，食落好香，不太甜亦不濃味，比起明記或泛后清新好多，兩種都喜歡，但有得選擇既我反而會選前者，得個濃味但唔夠香就本來不是食榴

以前睇食評寫得咁好，於是就去佢地個間舖食過兩之次，覺得係直得等，同埋會試過再想去食既。但上星期六山長水遠去食過後，就冇再去食既意欲。點解呢？．因為質素下降，的魯肉餃以前好好味，可能間舖大左，人多去食，的餃皮厚左好多，的麵又硬，唔夠諗。．魚肉，冇質感、冇魚味、冇鹹味、冇甜味，完全冇味，我未層試過食咁難食既魚肉，大佬，仲衰過食麵團。．秋梨茶，的味好淡，以前的味剛好，加下好似加左水咁。．山渣茶，的味剛好，甜味又適中。．碗仔翅，味道和以前一樣咁good，只係的肉絲un左少少。因為大失所望，的車仔麵既料，仲衰過平時求其搵間街舖食個的，的價錢又貴wor$5一個餸，仲要勁少。我諗下次就算順路經過都唔會入去食。成八十蚊落樓食的咁既野，唔值。

榴槤布丁實在太好食la ! ! !真材實料, 冇花假!未試過就要試一試啦!( 唔係日日都有, 要睇下各下與布丁的緣份lu ... )

今日到家姐太子間舖幫手搬野.之後一路取西經, 終於到再車品品.叫左個咖哩撈($16)+紫牛($12).咖哩撈(7): 牛腩同烏東都好好味, 但係份量唔多. 不過又好慶幸份量唔多, 因為咖哩實在太辣. 雖然話食野係享受, 不過天生唔認輸既性格想一定要征服碗咖哩.真係辣到我一生難忘. 奉勸唔食得辣既各位如果又想試下一定要先食烏東, 唔係因為佢特別好味, 只係佢係咖哩初級版, 如果唔小心揀左米線, 咁就...紫牛(7): 其實就係香芋雪糕+七喜, 很特別. 開頭唔知問老闆做咩唔俾飲筒我, 原來係要將七喜倒入去雪糕到, lor左添依間舖睇得出好有誠意, 食物款式都好別出心裁. 會再黎,試下魯肉餃,碗仔翅,蝦籽麵...特別一提:個老闆姐姐好有趣, 經常陶醉係自己既說話裏面, 好得意

終於0黎試0左! 同朋友兩個0黎late tea, 入到0黎間鋪竟然一個人都無. Order 0左:- 淨魯肉餃- 魚肉碗仔翅- 車仔小食一碗: 辣魚蛋, 大腸, 鹵水蛋, 芝士腸- 凍豆漿魯肉餃食落味道好特別, 甜甜0地又好惹味, 好得! 面頭好多蝦子, 不過唔多食/聞到味.魚肉碗仔翅(見圖) 好大碗, 好多料... 味道比想像中普通, 不過口感一流, 平日幾乎完全唔食碗仔翅0既朋友亦忍唔住畢多幾啖XD 而且唔會太杰, 好食!車仔小食俾辣魚蛋d 汁搞到成碗辣晒... 魚蛋真係好辣, 幾惹味, 不過個人食唔得辣, 所以都幾要命.蘿白非常好食, 完全無渣, 好清甜!大腸好腍, 亦完全無異/羶味, 好好食!鹵水蛋好入味, 如果份量多d 就好喇.芝士腸就一般, 其他地方都食到, order 純粹忽然想食.豆漿似乎係自家製...? 好香豆味, 好滑, 又唔會太甜/太稀, 唔錯!環境超級乾淨, 朋友直程話"好靚" @_@" Service 唔特別, 唔似得其他comment 咁講到"老闆娘" 好熱情好客(我0地根本唔知邊個係老闆娘), 不過不失咁啦.可惜油渣賣晒... 相信會再0黎試

點解冇人提車品品嘅16蚊咖喱撈呢?老闆娘成日warn話咖喱撈唔係人咁品自己就唔多覺囉.出街食好多咖喱係有椰子但佢嘅咖喱好香冇椰味似足細個街邊個種.撈丁上曬汁好好食!!!最小落3羮菜甫一齊撈又脆又辣真一流!!!最緊要係食完都唔口乾--- 推介!!!講開你哋話阿姐服務差, 街坊生意仔食咁多次我同bf又唔多覺返而覺得冇嘢喎!!!不過有時反而覺其實同坐有好多客要求多多, 人多好忙要好急加餸加湯要碗碟要菜甫.有時坐得耐都冇趕你成日叫你"慢慢".唔怕洗碗主動俾碗你分開食.

夜晚上朋友仔屋企食飯前黎食d小食只係簡簡單單要左一口粉果,龍蝦燒賣,冬菇豬肉燒賣($6)同魚肉豬腸粗麵($15)一口粉果,龍蝦燒賣,冬菇豬肉燒賣呢d應該全部都只係來貨粉果無乜料,皮又較厚,味道含糊龍蝦燒賣似超市o個d,冬菇豬肉燒賣亦見到粒粒肥膏, 好在比起酒樓o 個d唔算多豉油亦唔見得特別出色魚肉同豬腸份量算多但魚肉無魚味勝在幾彈牙豬腸比較好幾入味而且肥膏亦算少洗得好乾淨無異味, 抵讚貪口爽試左一啖辣菜甫辣到我飛起勸大家唔食得辣真係唔好試記憶中以前仲o係富榮花園時雜麵每樣配料都幾好架但轉左新舖後好似無以前咁好而且除左老闆娘既服務外位位阿姐都無以前咁nice既希望呢個只係我既錯覺啦

Easter期間去過2次,2次都休息,真失望,不死心之下,10/4星期二再去一次.~皮旦的確係幾好食,不過就有d貴,$8得一隻.~碗仔翅,呢個我覺得好唔錯,好正,唔杰,多料.~蘿蔔都幾甜,但唔夠淋.("合益泰"好似好味d)~魯肉餃ok,不過又係未夠淋,餃子d邊位硬硬地.~秋梨茶,開始食野前,飲左一大啖,無咩味,好清.老闆娘超nice,好健談,相比之下,當日果3個員工就差到爆.(當時老闆娘不在舖內)落單時,先點了皮旦及魯肉餃問員工A,仲有咩好介紹呢?員工A:..........(無出聲,無望我地)之後,再想落order,同員工B講: 唔該員工B:咩呀....唔該要碗碗仔翅呀.

蘿蔔+ 芝士丸+ (other 2 things, depends on that days' favourite) + 伊麵with curry sauce, 再加多杯山楂蜜...我連續食左3晚~不過其他野都好好食ga, eg 碗仔翅, 魯肉餃, 每日不同的dessert..同意下面有人話選擇少呢個問題...希望老闆娘快d有新野出啦!

第一次同honey去叫咗魯肉餃、車仔麵(d咖哩魚旦好鬼辣)飲品叫咗黑牛,紫牛,金牛..個人喜歡金牛^^ Yummy... overall 幾美味... 會再幫襯p.s.老闆娘招呼十分好very nice...

一向都有睇開呢間店既食評, 星期日下午終於去左一試, 地點真係唔係好就腳, 但係都唔算好難搵既碗仔翅, 係幾足料既, 不過我就覺得好普通, 好多地方都可以食倒, 什麵, 好大碗呀, 好多, 不過樣樣都普普通通啦, 魯肉餃, 可能我自己唔鐘意食, 無咩comment, 梨茶, 幾好味可能因為好有期望咁去, 食完真係有d失望, 我唔知邊個係老闆娘, 因為唔覺眼有人好nice咁去serve人, d野食都ok啦, 又未至於好好食, 而且價錢都唔係平, 如果路過都可以一試既, 但係唔會再專登去食喇

難得誤入大角咀,食完魚鱻,過埋隔離車品品食...7點幾的食飯時間,人卻唔多,失去了以前富榮花園的熱鬧,可能因為呢一帶的食店選擇多的關係...舖位大左,新左,乾淨左,坐得舒服左...因為之前食飽左,放棄了魯肉餃,有點印象呢度的蘿蔔唔錯,就求其劃左個車仔麵...兩餸一麵,餸要左蘿蔔同生菜,麵要左米線...蘿蔔無渣,但真係好甜,不過都幾好食...生菜份量多,爽口...米線可以的,唔係腍腍的...自己反而有D後悔冇點到糖水甜品...老闆娘依然好客,不過其他店員就一般了...記得以前車品品還在富榮花園,人客多,自己在雨夜中等候,老闆娘忙過不停,還搬椅子比我坐,仲同我講唔好意思,至今仍然記憶猶新...另外,食食下發現檯上有幾隻碟,上面寫著「骨碟」,證明細心,而裝筷子的筒也頗特別...坐在木椅上,看看與以前有甚麼轉變,也是一件樂事...

好在ｏ黎得早，因為店內眨下眼就坐滿人，眨多下眼出面仲排埋長龍ｏ添，ｓｏ　誇張我同細佬叫ｏ左：炸油渣　ｔｈｉｓ　ｉｓ　ａ　ｓｕｐｅｒ　ｃｌｏｓｅ－ｕｐ我同弟弟第一個反應係　ｎｏ　ｗｏｎｄｅｒ　ｓｏ　ｃｈｅａｐ，得鼓油碟ｏ甘細ｏ既份量ｎｖｍ　食落又幾香脆，可惜味ｏ吾濃，我就突發奇想，加埋店舖自製ｏ既辣菜圃ｍｍｍｍ　果然ｏ吾同曬，夾味ｏ牙！黑牛　＆　紫牛ｏ合ｏ合　ｇｉｍｍｉｃｋ　野，　真相其實係ｃｈｏｃｏｌａｔｅ　ｉｃｅ－ｃｒｅａｍ　ｐｌｕｓ　ｃｏｃａ　ｃｏｌａ，　同　ｔａｒｏ　ｉｃｅ－ｃｒｅａｍ　ｐｌｕｓ　ｓｐｒｉｔｅｏ華！ｐｅｒｆｅｃｔ　ｍｉｘ　＆　ｍａｔｃｈ看似簡單，但味道獨特魯肉餃推介ｏ牙！ｔｏｄａｙ’ｓ　ｆａｖｏｕｒｉｔｅ！面頭ｏ既粉係蝦籽，ｄ魯肉好夠味，好鮮甜配埋ｄ生菜中和下，ｓｏ　體貼糖心皮蛋係普通皮蛋配甜甜ｏ既子薑ｅｒ．．．　ｑｕｉｔｅ　ｓｐｅｃｉａｌｂｕｔ．．．　ｎｏ　ｓｕｒｐｒｉｓｅ咖哩撈　－　烏冬底　＋　牛柏葉應該叫勁辣咖哩撈，　ｂｃｏｓ．．．辣到不能接受搞到細佬飲晒ｈｉｓ　ｃｏｋｅ，　ｍｙ　ｓｐｒｉｔｅ　ａｎｄ　ｔｈｅ　ｒｅｍａｉｎｉｎｇ　ｓｏｕｐ＊ａｆｔｅｒ　ａｌｌ

去完英記未死心, 行返轉頭去車品品. 12點半去到卒之開左門呢. 去完神廚同英記, 食得飽飽, 坐低都吾知食咩好. 求其叫左碗仔翅($12), 雜燒買粉果($6). 碗仔翅又大碗, 又多料, 又夠熱, 十分好味. 比起街邊檔10蚊碗正好多. 燒買粉果夠熱, 味度一般, D示油味好得意, 但講唔出係咩味. 可惜肚皮無位, 試唔到其它招牌野. 招呼就一般呢, 可能唔係熟客關係, 但一定有下一次.

吃了炸豬油渣、魯肉餃、碗仔翅，選擇太少，也不見突出。