車品品小食 (已結業)

大角咀之旅第二波，上次去完煲仔粥，念念不忘要試大角咀區其他美食。以前聽舊同事成日同佢個仔黎食，講到好似無敵咁，而且o係【開飯】又係大角咀第一位，第二站點都要黎朝聖啦。去o既時候係大除夕夜，方便同女朋友食完去奧海城睇陳豪。以為會好多人，可能好多人去左油尖旺，所以七點去到都有位。睇左好耐menu，樣樣都想試，最後兩個人食左六樣野，係~~~因為我好大食。好~~~開波：1, 酸薑皮蛋：係溏心，不過唔係好夠味，如果俾多幾片酸薑就好好多喇。有少少失望 6分2. 三溝：即係翅+魚肉+生菜：好多料，幾杰，係唔夠魚肉同生菜囉。但係味道同誠意搭夠。 8.5分3. 翅烏冬：女朋友好想試，但係食左兩啖就唔食，但係我又覺得ok喎，翅+烏冬好新奇，咬落幾過癮。8分4. 魯肉餃：一碗有8隻，面頭好多蝦籽，未放入口已經覺得好香，餃o既大小適中，墊底o既生菜又甜又爽口。我地兩個一致讚好。9.5分5, 大雜餸：紅腸+芝士腸+清甜蘿蔔+魚肉(仲多過三溝)+爽口生菜+翼尖+豬紅+豬腸+魷魚+百頁+墨丸~~~有冇攪錯呀~~~仲有冇多o的呀，成個碗堆到有一座山仔，伙計仲好好人，幫我地將咖哩另上，真係幾辣o架。有咁多料，我都唔要求

朝聖之旅必去3站有車品品, 神廚館同買衫聖地....yo, 依次去品品, 其實係前排既事喇, 因為好忙, 未得閒寫, 依家考完試, 寫番先啦!4個人係神廚館食咗飯, 再過黎, 我地叫咗西瓜盅, 魚肉翅同蝦籽魯肉餃。首先黎既係魚肉翅同蝦籽魯肉餃. 落單既時候, 老闆娘florence依然係好仔細好盡責咁介紹同解釋各樣食品. 同我地講明魚肉翅既魚肉係交黎既貨色, 可能唔係最好食的, 咁我地都明既, 不過我地有"兩溝"既癮, 最後當然緊係要兩溝, 而唔係單拖碗仔翅啦! 講番個味道先, 魚肉不用有太大期望, 真係交黎既貨色, 無咩魚味, 係純粹麵粉同魚肉打爛溝成的貨色, 至於個碗仔翅, 依然令人讚不絕口! 有好豐富既材料, 好多冬菇絲, 肉絲, 粉絲...口感好豐富, 而且唔知點解, 食落唔覺得佢落咗味精, 食完都唔會覺得口渴.蝦籽魯肉餃, 係係, 記得, 唔好大動作攪動個餃, 令到d蝦籽浸入湯到, 記得啦當然~ 蝦籽灑在魯肉餃上, 入口先嚐到蝦籽的甜香, 再嚐到魯肉餃既香甜肉汁, 餃皮當然都係交黎既貨色, 不過不失.個西瓜盅就千呼萬喚始出來, 等咗好耐, 但係等幾耐都係值得既. 大家

這星期外出食飯次數也較多,食了不少出色的食物,有時候感覺要食一點清淡的食物較好,不知不覺聖誕節假期完結,放工後去了銅鑼灣買點東西,想起這間數天前休息的店鋪,幸好這次順利地到達,在大角咀晚上人流很少,但不算難找,中途還見到豬扒之家,進入店內,店內的面積不大,廚房和餐抬的位置十分接近,可以一邊品嘗食物,一邊和老闆娘談天,晚上店內的顧客並不多,自己坐在一旁.看一看餐牌,這個餐牌是自家製.隠約看到這間店鋪的心機,首先叫一點小食,溏心皮蛋和子薑,曾看到食評說這二款小食令他們難忘,皮蛋的蛋心有點像流沙奶黃想湧出來,賣相已經知道其味道也不差得那麼,最少會吸引人去品嘗,食不出澀味,像這種小店可以做出這種皮蛋,我還未遇到.子薑倔在皮蛋之下,二者難分秋色,這裏的子薑是自家製,只是小許數片.先吃一小片,食到薑的爽,耐一點的話,口腔則湧出一陣強烈薑味,不禁地啜這片子薑的汁,每一片則有這種吸引自己啜盡這片的精華,差一點想買多少回家.想食清淡一點,先後點了淨魯肉餃以及蝦籽白粥,淨魯肉餃份量適合食量小的顧客,一口一件,而每一粒上鋪滿蝦籽,也聞出蝦籽的香.只恨餡料較少,再多一點則較理想,白粥是一款簡單而難度高的食品,

見好評不絶，特地和男友駕車去試食，入去已經有位。試左最熱門的食物︰-八喜撈: 唔會叫難食，一般啦，唔係想像中咁特別。四十幾蚊，真係唔係好值。-魯肉餃: 二十八元有八粒，我覺得還好，可能我較愛偏甜的食物，男友就唔係好受。不過個皮真係唔係好得，一夾就爛。講真，雖然好有誠意，但以這個價錢和味道，真係貴左d。-無冰凍奶茶: 一般啦，我覺得唔夠甜，男友話d茶味根本唔係所講咁好。-溏心皮蛋: 吃落苦苦的……不過夾埋d子薑一齊放落口食都幾好味。- 蘿蔔牛腩: 見食評講到d蘿蔔咁勁，點知一食落口……都知係加左糖而非天然蘿蔔甜味……可能開頭期望太高，所以食完幾失望。本來想試埋個藍莓蛋白布甸，可惜試完以上食品後，放棄了。整體來說不算難吃，但以這個質素，真的不太值這個價錢。兩個人吃了一百多元，是吃不飽的價錢。環境︰格局怪怪的，有點侷促和不可以說話太大聲的感覺(因為環境好像不太方便說話)。服務︰唯獨是樂天的老闆娘，讓服務拿滿分。

來了數次，只吃過了碗仔翅, 竹笙翅, 車仔面, 魯肉餃等。每一次都覺得非常超值，羅白無渣，魚蛋又真的比外面的好，辣汁又真的辣得過癮；翅亦足料，不會太多粉或太稀。總之叫甚麼都好，因為老板娘真的對出品很認真。有次看到老板娘和一班年青人討論食物，坦然慨嘆現在的蝦籽來貨沒以前的好，其實大家根本都吃不出來吧，但她對這樣的小處都那麼執著，就知道她對食物有許多熱誠。 誠意滿分，食客是吃得出來的。

公司開完會都八點,兩個人都唔想食得太飽就去咗呢度食車仔麵!皮蛋----終於揾到一間同鏞記有得比!好耐未試過喺出面食到咁正嘅皮蛋!豬油炸多寶魚皮----即叫即炸!味道同質感係以前未試過嘅!仲跟多一碗煲得好綿嘅白粥,又係堅嘢！剩蝦籽滷肉餃----有台南滷肉味道!(台南滷肉係甜過台北嘅)接唔接受到就見人見智喇!兩碗大辣車仔麵自己叫咗四個餸,咖喱味湯底加油麵,味道OK唔會咸到飛起.大腸----無咩肥膏幾淋同入味!牛腩----腩就麻麻,都幾硬吓!筋就反而唔錯,唔會太淋有膠質!豬紅----無腥味,都幾滑吓！貢丸----好似義美果隻咁嘅味.比一般濃味.已經飽到飛起但老闆娘話有紅荳沙,同石榴蛋白布甸....又每樣叫一碗.試咗朋友個布甸一啖都覺得好正,淡淡石榴香同質感好滑!食自己碗紅荳沙就大鑊喇!食得出真係有心機煲出嚟嘅!陳皮香味真係好出,甜味啱啱好!下次嚟賣晒點算？可能有人覺得兩個人食車仔麵食到百七蚊好貴!雖然食物等得耐少少,但老闆娘又好傾,自己又食得開心!呢餐絕對超值！

兩個人叫了三樣食物：蝦籽白粥：粥底綿，蝦籽好香，令白粥更好味魯肉餃：餃面多蝦籽，肉汁多，魯肉餡味道偏甜蘿白：無渣好淋，好甜，甜到有D假

很少寫食評 因為值得寫的不太多 本身不太會吃 只是喜歡吃自己所喜歡的食物這一間 值得寫一下~12月10日 晴 是日休假 可以在晚上選一頓好的來吃 用來慰勞自己辛勞的一星期 在網上留意這店子很久 一直沒動力走過來吃 有走過一次但可惜沒開門 這次剛好有機會一試..可惜女友要在家裡吃 只好又做一次外賣仔@o@ 一直留意kc的食評 這次就想照抄一次吃吃看~ 蝦籽白粥 2碗 未吃先聞到一股香氣 吃入口中 ..鮮 很鮮的味道 和着白粥 真的很好吃 可惜女友不喜蝦籽 -_- 阿媽食完都話正~ 碗仔翅 2碗 用料充足 爽口 應該無味精 因為食完唔口渴 唯一敗筆是肉絲 嚡得很 一直在回想 為什麼要用這麼嚡的肉絲 唔加嚡的肉絲應該會更好 是肉絲有著其重要作用嗎? 如果要肉的味道來吊味 應該可以用其他方法來取代肉絲 太嚡口的肉絲 會扣分的呦~~希望可以有方法改善cc蘿白 2份 大大件 白雪雪 無渣 好軟身 十分的甜 很不錯吃 唯一的問題是...哪份甜 甜得令人覺得不實在...第一口吃下去 很甜 好吃 但...過一會 好像感到有點過

我們去了"車品品",話時話,聽就聽得多,經過都唔少,但~今次都係第一次入去食~原本有點看不起他們的"大辣",但~這間店的"大辣"有的有料到噃~連我這個食得辣的人,都有點頂唔順,飲了兩杯飲品~~一行三大一小,叫了兩個"大辣"三餸麵,蘿蔔沒渣的,好正~其它餸就普普通通啦~但,大辣真係超正呢~~我飲完一杯凍奶茶,仲要飲多枝細可樂~飲嘢仲貴過食麵,不過~食得好開心~另叫了一個"大雜菜飯",餸的份量好足~菜飯另上的~三大一小的,埋單共100元~抵食又好食~(總括 :好的 : 出眾在個辣汁及白蘿蔔,老闆及老闆娘十分有禮.不好的 : 上檯太慢,不趕時間才好去~假期叫凍奶茶$ 16元一杯,貴了少少吧~但~個人而言,一定有下次~~)

於openrice好評如潮，星期六我可以說特登過去車品品試下叫了菜飯、３餸車仔面、２溝翅車仔面只能說不過不失，點了車仔面最常叫的羅白、豬紅、魚蛋+油面我覺得文記車仔面還好吃呢菜飯，飯很有咬口，菜份量足夠，但菇就很少，如菇多返d個飯就不錯２溝翅ok...料真是很多，魚肉也好吃總結，可以說不難吃，名過於實 !

今日終於去左食車品品了xd"甘岩有人包場..有d人要等位呢.叫左::魯肉餃$28: 吾係好多蝦籽.有d失望..但入面真係好甜.幾好'竹笙翅$16:幾多竹笙. 好彩記得加辣菜甫..d辣菜甫仲岩岩抄起tim.足料夠熱!藍莓蛋白布甸$25:好味;]清清地..要加花奶!!蘿蔔&柚皮$16:蘿蔔真係好好味.好甜xp.但柚皮就mama地啦.二個人食左4樣野就$85啦~_~同埋份量吾係好多.

從小菜王走出來，一腔的怨氣無法宣洩之餘，肚子也是跡近空洞洞的。於是馬上登上的士，前赴埃華街大吃一頓可也....推進門，笑容可掬的老闆娘仍在。舖已坐滿了人，一行人就走進還未開的內廳找個位坐下來....每一趟來到都有些新東西試，絕對是這店的吸引之處。是夜的新朋友是自製的柚皮。平常吃到的多數是伴着蝦籽吃的，這裏的就是原汁原味的版本，弄熟後加點豉油便吃得了。吃落一點苦澀味也沒有，上品也.....皮蛋從照片看上去就知是極品，蛋心全然漏哂出來之餘且全無澀味；自家醃製的子薑辣度十足，絕不是外邊的那些染色貨，吃得極過癮....對個人而言，蝦籽白粥是最出類拔萃的 --- 蝦籽炒得極有鹹香，正式蝦味濃郁，用來伴粥伴麵都是最佳配搭。白粥很綿很滑，有米香。蝦籽及粥兩者混和一起吃，是一種無以尚之的享受，絕對是自己吃過最好的粥之一....要填飽肚子，當然是要來多個八喜撈。記得上次吃時是沒有那個火爐的，現在有了，當自製豬油加入麵時，就能加快溶化，也就更滋味了.....好不好吃 ? 試想想加入了自製豬油、台灣壺底黑醬油、地寶魚鬆及大量葱花及黑白芝蔴的撈粗，怎會不好吃 ? 那種香、甜及油潤的感覺真的很難形容，親身來試一

十一月初二‧晴想寫點東西，又要來麻煩老闆娘。周六晚上來到，座位供應自然吃緊一點。剛好在內廳有四人座，快快坐下來。半年沒來，又吃吃出色的幾味東西。蝦籽白粥是我的至愛，這裡的蝦籽是靚貨，自家炒製的，粒粒分明，鮮美鹹香。伴起綿滑的白粥一起吃，將其香味更加提升，簡單又美味；碗仔翅美味，要吃得飽一點，索性來個魚翅撈飯。魚翅是粉絲，但冬菇是日本花菇，木耳是健康的黑木耳，肉絲是鮮肉，這個平民翅味道是鮮美的；蘿蔔不能不吃，腍，甜，沒有渣，掛頭牌的美食。是日來個雙併，是柚皮。保持了柚皮的咬口，味道不錯，好吃；魯肉餃也好吃，上面灑了蝦籽，一口一只，剛好。墊底的還有不少的生菜，爽甜好吃；當然還有炸魚皮，不下粉，但因為即炸，所以也鬆脆好味。點起壺底醬油，鮮美無比。甜品環節，已吃不下太多，試了鮮藍莓蛋白布甸。味略淡，但清新，如果多點甜就更好了；另一個當然是經典的津紅豆沙，又香又甜，陳皮味香濃，是我在這裡最喜愛的甜品。喝的除了秋梨茶，還有篤篤及無冰奶茶。吃了不少東西，是捧著肚子離開。看見老闆娘親自走來走去的招味，那股努力及併勁，還有不斷求新創作的精神，當然能打出一片天。埋單二百二，食物優質細緻。不要老是說這裡的食

自從十一月初第一次去車品品後，在一個月內只來過三次，都算是近年罕有。一如不少同道中人所言，車品品人手少、上菜慢、易漏單，有些食物價錢也不便宜，但唯一能令我將上述所有都容忍的理由，是它真的是一間「有ＨＥＡＲＴ」的食店。八喜撈麵，是，幾乎沒有餸的，但那些魚鬆真的美味，豬油又夠香，還有不惜工本的貴價豉油，在加熱的爐上撈呀撈，這個是最值回票價之選（個人認為粗麵比幼麵好）。如果你嫌單調、不飽，大可以叫其車仔餸作伴，勁辣魚蛋、魚肉、大腸都不錯，尤其是叫了一碟自製的勁辣辣椒油後，此油連自詡食辣無敵手的本人，也幾乎慘遭滑鐵盧，皆因它有後勁，一開始吃不覺太辣，愈吃就愈辣（尤其是點熱的東西）。無冰奶茶味道普通啦，但送心形茶冰又幾窩心！菜飯是有待改善，雖然相信不是太多人叫，至少，把枱面那支麻油加些進飯，可以起到畫龍點晴的作用。魯肉餃是幾有魯肉飯的魯肉的影子（累贅的句子！），但本朲覺得跟蝦子不太夾，老闆娘就教我們把蝦子、湯、生菜加進用來加熱八喜撈麵的碗裡，蝦子跟生菜就夾得多喇！其他還試過加拿大煙瘦肉扒，好普通，蘿蔔就勁甜無渣兼超淋，子薑皮蛋就比較遜色了，好難同鏞記以至好旺角相比。老闆娘無疑是健談得有點OVER

之前試過呢間餐廳, 覺得咁o既食物質素唔值咁o既價錢。魚蛋蘿白無咩特別, 唔值得推介; 八喜撈無乜餸都賣咁o既價錢 (因為豬油貴?!?!); 紫牛更加唔抵....而最致命o既係耐o左超耐先上菜~好心咁o既價錢都起碼請番多一兩個伙記幫手啦~咁慢o既服務, 麻麻o既食物質素, 加上咁o既裝潢, 實在又唔明點解有咁多笑口。