車品品小食 (已結業)

上星期六, 同我隻豬仔係奧海睇完早場,就過黎埃華街呢邊搵食!!過到黎就醒起呢間車品品, 見到咁多好評, 一於黎食下啦!!遠處已經見到門口堆左一d人等位..好彩原來佢地4個人一枱, 我地等多一陣就可以入去了!坐好,檢閱過餐牌,我地就一人叫左一碗車仔麵,加多份細既魯肉餃!我要左牛栢葉同魚肉+河粉佢要左雞翼同生菜+丁麵落左單之後..等左好耐...好耐..好耐先有得食..真係從未試過咁慢版既車仔麵.............魯肉餃..同豬仔一人一粒,大家都覺得麻麻地,入面一pat冧冧地既肉..個口感有d古怪..我既車仔: 牛栢葉cut到細細粒,方便食,不過就冇味,要靠同d湯一齊食! (都冇咩醬料可以點)魚肉就比較稔同粉...正常味道河粉就值得一讚, 真係好薄!加埋d湯既味道,好食!至於豬仔就話, d雞翼麻麻地..冇咩大感覺, 不過真係唔鍾意個魯肉餃..結果, 咁就ko左等左好耐, za一聲食完, 快快手走既一餐.....講完野食, 想講下我地對面個位食客..係一個目光超級呆滯既中年男人,係咁望住d野發呆!我地一入黎仲估緊佢係咪之前飲醉左既時候...佢d食物送到...竟然仲有一支薑啤?!!!! (

上星期三，又再一次幫襯我喜愛的小店。七時半，門口已有一條七八人左右的小人龍。等了約半個鐘，終於有位。入去後，即刻留意是晚有什麼糖水，問過老闆娘，只有石榴布甸，即時叫她留起兩碗，因為上次食過非常好食。想叫麻不辣米線，但老闆娘說有花椒但無時間煮，所以今日沒有。落了單等食，根據經驗，要等一段時間才有得食，所以便上網，聊聊天，一會便有魚肚碗仔翅，依舊足料，質地不太杰，魚肚比起魚肉感覺高貴些少，味道亦好。剛食完碗仔翅，車仔雜餸便到，一碗裝到滿滿的送來，有牛腩，大腸，蘿蔔，雞翼尖，魚肉，芋絲，豬紅，牛栢葉，生菜，魚旦，紅腸及芝士腸。最喜愛蘿蔔及豬紅，蘿蔔夠甜，又無渣，豬紅夠嫩亦入味，牛腩亦好味，魚肉及魚旦因為是來貨關係，就麻麻地。菜飯加上豉油，好味道。子薑用上自制，不太甜，與皮蛋一起食很夾。豬頭肉被鹵得非常入味，但又不致太淋，咬下去還很爽，有少少咬勁，唯一缺憾是近皮的地方會有少少豬毛硬刺刺的感覺。比上次食差了的一道甜品，可能是季節問題，石榴並沒有之前的香，還是掛念陳皮紅豆沙。

「車品品」這間在區內屹立多年，深得不少食家異口同聲給予好評的小店，自從自己第一次來過之後，久不久都會再來幫襯。喜歡的除了這裡的各式食品始終如一地保持不錯的水準之外，喜歡的也是這裡老闆娘待客的發自內心的親切熱情的態度，絕對能讓每位到來幫襯的客人，都能深深的感受到。不過這裡另外兩位一男一女的幫手，他們臉上掛著的冷淡得多的態度，與老闆娘熱情殷勤的招呼，卻又絕對是相映成趣。莫非，這就是身為老闆和只是員工的分別？這店子的環境裝修並非賣點，要非曾經幫襯，單看店舖門面，一般路過的途人可能對這小店不會特別留意，但識途老馬到來，就肯定知道這兒所賣的特色小食全皆水準不俗，甚有特色，絕對是價廉味美。最近的一次到來，吃了不少東西，感覺仍然甚佳。先來的是解渴的「凍山楂茶」，這山楂茶味道酸甜度適中，不會太酸或過淡，作為開胃飲品，是稱職的。也叫來一碟「溏心皮蛋子薑」。這簡單的小吃要收 $12，價錢是偏貴的，不過卻好吃。子薑嫩而無渣，溏心皮蛋質素亦高，吃在口裡，絕對滿是滋味。「魯肉餃」是這裡的特色食品之一，這次也叫來半份（四隻）享用。這源自台灣的小食，餡料的五花腩肉雖然不多，但加上白麵豉醬調味之後，甜甜的又有點鹹味的

昨晚與友人逛街， 看到小食店的食物很特別，便決定試試！店內的食品以麵食為主，不過友人提議這裡的小食很有特色，所以便試試看！溏心皮蛋：蛋皮加上酸薑的配搭不錯，皮蛋沒有金屬的味道，很可口的餐前小吃！(注意：是一整隻皮蛋加上酸薑在上面，一起放進口裡，比吃皮蛋酸更豪氣！)魯肉餃：味道不錯，配以蟹籽粉在餃子上面，更能突出餃子的味道。餃子的肉餡恰到好處，雖說不上皮薄餡靚，但整體的配合不俗，而且湯也很甜，沒有味精的感覺，所以值得一試！麻不辣米線：起初米線端來時，有點怪怪的感覺，為何米線裝在小鍋內，份量那麼少？當吃起來時，醬料混合了米線，在嘴裡刺激了味蕾，味道不錯呢！當吃到第三口時，嘴巴已感到有點麻麻的，這就是小米線的特別之處，真的不能多吃呢！雖然這食店的價錢不算便宜，但小食確有特色，真的可試試！

之前都已經想試, 但係因為假期沒有開門, 今次在網上看了開店時間專程去試, 一去到都是關左門, 在門貼了2點開門, 咁既然都嚟到, 唯有在附近行住等吧! 未幾便到2點, 很準時地便有店員開門, 但我們入去已經是第三個客人了!魯肉餃比普通餃子好味, 而且上面加左好多蝦子, 連一向不愛吃餃子的我也覺得十分不錯, 全部吃晒也不夠喉呢, 值得推介!碗仔翅都算足料, 不過沒什麼特別, 沒有驚喜也沒有失望!我們點了蘿蔔和芝士腸幼麵, 原本對蘿蔔沒有什麼期望, 但估不到會是那麼甜, 不是甜那麼簡單, 是鮮甜才對, 而是每一舊都是這麼甜的啊!吃完後整店都已經爆滿了, 不過這店的衛生就很一般了..! 如果要等位一定不會吃!

這是搬回來後第一次食車品品, 亦係總數上的第二次而已不少人都應該覺得, 佢o地好似唔憂做星期一唔開, 下午一點先開。我等到一點三佢先開閘, o的人就即刻擁晒去近門口位。原來呢個係策略, 因為我坐入面"偏廳", 等極都無一刻個阿叔會主動入o黎落單/收單見一點五唔對路, 自己拎埋去煮麵位前遞張單俾佢等到一點十先有得食, 一般打工仔o既lunch hour 其實完全fit 唔到 !!大雜燴車仔麵, 多料但味道清淡, 係健康天然, 但四十二蚊碗又等咁耐, 抵唔番

身體有點不適但太累, 不想在家調粥吃, 下班後到這裡吃點粥叫了一碗地寶魚鬆白粥, 還有一份蘿蔔白粥綿密軟軟的很好入口, 米香淡淡的還摻了魚湯鮮味上面的地寶魚鬆魚香濃郁, 不是甜甜的那種魚鬆但我也很喜歡吃, 配上香蔥簡單但卻好吃蘿蔔還是一樣的清甜無渣, 事頭婆加了腩汁給我增加香氣跟味道問了事頭婆很多次何時才賣地寶魚皮, 她說製作危險, 現在到不做了但以後他們會上樓開私房菜, 那時候就會再賣了, 十分期待呢

晚上突然想食車仔麵，又想到很久沒有來到車品品去食，立即行去大角咀去試下。來到門口見到要六時半才開門，眼見前面已經有四五個人在等待中，望望錶已經六時二十分，等十分鐘沒有所謂的，一開門可以食到晚餐的第一輪，其實車品品是一間小店，一邊是四人的木枱而另一邊是廚房，入內還有一些的枱子，地方十分之簡單，很多港式食車仔麵的地方都是這樣的。食物的種類主力都是食車仔麵，還有一些的出名的例如魯肉餃、碗仔翅等等，飲品方面有十分之特別，有一些懷舊的汽水加雪糕和一些健康的養生茶，望了一望餐牌就叫了車仔麵、魯肉餃蝦子皇撈麵、竹笙翅和金牛。車仔麵($34)本來想叫大雜麵但驚某些食物唔食所以就自選車仔麵，配料選了蘿蔔、魚肉、魚旦和生根，麵就選了幼麵，蘿蔔是這店的必食，食落十分之入味清甜又唔會老，心想現在都不是蘿蔔當造可以選到這樣的食物有少少難得，魚肉的數量十分之多，十分之鮮味而軟硬度適中，魚旦就選了唔辣的，沒有街邊食這些這樣彈牙但反而多了一種的鮮味，而生根就普通了一些，沒有什麼特別，下面的幼麵吸引了汁醬十分之入味而滑身，但只有微微的皂水味度，飽肚好味之選。魯肉餃蝦子皇撈麵($48)叫的時候老闆娘說是沒有油加的還提了幾

車品品一直是我心目中的心水食店, 有時候想起也會跑來吃碗仔翅跟蘿蔔男友回港後會跟他到這裡午餐, 讓他也試一下我愛吃的小店金絲蜜棗山楂茶比起秋梨茶我更愛喝這個, 因為我喜歡這茶的山楂味, 甜中帶酸配以蜜棗平平的甜味, 是我每次來車品品蠻常點的飲品打到這裡才想起之前問過老闆娘的製法, 但到現在還沒試過煲這涼茶每次喝的時候都想請店員用一個更大的杯子給我, 愛喝到想多喝幾口的說金牛男友愛喝忌廉汽水, 這個懷舊飲品正正是他喜歡的杯子有先冰過, 在冰塊上放上香草口味雪糕之後再把忌廉汽水倒下去, 看到男友喝得好開心想必很對他的口味吧我不愛喝忌廉汽水, 這裡也有黑牛(可樂+巧克力雪糕, 還有紫牛(七喜+香芋雪糕我超愛吃香芋雪糕的, 所以我很喜歡這裡的紫牛, 之前也點過兩次不過這次想留肚吃多點就不太想吃雪糕~碗仔翅車品品名物之一, 每次來都會必點. 最喜歡這個碗仔翅是因為足料內容全都是片片條條分明給食客看得清楚吃得清楚, 絕不像一般的料很"碎濕濕"湯頭可以嚐到很清楚的豬骨味, 整個碗仔翅鹹度恰到好處, 而且芡也下得很薄不會像漿糊料有切成大片的香菇, 用上厚身的香菇, 菇香很突出肉絲不柴, 很容易咬開.

今日專誠同幾位同事早收工黎食, 睇下係咪咁正~!去到7點15分. 門外已經有大約10人等緊位~結果o係大熱天時下等下35分鐘終於有位~!入左去最入面既位, 冷氣好似唔係好work, 我地自己拎左個冷氣掣較涼左, 點知過左1分鐘又冇冷氣出~一行5人, 一人叫左一碗車仔麵先~ 外加野飲~d菜價錢由此$6 - $11~我自己點左蘿蔔,豬腸同豬紅+幼麵. 價錢都唔平~呢個麵已經要$30. 再加一杯野飲, 本想叫"車品品奶茶", 點知已經賣哂. 所以最後叫左紅"jo"茶 ($9)等了又等...等了又等.......等左40分鐘, 連野飲都未黎.......好在仲有雜誌睇.......d麵終於黎啦...個樣普通車仔麵啦~蘿蔔唔夠淋同唔夠入味, d豬紅係冇味架~! 反而豬腸就好入味...但唔知隻豬係咪減肥, d豬腸一樣係縮水. 同埋得好少~! 個麵底就冇乜野好講, 不過份量都係少. d男同事食唔飽.野飲就o係食麵既中途黎左...我地早就口渴死了.... 好快就飲哂~男同事真係唔夠飽, 卒之再試埋佢地好出名既碗仔翅.......點之, 個翅真係冇乜特別可能係有期望而來, 所以結果才更失望吧?應該冇下次

碗仔翅，一流！味道比以前係旺角細鋪更好。車仔麵係好食，蘿蔔夠入味！唯一美中不足嘅係，無我以後細個食開嘅油渣麵。又老闆娘同以前一樣咁nice^^搵返以前係佢間鋪食野嘅回憶。

之前看了街坊廚神介紹了麻不辣米線及魚肚碗仔翅, 所以就冒名去食!!入去等左45分鐘......以為好比心機整野食,點知.......食物來到時,我都好驚訝....咁細碗~麻不辣米線竟然得兩啖~~ 盛在半個水杯大小的碗內~~ 少得可憐!! 似試食多D, 不過要成15元...... 其實5元都比多了~魚肚碗仔翅,沒特別的口感,味道...一般的~~ 有如街邊碗仔翅,不過同樣分量少, 貴到死~ 26元~~總括.....細碟唔抵食~ 驚嚇多過驚喜~~ 而且不會再去~~

睇完戲9點幾，大王心思思想食魯肉餃，就慢步過來。有兩枱人共6位已經係門口等，我地就乖乖咁跟住等。大王唔舒服，等咗45分鐘先可以坐低，真辛苦。坐低即叫，費事再等耐啲，點知冇魯肉餃，搞到大王又失望多一次。口淡淡既大王要咗皮旦粥，我就要咗玉竹秋梨茶，車仔面要咗鷄翼，魚旦同蘿蔔加粗面，跟住大王追加個生菜魚肉添。皮旦粥: 睇落平平冇奇，食落好甜好夠味，又多皮旦﹐好味!!!玉竹秋梨茶: 唔太甜，解渴。車仔面: 加咗大量既辣菜甫，好味，蘿蔔係一向既清甜，其他就不過不失。生菜魚肉: 份量足，但就冇特別。下次要再黎食番魯肉餃…

拉了頌揚四個人同來吃午餐, 都有一段日子沒有來找老闆娘, 怎知這天只見到肥叔叔, 要留待下次再會了. 四個人, 就每樣食物都要些去分吃.玉竹秋梨茶 $9: 8分, 相當潤, 不太甜, 喝一口, 喉嚨也舒服了不少.車仔麵 $21: 7分, 要了兩碗車仔麵分吃, 我跟文迪要的揀了蘿蔔, 相當清甜, 一流. 另外要了文迪喜愛的芝士腸. 沒有要麵, 要了米粉, 吸了個湯底, 都幾入味.亞妹她們就揀了大腸, 沒有試了.淨魯肉餃 $36: 8分, 不能不試的繼續是魯肉餃, 一客八件, 肉汁濃, 加埋上面的蝦子, 是相當吸引. 底下有小小生菜, 當作清一清味蕾也幾好.品品八喜撈 $55: 8分, 當然要再吃這裡的八喜撈, 已變成近幾次來必吃的項目. 材料包括黑白香芝麻, 小菜湯, 頭抽, 地寶魚肉鬆, 五花腩油, 生蔥, 粗麵, 一路慶住, 是相當香口, 尤其喜歡芝麻的香味, 未試過這個八喜撈的, 值得一試.吃了車品品那麼多年, 這裡實在帶來不少回憶. 不知當中有沒有你?

一間好普通的食肆，係明顯比一般酒鋪少用油、鹽，感覺上比較健康。價錢遍貴，三十多元一個麵，女仔都食完都唔太飽，但d服務員就幾nice。總括而言，一試無妨，特登去食就不必啦~