車品品小食 (已結業)

自家製小品料理品種繁多，總不能每次吃到拿著「doggie bag」步出門口，有限胃納下必吃的一味，魯肉餃實在當仁不讓。主理人不厭其繁，每天分兩輪逐隻摺成小元寶狀，蘿蔔、五花腩肉餡大鍋炆煮，味道特別香，滑溜又帶點QQ的嚼口外衣，爆出濃郁鮮甜的肉汁，撒上面的蝦子慮過，不怕有砂吃崩牙，嗜辣者記得多下些自家製菜甫，奇味無窮也。更多分享＠http://foodxfile.blogspot.com/2010/09/blog-post_12.html

在查看"王子"組群的當兒，竟然叫我看到了快閃飯局．之前也曾看到過，但往往是”遲人一步”．但仍想碰碰運氣呵．．． 哈！上天一定是知道我這兩天的苦，給我希望，吃好東西去！除咗相中食物，我仲試咗人哋嘅：豬油炸地寶魚皮　同埋跟果個粥．．．嘩，魚皮好甘好鬆化！個粥好鮮味呀！但其實我仲想試吓呢度嘅：招徠大雜餸冬瓜茶淨蘿白加牛腩汁蕃石榴蛋白布甸 今次吃得好開心呵．

車品品的用心,可見之於其對素食者的細心招待提供素麵之餘,還提供素食專用餐具,以免餐具沾到腥葷呢份細心真係令人為之動容.以車仔麵,碗仔翅一類小食來說,車品品的等候食物時間的確偏高大眾對車仔麵嘅期望係,前面個客未叫完餸,淥麵嗰位仁兄已經問緊下一位要乜嘢麵.又因此,車品品索性喺太多客時豎個牌出嚟控制人流,叫你轉頭再嚟無話好似一般"人氣"食店咁,三十度熱辣辣由啲客喺條街到排隊仲要條龍越長越好,做埋免費宣傳.車品品,真的很有品環境是十分乾淨整潔的,座位有點窄,部份枱要人客提高腳先可以擒到入去坐.招呼親切,我order大雜麵走湯咖喱撈,老闆會示意碗麵會幾辣ok,從善如流改要湯中辣,結果一點都不辣,但還是感激老闆提醒食物又如何呢?其實很久以前有嚟過,知道這裡的食物是偏淡的當日我點了大雜麵,我認為牛柏葉,水魷,芝士腸呢啲由於是外面交貨來,你到任何一間車仔麵檔都是差不多味的要試到一家車仔麵水準,最基本就要試試它的牛腩,大腸,冬菇等自製食物大雜麵不包牛腩,只有牛筋,炆得夠淋夠入味,大腸則是above average之作.若果計算埋佢哋無用味精,那就很了不起了.除了這兩樣,車品品的白魚肉亦值得一讚,最喜歡他

在 Open Rice找著，看到此餐廳的食評，好奇為何車仔麵也可如此好評。剛巧有天去到附近，專程試一試。一進餐廳，地方雖少，但感覺整齊。有些存貨雖放於走廊，但可見還是經過細心整理的。坐下已約晚上8時，內裏只有數張枱子，人頭湧湧。食客們好像挺熟悉的，自然地靠一邊坐，好讓另一些食客「搭枱」。餓了，立刻翻開菜單。想不到簡僕的車仔麵店舖竟然有如此精美的菜單，裏面不但簡介了經營原則、食物及用料，還有七彩繽紛的插畫。至於食物，菜單真的一絕，竟然有俄肝伊麵。其實想試很多食物，但怕份量太多。想了很久，終於下定主意點了「招牌大雜麵」。等了一會兒，大雜麵來了，眼前所見真的前所未有，給我很大驚喜。「大雜麵」的確名不虛傳，不斷在碗裏鑽，找到超過十種食料：牛栢葉、雞翼尖、魷魚、豬肉、大腸、芝士腸、紅腸、豬皮、豬紅、蘿蔔、魚蛋、生菜。吃了兩口餸，味道高水平，很想試試麵。由於食料多，不容易才夾到麵，與餸比例大約為4：6，麵夠爽口，配搭湯底很有風味。慢慢逐樣品嚐，每一食品可見其用心製作。老闆娘看見我沒有點飲品，很體貼地詢問我要不要清水，態度誠懇，非常窩心！ 一路吃著，怪不得食客不斷，時時爆滿。

既然同得好友食家"乜都放入窿"飯局, 食嘅地方當然唔止一間, 加上第一餐又唔係食得好飽, 於是離開左台灣食店, 就同好友食家"乜都放入窿"邊行邊搵野食, 原來好友食家"乜都放入窿"從試過呢間食店, 既然黎得呢區點都要黎試一次啦! 兩個人黎到呢間食店, 入到去地方依舊, 人亦唔算多, 坐底後就同好友食家"乜都放入窿"商量下點食先, 師傅坦白講如果食車仔麵就唔一定要黎呢間食店, 既然黎得呢度當然就要試d特別小小嘅食物啦, 最後就一敢決定柯打一碗碗仔翅, 一碗淨魯肉餃同加一碟紫薑!等嘅期間當然繼續吹下水啦, 值得一提係呢間食店嘅位都幾細, 張椅亦唔算好坐, 但以舒服度真係一般; 終於係碗仔翅率先登場, 先講下碗仔翅個湯底好清, 而且唔杰, 加上一d味精都冇, 味道唔錯, 雖然翅就比較少, 可幸肉絲亦唔算太多, 加上冬菇爽口, 整體水準真的一絕, 如嗜辣者應加埋呢度嘅菜圃, 就會令到碗仔翅香香辣辣, 特別惹味; 呢碗碗仔翅真係睇得出好有心機做, 如果要係食碗仔翅, 呢間食店一定係師傅頭三位嘅選擇之一, 所以碗仔翅屬必食推介! 再黎係魯肉餃, 一客淨魯肉餃有八隻, 體型都唔細, 魯肉餃嘅餡料裡

小妹第一次寫食評, 雖已join openrice as a 食家 for 幾年.想品嘗這間車品品小食 for long long time. 第一次光顧於18-8-10, 4pm, 當想踏入小店, 老闆說: . 結果失望而回.昨天終能得償所願, 亦沒令我一家失望.我一人先到攞位, 點知不用等, 已有位, 一坐低即order 招牌的 < 招徠大雜麵> $35 & <無冰小甜凍奶茶> $16. 雖是車仔麵, 但所作需時, 實在人手不足. 當老公& 仔仔到達, 再加<八喜撈麵>$49, <魯肉餃>$33, <菜香飯> $11 及老闆娘推介 餐牌冇的 - <黑糯米酒滷蛋>$12, 超正! 回味無窮!真是一間人間美食小店, 冇味精, 用心製作, 用料上等.下次一定要品嘗蝦籽白粥及其他. I'll be back!是晚消費共$172

飯局地點有變,易放提議改為車品品,這個提議不錯,可讓一眾honhon試試著名車品品車仔麵。自己為免傷腦筋依舊點了大雜米粉,堆得像小山的車仔餸令honhon們嘩然!! 餸菜跟上次吃過的一樣,味道也能保持水準,香甜蘿蔔也贏得她們一致讚賞,並非浪得虛名唷;馳名魯肉餃今次特意蝦籽另上,的確更能品嚐到魯肉餃的特有濃甜味道,跟配上鹹香蝦籽的是另一種風味。honhon們同點了無冰凍奶茶作飲品,那預先冰凍的玻璃杯的確很能保溫! 她們評為是有茶味但奶味更重,是味道不俗的奶茶,甜度對習慣少甜的大家就有點過甜了;從肥叔叔口中得知,早前看過的奶茶心心已沒供應,這就有點可惜了。自己的秋梨茶仍是清甜滋潤,在我這段氣管不佳咳嗽連連的時候,秋梨茶的確很有滋潤作用。光顧了車品品好幾次,今次才首次試到事頭婆的甜品,懷舊香蕉船已是當晚不二之選,是晚更遇上番石榴布丁!! honhon們真有食神了!久聞車品品的時令水果布丁會以漂亮英式茶具奉客,那套淺紫色小花圖案的茶具真的很清雅漂亮哩!!番石榴布丁加上花奶後,真面目不太看得真,淺灰色的布丁顏色不太吸引,可是味道卻跟番石榴真的沒兩樣,幼滑跳動的布丁中有著不少番石榴種子,很像在吃雪

前日去完西貢【松記車仔麵】後，我同親愛的一致劣評後，一早講好今日去大角咀【車品品】食車仔麵，記得對上一次去食係９個月前上年１０月！今次我地叫左一碗【招徠大雜麵ＨＫＤ３５】，２個一齊ｓｈａｒｅ！（豬紅、魚旦、生菜、翼尖、芝士腸、蘿蔔、豬皮、魚肉、牛柏葉、魷魚鬚、牛腩 + 幼蛋麵）抵食到冇朋友，３５蚊一大碗分到２碗唔止，２個人一齊ｓｈａｒｅ都好夠食，老闆娘勁好招呼，唔駛問一上麵就好主動拎２個碗比我地，可以係話唔駛有求，老闆娘已經主動提議，點解？例如：我地碗【招徠大雜麵】圈左唔辣、唔加腩汁，老闆娘話怕我地清得濟，好自動額外比左一小碗辣汁我地，等我地自己隨意加上。當分到我碗麵時，湯水已經唔係好夠，我就同老闆娘要求加湯水，老闆娘完全冇咋型，服務真係一流！我地再叫多一碗【超麻不辣米線仔ＨＫＤ１４】同親愛的ｓｈａｒｅ！外表細細碗，打開蓋其實【超麻不辣米線仔】係滿滿的。米線入口一ｄ都唔辣，但係越食咀唇同埋條脷勁麻痺，唔辣而麻既感覺幾得意。２柸【少甜無冰奶茶ＨＫＤ１６】，係一柸價錢！佢地既奶茶真係好好飲架，最鍾意就係無冰又冰凍，超岩親愛的口味！

我黎車品品真係N咁多次, 由佢地仲o係舊店開始到今日都有好多年我仲記得老公特登打我去佢舊店Farewell, 因為知道佢地未必會開新店, 到有一日老公同我講會帶我去食好野, 話好有信心我一定鐘意...點知比我無意中發覺原來車品品終於又開番喇...提起車品品, 真係好多回憶!仲未結婚時我放夜, 男朋友就會去舊店搵位, 等我去食個夜飯!到結左婚喇, 每個星期四我地都會去, 因為星期四我放夜!到我大左肚喇, 勁緊張及小心既我, 除左屋企食飯, 仲有咩選擇呢? 車品品就係我既唯一選擇!到亞女出左世喇, 估唔到, 變成左我地星期日, 工人放假既好去處...因為我個女好識食, 咩都唔係好吸引到佢, 但係車品品既菜飯佢就食哂!最重要既係我好驚出面食野d 味精, 亞女太細, 根本同佢出街食飯唔係易事, 所以有車品品令我好安心好喇, 點解咁多年都唔打個食評, 今日無端端又打呢, 因為我好想o係呢度多謝Florence同埋肥叔叔!!我兩個星期日前, 同亞女又去食dinner喇! 叫左個白粥 <-----我超鐘意既白粥, 我將佢放埋一面, 等冇咁熱先比亞女食, 點知亞女整跌佢落地!!天呀! 我嬲到不

14/4/2010 (星期三)今晚終於可以去呢間人氣食店，店內面積不大，已有不少客人，一般街坊食店的格局，坐位較擠迫。老闆娘態度親切，好落力介紹各款食物。我叫咗溏心皮蛋和車仔麵試下。溏心皮蛋： 好食，有溏心，如果有多d薑就更加好。車仔麵：又大碗又多料又好味，配料方面，選了魚肉和這兒好出名的蘿蔔，白蘿蔔清甜無渣，麵底選了米線，米線煮得啱啱好，唔會太淋。

茶餐廳伙記落錯單只不過很平常的事，但最重要係知錯同修改錯誤，可惜這班持老買老，深得他們老闆厚愛，有持無恐的員工，覺得自已經驗豐富，一定無錯，反屈客人自已落錯單或無落單，顧客真的會為一份半份餐單厚著面皮和他們爭辯嗎？本人曾受此經驗已經不是第一次。第一次算數，我大人有大量、第二次我覺得又係咁、我忍…第三次，我覺得有需要出聲囉…，我真希望我都有這樣的一個老闆，同時，亦都希望他有才能可以照顧呢班伙記一生一世囉！！！食物質數對顧客來說當然重要，但員工的服務態度亦直接能影響消費者對食物的評價，因為美味的食物能為顧客心情增添色彩，相反，亦能為顧客食而無味。

到訪車品品已經有很多次了, 差不多已吃過店子有賣的東西一直都想寫這店的食評, 因為自己很喜歡去吃車品品首先, 我想寫的, 是這裡的白蘿蔔老闆娘很會挑貨, 每次來吃都不會吃到纖維很粗的白蘿蔔有其他食客說蘿蔔的甜是用冰糖來調味的. 但我覺得那個甜度不會太過份反而更能帶出白蘿蔔本身的清甜味道我本身是很喜歡吃白蘿蔔的, 所以每次來都一定會點車品品的碗仔翅也是要大讚. 這裡的碗仔翅之所以好吃的原因, 是因為料下得很足, 能吃得到質素很高的香菇片,木耳絲我很怕外頭的碗仔翅裡面的瘦肉很澀,他們的完全沒有這個問題,肉絲不會煮得過老過韌而且也沒什麼勾芡,下得比外頭的薄,湯頭也熬得很夠味道,沒有下味精所以吃完也不會覺得渴魯肉餃也是車品品的特產, 有幾次看到老闆娘在包餃子, 100%自家製作皮很薄, 餡料的肉去了油, 吃的時候比較不膩.滷得有味道之餘不會過於太鹹太濃味灑上外面的蝦子味道超鮮, 有著蝦子的自然甘甜味道, 而且一點都不腥. 十分喜愛這裡的蝦子, 所以我會另叫一份蝦子撈麵吃吃過兩次八喜撈麵,老闆娘特意教我怎樣操作整個麵先用豬油拌勻麵條,整碗撈麵變得好香,是豬油獨特的香氣再加上壺底醬油,魚鬆,蔥跟芝

唔知點解...車品品既食評D相都好靚...講又講到咁好食，咪去試下囉~我都係點返佢既招牌野，鹵肉餃同大雜麵。鹵肉餃一食就知係自家製餃子，皮係好食既，但我覺得鹵肉餡唔係好夠味，因為鹵肉味道應該較為濃，而且有黑黑啡啡既醬油汁，但係呢個冇...有少少失望。大雜麵真係夠晒多料! 但係以車仔麵黎講，果湯底就唔多得，都係偏淡，換上腩汁湯底就完美!可能係家庭式料理，味道都會偏清淡，但應該就冇落味精(如果唔係唔會咁啖口...)，係想食清淡既時候一個不錯既選擇。

還沒有出發，已經在想怎麼寫這次二訪車品品....最為難的應該是如何為車品品定下一個界別，算是小吃類嗎？賣的確實是小吃，像車仔麵和皮蛋酸薑...但同時又有很多精心準備的菜。算是香港地道食品嗎...有些是很地道，但又些又很創新。真的搔破腦袋也想不到剛怎麼分類。不過，相信有在openrice混上一段日子的人，沒有可能不認識車品品吧。認真的回想一下，車品品是西打踏上覓食路的第一家店。應該是2005年吧，那時車品品還沒有搬到挨華街，還是在那個連十個人都坐不下的舊店。還記得第一次去吃時，在富榮花園找路時，朋友還很擔心會迷路，那次還吃了閉門羮。幾年間，吃過不知多少次，從舊店吃到新店 (上次食記：高級小吃：車品品小食 )。找了個在奧海城看完電影的晚上，便滾到車品品吃個晚餐...沒想到...一吃..吃了差不多兩個小時。從奧海城走到挨華街，花了差不多十分鐘吧...天氣酷熱...西打真的想搭的士過去。店子很小，幸好剛好有座位，不然不知要等多久。不過最可怕的是，老闆娘和店員太忙，前後等了差不多十五分鐘才有人執拾桌面和替我們寫菜。不顧得病況，西打這次的頭號目標是炸地寶魚皮...想不到...老闆娘說停賣了...那

多年前曾造訪過車品品,今次終於見到事頭肥叔叔, 跟活潑主動的事頭婆相比下肥叔叔較為沉默,酷酷外表下是很有禮的哦。本想飲車金金凍奶茶,但一日兩杯奶茶好像過份了一點,還是改飲秋梨茶好一點,秋梨茶冰凍清甜,淡淡梨香感覺很滋潤,尤其在這炎熱天氣,實在清涼不已。馳名鹵肉餃個子小小如一口餃,一口一個沒有難度。薄薄餃子皮滑溜帶點點煙韌,以五花腩打得碎碎像肉漿的做成餡料,味道甜甜的很對自己口味, 配合鹹香味十足的蝦子一同吃就將鹹甜味道平衡了,也不會有過甜或過鹹的太突兀感覺。蝦子下得一點不吝嗇,每粒餃子也佈滿蝦子,初送來時那陣蝦子味真的覺得有點臭臭, 習慣了後還覺得有點鮮香味;所用湯底較清淡,相信這能突顯鹵肉餃的味道。在碗底份量不少看似是配菜的唐生菜也不可忽視,每條燙得青翠爽脆又有菜甜味,好讚!!點菜時腹如雷鳴,也少看魯肉餃的飽肚程度,還點了蘿蔔魚肉米粉。米粉看似不多其實份量的確不少,米粉用上較幼細但未至於新竹米粉般幼,質感爽口不糊,很不錯的米粉水準。雪白魚肉就是那種粉粉的街邊魚肉,軟淋淋的沒加入蔥粒,淡淡的魚味,還可以的;蘿蔔一向是車品品首本菜式,香甜無渣如舊,發覺今次甜味沒以前般重,現在的甜味比較自