越男仔 (已結業)

/💛良心小店越男仔進駐荃灣喇~之前食過旺角分店 ,今次荃姐我黎返地頭食~就係火山燒舊址(即荃灣廣場對面) -💛招牌椰汁酸湯滑雞湯檬粉（$82）檬粉分量都夠我呢個大食妹食~湯底唔係好濃稠鍾意食濃味野的我略嫌淡左D不過配上微酸好開胃!-💛招牌手撕雞拼扎肉椰汁酸湯湯檬粉 （$72）手撕雞爽口唔會孩, 扎肉有四塊 ~湯底加上椰汁味好香～仲有配菜葱粒同芽菜, 鮮味倍增~ -💛法式芝心蝦多士（4件）跟餐價（$40）蝦多士脹卜卜,外層炸到金黄色仲有芝麻的香氣點綴多士酥脆唔會油淋淋又厚又彈牙的蝦，仲有熱溶芝士係中間，好味到震呀!!!台灣高雄啤酒節的得獎菜式並非浪得虛名！-除左荃灣,仲有旺角同沙田分店~良心小店一定要幫襯!#設加一服務費 📍越男仔(荃灣)荃灣大壩街75號地舖 (近荃灣廣場正門)📞29551003

香港越南菜百百種，但係一定要試的「越男仔」越南菜，地點好找，就係荃灣廣場對面，食完啱好行街呀，入邊座位好多，重點係菜式選擇超級多，我估好多人應該同我一樣，我都睇左餐牌好耐先做到決定，菜式選擇多，價錢又合理，重點是好好食㗎！☀️滑雞椰汁酸湯檬粉平時都是食河粉居多，今次試試檬粉、口感好彈牙，配上雞肉好嫩滑，同埋湯底酸酸地好開胃，好快食晒啦。☀️越南拉茶飲起來有啲似港式奶茶，不過茶味啱啱好冇咁重，口感滑潤茶香四溢。☀️生牛河粉生牛肉淋上熱辣辣嘅滾湯落去令到成個湯頭都有牛肉既味道，好鮮甜，河粉口感好軟滑，牛肉鮮嫩細膩，真係一流。☀️凍檸茶 茶味清爽，配上檸檬片嘅香味真係好fresh好清新呀！

荃灣最近都新開左越男仔，之前係旺角食過印象唔錯，覺得款式特別又大碗！晚餐有好多配搭，另外所有飲品跟餐都會平少少沙嗲烤牛撈檬 $62 牛肉份量都幾多，亦唔用鬆肉粉過度處理。沙嗲醬幾惹味，亦可加酸汁拌勻食！薄荷青檸梳打 跟餐價$29飲落薄荷味較為稀薄左少少3course dinner 牛+豬pho $109 套餐：無骨鳳爪沙律 +手撕雞紙米卷比較特別鳳爪顏色有點似平時飲茶果種，但味道就同泰式無疑～手撕雞好香煙燻味，配酸汁很開胃熱騰騰蕃茄湯底檬粉好濃郁，而且份量十足豬扒同豬頸肉都好入味烤牛大大塊又係好惹味，呢度醃肉調味處理唔錯仲有兩大塊生熟度剛好牛肉，鮮嫩大塊！加埋一呢餐$220 很飽足！

荃灣又有新開越南菜了身為越南野食迷既我又出動了餐廳位置方便 牆上放左好多車既相唔知店主係咪好鍾意車架呢有好多卡位 坐得幾舒服叫左一個3 course dinner $129好抵食有前菜 小食 同埋主菜前菜揀咗：無骨鳳爪沙律鳳爪入味 配上酸酸甜甜嘅沙律菜 好開胃小食揀左：手撕雞檬紙卷外皮煙靭 生菜爽脆 加埋手撕雞既嫩滑三重口感既享受😎主菜：招牌軟殼蟹配黃薑飯軟殼蟹炸得酥脆 飯味香濃唔會太乾配搭得好好👍🏼仲附送一碗上湯：要左牛骨湯牛味都幾濃另外叫左個越式生牛肉牛骨湯河 $66牛肉嫩滑 用左半肥瘦既牛肉片幼身嘅河粉煮得軟硬適中原來叫左主菜仲可以用優惠價加購小食同飲品個牛油雞翼 $29有三隻 好好食喎 有好香既牛油味😋😋😋

放假約左朋友去荃灣行街，行經荃灣大霸街75號，見到有間叫「越男仔」餐廳。門口有好多餐牌，睇見有好多款的越南美食，所以吸引我入去食。餐牌有主食，小食和特色飲品。我揀左一個沙嗲烤牛撈檬：牛肉嫩滑，加上濃郁沙嗲汁，好夾又好味。朋友揀左一個雞撕扎肉椰汁酸湯檬：手撕雞和扎肉份量不少，都好滿足，手撕雞醃得好味，加上炸蒜生洋蔥，好香和爽口，濃濃既椰子味，配上彈牙既檬粉，特別出色。一個小食，法式芝士蝦多士：蝦多士炸到金黃色，外脆內軟，上面有大量芝麻，加埋個流心芝士真係好食。整體來說：餐廳以卡位為主，坐得舒適，服務員態度好，下次會再光顧。

本身都幾鍾意越南菜 因為多湯粉麵同小食選擇呢間越男仔原本響元朗始創而家開到旺角荃灣沙田都有分店今日黎到荃灣就試下佢舖入面都算多座位咁岩未到晚飯時間唔太多人個menu都有好多選擇 今日兩個人嗌左生牛肉牛骨湯河 $66河粉份量好多 一定夠飽肚牛肉都算嫩滑 但可以再薄切一d牛骨湯味可以再濃味一d店員建議食法1:2嘅辣椒:蝦油整嘅蒜蓉整體都算唔錯招牌手撕雞拼扎肉椰汁酸湯湯檬粉 $72呢個帶有酸味嘅雞湯湯底好特別 出面都冇食過食落都幾開胃 手撕雞扎肉都入味個人都幾鍾意呢款湯底法式芝心蝦多士 $49 (跟餐價)呢個店員推介 一試有驚喜趁熱食的確好好味外面香脆裡面濃濃芝士香同彈牙嘅蝦膠食到落唔到口推介青檸梳打 $24 (跟餐價)野飲都幾大杯 味道正路 嗌左小食就想飲下野😆見到menu上面仲有唔少有d fusion 特式嘅小食 下次會再黎試下😋

呢間越南野真係可以叫做小餐廳，因為間舖真係又細又窄，不過一間餐廳最緊要D野食OK，呢間係OK嘅，不過都只係OK，而且價錢略高，所以成日見佢排長龍真係唔係好明，Anyway今日Lunch Time叫咗個無骨雞黃薑飯同埋沙嗲串燒撈檬，另外加咗個特價$11的牛油雞翼。無骨雞黃薑飯，無骨雞份量少咗D啦，又或者係黃薑飯份量多所以唔夠餸去餸飯，好彩叫咗個牛油雞翼，幫到吓忙。味道正常啦。佢個飯跟餐有湯送，唔洗加錢嘅有牛骨湯或者雞湯任揀，當然你可以加錢要其他嘅湯。沙嗲串燒撈檬改番茄湯底，沙嗲就有雞肉牛肉豬肉各一串，味道都係正正常常咁啦，串燒嘅肉質都OK的，佢個番茄湯底反而做得唔錯，幾好味。是日特價$11的牛油雞翼有兩隻，係炸嘅，老實講就係麻麻地。套餐包飲品，平均要$7X一位，心中覺得唔係好值。

見到荃灣開咗越南仔，一路都冇食過，所以決定去試吓。點知就出事啦！星期六去到唔使等位咁啱，啲位又細又窄又逼。都唔緊要嘢食好食都冇所謂嘅兩個人去食，叫咗兩個粉兩杯嘢飲，加個下多士！咖啡同個火車頭好快就到，但個咖啡係冇乜咖啡味嘅，我唔係啲咩食家，但我人生飲過嘅越南咖啡最難飲係依間個粉係常溫，嗰三件生牛肉好似都浸唔熟咁。個湯更加唔使講完全係垃圾我已經加咗佢比嘅蒜蓉同辣椒不過蝦多士OK嘅，芝士味都可以！起碼好食過坪洲嗰間。唔使點沙律醬都好好食之後另一個檬粉等咗半個鐘都唔嚟，叫啲侍應佢哋全部都係唔理你嘅，不斷咁自己喺度傾偈最後真係忍唔住大聲咁嗌佢哋佢哋先有反應，之前有個同佢講，完全都冇幫追最後叫佢唔使追啦，你幫我取消就算，都係嗰句，一取消就即刻出嚟啦所以以後都唔會再食呢間，back list

今日年初四🧧去左食晚餐，本身係琴日年初三去食嫁🙈但門口實在太多人等緊位（目測20多人，我又帶住一個小朋友同BB，等唔到咁耐🙌🏻)今日好彩我地早啲去，食緊既時候，門口已經勁多人等緊位啦👍🏻好味係值得排既🥰四年前已經係灣仔店食過，風味依然😋😋我地兩個大人，一個小朋友，一個手抱bb，一行四人，叫左以下既野主食：無骨海南雞薑黃飯🐥+牛骨湯 ：窩蛋火車頭河粉🐂小食：芝心蝦多士🧀 ：蝦餅🦐飲品：凍越式拉茶🧋 ：青檸梳打🫙芝心蝦多士🧀值得嘉許超讚 👍🏻👍🏻👍🏻👍🏻👍🏻，皮薄餡靚，薄薄一層外皮，面頭有滿滿既芝麻，中間有超邪惡流心芝士🧀，同埋好足料既蝦肉🦐，又脆又香又濃😍一定一定要食‼️‼️‼️‼️無骨海南雞薑黃飯🐥（我係鐘意食高質海南雞既食貨），雞件真係無骨，真係海南雞，唔係白切雞去骨扮海南雞😂又滑又彈牙，好重要既係唔會攝牙罅（仲要唔係雞髀位都咁正，下次試埋雞髀✌🏻）🤫薑黃飯唔係就咁加黃薑粉真係有香料煮既。窩蛋火車頭河粉🐂牛骨湯一流👍🏻窩蛋黎到食落口岩岩好變流心蛋黃😋火車頭勁足料，有牛丸，生牛肉，牛筋，牛柏葉，烤牛肉，蛋。河粉唔會一夾即散👍🏻時間岩岩好，湯底夠哂熱，掂

又到左荃灣搵美食時間見到新開左間越南🇻🇳餐廳 等我去試試味先14:30開始有下午茶 ⏩️T5 手撕雞 椰汁酸 湯檬💰48個名幾特別 第一次聽到「椰汁酸」呢樣野最愛試新野🤡既我 就係比呢三個字吸引左👻白白地既湯底 帶少少酸味 但係無椰汁味🤨🤨🤨職員教我地落兩羮蒜油+一羮辣椒🌶️味道唔錯 不過要趁熱食⏩️T9 招牌海南雞飯🐔 配 黃薑飯 💰51全部雞都無骨👍🏻廚師比左翼同一舊髀😍雞都幾嫩幾滑 黃薑飯係有料到既 唔係色素堆砌出既黃薑飯⏩️越式拉茶☕️ （熱）🔥野食上左差唔多五分鐘 先拉到出黎🙄習慣餐前 要先飲一啖野開肚既我表示😤😤😤杯野飲仲要唔夠熱😥好差.....真係好差.....食完餐飯 唔知點解有啲空虛....好似仲差咁啲野咁😢如果以下午茶既價位黎講 可以更好🫣🫢

📍越男仔(荃灣）之前火山燒執咗，而最近就見到嗰個位開咗間食越南嘢🇻🇳即刻上網睇吓d食評，原來喺旺角同沙田都有分店，而且都幾出名㗎🤩梗係要試吓la～⚠️午餐時段(11:30-17:30)有5個set，而每個set都包埋2小食+1主食+1餐湯+1餐飲🥗牙車快沙律+🐟椒鹽脆蛋魚柳(跟set)沙律有碌柚肉、雞肉絲、紫洋蔥同埋大量青瓜絲，食落好清新，亦有解膩嘅作用😌魚柳炸得金黃香脆，配埋蒜粒同蔥花一齊食，真係夠晒惹味呀～另外魚肉都唔會好乾，仍保有輕微濕潤感💕🍅牛+豬PHO紅蕃茄湯檬 (Set L E)呢個真係勁多料呀😍有生牛、烤牛、豬頸肉同豬扒，仲要每一樣都係double 分量、大大塊咁，點食得晒呀😱生牛入口即化，肉味超級濃郁，有驚喜❣️烤牛同想像中完全唔同，牛肉沾有大量香茅醬汁，味道較鹹，有d似沙嗲牛肉嘅感覺👌🏻豬頸肉肉質爽口彈牙，口感十足🥰而豬扒就帶點香茅味，厚得嚟食落又唔乾唔硬，同埋真係好大塊，食完d餸都已經飽晒😅檬粉口感爽滑彈牙，掛滿酸甜嘅蕃茄湯，再加少量青檸汁，可解去肉嘅油膩，成個感覺更清新😚🍜越式生牛肉牛骨湯河粉 $65生牛分量尚多，牛肉唔使調味就有濃郁牛味，口感嫩滑，同樣入口即化🤤湯底

咁啱經過荃灣廣場隔離嘅大壩街 見到有一間舖頭嘅招牌仲包住紅紙🧧身為八卦仔我當然唔執輸過去睇吓係咩嚟㗎啦～原來係新開嘅餐廳越男仔 👦🏻主打越南粉麵 小食🍤餐廳採用先落單後入座嘅形式 因為午市時段都幾多人 所以搞到塞住晒門口😿見到餐廳入面仲有空位 如果可以安排先入座後落單就好 因為喺門口急急腳就要落單都未睇清楚Menu有咩🥹🔹自選湯粉 豬頸肉 雞翼 椰汁酸湯檬🥥見越南仔最出名嘅就係招牌椰汁酸湯🤙🏻黎到見到奶白色嘅湯底檬粉份量一啲都唔少豬頸肉有四至五塊 雞翼有兩隻🐥豬頸肉同雞翼不過不失 冇咩特別～不過椰汁酸湯真係好出色 按照枱面嗰個配方🤤個湯真係非常之開胃同惹味 不過略嫌整體偏酸 椰汁味唔係好出 但係跟佢個配方落真係勁好食！🤣一匙紫天椒 兩匙蒜蓉🤤🤤🤤食完就知甘香！好重口味 又有少少辣 🌶🔹凍飲+$3不過整體以午餐來講價錢偏貴 叫咗兩餸 大概$80埋單！