越男仔 (已結業)

放假約左朋友去荃灣行街，行經荃灣大霸街75號，見到有間叫「越男仔」餐廳。門口有好多餐牌，睇見有好多款的越南美食，所以吸引我入去食。餐牌有主食，小食和特色飲品。我揀左一個沙嗲烤牛撈檬：牛肉嫩滑，加上濃郁沙嗲汁，好夾又好味。朋友揀左一個雞撕扎肉椰汁酸湯檬：手撕雞和扎肉份量不少，都好滿足，手撕雞醃得好味，加上炸蒜生洋蔥，好香和爽口，濃濃既椰子味，配上彈牙既檬粉，特別出色。一個小食，法式芝士蝦多士：蝦多士炸到金黃色，外脆內軟，上面有大量芝麻，加埋個流心芝士真係好食。整體來說：餐廳以卡位為主，坐得舒適，服務員態度好，下次會再光顧。