越味皇 (已結業)

今晚約咗男朋友食飯，喺荃灣行開街都唔知去邊度食好，咁岩經過左間食越南野，咁岩又想食下啲酸野，所以就入咗去試吓啦。鋪頭唔係好大，大概坐到20張枱左右，但係都幾多人食，好彩我哋黎度時啱啱坐最後一張枱，如果唔係都要等位。佢哋嘅套餐都幾抵食，二人套餐會有兩碗粉面，有一個春卷或者份卷，一個生菜同兩份甜品，而我哋都想食下肉丸，所以我哋就叫左＄228嘅二人套餐。雞翼撈蒙，四隻雞翼算係幾多，再加埋啲配菜其實都幾大碗，佢啲雞翼好入味，新鮮炸起好香脆。炸肉丸，肉丸比較濃味少少，可能越南人都比較偏向鍾意食一啲濃味嘅食物。炸蝦餅，新鮮炸起好香脆，仲有係每啖都有蝦味，配埋個甜酸醬，唔覺唔覺好快就食晒成碟。

Went when they were doing soft opening but it's alresdy packed with hungry customers! They providr speedy service and the staffs know their menu well so I ended up order all the suggestions. Everything is delicious except the soft crab rolls is a bit off.

呢間鋪頭由開張至今已經幫襯左不少於三次, 食物美味價廉, 餐廳寬敞具特色, 係歇腳醫肚好地方。值得一讚係湯頭清甜, 餐後不覺口渴。但今次10月7日下午於越味皇午膳的經驗令我地非常失望, 亦不考慮再次光顧。事緣我地叫左杯 凍滴漏咖啡, 亦想再加多一次熱水, 用舊有的咖啡渣沖多次熱水, 令味道淡啲同份量多啲 (我地去其他越南餐廳都會有咁既習慣), 於是向侍應招手, 提出訴求。侍應一口答應, 遂將咖啡滴壺連杯領回身後的水吧 。 隔左一陣, 那位侍應取出一杯滾燙的熱水, 而滴壺卻不翼而飛, 表情尷尬。詢問之下, 他說「水吧同事不小心將咖啡滴壺掉了...」(當然咖啡渣滓也隨之丟了)。我們心裡當然失望, 但亦希望餐廳可以補回咖啡滴壺, 可惜向經理解釋後且一再詢問, 換得的回覆是:「我地越南咖啡只會沖一次, 唔會沖第二次。」, 答覆何其九唔答八。我地當堂咋舌, 諗唔到餐廳的錯失可以用呢個回覆將責任推得一乾二淨。20元一杯滴漏咖啡不是什麼大數目, 不過本想在周末好好吃午餐卻換黎一肚氣真係唔好受。我再重申餐廳食物質素真係唔錯, 但今次經理的服務態度真係令人好失望。 

荃灣越味皇越南美食專門店位於路德圍12號(即福來邨對面)，交通算方便，並以售越南式美食特餐為主，都具越南例牌特色，好少越南餐廳能做到，我食過便愛上佢。食香茅牛肉飯時，牛肉煮得鮮甜又有香茅味，肉質嫩滑容易入口惹味，並配以紅白蘿蔔絲、蔥菜、越式乾糧粒及蕃茄塊，再加上豉油汁淋落飯餸上，吃落真是自然番尋味得多。仲叫了香燒珍寶庶蝦，蝦肉好鮮味.... 餐牌仲有好多食品，飲了支可樂後，才發覺有好多特式越南飲品或大杯裝凍檸茶，下次一定再來食過。

我好喜歡食越南檬粉，一直只去一兩間食店在屯門，今晚竟然行開荃灣見到有間店好有越南風味廳餐叫 "越味皇", 見佢等位同下單都電子化，店員又落力推介食物，真係要入去試試。叫左三寶撈檬（雞翼，豬扒，扎肉）， 當倒滿檬水時，燒雞翼好香口，雞翼是脆口果種。之後豬扒燒得好有豬扒香又無肥肉，真好奇點樣能做到有越南風味的豬扒。扎肉是幾片好快食了，湯底的撈檬，好開胃又有少少檬味。叫了個特飲，牛油果沙冰，牛油果熔於沙冰裡，飲起來好有牛油果味又有少少奶式香。食完呢餐好滿意，佢能夠做到有水準的食物，下次一定要再來食過。

 牛油果軟殼蟹米紙卷 行行下餓餓地想食D越南野,之前朋友推介一間荃灣既越味皇, 特別推介頂級生牛肉湯河, 當然先飲湯頭, 牛味非常重, 味道濃郁得黎無味精,湯河大碗到可以兩個人分享 好足料!! 這碗有心製作的湯河絕對值！ 牛油果軟殼蟹米紙卷, 第一次食軟殼蟹黎整米紙卷,原來都幾MATCH, 牛油果同軟殼蟹帶黎好清新既口感,做前菜真係一流呀!牛油蒜蓉雞翼  呢個真係超超超好味, 呢個真係超超超好味,呢個真係超超超好味, 重要事項要講3次!!!!蒜蓉勁多,所以好香蒜蓉味, 雞翼又炸到岩岩好,好滑好好食,蝦頭膏湯濛酸酸鹹鹹咁, 好開胃,飲品都好多選擇,正正常常都幾好飲, 同埋好大杯我叫左青檸SODA,好醒胃!!!好好味朋友叫左珍多冰~~我飲左啖都覺得好香好好飲!!充滿左椰子味!!!正!!

今次試左呢間係荃灣既街坊越南菜，非常唔錯，值得推薦~ 拼盤，首先牛肉串燒好啱鍾意啖啖肉既你😛燒得好平均，如果你係鍾意有嚼勁既牛肉，黎同朋友叫依個拼盤果時記得快啲搶左啲牛肉串燒，口感好特別，但放心，有嚼勁唔係因為牛肉燒得老。另外，我地都試左拼盤入面既無骨鳳爪，初頭驚會好辣，試落原來個鳳爪係酸酸甜甜，微辣，食完都幾開胃~蒜香牛油雞翼，雞翼入口蒜香味重，牛油味略嫌不足，但雞翼煮得恰到好處，是可以一食再食之選~薄荷青檸梳打，綠油油的飲品非常鮮豔，這是我的第一感覺。入口氣泡很充足，很暢快。吞下去時，薄荷味才慢慢浮現，算是一杯相當特別的飲品，美中不足之處是薄荷葉太多，影響飲管吸吮~

今次同朋友二人黎食，就叫左個二人套餐($228，包兩款自選湯飯/飯，兩個小食同兩個飲品)，價錢方面都算合理。生牛肉湯飯平日食開生牛肉湯河，啲牛肉都會放係河粉上面，可以清楚睇到牛肉既生熟度，呢度就分開左裝，所以牛肉就已經係上菜過程中比湯汁淥熟哂。不過好彩啲牛肉係煮得啱啱好，口感適中，唔硬亦唔會太鬆，味道方面就冇乜大驚喜，不過不失。香茅豬頸肉湯飯豬頸肉本身炸得幾好，又肥瘦適中，口感唔錯。加上面頭鋪上咗炸蒜同埋香蔥，食落去更加香，唔錯。越式炸蝦餅與坊間不同的是，蝦餅有配上蔥油，增添香味。蝦餅入口相當彈牙，搭配醬汁後味道更佳。炭燒肉丸本身預期口感比較實，冇諗過竟然係鬆軟口感，出乎意料，不過食落去有少少油膩感。叫咗個椰青水，好甜嗰晚黎食飯，眼見都有好多人黎開餐，相信係附近街坊嘅開飯勝地。

衆所周知路德圍是荃灣美食的集中地👣，最近連越南菜也加入戰團，我對越南菜沒有特別的偏好，但作為吃貨的我，什麼菜式也來者不拒，在這偶然一試竟覺得"越"食愈滋味😌越味皇都是跟附近一帶食肆一樣，鋪頭細細，座位數目不多，但人流卻很旺👥餐廳環境很有心思，呈現一種越南的悠閒風，抬頭看到越南傳統的斗笠作天花裝置，牆身掛上攀滕植物，還有越南的特色交通工具 -單車懸掛在上面，令我不自然地想起無綫的電視劇<<單戀雙城>>中在馬來西亞取景的壁畫牆，甚有意思呢😬每張枱都備有紙巾，越南菜必有的魚露同惹味的是拉差辣椒醬♨沒有點生牛肉湯粉或撈檬等招牌菜色，反而選了越式咖喱牛腩煲配法包(加$15 轉蒜蓉牛油法包)咖喱味濃郁且帶甜，牛腩份量不少，有牛腩肉跟軟筋，炆得軟腍，點配麵包跟飯最適合不過👳蒜蓉法包即叫即烘，超香蒜蓉味👅，超級脆卜卜點配咖喱牛腩很夾，4片不夠喉😣這個越式芋絲炸蝦豬肉丸，豬肉丸有蝦肉，增加左爽彈的口感，用芋頭切成絲包裹著成粒豬肉丸，邪惡好吃，點埋泰式酸甜醬更是滋味😈小食之中我推薦 越味皇牛油蒜蓉雞翼，亦是餐牌上最推薦的，有👍👍👍，可以選擇4隻或8隻！雞翼隻隻都很飽滿，由於

總有時侯食中菜嫌油膩，西餐食扒太heavy，食salad又dry (難捉摸的女人🤦🏻‍♀️)食碗越南河粉係個好選擇，生牛肉好正，湯底又清甜。最鐘意食河粉，屬於幼河粉，食哂成碗😍加個酸辣鳳爪夠哂惹味唔dry喇掛！唔會太辣，$48算抵食 牛油蒜蓉雞翼$40有4隻，少少貴。蒜蓉非常香，但我覺得油左少少，下次會選擇返香茅雞翼。飯品方面，極度推薦滴滴咖啡😍唔飲咖啡既我都覺得好好飲👍🏻荃灣真係有好好好多野食🤤🤤🤤

同個friend喺荃灣做完gym，做完運動梗係肚餓搵嘢食最近知道有一間越南餐廳幾抵食而且有好多選擇，咁個friend OK就一於去試吓我哋叫咗個柚子鮮蝦沙律醒醒胃先，酸酸辣辣配柚子非常清新開胃，蝦尚算OK 越味皇炸春卷食法有兩種，一種就咁點雞醬食鬆脆香口，另一種食法係我幾鍾意嘅佢可以包住生菜食感覺上冇咁油膩大大份兩個人都夠食越味皇頂級生牛肉湯河，佢裏面嘅生牛肉非常足料而且個湯有陣藥材味真係好香濃唔怪得知佢喺呢度嘅王牌，仲有我鍾意嘅辣椒絲加埋落去勁惹味我仲叫侍應攞多啲俾我添越南咖喱配法包，咖喱好夠味牛腩都好入味仲好淋添，而法包配咖喱真都幾好食椰青水都好夠凍同平時飲開嘅都一樣牛油果沙冰不得不讚香濃嘅牛油果香味飲落去個口感好濃郁，雖然話沙冰但係唔會太凍太多冰溝淡左牛油果嘅香味呢間越式餐廳平民價得黎好食，下次做完運動都要來再食過

前幾日收到一張越味皇既傳單 見好耐冇食過越南野 一於同家姐去試一試👭 餐廳環境唔算好 我見得餐廳既前身係一間茶餐廳🍵 所以佢既間隔都維持茶餐廳格局🤔 不過都裝修得幾有越式風味🚩去食個晚可能撞正平日又係六點幾既時間 所以就唔算好多人😬入座之後我地因為太肚餓就好快咁落單 首先嗌咗個越味皇火車頭湯河($68)☺️ 入面有齊好多我地想試既材料 包括生牛肉 牛腩片 牛筋牛丸同牛柏葉🤤 不得不讚一讚佢嘅份量都算幾多👍🏻 每樣材料都有至少兩三件 而牛柏葉幾爽口 而生牛肉既肉質幾嫩滑🐮 牛丸都算彈牙🤘🏻小食個度我地簡咗三五知己咪紙卷拼盤($72) 主要原因係因為平日好少會食到米紙卷😚 加上哩個拼盤又有齊唔同種類嘅紙卷可以試下 三款米紙卷當中我最鍾意食嘅係鮮蝦卷🦐 因為鮮蝦卷入面既鮮蝦夠哂爽口彈牙 而且佢既鮮味同蔬菜既配搭係幾清新🌱🌿 而田園素菜卷就會比較岩素食人士食 食落感覺好健康入面全部包住滿滿既蔬菜🥒 而哩個價錢同款式黎講我覺得係值得試🙆🏻家姐見到隔離枱有份庶蝦 大大隻忍唔住就叫我同佢一齊試左兩支😋 庶蝦外表真係無得輸話名叫香燒珍寶蔗蝦 當然佢嘅份量真係夠哂大隻🤣 不過侍應都提一提我地因為製作需時所

要到荃灣維修錶，順道約友人晚餐。路德圍有很多食店，友人較喜歡食越南菜，看見這間店內的環境，很有越式風味，而且看了餐牌價錢亦頗合理，便入內晚餐。見到餐牌這樣介紹非常吸引，所以毫不考慮點了這個。飲品亦很吸引......友人太肚餓關係，所以我們點了兩碗「越味皇頂級生牛肉湯粉」、「越味皇軟殼蟹牛油果米紙卷」、「越式炸蝦餅」、「越式牛油果沙冰」和「椰青水沙冰」。再看清楚餐牌，發現我們揀選的菜及飲品都有 "" 推介，很期待呢！越味皇頂級生牛肉湯粉，其實亦有普通的生牛肉湯粉，兩者價錢相差 $26，見這款是招牌菜，當然食這個。牛肉肉質嫩滑，湯底用牛骨熬製，再配上香茅葉，令湯的味道更濃郁。越味皇軟殼蟹牛油果米紙卷，原本想食炸軟殼蟹，見到這個可食到米紙卷，便選了這個，這樣便可以再選另一款小食。米紙卷皮薄，軟殼蟹鬆脆，不油膩，再配上牛油果及一些蔬菜，味道清新，口感豐富。沒有點炸軟殼蟹，點了這碟越式炸蝦餅。外表平平無奇，以為不太炸及不夠入味。怎知一食，簡直喜出望外！蝦餅炸得很鬆脆，有蝦味，而且肉質很爽滑，味道適中，不似賣相般淡而無味，相反非常入味，好味！友人點了牛油果沙冰，香滑、頗甜。椰青水沙冰，用椰青水加糖

平時食開越南野，多數都係去啲大型連鎖店食，食嚟食去都係食嗰幾味，今次經過朋友介紹下，特登過嚟荃灣嘅路德圍試吓呢間月味皇。可能星期五嘅關係，去到門口時都見到入邊已經坐滿晒人，好彩都仲有一張枱，所以我哋唔使等位直接入去。成間鋪頭嘅裝修好新，好光猛，天花板掛滿左好多越式既裝飾，好特別。佢哋有好多種唔同嘅優惠套餐，但係因為我哋食唔到好多，所以我哋就散叫。叫咗個豬扒撈檬，份量都唔算話好大，如果我自己一個人其實都食得晒，佢其實都幾多配菜，有生菜、青瓜、蕃茄、仲有酸蘿蔔絲，撈埋一齊食好開胃。而佢嘅豬扒都好大塊同好厚，40幾蚊一個撈檬，算係幾抵。越式炸蝦餅，咬落去都幾彈牙，同埋佢啲蝦餅唔係淨係得個咸字，食落去都有好香嘅蝦味，佢新鮮炸完拎上黎食，好好食。炭燒肉丸，應該係豬肉打成，啲肉又唔會太硬，又唔會太淋，不錯！呢度有得飲珍多冰，好夠椰香，同埋都幾大杯，再加埋一條條嘅嘢食（其實我唔係好知嗰啲叫乜嘢，哈哈）好過癮，其實我今次係第二次飲，同我之前飲嘅都係一樣，不過佢呢杯唔係好甜， 啱晒我。

係路德圍搵食的確比較難，因為選擇多，行左兩個圏，最後揀左越南野食。而且時間尚早，所以仲係下午茶時間，好抵食。生牛肉湯河 $38味道普通，沒有特別香茅牛肉撈檬 $40很香囗惹味，不過份量比較少小食有酸辣鳳爪和香茅雞翼，雞翼唔夠香茅味，而酸辣鳳爪就很夠酸辣味。