越味皇 (已結業)

天氣熱成日都想食越泰菜 今次試下路德圍新開嗰間越南野 點知中哂伏#越式芋合鮮菠蘿蝦酸湯配飯 $68 😋:3/10成差唔多$70個飯呢個質素真係唔掂 首先啲蝦霉既 一啲都唔新鮮 見到佢預先劏開左隻蝦以為已經挑左條腸啦 點知冇既 個湯除左酸基本上冇鮮味 幾粒菠蘿+芋合+堆芽菜蕃茄就$68# 牛油果沙冰 $32 （跟餐-$10）😋: 4/10.牛油果沙冰其實叫牛油果奶昔會比較貼切 叫左少甜 一入口覺得唔錯 但個after taste好怪 苦的 之後店員話可能少甜影響左個味道 換左杯正常既 好明顯落多左好多糖同奶 但嗰隻苦味依然存在#越味皇火車頭湯河 $68 😋:5/10唔算難食既 但真係好普通 一上枱啲生牛肉已經熟哂 變得好韌#越式扎肉蒸腸粉 $10 😋：7/10呢個係新張優惠滿$60可以加$10既小食 全餐飯呢個最好食 腸粉加堆蔥油同魚露 煙韌口感 不錯吃總結真心差過越棧 連like fb/ig既甜品都冇食就去第2間食喇 不過公道啲講呢度既service好好 店員好有禮貌 不過我都唔會再返黎啦🤦🏽‍♀️🤦🏽‍♀️🤦🏽‍♀️

荃灣一向好多餐廳選擇 當中有唔少都價廉物美夏天好岩食東南亞類美食 所以琴日放左工 就同熊大去試下呢間越南餐廳～一入去 覺得裝飾都幾有心思 餐廳都好闊落 老闆仲比左卡位我地～同熊大睇完一輪 見二人餐有粉面 兩個小食 甜品同埋野飲 二話不說叫左 二人餐B 粉面可以任揀$50以下既 我揀左生熟牛肉湯河 材料唔錯 仲好足料！河粉多到食唔曬～熊大就揀左三寶撈檬～ 都幾滿意 不過覺得雞翼可以再脆身d至於小食 比粉面更驚喜！首先比想像中多份量 而且質素都唔錯～抵過散叫好多😆炭燒肉丸上台時仲係熱辣辣 而且幾大粒食得出係新鮮豬肉打出黎 唔係普通果隻肉丸 好評！兔兔本來就中意食蝦類食物 對炸蝦餅都幾滿意 最開心都係熱辣辣就上菜～👍🏻野飲除左幾款特飲 其他都係套餐包埋既同熊大都揀左椰汁鴛鴦豆冰😙紅豆綠豆加埋一齊 好有口感 椰汁味都好夠～不得不提係店員服務態度都唔錯👍🏻見我地食主菜食得七七八八 主動過黎問使唔使上埋甜品 語氣都好熱情同友善～我同熊大以為甜品會係糕點類 黎到都好surprised!係椰汁糯米類既甜品 暖暖地 又幾香糯米味～跟餐甜品既水準黎講 已經好好！咁多野食 埋單都係200幾 而且我地都食到好

好耐無食過越南菜 最近我同小胖男友係荃灣食到一間非連鎖店既越南餐廳星期五既晚上都幾多人等位 坐定定後望見天花下既傳統越南帽 配合燈泡 好有特色食東南亞菜色又點少得代表性既魚露同是拉差辣醬?睇餐牌 各樣傳統越南小食都好吸引 樣樣都想食所以把心一橫 兩個人share一碗火車頭湯河 然後喪叫小食火車頭河其實即係牛牛大匯集 一碗河粉有齊生牛肉, 牛腩, 牛根, 牛栢葉,仲有牛丸 小食方便 第一樣係小妹食越南菜必點既牛油雞翼雖然睇落賣相好似有點欠奉 但炸得香脆 合格牛油果軟殼蟹米紙卷 好健康清新既一道菜 配魚露食最夾珍寶蔗蝦 呢個好好食 推介第一次食咁巨型既蔗蝦 外層既蝦膠 蝦味濃郁彈牙 而內裡既竹蔗甘甜多汁 食左咁大條都唔夠喉 當然 我同小胖男友當然唔會被俱俱幾款小食就滿足到 終極大佬係其中一款小食拼盤有齊越南春卷,魚餅,粉卷,同豬肉蝦片 每樣都係越南菜出名既小食食完咁多香口熱氣既小食 最後飲返個清涼既椰青同fresh到爆既牛油果沙冰 就唔怕熱氣啦杯沙冰實在好牛油果好creamy

第一次來食呢一間荃灣嘅越南野，你入去覺得個裝修好modern,天花板仲掛咗好多頂越南特色三角國帽，好有特色！一睇個餐牌，花多眼亂，估唔到有咁多種類嘅食物。仲要免＋1。 立即食慾大增！柚子鮮蝦沙律$58柚子沙律嘅柚子十分新鮮，一啲都唔酸，呢一道前菜非常醒胃，鮮蝦唔係完隻，不過不失，尚算不俗。軟殻蟹牛油果米紙卷$62呢一樣小食相對較為失色，因為各樣材料嘅分布唔太平均，同埋米紙略嫌有點厚， 所以影響了口感。香燒珍寶蔗蝦兩支$62雖然已經好飽，但係我哋都忍唔住想試吓地下越味皇頂級生牛肉湯粉$68記得餐牌中有最少有兩個不同嘅生牛肉粉，二我哋揀咗頂級。味道不過不失沒有太大的驚喜。不過分量取勝。牛油蒜蓉雞翼$40雞翼上檯嘅時候，真係好驚喜，因為已經係即叫即炸一口好香脆大有牛油味不過略嫌蒜蓉味不足泰國椰青$20 牛油果沙冰$22今次係第二次飲牛油果沙冰，沙就同牛油果打溶至融為一體，入口軟滑，而且味道不太甜！最後想講服務，店員好醒目亦都好勤快，呢餐性價比高 ！

去食越南野除左有撈檬粉之外！原來仲有唔少正野既！今次叫左個椰青扣肉飯真係好正啊！依個椰青扣肉飯真係好好食！有少少似馬拉肉骨茶咁！不過依個個湯汁勁正！有種超香的香茅味！香茅味再加上少少滷汁味！仲有椰青既香味混左係入面！真係好正啊！個扣肉雖然睇落好肥！但一d都唔會膩！好入味好好食！個雞蛋同樣超入味！好食！仲有叫左個小食拼盤！有哂四種小食！春卷炸得超脆！點埋酸辣醬食好正！蒸粉卷有d似蒸腸粉！不過個皮厚d!有黑椒味辣辣地！炸扎肉都幾好食！最正係豬肉蝦片！蝦片勁脆再加埋粒粒豬肉！再加埋蔥油香！仲有益力多疏打！自由溝下尬幾好飲！

放工後同男友落左去荃灣試下呢間野，夜晚十點幾都仲有好多客大概九成滿啦。 研究食乜時，發覺都幾貴下，但見佢有甘多正評又甘多人應該都唔會差得去邊既。 食完真係覺得有D失望，價錢又偏高。最後總結係:可一，不可再

荃灣多野食就係人都知，今日專程同朋友過黎呢一帶食野，除咗掃左好多小食之外，仲試左呢間越式餐廳，而且menu都有幾多小食，估吾到我地叫左柚子鮮蝦沙律，牛油蒜容雞翼，軟殼蟹牛油果米紙卷，雞絲扎肉湯河同香茅豬頸肉湯飯！而飲品就叫左青檸梳打，椰汁紅豆冰，好期待！先黎既係小食，柚子鮮蝦沙律同牛油蒜容雞翼，冇諗過個沙律會咁新鮮，加上柚子味清新，所以非常之開胃！而雞翼蒜蓉味幾重好惹味，而且外皮炸得好香脆，裏面嘅雞肉非常滑嫩，唔錯！至於個軟殼蟹牛油果米紙卷，更加令我驚訝，平時喺其他菜式都食吾到！個米紙卷唔單止有軟殼蟹嘅鬆脆口感，加上牛油果既潤滑，兩種配搭相當特別，而且口感豐富，真係幾值得一試，而且份量唔少，都幾飽架主食方面，雞絲扎肉湯河同我想像差不多味道，確實唔錯但冇咩特別驚喜之處，不過個湯底都相當鮮甜，而且唔會好鹹好淡，適中！而香茅豬頸肉湯飯一開始係湯同飯分開，比客人自己去倒落個湯入面，豬頸肉亦都唔會好硬，整個賣相都幾好，而且食完呢個真係好飽，個肚都撐開哂飲品方面，青檸梳打同椰汁紅豆冰都不過不失，唔會好甜，而且冰冰涼涼配埋嘢食係一大享受！整體來講，呢間店都真係幾好，而且價錢非常合理，公道，好高cp值

打風冇mood買餸煮飯，於是去食尼間想試好耐係路德圍嘅越南餐廳三個人叫左一個小食同兩個飯同一個湯檬，分別係：扎肉蒸粉包，咖哩牛腩飯，香茅豬肉飯，雞絲湯檬粉。粉包即叫即蒸好新鮮內有木耳冬菇幾有咬口又唔太膩扎肉爽口又唔會好咸牛腩炆得好淋好入味咖哩汁撈飯超正好野味豬肉香茅味重而且唔un不過本人唔太like香茅所以浸左豬肉落魚露到食哈哈出奇地好味雞絲湯檬食得出零味精值得一讚檬粉望落似米粉但食落又唔係米粉喎唔使加一而且價錢親民非常之合我心意，份量雖然唔算好多但勝在味道出眾又冇味精會再幫親下次試下lunch set同撈檬

食左越南野食，貓貓開心唷。貓貓發現呢間越南餐廳好多越南野食，就讓貓貓既星期五夜晚變做東南亞之快樂星期五啦！貓貓order左咖喱牛腩配法包。真咖喱香味好濃，貓貓聞到都興奮。咖喱好夠味，咖喱入曬牛腩，食左件牛腩，牛腩口感仍然爽口同埋軟。咬牛肉既時候，咖喱汁滲出黎，呢個感覺好邪惡。法包烘得脆，點咖喱食好惹味。貓貓濕左個嘴。貓貓既烤豬頸肉。食過之中算最好食既豬頸肉。同泰國豬頸肉唔同。烤得唔乾，豬頸肉維持到個彈性，而且味道濃，炸蒜同蔥更加提升左豬頸肉味道，讚喔！貓貓既蓮子薏米冰勁多蓮子囉。好香蓮子味。第一次飲，原來薏米冰加左蓮子個味道更加清香，好消暑。猫猫的星期五夜晚食左餐好既，猫猫开心但猫猫不说。

最近lunch來路德圍搵食，發現新開一間越南菜，最近越南菜式似乎在香港興起，不斷有新店開，同事見到這間環境幾好，又剛巧不用等位有卡位，就試試吧。坐下來先留意到，有別於其他越菜餐廳，這裡的裝修好認真，天花上有像越南帽子的裝飾，牆上像是扇頁窗，未曾到過越南，彷彿也感受到當地的風情。蝦頭膏湯濛$48湯呈深橙色，很濃，試一口，先酸後鹹，味道較重，似是用來沾吃而不是能喝的湯，配料的蝦隻幾爽口，扎肉軟身，及有些像蝦膏的東西。火車頭湯河$68我較喜愛這款湯粉，它湯頭較清，有牛骨、牛肉、藥材、香茅等味道，配料有：牛肉、牛腩片、牛筋、牛丸、牛柏葉，牛肉仍有點粉紅色，對我來說未夠生，但仍肉嫩，其餘材料表現也不錯。炸春卷$48四條春卷剪半，總共有八件，幾大份抵食，以新鮮爽脆的生菜，包著蘸了酸甜醬汁的春卷，春卷外皮有煙靭感，夾起來有神奇作用，令平凡的春卷加分不少。牛油蒜蓉雞翼$40肥大飽滿的雞翼，外層炸得薄脆，充滿蒜香，雞翼卻很滑溜保留肉汁。軟殻蟹牛油果米紙卷$62越南菜的必食名物，煙靭的米紙卷包著檬粉、生菜、青瓜絲、軟殻蟹、九層塔，口感豐富，蔬菜減低了炸物的油膩，軟殻蟹炸得脆身，牛油果軟滑富果仁香，蘸酸甜汁

夏天熱辣辣最好就係食開胃野，今晚決定食越式野，朋友就介紹佢成日幫襯呢間，估唔到7點零鐘已經要排隊。餐前先食米紙卷醒一醒胃先，叫左越味牛油果軟殼蟹米紙卷，賣相靚仔相當飽滿，裡面除左軟殼蟹同牛油果，仲充滿新鮮既蔬菜，食落相當健康呀。軟殼蟹香脆可口，蟹味甜之餘完全無腥味，牛油果就充斥油香味仲有滑滑既口感，仲有唔少蔬菜令咬落非常清爽，係開胃之選。跟住有越式蘇炸芋絲肉丸，新鮮炸出黎賣相已經吸引，口感非常特別，芋絲一條條好脆口，包住裡面既豬肉丸仲有唔少肉汁，高溫將肉丸汁鎖起，加上點埋泰式醬味道真係夾得perfect池。主角當然係越式生牛肉湯河，擺上餐桌度生牛肉仲有見紅，相當新鮮。生牛肉脂肪比例唔錯，食落口感滑滑，係正既。湯底同湯河夾雜住青檸同辣椒既香味，河粉又夠質感滑，相信由於廚師選料要求夠高。

每次想吃越南料理就會想起''越味皇''，價錢合理，服務很好，所以雖然是新開餐廳但已到訪了數次舒服的裝修，坐位也很寬敞發現menu新加了一些二人和四人的優惠套餐 方便有選擇困難症的朋友。因為想吃多點小食就選擇散叫，這是''三五知己米紙卷拼盤''，有田園素菜、軟殼蟹卷和鮮蝦卷三種款式米紙卷口感特別，厚薄適中的米紙柔軟有彈性，包著清新的蔬菜饀料，色彩繽紛，配合酸甜醬汁真的令人食慾大增！另一道小菜是 "越式芋絲炸蝦豬肉丸" 新鮮起鍋的芋絲炸到金黃酥脆，但絲毫沒有油膩感，非常好吃最後點了個主吃 share，這是"越式三寶撈檬"，有雞翼豬朳扎肉，好足料飲品非常推薦點這個很特別的"牛油果沙冰"！不是很多越南餐廳有提供這個，所以每次來這裡一定會點來喝，滿滿牛油果香非常香滑creamy必試！同行友人點了"越式滴漏咖啡"，很正宗！餐廳在咖啡杯內放上煉乳，咖啡通過越南咖啡濾壺的開孔慢慢滴下友人說咖啡味很甘香很濃郁最後店員說like and share 餐廳的 facebook post有甜品 "斑蘭糯米椰汁" 送 甜度適中，軟滑好吃呢

越式美味@荃灣抬頭掛滿越南斗笠，充滿越南味先嗌咗椰青同益力多沙冰飲下，夠哂解渴沙冰同梳打都有好幾個口味前菜叫咗個柚子鮮蝦沙律開下胃先柚子大大嚿味道清甜米紙卷包得札實，唔會一夾就散點啲酸汁清清哋幾好食跟住就到熱氣嘢嘅時間喇 😂牛油蒜蓉雞翼邪惡得嚟勁好食雞翼大大隻，香脆肉嫩炸得嚟啲肉好滑，早知叫夠 8 隻啦 🤣（有得叫 4 隻或者 8 隻）芋絲炸蝦豬肉丸係圓碌碌，外型幾 cutie外面係芋絲，入面係有芋頭肉同肉丸咖哩牛腩湯粉咖哩味道濃郁都有唔少牛腩薯仔入哂味都好好食like 同 share 佢哋個 facebook 有甜品送 😂啲綠色係斑蘭味，仲有粒粒栗米細細碗做飯後甜點就啱哂～

今日去荃灣同朋友行街，之後佢話路德圍新開左間越南菜，好平好吸引，所以今晚我地就決定去試下啦多款越南菜，價錢真係好平仲有多人套餐，不過我地最後都決定散叫三五知己米紙卷拼盤，當中係包括田園蔬菜，軟殼蟹同鮮蝦，每款各三件，一次過可以試三種口味我至愛鮮蝦款，每件都有大大隻鮮蝦，超正越式炸蝦餅，蝦餅好彈牙配上酸辣醬一齊食超好味推介牛油蒜蓉雞翼，超大隻雞翼，即叫即炸！每啖都食到牛油味同蒜蓉粒咖哩牛腩飯，好香咖喱味，而且味道不太辣，小朋友都岩食加$10既腸粉，配料有扎肉，生菜，芽菜同紅蘿白份量都好大份，$10簡直係超抵益力多沙冰，益力多味好濃，唔會因爲係沙冰而變淡椰青水沙冰，平時椰青就飲得多，椰青水沙冰真係第一次飲椰青水好鮮甜，消暑解渴Facebook讚好會送甜品呢間餐廳真係好抵食，兩個人埋單都係二百幾，食物又好味，下次去荃灣要再食過

餐廳裝修好靚，明亮舒適，天花掛左好多越南帽，好靚。蝦頭糕湯檬粉湯底好正，有濃郁既蝦味，啖啖都好香濃。配料有扎肉片、蝦、肉碎同大量蔬菜，十分足料。整體都係高質，個湯底配合哂所有配料，好食。牛油雞翼雞翼炸得好香脆，唔會過份油膩，有陣陣牛油香味，再加上蒜末，單單係外層，已經十分美味。入面既雞翼熱熱地散發香茅等香料既味道，雞肉保持到水份，唔會炸到乾哂。軟殻蟹牛油果米紙卷米紙卷比其他餐廳大件，一咬落去就食到米紙既煙韌同香菜既清新，之後仲有好軟滑既牛油果同香脆既軟殻蟹，好食。龍眼冰有好多粒龍眼肉，甜度適中，好飲。