越味皇 (已結業)

今次同朋友二人黎食，就叫左個二人套餐($228，包兩款自選湯飯/飯，兩個小食同兩個飲品)，價錢方面都算合理。生牛肉湯飯平日食開生牛肉湯河，啲牛肉都會放係河粉上面，可以清楚睇到牛肉既生熟度，呢度就分開左裝，所以牛肉就已經係上菜過程中比湯汁淥熟哂。不過好彩啲牛肉係煮得啱啱好，口感適中，唔硬亦唔會太鬆，味道方面就冇乜大驚喜，不過不失。香茅豬頸肉湯飯豬頸肉本身炸得幾好，又肥瘦適中，口感唔錯。加上面頭鋪上咗炸蒜同埋香蔥，食落去更加香，唔錯。越式炸蝦餅與坊間不同的是，蝦餅有配上蔥油，增添香味。蝦餅入口相當彈牙，搭配醬汁後味道更佳。炭燒肉丸本身預期口感比較實，冇諗過竟然係鬆軟口感，出乎意料，不過食落去有少少油膩感。叫咗個椰青水，好甜嗰晚黎食飯，眼見都有好多人黎開餐，相信係附近街坊嘅開飯勝地。