越味皇 (已結業)

路德圍出名多野食！米線都有好多選擇！今晚揀間特別啲既黎食！入到鋪頭，環境好舒服，燈光柔和，好有越南既感覺！坐位有足夠空間！生牛肉河，唔好睇佢細細碗，但好有好多粉，牛肉亦好多，湯頭鮮甜，無味精味，加上生洋蔥及牙菜，有唔同層次味！蝦餅撈檬，蝦餅即叫即炸，熱辣辣，彈牙，爽口，佢既配菜亦好多，青瓜絲，酸蘿蔔，生菜，炸蔥，加上佢既醬汁！好夾，口感亦好豐富，撈檬係我既最愛！扎肉蒸粉卷，叫呢個有少少冒險，因為唔係間間都好食！呢間有驚喜，即叫即蒸，好多料係入面，肉碎，粉絲，木耳，口感好豐富，最重要佢個粉皮有岩岩好，有口感，我愛呢個粉卷！蒜蓉牛油雞翼，呢個係好推介，即叫即炸，上台時好香，好熱，就咁睇好肉好熱氣，但食落唔會，咬落去肉汁超多！牛油香同蒜蓉香都好特出！呢個真係好推介！一定要試！薏米水，好清，好健康，甜度岩岩好！椰青沙冰，好解喝，第一次飲好得意，但有少少甜！唔係就完美！呢價cp價都幾高！有下次！

今日食左個好惹味既越南餐。呢間野真係唔錯。餐廳裝修新穎，坐得都好舒服。叫左個頂級生牛肉湯粉。好大碗既生牛肉粉。牛肉用湯既餘溫整熟，質感軟同有彈性。牛肉仲好甜。成兜粉加埋啲撈蒙汁，酸酸地又有少少辣，好味。叫左個柚子鮮蝦沙律。柚子加埋酸辣沙律既口感真係一流，好fresh，好消暑，辣味越食越開胃。蝦又新鮮彈牙，同柚子酸辣汁真係好夾，唔同既口感加埋一齊食，呢個組合配搭得好。再黎個道地既牛油果冰沙。去越南必飲。今日又搵返係越南既味道。熱辣辣既天氣加埋呢杯，質感厚滑既牛油果冰沙，停唔到口。牛油果加左奶，真香味更加特出，好快就飲完一杯，好正。太多野食仲未食到。下次會再黎！

荃灣出名找平食好西，這次就找到一間吃越南菜的。餐廳上面掛滿越南斗笠，非常有味道，裝修企理，應該都是開張不久。但價錢實在抵吃，湯粉的量非常多，絕對可以兩人分享來吃👍🏻👍🏻蝦頭羔湯檬，大大碗，蕃茄湯底濃味不會太杰，配料有超多肉碎、扎肉、蝦肉！扎肉不會太薄，扎實且有咬口；蝦肉大隻而且爽口，好飽滿的肉和口感，而且湯檬都是很幼身，沾著湯底加肉碎，很好吃呢，而且份量好多，只不過是$48一碗，完全比外面的超抵吃。牛油蒜蓉雞翼，雞翼炸得超級香脆！鹹鹹的加上超脆口感，贏足我的芳心，加上雞翼肉嫩滑，好久沒吃過好吃的炸雞翼。貪吃的我們還是點了拼盤B，裡面有香茅雞翼、酸辣鳳爪、迷你蔗蝦、串燒牛粒，香茅雞翼淡淡香茅味、蔗蝦蝦肉爽口多肉、牛肉粒夠軟林多汁，但當中最為印象深刻的是酸辣鳳爪，又酸又辣，超級入味，我都吃了少少不敢吃😣香茅豬扒飯，一塊一塊已切好的厚豬扒放在飯上，加上蔥油，有些人喜歡蔥油撈飯，這裡的是配有豉油，他說如果是一大堆蔥油撈飯非常惹味，但他大讚這裡的豬扒好吃，肉厚不韌！這裡的椰汁冰，不會太甜，甜度剛剛好，不會有渣渣；椰汁鴛鴦冰，鴛鴦即是紅豆加綠豆，豆夠沙，加上椰汁喝不錯呢。讚好及分享專頁仲有得送甜品

荃灣路德圍果頭真係好多野食，中西泰韓越乜都有，前排行街見到有間新開既越南野，都想試下，今日趁放假去完荃廣睇戲，就走左黎食！我地去到係下午5點，咁當然我地專登避開晚餐時段唔想多人或排隊！5點當時餐廳都有幾枱客入面裝修幾靚，頭上有好多竹帽同埋牆上有掛畫，枱櫈係木造，好乾淨好整坐得好舒服～我地點左幾樣野，香茅豬頸肉米紙卷～佢個米紙皮好煙靭，入面生業好爽口，仲有薄薄既豬頸肉，唔會太油膩，食落仲好清爽～頂級生牛肉湯河，湯好甜～濃郁，牛肉好軟有鮮牛肉味，我諗就係頂級既分別，出面食既生牛肉係無咩鮮牛肉味牛油焗青口，青口都算大粒，加入左好多洋蔥同煙肉，好香口，好濃，有d焦焦地既味，正併盤，特別鐘意食佢既酸辣鳳爪，好入味，酸同辣度岩岩好，開胃佢既迷你蔗蝦，一d都唔迷你啦，好大舊呢間野真係比我預期中好食好多，越南野黎講，有驚喜！會再黎幫襯，好滿足既一餐

平時響呢度附近搵食，食來食去又好似無乜留意到呢間舖。突然經過想食越南野，見舖面好新淨，就入去試下。岩岩好六點，無下午茶，佢晚餐都唔貴、平均46蚊至55蚊左右，正餐叫野飲可以減10蚊。仲有見到枱面貼住，如果like左佢嘅facebook同分享可以送你一個甜品。我男朋友係慳家王。所以即刻like左估佢唔到原來都幾大碗。42蚊越式牛肉河大碗到呢⋯⋯我女仔係食唔晒，比左一半男朋友。牛肉調味幾好，不過稍為重手少少，偏咸。但我食慣重口味當然覺得好食。我男朋友嘅香茅豬扒唔錯，同樣矇粉好大堆。服務態度唔錯，老闆幾好人，好親切。印象唔錯。

去咗食越南菜，估唔到裏面都幾多人，場面都幾勁，不過比起茶餐廳舒適得多。越味皇蝦頭羔湯朦$48湯底味道濃郁，不過不會太鹹，而且裏面有一些扎肉和蝦，感覺非常豐富，蝦肉爽口，扎肉彈牙，有很濃郁的蝦膏味深透了朦粉裏面。越味皇頂級生牛肉湯粉＄68頂級生牛肉果然是不同凡響，看到紋理分布非常出眾，每一天都近乎入口即溶，有很香的油味。湯粉就選擇了河粉，晶瑩剔透而且彈牙，湯底則比較清甜。軟殼蟹牛油果米紙卷＄62我覺得最欣賞嘅就係出面個皮好有彈性而且好煙韌！裏面嘅材料都好豐富，包括青瓜蘿蔔等等，加埋醬汁酸酸地好開胃，正到不得了，而且軟殻蟹又鹹香十足，成件事非常豐富。蓮子薏米冰清新又清甜，配上熱辣辣嘅飲品，簡直不錯！泰國椰青甜又夠清新，我見到好多人叫添！最後仲有個甜品，唔好睇佢綠色，其實好好味，好似一啲糯米粒粒嘅甜品。

我很愛吃越南菜尤其是天氣熱的時候來碗凍檬粉，的確賞心樂事 這晚看見這間人龍店，我們也過來試一下店內裝潢特別食物類種多元化價格相宜天氣炎熱，來杯滴濾咖啡咖啡味濃，不錯越味皇火車頭湯河生牛肉、牛腩片、牛筋、牛丸、 牛柏葉，白蘿白等湯頭清甜河粉具韌度，不會一夾就散生牛肉亦很嫩滑越南小食拼盤 有酸辣鳳爪，竹蔗蝦，牛柳粒串同雞翼個人較喜歡沒有炸得過火的竹蔗蝦，質感彈牙三寶撈檬 面層有豬扒，雞翼，札肉 、蔥油、醃蘿蔔絲等檬粉跟其他食材，再加魚露攪拌，吃起來不會乾涸豬扒彈牙很夠味荃灣路德圍12號地舖港鐵 荃灣站 A1 出口, 步行約5分鐘

住在荃灣的朋友說該區新開了一間越南餐廳，食物水準不俗且定價相宜，着我來荃灣逛街時可以一試. 餐廳位於路德圍，那邊有超多不同類型的餐廳，這次就來吃越南菜. 甫進店，可見到天花頂掛滿特色越南帽子 (不知道有沒有專屬名稱呢? 網上找不到啊!)再加上特色吊燈，明亮亦帶有越南風格; 配上木色為主調的色彩，令人感覺舒適閒逸~ 除了卡座、2人桌，亦有大長餐桌，適合多人到來用餐. 椰青水沙冰 (正價$32) (叫招牌菜/ 湯河/ 撈檬等，越式飲品照正價減 $10) 天氣實在太熱，先來一杯椰青水沙冰，清甜解暑的椰青水沙冰，味道天然甜度適中，個人好喜歡! 泰國椰青 (正價$30) 友人則選了泰國椰青，大大隻又冰凍的椰青同樣吸引. 越味皇火車頭湯河 ($68) 一款湯河已有齊生牛肉、牛腩片、牛筋、牛丸& 牛柏葉，啱哂一次過想試多款食物的我~ 湯底熱度十足且鮮甜可口，生牛肉亦很嫩滑，再加上滑滑的河粉，很不錯! 越式炸牛油軟殼蟹 ($88) 軟殼蟹就食得多，但如此大隻飽滿的就實屬少見. 軟殼蟹炸得夠乾身，油份不多，咬下去相當酥脆，內裡更有蟹膏，相當滋味呀! 越式炸蝦餅

荃灣咁好多野食,本來朋友就話入黎食泰國野既,點知想食果間太多人排, 唯有再行多幾步,見呢間都幾滿座但未算太多人等既趆南野就試下啦 叫左個頂級生牛肉河,但又心郁想食牛丸所以就加左十蚊要牛丸夾埋變左七八十蚊碗粉, 都幾貴牛肉片偏瘦, 有大約七八塊啦食落又唔覺話特別頂級,反而粒牛丸就好爽口我中意食個牛丸多過牛肉片,不過加十蚊得兩粒就少左啲囉反而粉既份量就好多夾落碗仔食都夾到五六碗, 好飽肚 另外再試左個蔗蝦食完個粉都飽飽地,點知個蝦咁大隻!記得好似四十幾蚊, 好扺蝦膠幾彈身, 口感一流包住既蔗又好濃好甜,不過就好油膩下, 食完成口都油 太油所以叫左個菜食,得一款, 生菜影相睇唔出佢其實好大碟, 係平時出面double都有,無咩幾可出街食到咁大碟菜

今日又食越南嘢喇！荃灣呢間餐廳都幾旺，這間新店雖然唔算好近港鐵站，反而近住宅區，但估唔到人流都幾多。叫咗幾樣小食，軟殼蟹牛油果米紙卷、烤豬頸肉、牛油蒜蓉雞翼、炸春卷。想點咩越式食物都應有盡有。軟殼蟹牛油果幾特別，好似日本壽司咁整法，用米紙卷卷入軟殼蟹同牛油果；豬頸肉幾大碟；牛油雞翼唔錯，蒜味夠香；炸春卷都ok。仲叫咗生牛肉湯河，大大碗好飽肚。牛肉有分高級同普通質素，鐘意食靚牛既可以揀貴一點的。食到好口渴，嗌返杯嘢飲：椰青清甜解渴，不會酸。

荃灣區都幾多嘢食。今日嚟到一間越南餐廳，環境唔錯，幾有越南風味。兩個人叫咗3個小食1個湯粉。小食有牛油蒜蓉雞翼，大大隻雞翼，牛油加蒜好夾好香口。炸春卷遜色少少，唔夠雞翼咁正咁香。不過份量都唔少，幾抵食。仲有隻鴨仔載住生菜，可以同春卷一齊食好得意。軟殼蟹牛油果米紙卷賣相好靚好吸引，大人細路都啱食。脆口得嚟又健康，牛油果維他命豐富呢。豬頸肉件件厚切，好有咬口。生牛肉湯河份量夠間2個人share，牛肉量多。龍眼冰有鮮龍眼肉食，好飲呀。

入荃灣食好西,今次揀左間幾既趆南餐廳~~~頂級生牛肉湯河 其實平時食趆南野我既首選一定係撈檬,因為好中意加魚露同埋涷食粉麵既感覺呀!!不過今次見menu推介呢個生牛肉,我就試試佢!生牛河都有分兩個價錢,一個四十幾,另一個係六十幾,問左店員佢話分別左於貴果個係美國入口,好少見有美國貨的生牛肉河,所以就揀左佢牛肉片有六塊左右,影左幾張相啲牛都熟左,牛肉比較稔身,肥肉唔算多,肉既口感唔錯,唔會嚡,但湯就無想像中咁濃,無試過平果隻無得做對比,但近七十蚊我會覺得偏貴!好彩粉既份量都好多! 牛油蒜蓉雞翼炸野小吃就少不了, 呢到有炸軟蟹同埋雞翼, 店員推介呢個多啲,4隻岩2人分!雞翼中等size,未算好大隻,但外表炸得好香脆可口而且滿佈既粒粒蒜蓉好香,本身雞肉內裏好滑溜溜,加埋牛油作用令滑度再upgrade!!! 柚子鮮蝦沙律好大盤既沙律!!!鋪面既蝦有七八隻,開左邊啖啖肉最正係底既柚子,柚子好甘甜多汁,一咬啲汁飛出黎,而且係好多好多,柚子本身成本都唔平,好有份量既沙律,推介呢個!!! 青木瓜牛肉沙律由於上一個沙律太出色,所以我又叫多個牛沙律食XD呢個牛肉片又係堆到成座山咁,實在低估左佢個份量呀!牛

岩岩去完越南蜆港旅行，成個旅程周圍搵 都食唔到我平時好中意食既越南春卷，火車頭生牛河，牛油雞翼等地道食物點解呢。。最後上網睇先知，原來以上我中意食既食品係南越出名既食物！！相反我去既蜆港係北越，出名海鮮同法國菜～～返到香港真係好想好想食我心目中既 越 南 菜！捉左媽咪同妹妹陪我搵食呢度好似仲有越南feel過我係越南蜆港既呢個係店員推介既蝦頭羔湯檬。個賣相真係超好，仲要聞到好香濃既番茄味，真係未食已經流口水番茄湯底好濃好甜，配上大蝦，肉碎同蒜片等配料，非常開胃可口，一定要試生牛肉湯河。牛肉半生熟，浸落熱湯一陣食，又香又滑。加埋d洋蔥絲，好美味鮮蝦牛油果米紙卷。呢個菜係蜆港都有得食，不過竟然香港做得出色d唔通因為香港人口味接近d?! 牛油果香滑，鮮蝦好大粒，仲要每粒卷都有一大隻蝦真材實料喔(越南既米卷好普通，裡面包住豬肉同生菜，不過個汁好好味。）我期待已久既牛油雞翼終於有得食，而且好好食。牛油味重，炸得香脆可口，雞肉仲好嫩滑多汁，好肥美 好好食越南小食拼盆。有酸辣鳳爪，竹蔗蝦，牛柳粒同蝦餅。竹蔗蝦好爽口彈牙，有d驚喜。其他都不過不失。龍眼冰清甜解渴，味道唔會太甜店員介紹既薄荷梳打好好味。薄

今晚拎反d野比媽咪，順道食個晚飯，近近地落路德圍揾食~路德圍真係好多野食，每次黎都有新食店開~今次我地試下呢間越南餐~野食唔貴，又多選擇~雖然場內都好多客人好忙下，但一坐低店員都過來簡單推介左幾樣招牌菜比我地~咁我地就聽佢講叫左幾樣，味道真係唔錯，而且份量大得驚人，岩嗮大食一族！越式柚子蝦沙律 $58酸酸甜甜味道好誘人，入面既柚子不是碎的，而係好糠概地大舊大舊的，味道清甜多汁，夏天食真係好岩~越味皇蝦頭膏湯濛 $48店員大力推介！係佢地店既越南師傅秘製的，估唔到每一口都清楚食到鮮味帶咸香既蟹膏，味道獨特，真心出面未食過，推介值得一試~我就後悔揀左生牛肉早知揀呢個~越味皇頂級生牛肉湯粉 $68生牛肉湯粉就比較普通，可能湯不夠熱，牛肉真我太生了，浸也浸不熟~越式拼盤B $98香茅雞翼 酸辣鳳爪 迷你蔗蝦 串燒牛粒大堆頭乜都有~蔗蝦啖啖肉，連中間的蔗也是甜的~牛粒軟嫩惹味~雞翼同鳳爪都唔錯~上fb打卡仲送一人一碗甜品，越南師傅的小小心意，椰汁糯米飯，煙煙unun幾好食

<越味皇 牛肉湯河好好味😋 >越南菜好少講門面裝修 喺荃灣既越味皇都一樣 茶餐廳格局😌 天花板有一d櫵夫帽既裝飾 , 環境唔講究 但坐位整齊舒服 燈火通明，食既係越南特色菜 好似濛粉 香芧類 等等既餸菜 😋🍴越味皇頂級生牛肉湯粉🐂🍲 68 蚊用左靚美國牛肉整既越南湯河， 牛肉半生熟 🐮口感煙靭有牛味😋 表面用左炸蒜蒜花 自己加既辣椒 🌶 青檸汁 調味 湯河湯汁好香濃牛味 飲落去密度好高 應該落足料 🐮河粉比較幼身爽滑 🍲盡吸牛湯汁 好味😋🍴順化香芧牛肉濱海 🐂 48 蚊 越南特色濱海 😋好似一d米粉絲整成 一塊餅皮甘 配上炸蒜同葱花🌿 包住牛肉一齊食 牛肉香芧味十足 🐂入口軟滑 同爽口米香味濃既濱海十分夾😌 若果唔夠味可再點甜酸汁😋🍴香芧豬頸肉米紙卷🐷 42 蚊用左越南米紙包住生菜🌿 米絲 豬頸肉🐽 蘿白絲🥕米紙卷比較煙靭 入面既材料 清新 加上肥美既豬頸肉 😋點上甜酸汁 味道都幾match , 係越南特色👍🏻🍴越味皇牛油蒜蓉雞翼🐥 40 蚊 4 隻4件大大既雞翼 出面炸得十分香脆 出面好多蒜蓉 蒜香味十足🐥😋 而雞翼咬落去傳出陣陣牛油香 😋 雞翼外脆内軟 好食推介