越味皇 (已結業)

很久沒有嚐過越南美食，趁死檔放假約她吃一頓越南菜。友人選了這間路德圍的越菜，試下菜無妨吧。小小店子，天花頂是吊了西貢人的帽子，裝修簡約雅致，還有卡位，倒也不錯。先來柚子大蝦沙律清清腸胃，金柚子甜中帶酸，蝦好新鮮又爽又彈牙，青瓜和蘿蔔絲混埋D越式酸汁，好開胃健康。小吃點了越式芋絲炸蝦豬肉丸和牛油果軟殼蟹紙米卷。外層的芋絲炸到好香脆入面是彈牙到震的豬蝦肉丸(我覺得蝦肉比例多D) ，香口也可口，一定要蘸上酸甜辣的雞醬，會更正！紙米卷，入面有粉絲夾著軟殼蟹，其實都幾健康同飽肚，好鮮味但勝在香口。越式檬粉也好味道，檬好爽三寶-雞翼、豬扒唔乾，有清香香茅味，醃得好入味，最愛是好多青瓜和蘿蔔絲，加埋的越式醋汁撈埋一齊食，冷吃特別好味，也是好清新健康！友人點了的越式沙嗲生牛河，那湯底沙嗲味好濃，帶甜又有花生碎，不算太辣，香味濃再配上5成熟牛肉，牛肉好新鮮，牛味也濃。我們也點了薄荷青檸梳打，薄荷味好重配青檸梳打的激酸少甜，果然夠爽夠醒神。

又去荃灣搵食啦…今次睇openrice食評介紹呢間平靚正越南菜。2點幾左右黎到，都好爆場，等左一陣入坐，2大1小叫左2個午市套餐(加錢轉椰汁冰)及一個小食。蒜茸牛油雞翼😍每次食越南菜必點，呢間都係好脆好香好正。雞翼應該係新鮮炸，好鬼熱呢，雞翼好juicy唔乾身生牛肉湯河，生牛肉慢慢浸熟好淋身嫩滑蕃茄牛腩飯，好好食連小朋友都爭住食左大半碗飯，牛腩好淋，醬汁好香濃，料又多，味道好啱小朋友食椰汁冰就有D失望，唔夠冰凍，黎到都無乜冰了服務既都係姨姨級，禮貌好好，感覺好親切又友善。價錢又唔貴，抵食

香港嘅越南餐廳真係好多， 所以好多時都會選擇呢食嘅。 越味皇係其中一間， 位於荃灣路德圍呢個食肆集中地。 去到已經有好多人係出面等位喇， 裡面都已經座無虛席， 心諗唔知要等幾耐呢？ 出奇地拎咗飛好快就有位喇。 以簡單為主但放了一點越南嘅裝飾。 2個人簡單 d叫個二人餐吧 可以自選$50以下嘅粉/飯， 我地叫咗一個 牛肉撈檬， 另一個豬頸肉湯檬， 大大碗真係一碗都已經好飽喔。 牛肉嫩滑， 豬頸肉爽口， 味道跟越南食到嘅好近似。 另外跟餐有炸蝦餅， 蝦味唔算好濃不過都算彈牙， 配酸甜醬係好味嘅。 另一個跟餐嘅就係肉丸， 都係炸嘅， 但食落似係手打， 因為肉裡好有空氣感， 唔係緊繃繃嘅但無蝦餅咁彈牙。 飲品跟餐可加幾轉特飲， 咁我就試咗個益力多沙冰， 你估裡面有幾多支益力多呢， 飲落唔似加咗水， 係直接用益力多刨冰， 好好飲朋友就要越南傳統嘅凍滴漏咖啡， 用返越南嘅傳統滴漏方法， 加上傳統係落煉奶而唔係落沙糖， 好正宗嘅做法。 甜品時間， 因為本人唔食椰汁嘅， 所以我都唔知呢款甜品叫咩， 只知內裡有椰汁， 花奶，甜膠同粟米。 朋友試咗唔係好甜， 椰汁味好香(呢個我聞到(T＿T)

晚飯時間人頭湧湧聚集在餐廳外 好嘢一定有人聚集 今晚就決定喺度開飯啦 我很喜歡吃越南菜 尤其是生牛肉湯河 招牌打正旗號 越南牛肉湯粉專門店 我又點可以錯過呢 一於叫返碗生牛肉湯河 湯頭清甜 肉亦很嫩滑 食得出湯底完全冇落味精 配合 鮮檸檬 鮮辣椒 和 香葉金不換 一齊食 味道極為正宗 猶如置身在越南湯底夠熱 將生牛肉浸在湯底之中 馬上變色 半生熟的 完全唔嚡口 而且牛味香濃河粉具韌度 不會一夾就散生越式炸扎肉 外皮炸到金黃香脆 內裏彈牙 啖啖肉 非常美味配上泰式辣醬 又辣又甜 簡直百吃不厭珍寶蔗蝦 非常巨型果然係珍寶份量 傳統嘅越南風味小食 鮮味彈牙嘅蝦肉 包著清甜嘅竹蔗 外脆內軟又清甜 非常喜歡牛油蒜蓉雞翼 店員推介話係餐廳嘅招牌菜牛油同埋蒜蓉嘅香味令我垂涎三尺 熱辣辣即叫即炸嘅雞翼 肥美多汁 又香又滑 外皮炸得好薄 非常出色的一道小食椰汁珍多冰 和 薏米水餐廳做緊個推廣 午市或晚市時段讚好和分享馬上奉送自家製越式甜品簡單嘅一個動作 就有甜品食餐廳食物種類非常多 無論麵食 飯類 小食 沙律 等一應俱全 下次黎開呢頭 必定再光顧

突然想食生牛河即刻搵下附近有咩餐廳..原來路德圍有間越南野咁多好評...唔食唔得啦但原來無得卜位的...咁就早D WALK IN去安全D~~~ 因為走果陣係FULL場!!!要排隊架!!!餐牌好多野揀!!!!!!!!!!!!!!!!!!揀左好耐呀!!!!!!!!!!!!!!入座時並無說明用餐時間/最低消費~各位擔心既就問一問先好開餐啦點解會咁講呢...一陣再講~食左先至講~~~生牛河42蚊咋@@ 絕對係抵食~大大碗又好夠牛味仲要係茶記價錢~至於68蚊果隻頂級生牛河呢...你食完話我知啦~呢個蝦糕粉不得了............真係好多蝦膏~粉又夠多~但蝦得3條仔~超重口味~~好有膏味!!!! 但我都係鐘意清淡D喉嚨唔舒服又成口咳~飲呢杯就最好了有D酸架~主角黎啦~珍寶蔗蝦!!勁大碌呀~~有D似魚腐既質感~碌蔗又甜又多汁但我想食脆身少少~最後既甜品~記得要讚好佢地GE FB同分享先有架~每個人頭計架~4位朋友就要4個啦總結:味道真係好正~呢個價錢好抵食~卡位夠闊~相反2人位就過窄....人多既時間都有點嘈~無得卜位~請早d霸位~但有個男侍應會催催催催你落單~又會話有用餐時間~但係入座時又無

小妹最愛吃香口惹味越南菜，最近和朋友到了這間越菜館，很有地道越南風味。那晚點了越式炸蝦餅，外面香口，有淡淡蝦味，吃落軟身兼彈牙香鮮，吃到入面有魚露和香料的味道，跟泰式蝦餅的味道折然不同(蘸上酸甜辣醬重好味)。越式的炸春卷，口感極豐富，入面有的米粉、木耳、蘿蔔絲和豬肉和香料等。越式春卷皮好脆不油，包生菜一齊入口，蘸上酸甜辣醬，無咁膩，真係好吃到停唔到口！我和友人都愛吃沙嗲，齊齊點了沙嗲生牛湯河，湯式是甜甜沙嗲湯，好香好濃又多花生碎和香料味道，好滾的湯淥到牛肉半生熟，好可口連湯都喝埋。越式沙律好多柚子，同D青瓜生菜蘿蔔絲和鮮蝦一齊食好Fresh，還有椰汁紅豆冰，好香又清甜椰味+粒粒紅豆爆沙口感，透心涼爽極了。

因為雜誌介紹呢一間越菜，所以今次專程來試吓。先講環境座位都好寬闊，值得一讚係呢度嘅服務員態度十分好的。如果有卡位亦都會盡量安排比客人，唔需要客人自己要求，另外亦都會同客人講解一下啲食物餐牌，十分之有善。落單上菜亦十分之有效率。我同朋友一人叫咗一個粉都係呢到嘅招牌菜。我叫左呢個越味皇蝦頭膏湯檬粉，湯味濃郁番茄味同埋蝦味啱啱好，而且份量亦都好多。朋友另外叫咗個頂級生牛肉湯河，牛肉新鮮，湯底鮮味。另外仲有好多小食好想食。但係因為得兩個人，所以就叫左柚子鮮蝦沙律、牛油雞翼同埋蝦餅。個人覺得個蝦餅最好味，因為佢炸得啱啱好，唔會太硬，啲蝦餅好爽口彈牙。另外，其實個雞翼都好好味，夠大隻，d雞肉都炸得幾鮮嫰。個沙律啲蝦都好新鮮，好大隻、啲柚子亦都好甜。整體來講我覺得呢間鋪頭同雜誌所形容嘅都係一樣咁正，無論價錢環境同食物都係好成正比，會再嚟食！

今晚又來光顧🍃越味皇🌱，因為好掛住越南美食！店址位於路德圍，很容易搵。越味皇火車頭湯河 $68有選擇恐懼症嘅朋友不妨選呢個，一碗有齊生牛肉、牛腩片、牛筋、牛丸、牛柏葉，非常豐富！越式三寶撈檬 $55三寶有：雞翼、豬扒、扎肉，雞翼好吃👍🏿越味皇軟殼蟹牛油果米紙卷 $62米紙卷賣相精緻，牛油果又新鮮美味，推介！越式炸蝦餅 $56益力多沙冰 $32越式牛油果沙冰 $32店家特別推薦的，兩款都好喝！以後落荃灣，又有一個用膳好選擇！

最近特別想食越南菜，早前路經路德圍，發現了這間新開的越味皇，就和朋友解決晚餐啦！天花滿佈越式魚帽，富有漁村風味。但是地版好濕滑，行去廁所要小心。本身已經好喜歡食菠蘿，所以一看餐牌就知道自己會揀越式芋合鮮菠蘿蝦酸湯配飯。我真是沒有選擇錯誤，他們用的是新鮮 SW菠蘿,真是鮮甜。 芋合應該是白色很爽脆的瓜吧！他本身沒有味道，但在酸湯浸泡後，好像食了酸瓜似的。另外，加上番茄，芽菜等配菜，這個湯很適合炎熱的天氣食用,開胃之餘又提升自己的味覺。他們很用心，把蝦腳剪掉又把蝦腸拿走，務求把這湯做得最好。這個湯一定要跟飯，中和一下湯的酸味，配粉麵都不宜。柚子鮮蝦沙律，他的份量比我想像中大，柚子很大塊，鮮蝦也是把蝦腸拿掉，讓你食得安心又開心。他用的也是食檬粉的酸辣汁，所以如果你點了撈檬還是點其他小食吧！牛油雞翼真是要給他十個Like.一送來，牛油香氣撲鼻，金黃色的外衣包裹著柔軟的身軀。香脆炸漿上面有炸蒜， 咬下去完全無血水出來，但雞翼肉質還是很嫩滑。軟腳蟹牛油果米紙卷，共六件，除了軟腳蟹和牛油果外，還有檬粉，青菜，紅蘿蔔， 賣相清新健康。這個米紙十分煙韌，就算咬了一口都不鬆散。加上是拉差辣醬，尤其美味!最

假日太晏食早餐，2時還不餓所以惟有來食嗰粉和只想呷一口越南咖啡。本來平日多數光顧的嚐越，但覺得它們很連鎖式經營，故希望試一些小店。跟OpenRice 的地址來到越味皇才想起這𥚃n 年前的「小巴黎」，如果你是荃灣人的話。這間小店明顯在裝修上下了不少功夫。雖然下午茶好似3時才到，但我們也只看午餐和想試一試别人推的蒜蓉雞亦。我們兩大一小點了一個生牛粉，老公點了牛腩粉，再加米紙卷和蒜蓉雞亦小食。先講生牛，薄薄的只有三片，而腩牛也差不多，欠了點牛味。蒜香雞亦皮脆內香多汁、米卷皮有嚼勁，但淡了一點。或許對這𥚃的滴溜咖啡有勁望，來到呷一口覺咖啡味不濃。一杯不跟餐$20的小咖啡算是貴了點。

今晚收工同朋友去荃灣睇戲，所以就來到路德圍覓食喇。點知一轉彎就見到呢間越式餐廳大排長龍， 就決定食呢間啦!說是小店，其實裝修很不錯， 天花板上掛滿竹帽，很有特色。(可惜進入餐廳後掛住食忘記拍照......)越味皇軟殼蟹牛油果米紙卷 $62米紙卷有三款口味，分別是軟殼蟹、鮮蝦及田園素菜。我們選了軟殼蟹。米紙相當薄身，口感很滑溜。夾著厚厚的的蔬菜相當爽口， 配合香脆軟殼蟹，實在美味! 越味皇火車頭湯河 $68去越式餐廳當然不可錯過火車頭湯河。材料有生牛肉、牛腩片、牛筋、牛丸和牛柏葉，湯底很鮮甜，河粉質感爽滑， 牛魔王不可錯過!越式炸蝦餅 $56這蝦餅炸得爽口彈牙，沒有什麼油膩感，加上香茅清香，不得了!越式三寶撈檬 $55一次過就可以食到香茅雞翼、 香茅豬扒同埋扎肉，滿足曬三個願望，適合有選擇困難症嘅朋友!益力多沙冰 $32牛油果沙冰 $32第一次看到牛油果沙冰這種飲品，質感相當厚身，有點像奶昔，卻又更健康，值得一試。整體來說，這裏的食物和環境都不錯， 即使客人很多，服務態度仍是很好，很推薦愛吃越菜的朋友試試，不會失望的!

星期五晚又係去搵食嘅時候～～今晚約埋朋友一齊去荃灣，喺路德圍搵食嘅時候，見到開咗間越南菜，一於今晚就食呢間啦～～等咗10分鐘左右先有位，全場爆滿，坐位唔少，係有少少迫嘅，不過無所謂啦～迫迫地親切d嘛～裝修有特式，冷氣仲好夠添！好快有野食～～我哋每人叫咗份主食之外，仲叫咗3款小食～<招牌生牛肉湯河> 湯頭夠清甜，牛肉有牛味，配埋生洋蔥同芽菜，好味！<咖哩牛腩飯>唔辣，咖哩夠香濃，牛腩好林，薯仔入曬味，餸飯一流！<越式炸扎肉>外貌似一塊大大塊嘅蝦餅咁，炸咗好香口，夠曬彈牙，配埋泰式醬一齊食，惹味！<香燒珍寶庶蝦>大大條甘蔗被蝦膠包住，啖啖肉，夠爽口，推介👍🏻<牛油蒜蓉雞翼>好好味！！好好味！！好好味！！真係好食到要講3次都唔夠，炸得夠乾身，但入面充滿肉汁，蒜味好夠，食落唔覺油膩，必食呀！左<蓮子薏米冰>味道清淡，蓮子薏米煲到好林，口感唔錯，食完煎炸飲呢個確係一流！右<椰汁紅豆冰>椰汁比較多，紅豆夠林口，甜度剛好，不錯啊！甜品有<西米露>送～暖暖的，配上綠色嘅西米，

下午茶去荃灣搵嘢食，路德圍一帶有好多餐廳，有好多嘅選擇，但係真係好鍾意食越南野，黎到呢間餐廳，假期都有下午茶，好抵食，仲要免＋1 ,真心覺得抵。生牛肉粉，份量絕對唔係下午茶嘅份量，沒有將貨就價，性價比高，湯底都幾好味，牛肉都算多，不過質素並唔係話太高，但係可以接受嘅，始終下午茶嘅價錢太平啦。肉整得幾入味，為夏日炎炎降下溫。順帶一提下午茶餐，仲包一杯飲品，都算係街坊價錢平價越南菜之選， 住喺附近嘅呢度係一個好選擇。

星期六放工，同埋同事仔去路德圍揾食，今次揀咗食越南撈矇!門口Menu 係全日適用，都幾多選擇。入門囗近收銀位，牆上放咗兩隻充滿越南特色嘅彩繪碟，好靚!而近門口呢張枱，係專安排比單人坐嘅位，雖然要同人搭枱，仲要唔止一個，但咁都幾好，見d人個個塞住headphone，各自各食嘢，食飽就走唔會霸住d位，呢間餐廳又幾勁!入面仲有2人枱同4人枱，我哋兩個就被安排坐2人枱，位置較狹窄，lunch 一人叫一碗麵連飲品都勉強夠位放嘅，如果晚餐叫我d嘢食就唔多夠大囉!好鐘意餐廳天花用咗越南人經常帶嘅帽去做裝飾，好可惜冷氣機滴水，餐廳要留意下!Set lunch 主要係湯粉麵，撈曚，湯飯同碟頭飯。唔理你order咩嘢食，枱頭已經放咗辣椒醬同酸醋喺度。配撈矇食就最正，我每次食撈矇起碼食咗人地半枝！越式雞絲扎肉檬呢個係同事叫嘅~雞絲份量唔算多，但扎肉就都唔算薄！面頭有青瓜絲、花生碎、乾蔥片同蔥粒。越式三寶撈檬三寶係雞亦、豬扒同扎肉，呢度都幾攪笑，呢度嘅撈檬配料好似唔係standard 咗有d乜，我碗三寶同同事碗雞絲都有d分別！例如：我有蕃茄，青瓜片同蘿蔔絲。同事果碗係無，其他配料都係一樣！不過最攪笑係，我d扎

荃灣真係大把野食，特別係路德圍附近，今晚經過一間越南餐廳勁多人，見到咁多人就知道好食啦，所以就入去一試。餐廳都幾多選擇，仲要唔加一添，兩個人食到勁飽都係＄325買單，真係好抵食。朋友試火車頭湯河＄68 ,牛肉片嚟嘅時候仲係半生熟，牛肉夠滑，竟然仲有牛腩，食落好重牛味，又唔鞋口，個湯底都好正，幾清甜，個份量都唔少，一個男仔食都啱啱好。三寶撈檬＄55，豬扒啱啱乍起，熱辣辣，而且又厚身，外層嘅炸粉亦都唔會太厚，雞翼都幾大隻，外皮輕輕煎過，味道亦都好夠，最正係上面嘅蔥油，撈埋啲檬粉一齊食好夠味道拼盤＄105朋友同我都最鍾意豬肉蝦片，豬肉滑身，又唔夠多汁，配埋上面嘅蔥油，非常match，蒸粉卷都好食，粉卷入邊嘅餡料好足味，完全唔使點醬汁都好好食。軟殼蟹牛油果米紙卷＄62炸咗嘅軟殼蟹加埋牛油果，個口感幾得意，淡淡的牛油果香，整個米紙卷好fresh ，入邊有紅蘿蔔，有青瓜，同埋生菜食落好有口感。椰青＄20好清甜，仲要可以減＄10 ,真係好抵飲，而且好大個凍薄荷葉青檸梳打$15入邊勁多薄荷葉，我試飲咗一啖，好重薄荷味，如果你係薄荷愛好者，一定會鍾意。