越味皇 (已結業)

眾所周知荃灣路德圍和海壩街的美食多不勝數每一間餐廳都會有令人心動想進去進餐的感覺而這一次便選了這間越南餐廳內裏環境狹小樓梯底下也放置了很多張二人枱友人跟我便安排到樓梯下的二人枱位置在樓梯下會令人聯想起哈利波特的房間由於荃灣的美食多不勝數有人跟我也想魚與熊掌心思思想掃街所以我們便點了少少食物我們點了三寶撈檬粉和香茅豬肉飯說實話三寶跟檬粉都很好食而豬扒亦都很好食炸得外脆內軟味道恰當份量也頗多 數一數二好食的越南餐館加了他們的facebook還送兩份甜品呢甜品是什麼名字我不知道只知道也很好好食很特別從來都沒有試過這種味道甜甜哋有椰汁味軟軟地價錢平靚正唯一美中不足的是環境太狹窄坐得不舒服， 但食物質素搭夠

今日來路德圍搵野食，太耐無來呢度見多左好多野食，夜晚8:00呢間越南餐廳依然有好多人係門口等位，見餐牌有好多食品選擇就決定食呢間，好彩剛剛有幾張枱埋緊單，唔駛等好耐就入得勒，得兩個人食又想試多d款式所以叫多d小食。叫左越式柚子鮮蝦沙律、越式炸春卷、牛油蒜蓉雞亦、越式炸軟殼蟹、豬頸肉米紙卷、蝦頭膏湯檬，仲叫左咸檸7同益力多梳打。餐廳裝潢乾淨簡潔有唔少越南feel裝飾柚子沙律個汁酸酸辣辣好開胃，柚子鮮甜啱晒飯前吃炸春卷係正宗越式製法即叫即炸熱騰騰不錯牛油蒜蓉雞好香口，勁有蒜蓉香味上面仲灑滿蒜粒，果然係餐廳推介👍🏼炸軟殼蟹都有牛油蒜蓉香味，但就無雞亦既蒜味咁重反而味道啱啱好紙米卷蔬菜新鮮紙米有咬口呢個湯檬亦係餐廳推介果然無介紹錯湯底好濃郁蝦膏香味極鮮甜，檬粉既湯底係靈魂所在，呢個真係極力推介食咁多香口煎炸野當然要飲返杯解渴飲品啦

等個fd荃灣收工一齊食飯 問佢有咩好介紹🤓佢就帶左我黎呢間越味皇🤔一入去裝修都幾越南風喎 頭頂有d越南帽做既裝飾 都幾有feel既 坐位都好寬敞 俾左張卡位我地坐👏👏好啦 睇野食先！由於我減緊肥 想食light d🤔所以我地就叫一碗粉share食 叫左個火車頭湯河 有牛肉牛腩牛丸牛柏葉 仲有白蘿蔔 好多款餸☺☺加啲青檸同辣椒仔提升哂個湯底 又開胃啲哦 同埋一碗既份量超多 兩個人食都夠飽 下次可能要少河粉就夠我地仲要左個越式扎肉蒸粉卷 粉卷皮都算薄 扎肉超靚 唔會好似出面有時無味道咁 記得配埋佢每枱都有既越式魚露 我浸哂落去食咁濟哈哈😂每人仲加左杯野飲 我就叫左牛油果沙冰 飲落去好重牛油果味好驚喜喎！估唔到牛油果做野飲可以咁夾 做沙冰口感又creamy唔係得啲冰 超水準的！！fd就飲越式滴漏咖啡 佢話咖啡豆味好香濃 一啲酸味都無 好易入口☺☺

又係時候食碗越南河😋😋😋生牛肉河仍然係我的最愛，湯底是我最喜歡他的原因，非常清甜！！柚子鮮蝦沙律，柚子迷都會覺得好幸福！勁多柚子，酸酸辣辣好開胃😍😍😍越式炸香茅雞翼亦係我食越式菜既原因，勁香口惹味，但唔油膩！嗌得4隻點夠喉？最岩送碗白飯！應該叫8隻啦🤣🤣🤣炸蝦餅比較特別，上面淋上蔥油。我expect既炸蝦餅係乾身脆口，哩個係另一種風味，但我就有點唔習慣啦！好滿足的晚餐❤️❤️❤️

一個人收工去食飯 見到路徳圍好似新開左間越南餐廳wo!!tvb都有黎介紹過原來😂😂 望下餐廳個牌都好似幾多野食 小食都好多types 因為越南野除左個麵 我一定中意叫多個小食 所以就入去試下啦😍😍本來勁想叫個生牛肉湯河（見隔離枱果碗好靚咁🙈）但lunch既時候已經食左牛肉飯 咁我夜晚就唔食lu 叫左個蝦頭膏湯濛粉💁at least唔係度度有💁 小食就要個牛油焗青口試啦！跟餐叫野飲 見個越南滴漏咖啡只係加$18咋🙉🙉🙉我梗係要杯啦😙杯咖啡一黎到就已經聞到好香😍係我好掛住既味道阿！睇住佢漏都開心😂😂😂 跟住個蝦頭膏湯濛黎啦 個湯底我一見到就諗係咪加左色😂點解可以咁橙紅 但食左啖就覺得真係落左勁多蝦膏🙈完全係精華阿 配濛粉最正 因為吸哂d湯底☺️☺️個青口都香蒜味既 不過牛油味就俾蒜蓋過左🤔但有6隻wo 份量同價錢都係抵叫既 講反個咖啡先🙉🙉隻色好靚阿！飲落去又香又純 exactly高質滴漏咖啡既味道 下次一定再黎encore 可以試凍既！！

旅行完返來的朦仔十分懷念香港的美食😌😌相約朋友出去荃灣令手信之餘都不忘搵個地方食好西😁😁經開路德圍有個大錶場可以停低架車，決定係附近搵野食！見到有好多餐廳，大家記得渣車經過可以過來依度食飯，好方便，同朋友選左一間叫越味皇的越式餐廳 ，見網上好多好評而且親民，一於就try try佢😋😋因為時間都算早，7點左右，未算好多人，見到餐牌好多野食，已經開始肚餓，店員十分友好，行過來介紹餐廳的主打菜式，經由店員的介紹，我地兩個人選左越式芋合鮮菠蘿牛肉酸湯飯&越味皇蝦頭糕湯檬粉兩個主食，牛油蒜蓉雞翼&炸蝦餅！環境同燈光好舒服，同朋友傾計一個唔錯的地方☺天花仲有好有特色的越式草帽，好有之前係胡志明市當地的感覺！唔夠一陣野食已經到左，先食個蝦頭糕湯檬粉，店員好窩心地幫我地準備兩個細碗可以分甘同味👏🏻👏🏻十分足料，蝦大大隻咬落去十分爽口，新鮮好味，扎肉味道比較淡，配合濃味湯底的檬粉，覺得好似去左越南食甘！鮮菠蘿牛肉湯飯湯底有點微酸之餘有好濃郁的番茄&菠蘿香味，飯係另外上，加入湯底之後中和左酸味，變得有淡淡的香甜味道，好特別😍😍😍😍比十個like👍牛油蒜蓉雞翼，老實講，朦仔都係第一次試，出乎預料地配合，色澤

今晚想食越南嘢，去左荃灣路徳圍"越味皇"我叫左一碗火車頭湯河，有四五款配料，包括生牛肉，牛丸，牛筯，牛柏葉等，好足料，個湯底都好鮮甜，味道勁似喺越南食既湯河朋友試新嘢，叫左「鮮菠蘿牛肉酸湯配飯」，真係好特別既配搭。個湯酸酸甜甜，滿滿既菠蘿味，配搭得好特別牛油蒜蓉雞翼四隻都好大隻，牛油同蒜蓉味都勁正，炸得外脆，內滑炸蝦餅味道唔錯，爽口有蝦味，仲加埋葱油，好惹味軟殼蟹牛油果米紙卷米紙煙煙韌韌，除左軟殼蟹，牛油果，里面有埋檬粉，多種蔬菜既配搭，好食凍越式滴漏咖啡，好有越南風味牛油果沙冰，勁勁勁牛油果，沙冰打得好好好幼滑，好似飲緊牛油果cream咁~~~整體食物唔錯，價錢合理，份量充足。侍應工作速度好快手👍🏻會再幫襯

荃灣路德圍距離荃灣地鐡站只有幾分鐘路程，有一間越南餐廳每一晚都有好多人喺出面排隊，今日既晚餐提早左食，所以唔洗等位，咁當然去試一試呢間越南餐廳，試下點解咁受歡迎。越式炸蝦餅湯河即叫即炸蝦餅，上枱時仲係好熱辣辣，食落一d都唔油膩，而且好彈牙，側邊有少少脆口，正；湯河既湯底配有好多香料，充滿洋蔥、炸蒜既香味，配合炸蝦餅，簡直冇得頂。越式咖哩牛腩飯賣相平平無奇，但味道就為之驚人，好香好濃既咖哩味，但一d都唔辣，其他香料既味道同牛腩汁完完全全融入左咖哩汁內，而且牛腩炆得好林，一咬即散，肉味仲好濃，齒頰留香就是如此。椰汁紅豆冰椰味相當香濃，但又唔會好甜，紅豆都好林，又好味又有咬口。賣單每人都唔洗$100，就已經食到咁好味既越南菜，而且每碟份量都好多，唔怪得知日日都有人排隊食啦！

住系荃灣既我，晚餐經常系路德圍搵食，有新店緊係試左先，越味皇主要食越南粉麵，價錢都唔算貴，今日係第二次食，同男友都覺得好好味，兩次都唔洗等位，所以唸唔到食咩就黎返呢間，我地都話一定要食到厭，因為每日唸食咩真係好頭痛🤔1️⃣第一次黎冇影相叫左：越味皇蝦頭糕湯檬粉HKD52(酸酸地,好重蕃茄蝦頭糕既味,好開胃既味道)三寶撈檬HKD55(三寶有雞翼.豬扒.扎肉,令人想一食再食既味道)越式炸軟殼蟹HKD88(勁細舊得四件,唔抵食)越式牛油果沙冰HKD22(牛油果味好特別,好滑,質地好杰)椰汁珍多冰HKD18(好香椰汁,配上綠色啫哩條好飲)2️⃣第二次叫左生牛肉湯河HKD42生牛肉入口好綿好鬆軟，本身清淡既湯加入另上既指天椒，湯底即刻變得辛辣，令到味道更好三寶撈檬HKD55三寶有雞翼,豬扒,扎肉，炸雞翼同豬扒好香口，扎肉唔咸，檬粉撈埋酸甜汁食係人都知，好多人都鐘意呢個大眾配搭，簡單好味 炸蝦餅HKD56比較似魚肉餅，一大塊配泰式辣醬，啖啖肉不錯！越式牛油果沙冰HKD22極推薦👍🏼好重牛油果味，好滑，質地好杰，上次飲完心掛掛，今次兩杯都叫牛油果沙冰，唔洗爭，鐘意牛油果既朋友要試下 第二次既單🔥最後要講講侍

同K先生去左荃灣行街，去咗越味皇越南餐廳食晚餐，之前經過想試好耐呢。 前菜我地點咗個柚子鮮蝦沙律，沙律入面以柚子和蝦為主，份量很大同好新鮮，食完好開謂。入得去呢度食嘢，K先生話一定要叫呢度嘅招牌菜，頂級牛肉湯河。食落牛肉好新鮮和好嫰滑，而且個湯底味道亦適中，唔太濃又唔太淡，抵讚。由於我和K先生都好鍾意食蝦餅，所以我地就點左炸蝦餅和香燒珍寶庶蝦。香燒珍寶庶蝦好大條又彈牙，好好食。知道K先生好鍾意食蟹，叫左個炸軟穀蟹。佢炸得剛剛好，入口好鬆化。飲品我地叫左椰青和椰汁珍多冰。椰青好新鮮清甜，椰汁珍多冰很香椰汁味，K先生話好好飲，解渴一流。

呢間位於荃灣既越南小館 ~ 越味皇~ 開業至今都差不多有半年！每次路過都見到超多人排隊幫襯。好奇心驅使下...今日就嚟呢到食個lunch！大慨一點左右嚟到，居然吾使等位。但係當我同朋友坐底後吾夠10分鐘...人流就開始蜂擁而至，門口開始有人排隊等位！心諗好在早人幾分鐘...如果吾係就凍冰冰要企係出面吹風！小館面積吾太，但設計裝修別具風格！天花吊滿具有傳統越南特色既竹筒帽。而座位方面設有多張四人卡位、同二人枱。食物方便，湯檬湯味濃..正！而且我覺得可以用抵食夾大件嚟形容...因為無論係啲粉定餸...都真係多到食唔晒！小食例如炸蝦餅同蒸粉包亦一樣...每樣都係大大件！而且冇收加一！呢間小館𥚃面啲姐姐...服務態度超好！感覺佢哋做嘢好有heart！真係食到人情味.....

荃灣又開左新嘅越南菜了 即刻趁住星期三搵食夜同媽媽撐下枱腳 餐廳近路德圍未夠7點半已經全場爆滿 店員好有禮貌叫左個柚子大蝦沙律醒醒胃先柚子酸酸甜甜 但食到中間連埋啲醬汁 超辣小食拼盤少不了 有我至愛嘅春卷 熱辣辣粉皮中間啲肉碎 調味調得一流 好好味食越南野又點少得叫火車頭湯河貪佢乜都有啲 牛丸牛柏葉牛腩肥牛蘿白等等湯底清清地唔會太濃 肥牛嫩滑 最尾加左個珍寶庶蝦 勁大條 即叫即整 蝦肉好彈牙 加埋酸甜醬 味道一流飲品方面 薄荷葉青檸梳打好好飲

去到已經好肚餓，所以一上菜就忍唔住食咗，所以張相係食咗一半先補影。我叫左個生牛肉湯河呀，上檯時牛肉片都仲係生生地嘅，自己再將啲牛肉浸落湯度碌一碌佢就食得，咁樣啲牛肉就唔會太熟，牛肉片嘅數量大約有五六片，湯河嘅份量都算多，我個人比較鍾意加埋撈檬嘅汁落去一齊食，酸酸甜甜咁樣比較開胃。湯河仲配左¼個青檸仔同埋一啲辣椒粒，可以因應個人口味加落去。仲叫咗個牛油蒜蓉雞翼，因為即叫即炸，所以需要啲時間，大約15至20分鐘，炸漿有啲厚但係非常之脆，上面鋪左滿滿嘅蒜蓉粒，非常之香口，如果可以冇咁油嘅話會仲好味。呢度嘅飲品選擇種類都幾多，套餐附送嘅飲品都幾特別有薏米水，鹹檸桔水，鹹檸水。最後仲有甜品送，應該係斑蘭糯米糕，但比較淡味，麻麻地。

美食、小店雲集嘅路德圍，唔單止價錢大眾化，好多美食都突圍而出今日走訪東南亞菜 - 越味皇侍應服務不得不讚，態度有禮，服務周到，個人印象分先加餐廳環境也頗舒適近排牛油果係大熱菜式選材之一，餐廳用牛油果配搭軟殼蟹整成既米紙卷牛油果同新鮮蔬菜非常搭，蔬菜爽脆，牛油果既油分中和，加上軟殼蟹，入口脆口之感更重，入口清新爽脆而不膩個人好喜歡呢道菜蝦餅係推介之一，蝦餅比外面餐廳打得更起膠，蝦膠重，入口彈牙，炸完新鮮上枱，配上醬汁嘅酸甜，簡直流口水🤤🤤🤤再黎碗鮮蝦蝦頭糕湯檬，感覺好新鮮，第一次食蝦頭糕蕃茄湯底，蝦頭糕味道不太濃郁，蕃茄味較重蝦頭糕配料豐富，鮮蝦、扎肉配搭部鮮，也不錯最後，只要讚好就可以賺多個甜品是日甜品係椰汁紫米露椰汁味濃郁，食落粒粒紫米煙靭細細碗可以作晚飯完美句號

今日去到荃灣路德圍做野當然就係附近食飯啦，今日因為同事一齊佢話不如食越南，我地就去左這間，好彩因為2個人都吾難找位。今次同同事一齊食就叫左這幾款，每人$80都不用都感覺吾錯。午餐 越味皇生牛肉湯粉 配 椰青 $42 加 $20：今次叫左金邊粉，粉的份量勁大碗，男生來一定夠添，牛肉口感夠感吾鞋身，湯底濃郁吾咸味道吾錯。椰青夠凍之餘仲有椰肉勁多又易整出黎食，超解渴。越味皇軟殼蟹牛油果米紙卷 $62：嘩。。超大件仲有6件喎，入面超足料而清新，米紙有口感配上脆口菜和軟殼蟹，其實食完都飽左一半了。熱越式滴漏咖啡 $28：味道好濃郁醇厚，味道帶點咖啡甘香和煉奶口感厚身和香味（不過少點甜就更好），最重要價錢吾貴添。最後仲要有碗甜品食添，味道吾太甜，口感都幾特別，作為超飽肚午餐的結尾。