越味皇 (已結業)

去荃灣做完嘢準備走，突然醒起夜晚屋企冇飯開，咁就食埋飯先返歸。路過越味皇，見到餐牌啲嘢食都唔錯，又唔使等位，咁就唔好諗，入去揾位坐。泰式、越式食品齊備，又有套餐提供，更加抵食。一人套餐有沙律、粉或飯和飲品，所以點咗一份。餐具放在枱邊柜桶，有埋牙籤、糖包，方便取用。沙律可揀迷你牙車快沙律，或者迷你越式酸辣鳳爪沙律，揀咗前者，溝啲花生有咬口，味道有相當辣度，食完即時醒神。主食係脆香雞翼撈檬粉。食材有十款選擇，紅白肉亦有，算幾豐富。雞翼共有四隻，份量都足，炸得香又鬆化，但又唔會好多油。撈檬嗰汁味道偏甜，鍾意辣味嘅話，可能要加啲辣椒醬，會更加惹味。 飲品係鹹檸梳打，泰國梳打水原支上枱，風味十足。鹹度同酸度在我嚟係剛剛好，加埋梳打水嗰啖氣，實在係放工舒一口氣嘅良品。

黎到荃灣食越南野，雖然餐廳比較狹窄，但估唔到佢嘅菜式都幾豐富，你講得出嘅都有，而且人手都幾足夠，就算中午12點1點嘅時候，都唔會話要等好耐，環境亦都幾乾淨。越南嘅米紙卷非常之出名，所以我哋就嗌咗個牛油果軟殼蟹米紙卷，米紙卷嘅表皮都幾煙韌，食落去牛油果同軟殼蟹十分之夾，味道亦都唔會過分油膩同濃烈，估唔到都算係一個比較清爽嘅小食。越味皇頂級生牛肉湯河，生牛肉河粉亦都係越南嘅一個signature，佢哋牛肉嘅質素都好好，食落去有拗口之餘亦都好有牛味，完全唔會係用鬆肉粉整到啲肉爛晒。而湯頭都好有牛味，好清而且舒服，可分亦都好滑。

之前朋友介紹呢間店嘅總廚店主，曾經係五星級酒店做過西廚，亦去過越南跟當地師傅學煮越南菜。所以今日經開荃灣，緊係要黎試下呢度嘅菜式有幾越南南部既味道😍 而且佢哋嘅菜式都係無添加味精😯😯一入到去畀佢哋天花板吊住一個個嘅越南竹帽吸引住😆 就算食物價錢幾咁親民，舖頭裝飾老闆絕對唔求其😎用咗越南嘅虎蝦，蝦身非常之結實，而且燒得剛好，唔會好鞋或好乾身。夾埋佢哋個 沙嗲醬汁有粒粒花生，非常之有口感🤩火候控得好好，唔會燒得好乾，雞皮夠脆口， 雞肉亦都非常之嫩滑😋😋右邊個杯薄荷青檸特飲，勁清新，勁薄荷！師傅好體貼咁幫你起咗個蓋啲肉先😈😈炸到金黃色嘅雞翼，再用牛油同蒜蓉炒香😋上碟嘅時候再落多少少生蒜，令到蒜味更加突出， 而這個炸漿唔會好厚， 好香既牛油滲入左啲皮，令雞翼非常之香。🤗🤗 雞肉亦都非常之嫩滑😗😗蝦餅口感非常之彈牙，配埋個多士更加出色，雖然口感有少許油膩，但係非常之香口😛😛味道偏濃，咖哩味非常之突出。雞扒係先炸再落咖哩汁，我哋叫咗個蒜蓉包😀其實蒜蓉包唔使點，都好夠味，蒜蓉味非常之突出。所以如果叫咖哩嘅話，我會建議跟白飯😋😋佢哋係用薄嘅米紙，食起上嚟唔會覺得好膠，雖然佢哋嘅軟殼蟹唔係好熱，但夾埋

去咗荃灣嗰邊食飯，食飯之前食過嘅越南菜，水準都係保持到我哋每人叫咗一個面，佢個面都幾抵食，＄45都會有一碗我哋兩個都叫咗豬扒，我就叫左撈檬，份量都係咁大碗，加咗好多魚露，酸酸甜甜好開胃呀，豬扒炸到好香，而且都幾大塊老公就叫咗湯麵，佢加咗＄10試番茄蟹湯，一睇個湯就知道勁濃郁，大大嚿番茄，飲落有淡淡的蟹味，索晒個面嗰度幾好食炸蝦餅，配旁邊嘅甜酸辣醬啱啱好，又係炸到熱辣辣，外皮炸到啱啱好，唔會太乾叫咗個雙拼串燒，仲有一個沙嗲醬，沙嗲醬好重花生味，我就鍾意食雞肉，鍾意夠滑，所以老公就鍾意食牛肉，佢鍾意個口感虎蝦紙米卷，米卷點左魚露會比較好食，佢嘅份量又係唔細，如果再濃味一啲會更好老公叫咗一杯冰滴漏咖啡，佢話咖啡味重，好飲我就要左杯牛油果沙冰，好飽肚，有淡淡的牛油果香味

今日，同同事經開光輝圍一帶,決定去附近食我的午飯。見到一間越式餐廳好吸引，一於食這間。地方好雅致。我叫了個熟牛肉及牛孖筋橯檬粉（$45），非常多蒜香、蔥頭好香口,再加上酸汁美味。加配春卷兩條（$20），非常脆口又好食。我再加錢飲我之愛椰青（$20）非常甜仲有好多嫩椰青肉，yummy!同事叫生牛肉牛丸番茄蟹膏湯底湯檬（$55），好濃郁蟹膏味，不是好多越南店有得食，值得一試。同事加配蒸粉餅包（$15），一啖一口。我叫了越式柚子鮮蝦沙律（$68）非常開胃，我之愛柚子加大蝦非常美味。

同家人去到荃灣路德圍 ，看見一間掛滿越南帽擺設， 別具特色的 " 越味皇 " 越南餐廳吸引，即日來試試，加上我們特別感興趣。當時奉上越式燒蝦串燒的時候 ，已聞到香噴噴味道 ，蝦頭裏蝦膏燒得甘香豐腴，發揮得淋漓盡致 ！必食之選👍🏻！椒鹽炸軟殼蟹 ，炸得香脆惹味 ，只是粉漿略嫌多了點！越式香燒迷你蔗蝦， 蝦肉彈牙鮮味唔太油膩。吃了幾樣熱氣食物，一定要叫杯凍飲降溫，店長推介了 越式牛油果沙冰 ，第一次飲 ，味道清新突出 ，非常creamy 😋果然唔錯！椰汁紅豆冰 ，紅豆香腍跟椰汁絕配解渴！越式燒老虎蝦米紙卷 ，點上酸醋汁 ， 將裏面米粉 青瓜大虎蝦融合一起食 ，是真正透心涼的夏天開胃小食。河內蒸粉包 和蒜香生菜 ，則餡料比較普通 ，粉皮有點偏厚 ，口感未算滑腍。

今日同朋友去左荃灣SHOPPING，有D 累，係路德圍想搵個地方食飯，朋友話想食小食為主，見到呢間越味皇唔錯，所以就去試吓啦! 小食系列 ~~~越式鳳爪沙律鳳爪好既爽口又好味，混合酸酸甜甜加小小辣的味道, 十分開胃越式燒牛肉串燒（3串）牛肉咬落唔韌，食落去肉汁仍然保留到，點埋沙嗲醬就更加好味越式椒鹽軟殼蟹 (4個)香脆可口，咬落去有啖啖蟹肉，十分惹味越式蝦串燒（3串）肉質彈牙，又有蝦味，經已剝左殼，細心到不得了，食嘅個時十分方便 ! 越味皇牛油蒜蓉雞翼（4隻）香脆雞翼再加埋粒粒蒜蓉, 又香口又惹味越味皇招牌炒飯飯炒得好乾身而且D 粒粒，味道十足!香燒庶蝦香口而且有蝦味,唔錯！越式燒老虎蝦米紙卷肉質爽口，又有蝦味，味道一流 !值得再去試 !

是日端午節🛶，祝大家端午節安康。今日老公要返工，又係自己一條友落街食午餐。喉嚨乾乾的，就想食湯麵，上Open Rice search 荃灣/麵，好快已經睇到呢間好多讚好的「越味皇」！再睇埋Menu都覺得幾岩食， 一於試試..😋假日的中午竟然唔駛等位，係食客的立場覺得幾唔錯👍🏻👇🏻👇🏻餐牌👇🏻👇🏻見佢個「特製濃汁牛丸」有大大隻👍🏻，就試下你啦！我選了湯檬粉，雞清湯及+$10要龍眼冰（少冰）。牛丸非常巧妙地開一半，望落去以為有好多粒，實質只有3️⃣「三」大粒🙃。青檸及辣椒🌶️粒另上，頗窩心❤️。牛丸牛味濃濃，內有牛筋粒，頗驚喜👍🏻雞青湯鮮味又有香葉味，芽菜又不算多，可以食到多d檬粉！可惜杯龍眼冰真係甜到驚嚇🤯係我錯！陣係記得叫少冰唔記得叫少甜！甜到唔想飲落肚....（甜野其實真係好唔健康的）問侍應要左一杯凍水諗住加落去，結果都係太甜....我唔會為咗＄10而放棄自己的健康💀所以我最後決定唔飲❌..總結：非常欣賞有四款湯底可以選擇，好貼心❤️牛丸真係幾好味，冇介紹錯👍🏻下次帶埋老公去食下😋

餐廳菜式既價錢普遍都係平民價，唔怪知得平日夜晚都好full右邊既係越式柚子鮮蝦沙律$68，有兩隻大蝦，配以木瓜絲、西柚，酸酸甜甜咁，好鬼開胃左手邊就係牛由果軟殼蟹米紙卷$62，一塊簿簿透明既皮，包住蘿蔔、青瓜、生菜同軟殼蟹，食落自然唔會覺得油膩食左d開胃菜之後，就可以食下d炸野啦左邊係越味皇翼牛油蒜蓉雞翼$45，一共有四隻，炸粉簿d會更好，雞肉夠嫩滑中間係越味皇勞春卷$42，中間係素菜，有雲耳、蘿蔔等越式炸蝦餅$56，蝦餅切開一小塊，上面仲有d蒜同蔥添，蝦餅夠哂香脆彈牙，所以最後encore 多左份第一次食到有膏既軟殼蟹，而且炸既時間岩岩好，食落係唔覺油膩，所以都追加多一份蝦殼係已經搣好哂先上枱架，蝦肉夠哂彈牙，燒完一d都唔乾青口真係必食推介，牛油同炸蒜夠哂多，焗完之後個青口吸哂d精華，上面仲有d辣椒醬添，味道好夾個鴨仔籃好cutie，主要係用黎裝住四塊蒜蓉包，將蒜蓉包點落d咖喱汁，就可以充分索哂d汁啦呢個蕃茄味好濃，因為餐廳用左成個蕃茄整湯，入面仲有d扎肉、肉碎，蟹糕就整成粒丸咁炒飯整成金字塔形狀，好似隻糉，十分廳節，飯就夠哂咬口，側邊仲有兩隻燒好左既蝦、肉鬆、芝麻椰醬好似不斷係個椰

上個月同朋友係越南番黎之後一直好想再食越菜，所以就係路德圍一帶搵左呢間越味皇試下！係門口等左陣，平日黎食都好full，可能因為呢到既價錢相對其他越式餐廳比較平，所以好多人幫襯。我同朋友兩個女仔唔嗌太多野，揀左我最愛既牛油果軟殻蟹米紙卷、燒魚、串燒兩拼、燒蝦濱海同share杯牛油果沙冰。牛油果軟殻蟹米紙卷 $62👍🏻👍🏻👍🏻平時呢道菜大約$88同只有4件，但呢間相對地平好多，但質素一點都不遜色，牛油果熟透香口，配上脆卜卜既軟殻蟹非常夾，仲有青瓜生菜等配料，食落一點都唔油，蘸埋汁食更好吃，米紙亦唔會浸到太淋，食落口感煙煙銀銀。串燒雙拼 $88$88唔算特別平，但食落覺得物超所值，雙拼有3串雞肉同3串牛肉，明顯食得出唔係用油炸，而係慢慢燒成，因為食唔會好油同好熱氣，雞肉燒到香脆，但入面既肉質唔會乾身，味道醃得岩岩好，食落仲有香矛等配料香味！牛肉都係帶有香料味，食得外脆內嫩，肉質比雞肉滑。燒蝦濱海 $48有兩隻原隻燒蝦，朋友食完一隻話燒到岩岩好，肉身好爽口唔會乾身，又有蝦糕，忍唔住食埋我果隻。燒魚 $88平日食燒魚起碼過百，仲要可能係淡水魚，但呢到既燒魚超級驚喜，係燒黃立倉，仲用勁多配料一齊燒

好耐無食過越南野LU，入到黎地方雖小，但裝潢都經過用心設計，而且餐牌食物種類夠多，價錢合理。🥢頂級手切牛柳碎湯河 $72湯底清甜，牛肉味有好咬口，河粉滑溜。🥢越味皇番茄蟹頭糕湯檬粉 $78 加牛肉丸+ $10湯底有濃厚鮮茄和蟹味，扎肉煙韌彈牙，牛丸肉味道濃郁有肉汁，真材實料。🥢越式燒魚 $88魚肉質鮮嫩香口，兩個人吃不停口，醃料豐富，醬汁有香茅、香蔥、薑絲、辣椒、黑楜椒，更加提升魚肉既鮮味。🥢越式鳳爪沙律 $45口感爽，辣味不夠勁，但帶有魚露味道。🥢越式燒蝦串燒（3串）$60蝦肉彈牙，味道不錯。🥢雜錦拼盤（香脆雞翼2，蒸粉包2，迷你庶蝦2，炸春卷2）$98蒸粉包餡料豐富，春捲香脆，迷你蔗蝦爽口彈牙，雞翼雖小但入味。🍹益力多沙冰 $22唔會太甜，比想像中好飲。🍹越式牛油果沙冰 $22牛油果味濃，入口滑溜似奶昔。

荃灣呢間越味皇越式小店真係好有水準，今次己經係我第三次幫襯，細佬考車牌成功，我梗係要同佢慶祝一下啦，呢間我食過有水準，所以請他來試下!椰汁珍多冰係我嘅至愛，椰汁很香很滑。薄荷青檸梳打，入口夠晒 fresh !我貪呢間越式小店裝修夠曬精緻，天花板放滿越色草帽，牆身顏色鮮豔嘅擺設令人 更加舒服!椒鹽軟殼蟹炸得很香口，仲有好多蟹膏，用料上乘，真係停唔到口!迷你越式蔗蝦，蝦膏打得很爽口真係要encore多一碟!我細佬就最鍾意呢款咖哩牛腩煲，牛腩炆得好 "林" ，而且咖哩不算太辣，有很香嘅椰香味!

今日經過路德圍，見到呢間越味皇排曬長龍， 出於好奇，我都喺門口睇下有乜好嘢食！menu選擇很多，主要係食越南檬粉及小食，而且價錢都好大眾化，結果我哋都排埋一份 ！裏面地方都算大，雖然要等位，但係都唔算得得太耐！先來兩杯消暑特飲，凍薄荷葉青檸梳打，入口真係透心涼，薄荷葉及青檸真係好醒晨！椰汁紅豆冰，紅豆冰不算太甜，有些少椰汁味 紅豆夠大粒！串燒拼盤，有牛柳粒，串燒雞肉配上特製沙爹汁，不算太辣，但有泰國香草嘅味道，牛柳 一啲都唔老，入口肉汁豐富！牛骨清湯檬粉配熟牛肉，湯底夠清甜， 熟牛肉好滑好新鮮，爽口嘅檬粉真係好好味！牛油蒜蓉雞翼，蒜蓉味很香，牛油滲透入雞翼内，令雞翼更加嫩滑！越式串燒大蝦，外皮燒得很乾身，蝦肉夠新鮮入口彈牙！呢間越式小店，人山人海總有原因，選擇多而且價錢亦大眾化！

黎到荃灣通常都系食米線多，今次想試下新嘢，黎到呢間充滿越式風味的越南餐廳，裝修夠精緻，坐的都幾舒服，是日晚餐只叫了一個主菜，同好多小食軟殼蟹牛油果米紙卷鍾意食牛油果的一定唔可以錯過，軟殼蟹炸到剛剛好，唔會太油膩，配合牛油果點埋個醬汁就最完美啦，每舊米紙卷噶份量都唔少，女仔噶話都好難可以一啖食曬 炸蝦餅蝦餅望落有少少金黃色，外表吸引，夠曬彈牙，點上餐廳提供的泰式酸甜醬，酸酸甜甜，口感豐富，柚子鮮蝦沙律呢個沙律做頭盤就夠曬開胃，柚子同鮮蝦的份量都特別多，唔會系沙律菜多過柚子同蝦，另外如果擔心會食到蝦腸的就唔使驚啦，蝦去埋腸， 可以食得放心啊 越式滴漏咖啡鍾情於咖啡的我，一定要試下越南的滴漏咖啡，咖啡香農，滴漏時就好似沙漏系度計時一樣，品賞到咖啡的同時，也可一邊欣賞咖啡每滴滴落噶感覺雞絲撈檬撈檬份量都唔細， 配合個醬汁，味道適中整體份量夠大份，抵食， 無收+1服務費， 下次有機會再食可以試下越南必食噶生牛肉湯河

今晚近近地係荃灣同豬先生食個簡單晚飯 路德圍又近地鐵站又多選擇 就係附近搵食啦「越味皇」係我地今晚嘅最後選擇天花上滿滿嘅裝飾充滿越南風情蕃茄蟹頭膏湯粉係皇牌菜之一橙紅色嘅湯底相當吸睛鮮豔 未食已覺得開胃味道方面係滿滿嘅蕃茄酸甜味 加上蟹膏甜美嘅鮮味 檬粉盡吸湯頭精華配料嘅蝦丸同扎肉彈牙有口感 果然係推介之一雜錦拼盤包括係香脆雞翼 蒸粉包 迷你庶蝦同炸春卷貪新鮮每款小食都可以淺嚐 實在太好了新鮮熱辣辣炸出尼嘅食物一定好食 又夠脆口又夠惹味 岩哂我尼啲為食鬼傳統越式小食蒸粉包都做得唔錯 係足料嘅傳統滋味咖哩魚塊煲令我興奮 因為用尼放蒜蓉包嘅器皿太可愛啦 係小鴨子 全程望住佢開飯 哈哈除左咖哩汁太咸外 炸魚塊算嫩 蒜蓉包夠脆 點上重口味濃郁咖哩汁 邪惡！牛油果軟殼蟹米紙卷切成六小件米紙包住不同營養及口感嘅蔬菜 軟殼蟹炸得乾脆但不夠多肉 米紙口感亦比較軟腍 沒有應有嘅煙韌感 水準一般呢天口熱加上食咁多熱氣野當然要叫飲品解下渴啦牛油果沙冰令豬小姐十分驚喜 本身我好鐘意牛油果尼樣super food嘅獨特味道同質感粉綠色嘅沙冰充滿住牛油果幼滑嘅香甜 感覺上加左蘋果一齊打 微甜細膩 健康又好味薄荷葉