越味皇 (已結業)

人人都知路德圍呢到勁多好嘢食🤤 咁啱嚟開荃灣番工，經過個陣好多餐廳招我地入去食嘢，唯獨呢間無招客，十二點lunch time未開始就已經有五、六枱客食緊，感覺有水準就入去試下餐廳格調真係好越南風，天花板掛咗好多越南嘅帽，牆身亦掛上越南風情畫作嘅碟。門口係落地玻璃，方便泊係街睇車嘅朋友越味皇蕃茄蟹頭膏湯檬粉個粉一上就已經聞到好大陣香味，番茄同蟹嘅配搭都係第一次食，估唔到佢哋都幾夾，入面仲有幾夠大蕃茄同蟹膏，檬粉好入味越式燒雞肉串燒（3串）雞肉肉質結實，咬落唔韌，食落有雞油香，點埋沙嗲醬就更加惹味蟹頭膏炒高麗菜呢個味道同檬粉類似，高麗菜炒得爽口鮮甜。係一個好特別嘅菜，因為平時食東南亞菜都係得馬拉盞炒乜乜菜越式燒豬頸肉豬頸肉烤得好香，邊位都烤得焦焦地，食落香脆！中間嘅肉咬落去啖啖油香，配埋炸紅蔥頭超正😋越式椒鹽軟殼蟹朋友最鍾意呢款，因為比起豬頸肉更加香脆，咬落啖啖蟹肉，中間仲有啲蟹膏😍 份量比想像中多！有四舊一路食都一路好多人幫襯，仲有好多人入嚟叫外賣，睇嚟真係有品質保證，好啱下次成班朋友嚟食😋

嗰日返完工去開荃灣，想食下越南食物，行行下就見到越味皇，就同朋友入咗依間店食下午茶。餐牌有好多選擇，但係我同朋友都被番茄蟹頭膏湯吸引左。點湯面加＄10就有依個湯底。我哋各自叫左一個牛肉湯河同雞翼湯河，都係要番茄湯底，加＄15有一個小食，我哋叫咗炸蝦卷同埋酸辣雞腳。另外嘢飲嗌左一杯椰汁冰同一杯真多冰！飲品味道ok,啱晒熱辣辣嘅天氣，湯河嚟咗， 個番茄湯底裏面有好多蟹肉，食落個味道都好濃郁，啱我哋口味。一致覺得個湯底唔錯！雞翼都煎得幾香口，另外我最鍾意炸蝦卷，又脆又香口，好好味，鳳爪酸酸辣辣嘅都好開胃，好啱呢個天氣食請。總結，蕃茄湯底好正，炸蝦卷都好好味，嘢飲質素不錯，有機會會再嚟食下午茶，再試吓其他唔同嘅食物。

熱辣辣既天氣完全令人零食慾，所以今次同朋友搵左間越南野黎開下胃，消下暑。呢到個天花好特別好吸引，用左好多頂越南帽黎做天花既裝飾。椰青首先一定要飲椰青解解渴先。好大個，椰青水好甜好爽，朋友前後嗌左2個我地連肉都吃光了。蕃茄蟹頭糕湯有蕃茄酸酸地好開胃蟹肉整成粒丸甘，除左蕃茄，仲有芽菜札肉同檬粉，大碗到2個人share都得。牛油蒜蓉雞翼皮炸到好脆但入面既肉又好嫩，上面既蒜係重點，多到每一啖都可以連埋蒜食。重口味人士必點串燒有牛同雞兩款。就算係燒烤過，都唔會令到肉身變乾，反而d肉好嫩同多汁。唔點醬都好好食。黃色戈兜唔知係米芥末醬，味道就唔太突出。牛油果沙冰同我想像中有出入，因為似奶昔多過沙冰。鐘意牛油果既朋友可以飲下，但飲完好快飽。

荃灣路德圍雲集了各式各樣的美食，在星期五的下午，跟男朋友到了越味皇，主要是想食牛油雞翼。係呀，星期五放早麻，拍下拖。去越南一定要食pho, pho 即係粉，之前出差最喜歡食pho，好多款式。香港人最熟識就有生牛肉粉，扎肉同火車頭。越味皇其實都有提供自由配搭湯粉，menu右上角的生牛肉太吸引，我地就點了。來一碗生牛肉檬粉，檬粉夠滑，湯底選了牛骨清湯，品嚐到牛肉的清甜，配合生牛肉來食，還要將越南pho的香葉浸下，把香葉的清新香味溶入湯入面，加點青檸及辣椒，特別美味。接著是小食拼盤，有春卷，庶蝦，蒸粉包及雞翼。春卷及雞翼炸得香脆，厚厚的蝦膠包著庶，粉包皮薄料多，每樣都很出色。又因為個餐牌上面的咖哩牛腩煲好吸引，我們又點了。咖哩不辣的，反而帶少少甜品，有點似日本咖哩，除左牛腩還有牛筋，兩者燜都夠腍，蒜蓉包點咖哩，最佳mix and Match。因為拼盤的雞翼並非牛油雞翼，所以特意再加單，牛油雞翼本炸得香脆，再加了蒜蓉粒，錦上添花。是次消費二人共266元，豐富的午餐，免加一。支持小店。

由於想買返對平平地嘅波鞋出街，所以去左荃灣嘅OUTLET 睇睇有咩心水，但今次最大嘅收穫竟然唔係波鞋，而係比我發現到一間性價比高嘅餐廳呢間越味皇位於食店林立嘅路德圍，唔係咁岩我家姐話想食下越式野都未必會簡到呢一間餐廳。天氣咁熱，一坐低就當然要叫野飲先啦棷青大大個，2隻手圍都圍唔晒佢 $30 一個真係好抵珍多冰真係"真多"呀龍眼冰份量亦都好多越式蝦串燒--- 好有蝦味而且肉質彈牙，細心已經剝左殼，食嘅時候勁方便，岩晒我呢D 懶人越式椒鹽炸軟殼蟹--- 軟殼蟹新鮮即炸，所以上枱嘅時候香氣撲鼻，蟹入面仲有少少蟹膏TIM越味皇招牌炒飯--- 飯炒得好乾身，而且味道唔錯越式柚子鮮蝦沙律--- 柚子嘅酸味帶起蝦嘅鮮甜，所以食呢個蝦嘅時候感覺鮮味會多一D越味皇蕃茄蟹頭膏湯檬粉--- 有好濃嘅蕃茄味，但係就唔太食到蟹膏嘅味道，呢個就唔太好啦最後就係越味皇翼牛油蒜蓉雞翼，雞翼大大隻，一隻等於米線雞翼嘅2隻，而且牛油味好香

今日出咗荃灣做嘢，做完嘢諗住同同事一齊食個便飯，佢就提議我哋去呢間位於路德圍既越味皇食越南野！其實我都鍾意食越南菜架，當然啱我胃口一入到黎竟然比間餐廳嘅裝修吸引住！成個天花板都係漁夫帽，牆壁上邊仲有唔少越式嘅擺設，幾有心思！除咗主餐牌之外，佢嘅套餐都幾吸引，價錢仲要幾平添！不過我同朋友最後都決定散叫先來個雞肉串燒，一送到上嚟真係熱到辣嘴！味道亦不錯，雞肉外脆內嫩，有驚喜！蔗蝦彈牙，屬水準之作！越式柚子鮮蝦沙律，值得一讚嘅係佢嘅鮮蝦真係新鮮製造，送來嘅時候仲係熱辣辣！配埋柚子沙律一齊食，感覺新鮮好味。燒牛肉米紙卷，係一道好健康嘅菜式，中和一下食得太多肉類嘅油膩。老闆推介我哋食呢個越味皇番茄蟹頭膏湯檬粉，濃濃嘅蕃茄配合蟹頭膏湯底，非常濃郁惹味，真係冇介紹錯！龍眼冰椰青好大個十分清甜！

是日想食越南野,去開荃灣就記得都有幾間不錯的...睇睇路程再找找食評就揀左呢間「越味皇」啦！位於最出名的路德圍...這個地方一定不會難找吧!!入到去見到餐廳裝修挺有越南風味...因為抬頭看見了很多越南帽子...還有牆上有架單車...挻特別的...想起了那年旅行在越南的日子餐牌上既有的選擇很多...有套餐，但我選了散叫...Order後上菜很快...先來...越式串燒 $88有三串牛肉同三串雞肉 燒完出黎完全唔會乾身...可以說是火喉控制得好！食落好juicy夠香口...最喜歡是沙嗲醬有粒粒花生係入面...令到串燒食落好有口感惹味程度增加了牛肉同雞肉肉質都腍腍的再來個越味皇牛油蒜蓉雞翼 $45碟雞翼未送到過黎已經聞到陣陣既牛油香味...件件雞翼都大大隻...成隻雞翼比薄薄的炸粉包圍住～外層香而且咬落又脆又重牛油蒜蓉味!!雞翼肉質嫰滑...果然是必叫既一樣小食...香口至極！越式燒魚 $88呢個激激激讚已經見到好多人都推介呢一樣野食...坐低店員都加以推薦！還跟我們說醃料豐富！！！但真心說...條魚真係燒得好香同岩岩好～肉汁完全鎖住係條魚到...肉質滑到不得了...而且條魚上面淋左秘制醬汁

今日同朋友去左荃灣行街，心血來潮突然想食越南野，呢間越味皇成日經過，今日終於有機會試下平日黎食，所以冇咩人等位，walk in 都有位有1-4 人套餐，都唔算貴，不過想試其他野食所以散叫店鋪裝潢好有越南特色朋友叫左個頂級生牛肉粉，唔錯我就叫左蕃茄蟹頭糕湯檬粉，雖然唔知咩黎，不過幾有蕃茄味，開胃仲有扎肉同蝦丸仲有開胃柚子鮮蝦沙津，隻蝦幾新鮮大隻不過得兩隻叫左蟹頭膏炒高麗菜，不過唔覺有蟹味同埋太淋，比想像中冇咁好食另外又叫左燒蝦，我最愛既蝦蝦蝦，燒得幾香又新鮮，好食仲有我最愛既蝦餅，有蝦味雞串燒就麻麻地，普通左d飲品有椰汁珍多冰同埋紅豆冰，好飲最後買單每人二百幾，咁多野食都唔算貴，朋友生日所以請埋佢，下次可以再encore

身為老一代的荃灣友一定食過荃昌的小巴黎，那蔥油真令人回味無窮，可惜小巴黎最終遷出荃豐後，只剩下經常傳出衛生問題，老鼠橫行的屯門店，有點可悲。不過最近荃灣終於出見有荃昌小巴黎質素的越南小店，決定就是他。這次堂食前已食過兩次撈檬外賣，均非常有水準。豬扒調味得宜，配料講究，酸鮮脆爽並重。熟牛肉撈檬就配一個茄蓉醬，很有心思。反而餐牌上推介的牛丸最普通。熱飲的咸檸水很奇怪。

今次已經係第2次嚟食，之前路過開食咗餐lunch😋今晚帶個話未食過越南菜嘅朋友嚟試試😎越式串燒(雙併牛肉雞肉)@牛肉串燒一D都唔韌，而且都燒得幾香，最令我驚喜嘅係肉汁仍然保留到而雞肉串燒就燒得香滑，腍身得嚟有咬口頂級手切牛柳碎湯河@褐色湯頭清澈，層次迭出入口清甜、香草氣息隨之湧現，吞下喉頭再是回甘河粉薄而滑，吃至尾段仍未斷，帶少少煙韌可惜的是友人唔食生牛肉，我地叫了係全熟牛，雖甜但稍為硬身，變得有點粗糙下次一定要叫個生牛肉試下越式鳳爪沙律@鳳爪好爽口，混合酸、甜、辣的味道令人非常開胃牛油果軟殼蟹米紙卷@用米紙包裹的外表很吸引脆口得嚟又大隻的軟殼蟹，同清新的牛油果配合度很高食咗咁多食物，飲返杯冰凍嘅椰青，既解膩又涼快

窩夫與蝦子餅一向愛吃泰國菜和越南菜，最近在荃灣發現了一間食客不少的越南菜館。餐廳叫越味皇，天花上掛了很多斗笠，充滿越南風情。不想動腦筋點菜的話，可以選擇優惠套餐。凡惠顧任何飯類或粉類，可半價配各式飲品，蝦子餅的椰子冰只需13元。窩夫的泰國椰靑($30)超香甜，價錢比很多同類型餐廳便宜。越味皇蕃茄蟹頭膏湯檬粉($68)是招牌菜之一，湯底用上大量新鮮蕃茄，帶天然的蕃茄微酸，加上蟹頭膏的鮮味，味道很有層次，值得一試。配料方面，蝦丸和札肉都很有水準。雜錦拼盤($98)有香脆雞翼、蒸粉包、迷你庶蝦和炸春卷，窩夫最喜歡的是迷你庶蝦。越味皇牛油蒜蓉雞翼(4隻$45)是另一道招牌菜，上桌時新鮮熱辣香氣撲鼻，不過稍嫌脆漿過厚，硬了一點。越式燒牛肉串燒(3串$48)有驚喜，火喉控制得非常好，不會燒得太乾，還能保持牛肉的肉汁。越式炸蝦餅($56)新鮮即製，口感彈牙。最後加了一杯越式滴漏咖啡($28)，很好喝呢。

係外國黎住如心既客人, 食左幾日中餐同飲茶後想食下其他野佢地知香港係美食天有堂, 咩菜式都有, 所以今日下午帶佢去試下越南菜!D間越味皇位於路德圍, 位置近如心之餘又近荃灣市中心, 夠晒方便!入面既裝修夠晒越南味, 夠晒越南味道!鳳爪沙律-$45: 近排天氣咁熱, 食返個凍盤做開胃餸就岩晒啦, D個鳳爪沙律微辣, 夠晒爽口, 好開胃生牛肉湯河-$68: 個湯底夠晒香, 唔會死咸多味精, 牛肉又夠滑同嫩口, 好味!燒牛肉串燒-$48: 平時食串燒好怕好乾好硬, 但D個完全冇D個問題, 牛味重之餘, 牛肉又嫩口, 又多肉汁, 超高質素燒蝦串燒-$60: 蝦好爽口彈牙, 一D都唔梅, 蝦又夠大隻, 燒得又香口, 好好味牛油蒜蓉雞翼-$45: 上到枱, 已經聞到牛油蒜蓉味道超香, 炸得好香, 但入面都保留住唔少肉汁椒鹽炸軟殼蟹-$72: 好惹味, 炸得卜卜脆, 好香口, 唔錯椰青-$30: 超青甜, 好大個, 又夠多肉, 咁既質素$30真心唔貴咸檸七: 原罐7UP咁上, 跟粉面半價($13), 抵!總結食物好好, 服務令人感覺舒服, 客人都好滿意! 下次可以再黎食過!

今日同女友行完街喺荃灣搵嘢食，食嘢梗係落去路德圍到搵啦，見到呢一間越南餐廳好似幾好喎，反正好耐冇食過越南野，咁就直接行左入去啦六點幾去到未係太多人，唔洗等，不過七點幾埋單都已經坐滿人，好彩早黎食啲2人套餐都幾抵食，不過怕食唔晒所以最後都係散叫下次要試埋佢嘅生牛肉河食物選擇非常多應有盡有串燒質素非常唔錯越味皇番茄蟹頭糕湯檬粉庶蝦簡直係我最愛餐廳係新派嘅裝修柚子鮮蝦沙律...啲蝦有燒過好香口燒牛肉米紙卷...健康之選

今次同朋友黎左荃灣，咁岩見到呢到有間越式餐廳，令我諗起我以前係中環做嘢嘅時候成日去食越式牛河，所以就同左朋友入嚟試試。咁我就帶咗呢個越式牛河，佢將啲好薄嘅牛肉放係上面，等湯既熱力將佢煮熟，呢個方法煮嘅牛肉覺得好嫩好有口感😋，另外佢有個辣椒，我食嘅方法係先將個辣椒放入口咬一下，之後吐番出黎，咁食成碗麵食落去麵會辣，而且可以自己控制個辣嘅程度。串燒牛肉加雞肉，牛肉，全部岩岩出爐，牛肉唔痴牙，雞肉外脆內嫩。蝦餅椰汁炒飯⭐️我地叫左青檸梳打同埋珍多冰❄️

熱辣辣，都冇胃口食飯，一到夏天，我最喜歡食甜甜酸酸的東西，越南的撈檬粉是我的不二之選，又去openrice睇下有乜好介紹先！網上話這個蕃茄湯係必食的，甘我唯有放棄我個撈檬吧！我叫了個熟牛肉湯檬....個蕃茄湯都可以的，不過個牛肉味道就一般般🤨🤨食落已知奄左好耐，好重粉，同埋都「鞋鞋」地我朋友叫了個生牛肉湯河，一上枱就是熟牛肉了😰😰這個牛油蒜香雞翼又是好評的，個味係不錯，不過個粉漿太厚了😓個燒魚係全晚最好味的食物🤩