越味皇 (已結業)

《越味皇》 #荃灣📍荃灣路德圍12號地舖-🔹越式鳳爪沙律 $45辣度岩岩好 幾爽口 酸酸地幾開胃原本想試柚子鮮蝦沙律🙈但果日無 咁唯有下次再試-🔹牛油果軟殼蟹米紙卷 $62好味 好多紅蘿蔔好多菜😂好大卷 未必一啖食得哂 但係係好味嘅 牛油果同軟殼蟹都幾夾 推薦*-🔹越味牛油蒜蓉雞翼 $45 （四隻）我見好多枱都有嗌呢個雞翼果然 係幾好味 雞翼夠大隻 即炸夠脆 加埋牛油同蒜更加香 呢個值得一試-🔹蜆港香蒜牛油焗青口 $68一放上枱就覺得好香 一下就啪哂🤤呢個制作需時 可能要等耐小小-🔹特式肉碎（豬肉）飯 $44肥肉比較多 如果可以加辣同用返瘦肉就更好-🔹凍越式滴漏咖啡 $20（跟飯減$10）🔹泰國椰青 $30食越南野都係嗌呢兩樣野飲多😂一般都唔會中伏-另外枱面有個QR code Like and share facebook送自家甜品 -平日夜晚黎都幾多人 越南野黎講價錢都算平 有下次😋-

我們兩人安排在門口位置，雖然中午天氣炎熱，但空調都很足夠，食熱湯麵都不至於大汗淋漓。叫了兩碗湯粉，生牛肉湯金邊粉和豬扒湯河。湯底有四種選擇（蕃茄蟹膏湯，牛骨湯，雞骨湯，越式酸辣湯）選了牛骨湯。牛肉金邊粉上枱時，牛肉半生熟，用滾湯灼一灼口感剛口，牛骨湯好甜，配另上的青檸紅辣椒，少酸好清新。至於豬扒湯河，豬扒炸得過了時間，不覺得脆只覺得肉好硬，肉質好實，醃得不夠味道，反而河粉好幼滑，好味。可以$15追加小食。追加了酸辣鳳爪和河內蒸粉包。鳳爪中辣，加了紅蘿蔔和芹菜攪拌降低辣味，入口沒有蓋住蔬菜新鮮感覺。河內蒸粉包，用粉皮包住疏菜，紅蘿蔔，粉絲，粉皮好滑，上枱夠熱值得讚賞。最後加了燒豬扒法包，法包要等的時間比較長，勸告趕時間就不要order法包。食完湯粉小食，再等了15分鐘才上枱。法包烘得內軟外脆，內有蕃茄青瓜豬扒，塗了凱撒醬汁。豬扒都是和湯河的豬扒一樣炸得很硬，不脆口，只覺得硬，失去了很多分數。每個枱角都有QR code， 入fb 讚好有糖水送，椰汁黑糯米，加入了兩三糖龍眼肉，感覺很養生，不太甜。侍應態度很好，女侍應替我落完order很有禮貌説多謝，主動問要不要碗。男侍應不會因為我們掃QR免

門面清晰易睇餐廳有提供不同人數既套餐，望真啲，都幾抵食㗎生牛肉河粉可以講係食得越南野果陣，一樣必點既菜式黎，呢度既生牛肉河都做得幾有質素，真係色香味俱全本身湯底味精唔重，配上左好香既香料香葉係上面，所以整體都好有味道而生牛肉既口感好唔錯，生熟程度自己控制，吸收左湯底既味道之下，真係好唔錯沙嗲雞肉串燒就比較一般，因為比較乾身，所以一定要沾點多d沙嗲醬去食蒜香牛油雞翼又係越南菜中一道好惹味既食物，雞翼炸得好香脆，外層濃濃既蒜香牛油味真係世界級鮮蝦米紙卷，越南特色菜式，味道同口感都好唔錯架，食落口，外層有張力，入面就放滿左配料蔬菜，非常有滿足感呢度既椰青就非常非常有驚喜，因為真係好鮮甜鮮嫩並且個椰青既水份都佔好多，所以唔會話飲幾啖就無，重可以食到好多勁鮮嫩雪白既椰青肉添！

同朋友路經荃灣，我地咁岩都想食越南菜，上網搵餐廳見到依間《越味皇》價錢合理就來試下～位置都算易搵 路德圍附近都有好多餐廳。餐廳佈局簡單舒適、抬頭仲望到一片"帽海"🙈 時間岩岩好，我地可以揀下午茶餐最開心係星期一至日都有，放假來都有優惠😬$36 就有一餸湯粉/飯，又幾抵啵！豬頸肉湯河 $36（另加脆香雞翼、熟牛肉）+$10揀左蕃茄蟹頭膏湯 好香濃入味豬頸肉燒得好爽口 反而雞翼同牛肉就一般，不太特別。河粉份量頗多，食完都飽左8成😅雞絲扎肉清雞湯河 $36朋友點的扎肉湯河，較為清淡，河粉口感爽滑，竟然變左做主角😅😅牛油果軟殼蟹米紙卷 $62最近愛吃的水果之一 牛油果好適合配搭不同菜式，中西日韓越法⋯效果都好好添見到越南特色菜米紙卷都有牛油果，當然即刻試下啦～香滑既牛油果、加上炸得爽脆既軟殼蟹， 想像到都好吸引仲配埋青瓜、蘿蔔絲等同吃，爽口又軟滑，真係絕配椰青 $20 龍眼茶 $6下午茶餐配飲品 抵飲好多～夏天點少得飲椰青呢 清甜清暑龍眼茶～真材實料 小小一杯都有8、9粒龍眼肉味道甜甜的、安神補氣岩哂😄

一向以來我對越南美食，都情有獨鍾，可能是因為青年時期吃過越南美食。今晚専程來到荃灣，就是一嘗又平又美味的越南美食。這裡裝修簡約，裝位都算舒服，天花板仲有越南帽做裝飾。越式串燒(雙拼牛肉/雞肉各三串)$88，牛肉和雞肉都保持到肉汁，加上自家特製的沙爹醬，沙爹醬內的香濃花生粒令肉質鮮甜。香燒迷你蔗蝦$36，蝦膠配合蔗汁，果然是甜上加甜，絕對係越南名物。越式燒魚$88，表面的辣椒和香茅，令到魚肉更香甜，而魚肚藏著大量香茅，帶出魚的鮮味，想不到這條䱽魚咁好味。越式炸蝦餅$56，蝦餅味道鮮甜，配合泰式辣醬就更好味。越味皇頂級生牛肉湯河$68，牛骨湯底味道香濃，本來沒有想吃，不過好多人叫，加上侍應捧著牛肉河行過都嗅到香味，所以明知有點飽，都點了一個。這個牛肉湯河超多牛肉，熱湯淥熟的牛肉，非常嫩滑，不過份量都幾多，一個人吃，肯定好飽。如果加點青檸和指天椒就更加好味。益力多沙冰跟餐$22，夏天飲益力多已經好味，加埋沙冰，就暑氣全消。青檸梳打跟餐$13，不會太酸，味道清新，好配合越南美食。兩個人吃到好飽都唔駛$400，果然超低食👍

最近轉咗新公司喺荃灣區，今日新同事帶咗我去食午餐，話呢間越式餐廳幾抵食，睇完餐牌一陣就揀咗呢碗， 睇相覺得幾特別，仲可自由配搭要咩餸同配咩粉或飯我呢個係生牛肉配撈檬粉，湯底就選了吸引到我嘅蟹頭膏，一上枱就聞到好香番茄味，面上有香葉碎，湯好鮮甜帶一點點微酸，仲見入面有好多蟹肉，越食越開胃，牛肉都幾嫩牛味適中，個湯檬好正，粗幼剛好吸湯力好高，咬落去有少少爽彈，跟餐會有嘢飲，成個配合好好味，加上出面都少呢款，會再來想試埋個酸辣湯。

又一晚，相約朋友開餐吹水。西餐食得多，火鍋又太燥，朋友就建議食越南嘢。揀了這間越式餐廳。餐廳full 咗，有人排隊等位，好彩我哋嚟得唔算晏，等了一陣已有位。餐廳裝修唔錯架，頭頂有好多越南特色藤帽，我之前去越南旅行時都買咗一個番嚟留念。牆身仲掛咗部單車，好有田園風味。天氣炎熱，坐低便忍唔住叫了椰青來解解渴，椰青的size很大，飲後透心涼。跟住睇下餐牌有咩好食。種類好多喎，除咗散叫，套餐都有。諗諗下，都係食散叫，叫完一樣食一樣。食越南嘢當然要食小食，所以先食一個越式雜錦拼盤 ($98)，裡面有蔗蝦、春卷、蒸粉包和雞翼，每款兩件，兩人分每人一件啱啱好。當中，春卷腍咗。粉包都OK，點埋魚露、甜酸汁，就夠味。跟著，叫了咖喱雞扒煲配蒜蓉包，咖喱偏鹹少少，蒜蓉包脆，用來配咖喱十分之夾。最盞鬼係D蒜蓉包係用咗個鴨仔藤籃仔來載住，又可以影相呃like了。然後再叫咗個越式燒魚 ($88)，用大大條鎗昌來燒，燒到香噴噴。食落魚肉夠質感，唔老。最後食埋越南最出名的河粉。我叫了厚切扎肉湯河 ($45)，雞湯底美味濃郁，河粉幼滑，扎肉味道較淡，配上湯底剛剛好。傾計傾到口水乾，再來一個椰和薏米水。食咁多、飲咁多都唔

住喺荃灣，不過喺觀塘返工嘅我，日日舟車勞頓，怨天怨地問「點解我會住喺荃灣」不過好多時候當同事知道我住喺荃灣，佢哋就會心心眼輔以好羨慕嘅眼光講咗句：「你就好啦！荃灣好多好嘢食！」的確！無疑，荃灣真係好多好嘢食星期一，大家都未有返工嘅心情，屋企又冇人煮飯，隨便去咗路德圍一間越南餐廳諗住食個便飯就返屋企休息。七點半左右到達餐廳，大約坐滿八成食客；望吓餐牌，價錢其實幾實惠而且佢仲有二人及四人套餐，食物分量多，但係價錢經濟實惠炎炎夏日，其實真係唔係好想食嘢，不過沙律打開我嘅味蕾牙車快沙律 $42入面混咗青瓜絲，蘿蔔絲，椰菜絲仲有啲雞肉絲，不過略嫌辣多過酸，媽媽唔係好食得辣，所以呢個沙律比較適合鍾意食辛嘅人嚟開胃份量都唔細越式燒牛肉米紙卷 $52香料味好重，香葉捲埋入個卷到。牛肉燒得唔dry,依然肉汁豐富唔難咬有啲粉絲，生菜，甘筍等等，唔同嘅口感，散發出唔同嘅清新味越式生牛肉湯河 $68湯河唔細碗，如果想食其他小食的話，叫一碗粉兩個人分享都夠食牛肉份量都唔少，薄切嘅牛肉拌以海量嘅洋蔥絲一齊食，一爽一軟腍，口感極佳！湯底好濃郁，唔覺有味精，食完唔口渴牛油果沙冰 $22真係好鍾意牛油果呢款超級食物呢杯

久不久朋友們會找到一些抵吃又好味的地方約一起去吃，今次是期待己久的越南菜，因為已經有好幾個月沒有吃過了但估不到埋單原來非常便宜，所以怎可不介紹喔沙律份量很大，不過我自己略嫌汁酸但其他朋友都說味道可以，而且很開胃酥炸軟殻蟹雖然香口，但鹽花似乎重手了餐牌中竪起三隻姆指的蒜香雞翼又怎能不吃這份越式燒魚非常入味，而且很香口所以很快就被吃光光了越南滴漏咖啡一放到我面前便已經陣陣咖啡味，喜歡咖啡的朋友這個相信要試一試

下午時間來到荃灣，完成了工作當然要去吃個下午茶！上次在這裏吃過他們的牛油蒜蓉雞翼，非常好吃，今天專程來到這裏吃湯河。餐廳的環境佈置得很美，猶如置身越南當地的感覺！掛在牆上的越南單車，更帶點文青氣息。下午茶的餐牌非常抵食！我點了個番茄蟹頭膏湯飯，再加$20配兩串牛串燒。牛串燒先上桌，牛肉燒得非常香，而且質感軟腍，店員說是落重本用牛柳的，唔怪得咁好食！個沙嗲醬都是秘製的，加入了椰奶，非常香濃！番茄蟹頭膏湯內有很多蟹肉，湯頭鮮味十足，蕃茄味酸味味，夏天吃非常清新又開胃！一試愛上！

荃灣路德圍有勁多間餐廳，要揀食咩都要花少少時間諗一諗！花了一點時間openrice查看，最後決定來到這間主打越菜的餐廳！餐廳裝修都幾有心思，天花掛滿越南帽，俾人身在越南嘅感覺！而且俾人身在越南嘅感覺!而且牆壁上用上多種色彩，非常繽紛奪目。我點了個餐廳的招牌炒飯，炒飯以金字塔嘅賣相上場，非常特別。味道係意想不到的好！炒飯同平日吃到的完全不同，係充滿蟹嘅鮮味，原來加入了蟹頭膏來煮，真係鮮味十足！另外伴上了肉鬆，還有魷魚，一啖食晒幾樣野，成個配搭都好好味，係我從未食過的！而旁邊兩隻大蝦，都好新鮮彈牙，呢個炒飯真係有95分！另外我哋仲叫咗個牛油果軟殼蟹卷，軟殼蟹炸至香脆，牛油果肉都幾多，好足料！非常好食！一定會推介朋友再來！

今日經開荃灣做嘢，工作完跟同事搵食醫肚，路德圍都幾多餐廳，但夏天鍾情食越菜，清新又開胃剛好下午茶有套餐，叫咗個生牛肉配番茄蟹頭膏湯底，而仲可以揀配河粉，撈檬及飯等湯底好香濃飲落好鮮甜，番茄味好香仲有蟹膏嘅鮮味，湯入面仲有好多蟹肉㗎，生牛肉生熟剛好又夠牛味，肉質幾嫩腍，個湯配飯食好清新，酸咪咪好開胃加$20仲可叫2串燒牛肉，呢個真係正，燒得惹味，而牛肉仲用牛柳好夠牛味又夠腍身，個沙嗲汁都調得好正跟餐會有餐飲一杯送，熱檸蜜好清潤～

荃灣區人口眾多，自然食肆都很多。偶然之下今天和家人到<路德圍>的<越味皇>品嚐越南菜，想不到有意外驚喜。和傳統美食大街<荃興徑>只有一街之隔，坐港鐵的話在A1出口步行五分鐘左右就到，非常方便。店內都是一貫越式餐廳的裝修，選用了越南斗笠作裝飾掛在天花上，可見用心。<越式椒鹽炸軟殼蟹>來到的時候還被嚇一跳，怎麼會像外星怪物囉。但細心一看，原來是整隻軟殼蟹左右的一開二分開去炸炸好的軟殼蟹體積也不算小，外層炸得很鬆化但又不會整隻乾爭爭。雖然說是椒鹽但味道不會過鹹。是<為食小肥兔>近期吃過最滿意的軟殼蟹之一。<越味皇牛油蒜蓉雞翼>滿滿的炸蒜粒鋪在面頭，未食已經心心眼。咬落外脆內柔，香濃嘅牛油味簡直令人欲罷不能。<自由配搭越式湯粉>十種餸可自由配搭四種粉麵及四種湯底，價錢可低至$45，超值而且多花款。<番茄蟹頭膏湯檬粉+脆香雞翼，豬頸肉>心大心細下最終決定叫雞翼和豬頸肉。餸料分開另上，不會浸到淋曬，很是貼心。❤❤❤雞翼和豬頸肉都燒得夠乾爽，味道亦適中，滿意滿意。<

想知道一間越式餐廳到底值唔值到試一定要試以下幾款越味皇蝦頭膏檬粉 $52第一眼望落去以為會好咸好重口味但食落去完全比到驚喜竟然岩岩好唔會好咸但又帶到蝦膏味出嚟蝦都有4隻算足料 口感彈牙新鮮 檬粉煮得剛好唔淋越式炸軟殼蟹 $88每次去餐廳食飯都先留意小食或主菜有冇做軟殼蟹,因為我係極度中意食今次亦唔例外啦 菜一上已經好香好撲鼻 但絕對唔係油淋淋個種味道見到佢炸得好鬆脆唔會好多粉,多粉一定係炸物大忌食落去啖啖肉真係唔係好油而且份量亦好多 呢個價錢($88)絕對係物超所值牛油蒜香雞翼 (4隻) $40雞翼都頗大隻的 所以$10隻是可以接受!蒜香味十足 濃郁的牛油味跟越式炸軟殼蟹相比之下油膩了一點就這個越式炸軟殼蟹 就足以令你食過返尋味!

位於荃灣路德圍，門口可以泊車。雖不是商業重心區，但尚算方便。餐廳樓面裝修新淨企理，卡座舒適。隨意點了幾款美食，價格合理，質素滿意。咖哩牛腩 咖哩牛腩配蒜蓉飽，經典食法；蒜蓉飽的塗得滿滿的蒜蓉及香草牛油，單食都停不了。配咖哩汁更是一絕。牛腩牛筋炆得夠腍滑，咖哩汁香而不辣，適合不好辣的朋友。蟹頭膏炒高麗菜 $52這道菜特式是要保留高麗菜的脆爽及高麗菜的原味，不習慣的朋友，可能會覺得有點生；要是喜歡近廣東口味，可要預先跟廚房說一聲，餐廳是會提供熟透的，以配合客人需要。雜錦拼盤 $98拼盤大雜會，內包四款小食。香脆雞翼，稍嫌外皮不夠香脆。炸春卷，以黑椒味為主調，味道稍辣。迷你庶蝦，夠彈牙。蒸粉包，配萬用酸汁，味道尚可。燒牛肉濱海 $45濱海 - 越南特式食品，米粉做成餅狀配蔥花香蒜；米粉餅軟滑，配泰式酸汁很惹味，牛肉是串燒的，烤好後拆掉竹籤上碟，牛肉不韌，味道不錯。越式牛油果沙冰 $32這個很特別，還是頭一次遇到用牛油果打沙冰。它用上練奶及花奶一拼調制，所以飲起來帶點甜味，口感厚滑，還有點牛油果香味。益力多沙冰 $32益力多沙冰則是經典沙冰，味道配合預期，甜甜酸酸透心涼，益力多的魔力始終沒法擋