越味皇 (已結業)

今日經過路德圍，見到呢間越味皇排曬長龍， 出於好奇，我都喺門口睇下有乜好嘢食！menu選擇很多，主要係食越南檬粉及小食，而且價錢都好大眾化，結果我哋都排埋一份 ！裏面地方都算大，雖然要等位，但係都唔算得得太耐！先來兩杯消暑特飲，凍薄荷葉青檸梳打，入口真係透心涼，薄荷葉及青檸真係好醒晨！椰汁紅豆冰，紅豆冰不算太甜，有些少椰汁味 紅豆夠大粒！串燒拼盤，有牛柳粒，串燒雞肉配上特製沙爹汁，不算太辣，但有泰國香草嘅味道，牛柳 一啲都唔老，入口肉汁豐富！牛骨清湯檬粉配熟牛肉，湯底夠清甜， 熟牛肉好滑好新鮮，爽口嘅檬粉真係好好味！牛油蒜蓉雞翼，蒜蓉味很香，牛油滲透入雞翼内，令雞翼更加嫩滑！越式串燒大蝦，外皮燒得很乾身，蝦肉夠新鮮入口彈牙！呢間越式小店，人山人海總有原因，選擇多而且價錢亦大眾化！