越南米紙 (已結業)

原來唔洗去Vietnam 都可以食越南野。安基商場細細，估唔到都有美食。門口睇到menu, 都幾吸引。夜晚有唔少SET提供!兩個人dinner, 叫左香葉米紙卷$35米紙煙煙韌韌，薄薄的一層包著酸酸味味的沙律菜，有青瓜，紅羅白絲等等，大大份，不過酸味可以少返dd, 咁就食到米紙的味道呢。同西貢越式牛肉火鍋$78將配料放係個架到，有牛肉，蔬菜，手打雙丸，芝士球，粟米，烏冬。食晒成個set 非常飽，而且配料都新鮮。越南風味的牛肉果然口感十足，肥瘦比例唔錯。火鍋湯底係越南風味，咸咸地。加埋野飲夠晒飽~埋單除返開兩人都係百幾蚊,算係幾抵食!

呢頭好似冇乜唔係連鎖嘅餐廳，見到呢間懷疑緊佢係咪連鎖店🙄因爲裝修幾新潮，肚餓喇，同細佬黎食下午茶。細佬叫咗個牛車水河粉、我叫左個茶餐米紙卷配提子吉士酥配飲品。見到啲餐牌同埋poster先見到原來星期一至五飲品六折，同埋影相Tag番佢哋Instagram仲要佢哋揀過先有得送嘢食既活動🙄。細佬嗰個河粉來到啦😅邊個賣相咁成這碗牛雜粉咁，先天不足用leica影都唔會靚啦😂真係冇講錯，河粉係普通麵檔河粉，牛肉得兩片、牛丸，好求其個賣相⋯⋯湯底係普通腩汁仲要冇味嘅，冇落鹽。唯有自己加魚露但得個酸⋯⋯到個米紙卷係幾好食清清地都幾大卷，有菜同蝦。個吉士提子酥呢其實同佢就唔多襯嘅，不過呢都幾有誠意幫我煎返熱。但我一反轉個提子酥就見到佢煎燶左😅熱食幾好味不過因爲翻熱所以就唔脆喇🙄埋單唔使100

家住安基苑附近，知道安基苑商場入面開左間新的越南餐廳，就決定今日黎食下佢個lunch 啦。Lunch menu 都有不少選擇，我今日同呀媽兩個人黎食，我叫左個火車頭湯河。火車頭顧名思義即係乜都有，生牛肉、雞絲、扎肉、豬肉丸、墨丸等等、每樣有啲，知湯底尚算清甜，較失望的是生牛肉，是兩小塊很肥的肥牛咁，浸熟左之後變左好似得返啲肥膏呀媽叫的香茅豬扒飯，個飯加左椰香，薑蔥亦很惹味但個豬扒亦都太肥，瘦果啲又好「鞋」，又唔夠熱，唔似岩岩煮好咁，有啲失望

今晚屋企無煮飯,放工搵左同事一齊食, 同事話係牛頭角安基苑開左間新餐廳 - 越南米紙,地點其實係九龍灣, 係九龍灣站A出口最方便, 餐廳原來係屋苑商場地下,店子唔係大, 但裝修好現代好新派, 不論地板及天花都好細緻。我和同事坐在二人位, 侍應好快給我們清水, 好驚喜要枱面見到有WIFI提供,而且接收WIFI都好強~餐牌有晚餐及散點, 晚餐價錢唔算貴亦包飲品, 飲品可以選特飲, 只要加回價錢牌6折。我和同事就各叫了一個晚餐再SHARE :1) 越式生牛肉湯粉配安南炸春卷2件 + 越式三色冰  ($73 + $18)2) 香茅豬扒撈檬配安南炸春卷2件 + 青檸梳打 ($73 + $14)越式生牛肉湯粉上枱時見到帶少紅的牛肉, 一定要趁有少少生食, 牛肉好嫩, 大約有6-7件, 湯河湯底唔鹹,   河粉亦不錯 !香茅豬扒撈檬撈汁帶有少微辣, 好惹味 ! 香茅豬扒剪得細細件, 估計應該有2件大豬扒,豬扒炸得好香, 有香茅味。碗內充滿好多紅蘿蔔絲, 青瓜絲, 每一啖食到檬粉之餘又可以有蘿蔔絲青瓜絲。安南炸春卷網狀形的春卷皮, 網狀春卷皮炸得好有技巧, 好鬆脆。春卷直徑有5蚊咁大, 性價好高 !越

牛頭角安基苑商場最近進行了裝修，裝修後有幾間新餐廳進駐，其中這間新開張的餐廳叫做“米紙",是越南食品，餐廳面積不是太大，但尚算舒適， 筷子筒上貼了免費wi-fi是很貼心服務 ， 至於食物方面，我們叫了幾樣東西，分別是香茅豬扒湯河、炸蝦餅撈檬以及蒸粉皮。香芧豬扒湯河湯底濃郁，炸蝦餅撈檬爽滑不錯，蝦餅勝在不是太多粉，但沒有想像中咁脆, 蒸粉餅口感不錯，只是夾上來容易散出肉碎， 整體品味道尚佳，印象良好。還有一件事，就是小朋友不小心倒瀉了一杯凍檸茶，令他們要做多些嘢， 我覺得不好意思，他們沒有出現什麼不耐煩嘅表情，這是令我印象深刻的， 這點使我要為他們的服務加分吧!

這天是不用上班的日子，睡醒後家人都不在家，便自己落街吃飯，在淘大尋找東西食時，看見這裡有一間新開的越式餐廳，便決定入去試一試，店鋪雖小，但店內是座滿人客，而店內環境清潔衛生，傳菜的員工都會穿戴手套，給我一種很乾淨衛生的感覺泰妃雞飯($52)雞的份量足夠多，非常嫩滑細密，配上酸甜醬，味道酸中帶點鮮甜，令人十分開胃，加上正宗的油飯，價錢非常合理和牛竹炭漢堡配薯角野菜沙律($72)非常香軟鬆綿的和牛，牛肉的質素十分高，竹炭漢堡非常鬆軟綿密，配上濃郁的芝士，嫩滑細密的雞蛋，炸薯角軟彈煙韌，加上清淡的沙律，十分豐富的一餐越式芝士流心炸蝦餅($25)用新鮮的蝦打成的蝦肉，接著加入濃郁的芝士，再搓成蝦餅，給我一種十分新鮮的感覺，厚身的蝦餅十分爽彈鮮美凍忌廉曲奇朱古力($19)這杯飲料份量非常多，濃郁的朱古力味，清新淡雅的忌廉，加上一塊夾心的曲奇朱古力浸在這些朱古力飲料𥚃面，更加鬆軟綿密整體來說，食物的份量非常多，食物的質素非常高，食物是即叫即製，所以食物來到的時候還是很熱，價錢相對非常合理，店員有良好的服務態度和有禮貌，所以我認為這間餐廳值得再去惠顧

開左都有一段時間，星期六/日，下午餐時段，總有人等位，見今日晏左少少，唔洗等位，就即管一試餐廳裝修幾特別，雖然地方唔大，但唔會坐得好逼細碗份量岩岩好，牛肉肥瘦適中，湯底有牛肉味，好甜，除左蘿蔔有渣之外，整體都唔錯撈檬超大碗，豬扒都淋身，份量都好多，酸酸甜甜夏天食好醒胃都係鐘意泰式鳳爪多啲，感覺鳳爪係用撈檬個汁去浸，酸酸甜甜，無辣味環境食物都唔差既，價錢都合理，份量都比想像中大份，下次都會試埋其他野

今日約咗老友記到牛頭角買手工藝材料，怎料11點鐘仲未開門營業，只好先吃午餐後才購物，我推薦到就近安基商場的越南米紙吃湯河，因為早兩星期前吃過晚餐覺得不錯，朋友也一口答應。朋友的越式生牛肉湯河，有很多半肥瘦鮮牛肉，真係唔合我心意，但原來朋友愛吃半肥瘦，我取笑她：「正一冤豬頭都有盟鼻菩薩」。我的越式火車頭河粉很足料，醃好味道的雞絲肉質夠腍滑，兩大片爽口牛展，令口腔充滿鹵水香和肉鮮，還有彈牙魚旦、豬肉丸和越南特色札肉，我的鮮牛牛是「肌肉型」，太好了！我朋友講笑，大廚很犀利，對顧客要求半肥廋鮮牛牛、廋鮮牛牛喜好都料如指掌！加$15的安南炸春卷熱騰騰，夠上火！好香脆！伴酸蘿蔔絲又醒胃唔怕油膩！正價的青檸梳打$24，現轉餐飲有六折$14。如果唔好飲，免費都不要，不過，有氣的青檸梳打的確好好飲，甜酸味道不會太搶，配合有氣梳打水又得宜！

今日同朋友去九龍灣搵嘢食，我哋行到去淘大商場附近，去咗對面嘅安基商場，見到有間新開嘅越南嘢，就去試一試。 入邊人數唔係好多，裝修都幾靚，同坐得幾舒服，我哋叫咗個生菜包香料新鮮豬肉碎，越式生牛肉湯河粉加安南炸春捲餐，另外叫咗一個椰青同薄荷葉青檸梳打。 等咗五分鐘，椰青同薄荷葉青檸梳打首先送上，個椰青好大個入邊啲肉都幾新鮮，而個薄荷葉青檸梳打，薄荷味好濃同個杯設計幾得意。 之後春捲同湯河都送上，啲生牛肉好嫩好滑，同個湯底好濃，啲河粉好有味唔需要落好多配料，啲河粉質地都好好食。個春捲畀我哋想像中大舊，個皮炸得好脆，味道不錯。 之後到生菜包香料新鮮豬肉碎，佢個碟都幾得意，啲肉份量都唔少，啲肉碎肥瘦適中，辣味亦啱啱好唔會太辣，再加上啲少少甜嘅蘿蔔絲，包落個生菜度，味道好豐富。

最近發現一間越南餐廳，今晚晚餐就試試新野。餐牌也挺有心思的，首先學了晚安的越南話。朱喚安😂😂煙三文魚青木瓜沙律煙三文魚，青木瓜，蘿蔔絲，生菜等，配上酸甜沙律汁，很開胃。越式咖喱牛腩煲配蒜蓉法包咖喱汁不算辣，甜甜的，適合吃不了辣的朋友仔，牛腩炆得很腍，而且肥瘦均勻。蒜蓉法包熱辣辣，十分香脆。石榴子冰。椰汁沙冰恕我見識少，第一次聽石榴子，原來是綠色的煙煙韌韌，幾有咬感！兩杯飲品都是椰汁底，椰子味十分濃厚！

睇完戲之後肚餓,行行下俾我同朋友發現到原來淘大附近新開左間越南餐廳,諗都唔使諗就入左去試下。 越式生牛肉湯河有兩個size可以揀,我地就揀左大嘅。生牛肉質地嫩滑,湯底夠清河粉份量亦好多。越式綜合越南麵包係法菜同越南菜嘅結合,脆卜卜嘅法包裏面包住酸蘿蔔,青瓜,扎肉同豬肉,口感清新。越式三寶飯有齊香茅豬扒,香茅雞翼同扎肉再配上越式油飯,好惹味。順化香茅豬扒撈檬嘅香茅豬扒同檬粉份量 十足食極都仲有,配上越式酸辣汁,好清爽,不過檬粉有點兒太碎。珍多冰名副其實真係冰同一般飲開嘅吾同 ,吾係用冰粒而係真係用椰奶榨成碎冰,再配上珍多冰同紅豆,口感十足,值得一讚。

兩口子的工作越來越忙，但一定唔會忘記相約食飯見面的時間。知道佢呢晚要快食完，然後回公司繼續工作，所以响佢公司同區的地方找到呢間越式餐廳醫吓肚。餐廳的主菜單設計到好似一本速讀的雜誌咁，感覺很美觀。然而覺得 晚餐餐牌 比較抵食，所以點了兩個 Dinner Set。而另一個我認為選擇 Dinner Set 的食因，就係轉特飲只是正價的6 折，所以我就選咗杯 青檸梳打，而佢就加 $3 轉凍檸茶，飲落涼浸浸又清新。 順化香茅豬扒撈檬 及 安南炸春卷呢碗撈檬就咁睇落個碗口唔係好大，但 d 檬粉都唔少吓，食落都好爽口~豬扒肉係容易咬開，最吸引我的就係那兩條春卷，外皮薄得來脆卜卜，咬落去入面的料係爆出來咁，所以胃口細 d 的真係會食唔哂~西貢法式芝士火鍋個鍋一上枱未開火經已聞到陣陣的芝士香，而盛載配菜的容器都好特別，是用一個木架 long 住一片片的牛肉，其他的材料例如粟米、烏冬、菇、丸... 等等都在牛肉的下面。將所有材料放入鍋十下十下，牛肉味道很香很鮮嫩，丸類亦都很彈牙，而其他配料索咗不少芝士味，食落是滑滑的。

最近樓下商場新開咗一間越南餐廳，一直躍躍欲試，某日趁朝早有時間，就落咗去試下。呢間餐廳舖位唔大，座位也不多，不過由於時間尚早，唔駛等就有位了。坐正喺窗邊，碰巧天氣都唔錯，難得可以曬住太陽食早餐都幾有feel～早餐有得揀麵包、米紙卷、越南河粉等等，我比較想食三文治類，就揀咗個綜合越南麵包。綜合越南麵包佢係法包入面夾咗扎肉、肉碎、菜絲等材料，即係越式風味嘅三文治～同埋有我好鍾意食嗰啲酸酸甜甜嘅蘿蔔絲，爽口又開胃。呢個包望落唔係好多，但食落都幾飽，對我嚟講做早餐剛剛好，加多杯咖啡慢慢嘆，望下窗外面啲木棉仲飄緊，過返一個休閒上午。之前見夜晚都幾多人排隊，下次再落嚟試下晚餐～

中午去郵局寄嘢，順便食個午飯，見到郵局對面新開咗一間越南菜，入面都幾旺，就排隊入去試一試。一個人比較易等位，等咗一陣就有位。佢地午餐有越式湯河、檬粉、飯等等，我就叫咗個生牛肉河；而飲品可以升級做特飲，特飲款式好多，有沙冰、花茶等，啲飲品名幾趣緻，最後我揀咗「青黃不接」，即係青瓜+菠蘿沙冰。生牛肉河：湯幾夠濃，牛肉都幾有牛味，加上香草，加添了一點層次，食起上嚟帶點清新。「青黃不接」沙冰：青瓜的清新加上菠蘿的甜味，味道爽口，不會只有甜味，而且用青瓜做沙冰感覺幾健康。店舖座位不多，但勝在夠光猛，都幾舒服，下次趁下午茶少人啲嘅時候再嚟坐下飲杯嘢都好似唔錯！

新開張一個星期多，該商場唯一一間越南菜，進內一試。枱面沒有準備好餐牌及餐具。點了一碗越式粉及和牛竹炭漢堡。粉面湯底濃厚很好。重點和牛漢堡一上枱已覺不妥，揭開最頂的面包竟然只得蕃茄片和芝士。詢問一位束馬尾阿姐侍應，她看了也不知少了甚麼，叫她拿餐牌一看，她才發現少了和牛，等了很久才另外端上，漢堡包和薯塊也變濕軟了。食物未預備好便送出給客人，求其不認真，侍應沒有歉意還解釋是因為新開張。每款食物的材料配搭是你們餐廳訂的，而不是客人自選而增加了難度，一個漢堡只有三樣饀料也可遺漏和牛，講得過去嗎？我接受新開張食物制作需時，但不接受不認真制作及侍應對客人差劣的應對技巧。是次用膳給我整體的感覺是餐廳多方面的不認真，誰人都可以開一間越南餐廳。