越南米紙 (已結業)

呢頭好似冇乜唔係連鎖嘅餐廳，見到呢間懷疑緊佢係咪連鎖店🙄因爲裝修幾新潮，肚餓喇，同細佬黎食下午茶。細佬叫咗個牛車水河粉、我叫左個茶餐米紙卷配提子吉士酥配飲品。見到啲餐牌同埋poster先見到原來星期一至五飲品六折，同埋影相Tag番佢哋Instagram仲要佢哋揀過先有得送嘢食既活動🙄。細佬嗰個河粉來到啦😅邊個賣相咁成這碗牛雜粉咁，先天不足用leica影都唔會靚啦😂真係冇講錯，河粉係普通麵檔河粉，牛肉得兩片、牛丸，好求其個賣相⋯⋯湯底係普通腩汁仲要冇味嘅，冇落鹽。唯有自己加魚露但得個酸⋯⋯到個米紙卷係幾好食清清地都幾大卷，有菜同蝦。個吉士提子酥呢其實同佢就唔多襯嘅，不過呢都幾有誠意幫我煎返熱。但我一反轉個提子酥就見到佢煎燶左😅熱食幾好味不過因爲翻熱所以就唔脆喇🙄埋單唔使100