越南米紙 (已結業)

今日約咗老友記到牛頭角買手工藝材料，怎料11點鐘仲未開門營業，只好先吃午餐後才購物，我推薦到就近安基商場的越南米紙吃湯河，因為早兩星期前吃過晚餐覺得不錯，朋友也一口答應。朋友的越式生牛肉湯河，有很多半肥瘦鮮牛肉，真係唔合我心意，但原來朋友愛吃半肥瘦，我取笑她：「正一冤豬頭都有盟鼻菩薩」。我的越式火車頭河粉很足料，醃好味道的雞絲肉質夠腍滑，兩大片爽口牛展，令口腔充滿鹵水香和肉鮮，還有彈牙魚旦、豬肉丸和越南特色札肉，我的鮮牛牛是「肌肉型」，太好了！我朋友講笑，大廚很犀利，對顧客要求半肥廋鮮牛牛、廋鮮牛牛喜好都料如指掌！加$15的安南炸春卷熱騰騰，夠上火！好香脆！伴酸蘿蔔絲又醒胃唔怕油膩！正價的青檸梳打$24，現轉餐飲有六折$14。如果唔好飲，免費都不要，不過，有氣的青檸梳打的確好好飲，甜酸味道不會太搶，配合有氣梳打水又得宜！